Течи, ожоковонь 22-це чистэ, 95 иень юбилеензэ тешксты Дмитрий Васильевич Цыганкин.
Сонзэ содасызь весе. Ине Отечественной войнань участник, эрзянь содавикс учёной, филологиянь наукань доктор, профессор, МАССР-нь школань заслуженной учитель, Россиянь ды МАССР-нь наукань заслуженной деятель, наукасо ды техникасо МР-нь Государственной премиянь лауреат, МР-нь Прявтонь премиянь лауреат.
Д.В. Цыганкинэнь эрямонь ды творчествань покш кидензэ сёрмадовкс минек газетасо лиснесь те иень панжиковсто. Течи, чачома чинзэ каршо, ули меленек максомс Алина Подгорновань «Апак лотксе чуди пингень леесь…» очеркстэ саевксэнть. Тесэ Дмитрий Васильевичте ёвтни сонзэ икелень студентэсь, ней – Н.П. Огарёв лемсэ МГУ-нь филологиянь факультетэнь эрзянь-мокшонь кельтнень кафедрань прявтось, филологиянь наукань кандидатось, доцентэсь Иван Николаевич Рябов:
«Васенце курссо Дмитрий Васильевичень а содылия. Содылинь, нама: ули истямо профессор, ансяк сон минек оштё эзь тонавтокшно. Омбоце курсонть прядомадо мейле пурнынек диалектологиянь практикас. Мон ульнинь группань старостакс. Туемадо икеле сон тердимизь Юрий Григорьевич Антонов марто ды мерсь, мольтяно Орданьбуень Луньга велев. Кафедрасо ульнесть минсенек палатканок, ведранок, пиланок, вирьсэ эрямга эрьва кодат кедьёнксонок. Дмитрий Васильевичень ульнесь истямо принципезэ: диалектологиянь практикасо эряви эрямс вирьсэ, аволь косояк школасо, аволь кодамояк кудосо, лемезэяк практиканть – полевой. Секскак сон минек кучимизь Луньгав таркань анокстамо ды председателенть кедьстэ олгонь усковтомо (олгонть путылинек палаткатнень алов, седе лембе улезэ удомс). Анокстынек те тарканть, Дмитрий Васильевич сась, варштызе, мелезэнзэ тусь. Нама, минь сондензэ пелилинек. Кода наукань ломаненть, минь сонзэ зярс а содылинек, путынек тензэ мель кода эрьва преподавателентеньгак.
Шкань ютазь Луньга велев сась весе группаськак. Группатне сестэ покшт ульнесть, ансяк минексесэнть, меремс, малав 30 ломанть тонавтнесть. Практикадонть мезе меревлинь? Дмитрий Васильевич эрясь башка, якстере палаткасо. Се шканеяк сон уш аволь од ломанель, ялатеке валске марто чийнесь. Минь удотано палаткатнесэ, судонок ливтьсынек – якшамо, а сон валске марто уш лиси шортасо ды чийни!
Весть минь копордынек. Студентт, чарькодеви, эрьва мезть эрсить. Сон, улема, редизе. Тердимим монь, старостанть, седе малав, теке кодамо-бути тевень максомо. «Оштё весть, – мерсь, – нетян эли марятан – понксот нолдасынь». Сёвнось сон минек тетякс, тонавтозь, аволь покордазь. Се практикадонть мейле карминь лиякс арсеме Дмитрий Васильевичте: кода ломанде, аволь ансяк кода практикань лувонь ладицядо, а стяко сон кавто таргот эрясь ютксонок, ярсась мартонок ве чугунсто – ведрань чугунсто, конасо пидилинек ямт-мезть. Шкань ютазь монсь кармакшнынь истямо практикань ветямо, ды лувтнень, конатнень коряс сон практиканть ладякшнызе, поладынь. Ансяк минь уш эрилинек школасо, аволь вирьсэ.
Колмоце курссо сон ушодсь миненек ловномо «Келень историянть». Сестэ карминек содамо Цыганкинэнь-профессоронть. Сон сыль парас, ды вейкеяк конёвне кедьсэнзэ арасель. А лекциясо, а практикасо. Весе превстэ. Тагояк ёвтаса: ломанесь уш аволь од ульнесь! Студентэнь списка максылинь тензэ, сон весть варштылизе-ловнылизе ды чапилизе превезэнзэ.
