Пятница, марта 29, 2024
Важное

Мордовиясо ниле чинь перть мольсь «Удивительный мир тишины финно-угорской культуры» а марицятнень раськеютконь фестивалесь. Саранскоев пурнавкшность Башкириясто, Удмуртиясто, Чувашиясто, Татарстансто, Пензасто, Рязаньстэ, Туласто, Челябинскойстэ, Кургансто, Кировсто ды Россиянь ламо лия ошсто инжетне-участниктне. 
Омбо масторонь делегаттнэ фестивалентень вейсэндявкшность онлайн-лувсо. Те покш мероприятиясонть волонтертнэде башка, конатне тонавтозельть сурсо кортамонтень, важодсть С.Д. Эрьзя лемсэ изобразительной искусствань музейсэ важодицятне. Сынь весемесэ лездасть беряньстэ марицятненень.

Мейсэ кадови ледстневицякс инжетнень туртов Мордовиясь?
Фестивалень васенце чистэнть инжетне содавтовсть ошонть марто. Якасть ульцятнева, содавтызь «Мордовия-Арена» стадиононть, мельспаросо кадовсть Эрзя-мокшонь культурань музеенть ванномадо мейле, косо эсест сельмсэ неизь, кода кезэрень шкатнестэ эрясть минек раськетне. Теке жо чистэнть ютавтозель «Ояксчинь чокшне», конасонть инжетне ёвтнесть эсь тиринь ёнкстост.

Омбоце чистэнть весень учось мельстуиця мероприятия Кочкуровань райононь Вирь Тавла велесэ. Пициця чинть ало, весе, кинь ульнесь мелезэ, невтизь ёрокчист «Тюштянь налксематнесэ». Чувтонь стака оскань ёртнемасо, налтсо леднемасо, чочконь кепсемасо ояксчинь пелькстамось ливтинзе лангс сехте ёроковтнень ды виевтнень.

Пелькстамотнеде мейле весе каванявсть пряка марто тантей чайде.
Инжетне истя жо содавтовсть С. Д. Эрьзя лемсэ музеенть марто. Тосонь важодицятне – Мария Чернышёва ды Роман Танасейчук
– ветнизь инжетнень залтнэва ды ёвтнесть скульпторонть Степан Эрьзянь ды артыцянть Федот Сычковонь эрямодост ды шкинемадост.
Фестивалень прявт событиякс, нама, ульнесь покш концертэсь, конасонть невтизь ёрокчист эрьва кодамо регионсто сазетне. Национальной театрань сценанть лангсо сурсо невтнезь морасть морот ды ёвтнесть стихть, ульнесть ламо киштемат ды раськень оршамопелень невтемат.

Меельце чистэнть инжетне саезельть экскурсияв Рузаевкань райононь Пайгарма велесэ аштиця Параскево-Вознесенской авань монастырев. Нама, тосояк весемесь тусь мелезэст.
 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».