Седе тов (паряк, редимим кодаяк) сон кармась монень макснеме наукасо тевть. Васняяк, Огарёвонь ловноматнес анокстамга тема ёвтакшнось, ульнесь монь прявтокс. Мейле сонензэ сёрмадыя топонимиянь коряс дипломонь важодемамгак. Теньстэ ушодовкшнось наукасо седе домка вейсэнь важодеманок. Зярдо прядыя тонавтнемам, монь тердимизь аспирантурав, ды прявтокс тень тагояк кармась Дмитрий Васильевич.
Сеть шкатне ульнесть стакат, 1996 ие, ансяк ней ванан ды чарькодян: Дмитрий Васильевичень самай сестэ ульнесть ламо аспирантонзо. Ансяк вана цёратнеде, секень вант, ськамон ульнинь.
Аспирантурасо тонавтнемстэ мон сонензэ сакшнылинь. Сонзэ ульнесь башка кабинетэзэ. Видьстэ меремс, истямо профессоронтень а пежеть улевель седе вадря кабинеткак максомс. Ансяк сон эзь вано сень лангс, артозь-арась стенанзо, клеязь сынь шпалертсэ эли апак. Сон свал тевсэль, зярдо тензэ илязат сова. Эзь аште, чайде эзь симе. Икелензэ свал конёвт, мезе-бути сёрмады, сёрмады…
Ожоковсто саезь чадыковс сон свал сакшныль важодеме субутасто. Кадык кияк те чистэнть эзь тонавтне, сонзэ ялатеке муилик таркастонзо. Свал важодсь. Сонзэ кедьсэ сёрмалезь конёвт нейгак ламо ванстовсть, мон филологиянь факультетэнь ташто корпусстонть сынст весе саинь-пурнынь.
Дмитрий Васильевич вансь лангозон аволь ансяк наука ёндо, ломаньксчинь ёндояк. Онкстыль. Вансь, кода мон «копордамонть» коряс – правтан а правтан те тевентень. Сон ломанесь истямо – пачк неи, икелев. Улема, анокстась монь наукасо эрямонтень. Сеедьстэ конференциява якама, банкетка, кафедрасояк эрьва мезть эрсить-ютнить. Эсензэ вестькак эзия некшне иредьстэ, зяроксть эзь савкшно вейсэ понгонемс тувор экшс.
Ледстяви, кандидатонь диссертациянь идема чистэнть совинь сонзэ кабинетс. Сон эзь карма тень кортамо, мезе эряви ёвтамс, мезесь а стувтома, ансяк мерсь: «Та-кода галстукот тонь… Вадряяк, ды мезе-бути а истя эйсэнзэ...» Несак, ков саизе! Сон монь мельтнень-ризнэматнень лия ёнов пурдынзе, илязан арсе ансяк диссертациядонть. Идемам идевсь, аштетяно банкетсэ, ды сон (арсян, стувтызе уш те тевенть) тердимим ды мери: «Ну, мезе, Ваня, весе вадря, ансяк галстукот… эряви полавтомс». Каизе галстуконзо ды полавтынзе: эсензэнть максызе монень, мон эсенсенть максыя сонензэ. Те шкас ванстан се галстуконть.
Мезе ёвтавлинь: сон аволь ансяк вадря учёной, тонавтыця, сон, теде башка, психолог. Мон лован покш уцяскакс эрямо ким лангсо истямо ломаненть улеманзо. Минь мартонзо нейгак чарькодтяно вейке-вейкенек. Монськак компьютерэнь тевтнень коряс сонензэ лездакшнынь пособиянь, валксонь нолдамсто. Дмитрий Васильевич од технологиятнень каршо зярдояк эзь моле, сон чарькодьсы эрявиксчист. Зярдо минек кафедраскак «пачкодсть» компьютертнэ ды стясть васень таркас, сон тердимим ды мери: «Ваня, путт монь кабинетс компьютер, карман тонавтнеме». Мон муинь компьютер, кандыя, кармавтыя. Сон варштызе, саизе «чеерненть», ютавтызе тей-тов ды мери: «Да, ёжов!.. Мадстик».
Кода наукань руководитель, сон ламо макссь тонавтницянзо туртов. Нейгак эсень важодемасо, ды аволь ансяк мон – весе, нежедян сонзэ сёрмадовксонзо, мелензэ-арсеманзо лангс. Сон важодсь эрзянь-мокшонь кельсодамонть эрьва кодамо ёнксонзо марто. Те ней минь важодтяно эрьвась эсензэ направлениянзо коряс, кона малав свал сюлмави кандидатонь диссертациянь теманть марто.
Дмитрий Васильевич содась, кона аспирантонтень кодамо тема максомс. Сонзэ теманзо весе ульнесть вейке омбоце ёнов а молицят, оригинальнойть. Кельсодамосонть, финно-угристикасонть кругозорозо келей, сон свал соды, кона ёнксось вадрясто тонавтнезь, конась – беряньстэ, конань ванномазо лади неень шкантень. Сонзэ наукань ламо сёрмадовксонзо ульнесть лувокс ламо лия исследованиятнень туртов. Тевесь эдь кода ашти: васняяк эряви невтемс те эли тона проблеманть улеманзо. Дмитрий Васильевич эсензэ статьясонзо невтьсы, ванносы, тон мейле уш поладсак сонзэ ванноманть, келейгавтсак.
Бути ванномс Дмитрий Васильевичень важодеманзо, несынек, кода ламо ёнкст сон сайсь-ваннось. Сон эзь аште ансяк валонь теевеманть эли диалектологиянть лангсо, явсь мель эрьва мезентень. Монень нейгак свал корты: «Эряви сёрмадомс докторонь важодема». Ансяк меельце шкань тевтнень-валтнэнь лангс ванозь, мон мерян: «Дмитрий Васильевич, мезекс? Кодат перспективат? Мон а неян…» Сон мери: «Эряви кадомс тешкс эрямосонть, наукасонть, эрзянь-мокшонь языкознаниясонть. Те – алкуксонь учёноень принцип».
Истямо ломань минек келень наукасонть ней арась. Ды а неявияк, кона ёндо сонензэ самс-саевемс маласо шкастонть. Арсян, сонзэ войнань шкась, аволь шожда эрямось теизь истямокс. Минь, од ломантне, лиятано. А содан, кинь кода, эсень лиясто кеденьгак новолить. Адя, мерян, кодаяк… Сонзэ пельде истямо зярдояк эзинь марсе».
«Эрзянь правда» газетань коллективесь ёвты седейшкавань лембе валт Д.В. Цыганкиннэнь чачома чинзэ кувалма. Арсетяно тензэ кеме шумбрачи, уцяска, паро мельть!
Тешкстасынек, Дмитрий Васильевич – минек газетань паро ялга, умонь ловныця, ильведевксэнь васенце муиця ды превень максыця.
Д.В. Цыганкинэнь эрямонь ды творчествань покш кидензэ сёрмадовкс минек газетасо лиснесь те иень панжиковсто. Течи, чачома чинзэ каршо, ули меленек максомс Алина Подгорновань «Апак лотксе чуди пингень леесь…» очеркстэ саевксэнть. Тесэ Дмитрий Васильевичте ёвтни сонзэ икелень студентэсь, ней – Н.П. Огарёв лемсэ МГУ-нь филологиянь факультетэнь эрзянь-мокшонь кельтнень кафедрань прявтось, филологиянь наукань кандидатось, доцентэсь Иван Николаевич Рябов:
«Васенце курссо Дмитрий Васильевичень а содылия. Содылинь, нама: ули истямо профессор, ансяк сон минек оштё эзь тонавтокшно. Омбоце курсонть прядомадо мейле пурнынек диалектологиянь практикас. Мон ульнинь группань старостакс. Туемадо икеле сон тердимизь Юрий Григорьевич Антонов марто ды мерсь, мольтяно Орданьбуень Луньга велев. Кафедрасо ульнесть минсенек палатканок, ведранок, пиланок, вирьсэ эрямга эрьва кодат кедьёнксонок. Дмитрий Васильевичень ульнесь истямо принципезэ: диалектологиянь практикасо эряви эрямс вирьсэ, аволь косояк школасо, аволь кодамояк кудосо, лемезэяк практиканть – полевой. Секскак сон минек кучимизь Луньгав таркань анокстамо ды председателенть кедьстэ олгонь усковтомо (олгонть путылинек палаткатнень алов, седе лембе улезэ удомс). Анокстынек те тарканть, Дмитрий Васильевич сась, варштызе, мелезэнзэ тусь. Нама, минь сондензэ пелилинек. Кода наукань ломаненть, минь сонзэ зярс а содылинек, путынек тензэ мель кода эрьва преподавателентеньгак.
Шкань ютазь Луньга велев сась весе группаськак. Группатне сестэ покшт ульнесть, ансяк минексесэнть, меремс, малав 30 ломанть тонавтнесть. Практикадонть мезе меревлинь? Дмитрий Васильевич эрясь башка, якстере палаткасо. Се шканеяк сон уш аволь од ломанель, ялатеке валске марто чийнесь. Минь удотано палаткатнесэ, судонок ливтьсынек – якшамо, а сон валске марто уш лиси шортасо ды чийни!
Весть минь копордынек. Студентт, чарькодеви, эрьва мезть эрсить. Сон, улема, редизе. Тердимим монь, старостанть, седе малав, теке кодамо-бути тевень максомо. «Оштё весть, – мерсь, – нетян эли марятан – понксот нолдасынь». Сёвнось сон минек тетякс, тонавтозь, аволь покордазь. Се практикадонть мейле карминь лиякс арсеме Дмитрий Васильевичте: кода ломанде, аволь ансяк кода практикань лувонь ладицядо, а стяко сон кавто таргот эрясь ютксонок, ярсась мартонок ве чугунсто – ведрань чугунсто, конасо пидилинек ямт-мезть. Шкань ютазь монсь кармакшнынь истямо практикань ветямо, ды лувтнень, конатнень коряс сон практиканть ладякшнызе, поладынь. Ансяк минь уш эрилинек школасо, аволь вирьсэ.
Колмоце курссо сон ушодсь миненек ловномо «Келень историянть». Сестэ карминек содамо Цыганкинэнь-профессоронть. Сон сыль парас, ды вейкеяк конёвне кедьсэнзэ арасель. А лекциясо, а практикасо. Весе превстэ. Тагояк ёвтаса: ломанесь уш аволь од ульнесь! Студентэнь списка максылинь тензэ, сон весть варштылизе-ловнылизе ды чапилизе превезэнзэ.
Седе тов (паряк, редимим кодаяк) сон кармась монень макснеме наукасо тевть. Васняяк, Огарёвонь ловноматнес анокстамга тема ёвтакшнось, ульнесь монь прявтокс. Мейле сонензэ сёрмадыя топонимиянь коряс дипломонь важодемамгак. Теньстэ ушодовкшнось наукасо седе домка вейсэнь важодеманок. Зярдо прядыя тонавтнемам, монь тердимизь аспирантурав, ды прявтокс тень тагояк кармась Дмитрий Васильевич.
Сеть шкатне ульнесть стакат, 1996 ие, ансяк ней ванан ды чарькодян: Дмитрий Васильевичень самай сестэ ульнесть ламо аспирантонзо. Ансяк вана цёратнеде, секень вант, ськамон ульнинь.
Аспирантурасо тонавтнемстэ мон сонензэ сакшнылинь. Сонзэ ульнесь башка кабинетэзэ. Видьстэ меремс, истямо профессоронтень а пежеть улевель седе вадря кабинеткак максомс. Ансяк сон эзь вано сень лангс, артозь-арась стенанзо, клеязь сынь шпалертсэ эли апак. Сон свал тевсэль, зярдо тензэ илязат сова. Эзь аште, чайде эзь симе. Икелензэ свал конёвт, мезе-бути сёрмады, сёрмады…
Ожоковсто саезь чадыковс сон свал сакшныль важодеме субутасто. Кадык кияк те чистэнть эзь тонавтне, сонзэ ялатеке муилик таркастонзо. Свал важодсь. Сонзэ кедьсэ сёрмалезь конёвт нейгак ламо ванстовсть, мон филологиянь факультетэнь ташто корпусстонть сынст весе саинь-пурнынь.
Дмитрий Васильевич вансь лангозон аволь ансяк наука ёндо, ломаньксчинь ёндояк. Онкстыль. Вансь, кода мон «копордамонть» коряс – правтан а правтан те тевентень. Сон ломанесь истямо – пачк неи, икелев. Улема, анокстась монь наукасо эрямонтень. Сеедьстэ конференциява якама, банкетка, кафедрасояк эрьва мезть эрсить-ютнить. Эсензэ вестькак эзия некшне иредьстэ, зяроксть эзь савкшно вейсэ понгонемс тувор экшс.
Ледстяви, кандидатонь диссертациянь идема чистэнть совинь сонзэ кабинетс. Сон эзь карма тень кортамо, мезе эряви ёвтамс, мезесь а стувтома, ансяк мерсь: «Та-кода галстукот тонь… Вадряяк, ды мезе-бути а истя эйсэнзэ...» Несак, ков саизе! Сон монь мельтнень-ризнэматнень лия ёнов пурдынзе, илязан арсе ансяк диссертациядонть. Идемам идевсь, аштетяно банкетсэ, ды сон (арсян, стувтызе уш те тевенть) тердимим ды мери: «Ну, мезе, Ваня, весе вадря, ансяк галстукот… эряви полавтомс». Каизе галстуконзо ды полавтынзе: эсензэнть максызе монень, мон эсенсенть максыя сонензэ. Те шкас ванстан се галстуконть.
Мезе ёвтавлинь: сон аволь ансяк вадря учёной, тонавтыця, сон, теде башка, психолог. Мон лован покш уцяскакс эрямо ким лангсо истямо ломаненть улеманзо. Минь мартонзо нейгак чарькодтяно вейке-вейкенек. Монськак компьютерэнь тевтнень коряс сонензэ лездакшнынь пособиянь, валксонь нолдамсто. Дмитрий Васильевич од технологиятнень каршо зярдояк эзь моле, сон чарькодьсы эрявиксчист. Зярдо минек кафедраскак «пачкодсть» компьютертнэ ды стясть васень таркас, сон тердимим ды мери: «Ваня, путт монь кабинетс компьютер, карман тонавтнеме». Мон муинь компьютер, кандыя, кармавтыя. Сон варштызе, саизе «чеерненть», ютавтызе тей-тов ды мери: «Да, ёжов!.. Мадстик».
Кода наукань руководитель, сон ламо макссь тонавтницянзо туртов. Нейгак эсень важодемасо, ды аволь ансяк мон – весе, нежедян сонзэ сёрмадовксонзо, мелензэ-арсеманзо лангс. Сон важодсь эрзянь-мокшонь кельсодамонть эрьва кодамо ёнксонзо марто. Те ней минь важодтяно эрьвась эсензэ направлениянзо коряс, кона малав свал сюлмави кандидатонь диссертациянь теманть марто.
Дмитрий Васильевич содась, кона аспирантонтень кодамо тема максомс. Сонзэ теманзо весе ульнесть вейке омбоце ёнов а молицят, оригинальнойть. Кельсодамосонть, финно-угристикасонть кругозорозо келей, сон свал соды, кона ёнксось вадрясто тонавтнезь, конась – беряньстэ, конань ванномазо лади неень шкантень. Сонзэ наукань ламо сёрмадовксонзо ульнесть лувокс ламо лия исследованиятнень туртов. Тевесь эдь кода ашти: васняяк эряви невтемс те эли тона проблеманть улеманзо. Дмитрий Васильевич эсензэ статьясонзо невтьсы, ванносы, тон мейле уш поладсак сонзэ ванноманть, келейгавтсак.
Бути ванномс Дмитрий Васильевичень важодеманзо, несынек, кода ламо ёнкст сон сайсь-ваннось. Сон эзь аште ансяк валонь теевеманть эли диалектологиянть лангсо, явсь мель эрьва мезентень. Монень нейгак свал корты: «Эряви сёрмадомс докторонь важодема». Ансяк меельце шкань тевтнень-валтнэнь лангс ванозь, мон мерян: «Дмитрий Васильевич, мезекс? Кодат перспективат? Мон а неян…» Сон мери: «Эряви кадомс тешкс эрямосонть, наукасонть, эрзянь-мокшонь языкознаниясонть. Те – алкуксонь учёноень принцип».
Истямо ломань минек келень наукасонть ней арась. Ды а неявияк, кона ёндо сонензэ самс-саевемс маласо шкастонть. Арсян, сонзэ войнань шкась, аволь шожда эрямось теизь истямокс. Минь, од ломантне, лиятано. А содан, кинь кода, эсень лиясто кеденьгак новолить. Адя, мерян, кодаяк… Сонзэ пельде истямо зярдояк эзинь марсе».
«Эрзянь правда» газетань коллективесь ёвты седейшкавань лембе валт Д.В. Цыганкиннэнь чачома чинзэ кувалма. Арсетяно тензэ кеме шумбрачи, уцяска, паро мельть!
Тешкстасынек, Дмитрий Васильевич – минек газетань паро ялга, умонь ловныця, ильведевксэнь васенце муиця ды превень максыця.