Ожоковонь (октябрянь) 2-це чистэ тешкстызе чачома чинзэ Галина Альбертовна Корнишина.
Сон – исторической наукань доктор, Н.П. Огарёв лемсэ МГУ-нь Россиянь раськетнень неень шкань историянь кафедрань профессор. Галина Альбертовна весе эрямонзо алтызе наукантень. Сёрмадсь 4 монографият ды наукань 120 ламо важодевкст. Сынст эйс Галина Альбертовна пурнызе весе сень, мезде кармась содамо этнографиянь экспедициясо улемстэ.
Лия учёнойтнень марто Г.А. Корнишина нолдась вузтнэнь туртов кавто тонавтома книгат ды школатнень туртов колмо книгат, конатнень коряс тонавтови эрзянь, мокшонь раськетнень эрямопингест.
Г.А. Корнишина профессорось анокстась этнографиянь, этнологиянь ды антропологиянь коряс наукань ниле кандидатт. Эйстэст вейкесь – Йемен Республикасто.
Теде башка, Галина Альбертовна Корнишина сови Н.П. Огарёв лемсэ МГУ-нь диссертационной советс, топавты сонзэ прявтонь полавтыцянь тевтнень.
Чачсь Галина Альбертовна Отяжелень райононь Отяжеле велесэ. Школасо тонавтнемстэ Галянень весемеде пек вечкевсть историянь уроктне. Вишка пингстэ уш бажась седе ламо содамс седе, кода эрясть седикеле эрзятне ды мокшотне, кодат ульнесть коест-кирдаст, мейсэ яксесть, мезде ярснесть. Этнографиянтень вечкемась оймезэнзэ сыремтсь мель молемс тонавтнеме университетэв историянь-географиянь факультетэв. Сонзэ прядомадо мейле, 1981 иестэ саезь 1986 иенть самс, ветясь историянь урокт Саранск ошонь 21 № школасо. Тонавтнесь аспирантурасо, конань прядызе 1987 иестэ. Секе иестэ саезь 1996 иенть самс ульнесь МАССР-нь Министрань Советсэ келень, литературань, историянь ды экономикань НИИ-нь археологиянь ды этнографиянь секторонь васня наукань сотрудникекс, мейле топавтсь прявтонь тевтнень. 1996 иестэ саезь 2003 иенть самс важодсь Мордовской пединститутсо доцентэкс, мейле – отечественной историянь кафедрань прявтокс. 2003 иестэ саезь Г.А. Корнишина – Н.П. Огарёв лемсэ МГУ-нь Россиянь раськетнень неень шкань историянь кафедрань профессор, 2006 иестэ саезь сови Естествознаниянь Российской академияс.
Вере ёвтазь изнявкстнэ Галина Альбертовнань туртов сатотсть аволь шождасто. Тень туртов сонензэ эрявсь ламо тонавтнемс, ламо ловномс ды ламо якамс сеть таркатнева, косо эрить эрзятне ды мокшотне. Сень содамга, кода эрить минек раськень ломантне Мордовиянь томбале таркатнесэ, ванстовсть-арась сынст эрямосо кезэрень койтне, Корнишина экспедиция марто пачколесь ламо велетнес, конат аштить Самара, Оренбург, Пенза ёнкстнэсэ, Башкириясо. Тосонь эрицятнень марто вастовоматне, мартост кортнематне лездасть пурнамс сюпав материал, кона пек маштовсь диссертациянь анокстамсто. Истямо ладсо идезель васня кандидатской диссертациясь (1992 иестэ) истямо лем ало: «Сельская семья мордвы Самарского Заволжья (кон. XIX – 80-е гг. XX в.)». Кемень иень ютазь (2002 иестэ) идезель докторской диссертациясь, кона алтазель эрзянь, мокшонь раськетнень койтнень-кирдатнень ванкшномантень.
«Эрзянь правдасо» важодицятне ды газетань ловныцятне Галина Альбертовна Корнишинанень ёвтыть пси поздоровт. Арсить седе тов поладомс кочказь тевенть, кона пек эряви минек раськенть эрямопингензэ седе келейстэ ды домкасто содамонть туртов. Кеме шумбрачи тенк, Галина Альбертовна, ламо вийть ды цидярдома эрямо кинть лангсо вастневиця стакачитнень каршо тюремасо. Мезеяк лангс апак вано, моледе икелев, од изнявкстнэс. Валдо уцяска тенк ды шожда ки!
«Эрзянь правдань» коллективесь
ды газетань ловныцятне
Лия учёнойтнень марто Г.А. Корнишина нолдась вузтнэнь туртов кавто тонавтома книгат ды школатнень туртов колмо книгат, конатнень коряс тонавтови эрзянь, мокшонь раськетнень эрямопингест.
Г.А. Корнишина профессорось анокстась этнографиянь, этнологиянь ды антропологиянь коряс наукань ниле кандидатт. Эйстэст вейкесь – Йемен Республикасто.
Теде башка, Галина Альбертовна Корнишина сови Н.П. Огарёв лемсэ МГУ-нь диссертационной советс, топавты сонзэ прявтонь полавтыцянь тевтнень.
Чачсь Галина Альбертовна Отяжелень райононь Отяжеле велесэ. Школасо тонавтнемстэ Галянень весемеде пек вечкевсть историянь уроктне. Вишка пингстэ уш бажась седе ламо содамс седе, кода эрясть седикеле эрзятне ды мокшотне, кодат ульнесть коест-кирдаст, мейсэ яксесть, мезде ярснесть. Этнографиянтень вечкемась оймезэнзэ сыремтсь мель молемс тонавтнеме университетэв историянь-географиянь факультетэв. Сонзэ прядомадо мейле, 1981 иестэ саезь 1986 иенть самс, ветясь историянь урокт Саранск ошонь 21 № школасо. Тонавтнесь аспирантурасо, конань прядызе 1987 иестэ. Секе иестэ саезь 1996 иенть самс ульнесь МАССР-нь Министрань Советсэ келень, литературань, историянь ды экономикань НИИ-нь археологиянь ды этнографиянь секторонь васня наукань сотрудникекс, мейле топавтсь прявтонь тевтнень. 1996 иестэ саезь 2003 иенть самс важодсь Мордовской пединститутсо доцентэкс, мейле – отечественной историянь кафедрань прявтокс. 2003 иестэ саезь Г.А. Корнишина – Н.П. Огарёв лемсэ МГУ-нь Россиянь раськетнень неень шкань историянь кафедрань профессор, 2006 иестэ саезь сови Естествознаниянь Российской академияс.
Вере ёвтазь изнявкстнэ Галина Альбертовнань туртов сатотсть аволь шождасто. Тень туртов сонензэ эрявсь ламо тонавтнемс, ламо ловномс ды ламо якамс сеть таркатнева, косо эрить эрзятне ды мокшотне. Сень содамга, кода эрить минек раськень ломантне Мордовиянь томбале таркатнесэ, ванстовсть-арась сынст эрямосо кезэрень койтне, Корнишина экспедиция марто пачколесь ламо велетнес, конат аштить Самара, Оренбург, Пенза ёнкстнэсэ, Башкириясо. Тосонь эрицятнень марто вастовоматне, мартост кортнематне лездасть пурнамс сюпав материал, кона пек маштовсь диссертациянь анокстамсто. Истямо ладсо идезель васня кандидатской диссертациясь (1992 иестэ) истямо лем ало: «Сельская семья мордвы Самарского Заволжья (кон. XIX – 80-е гг. XX в.)». Кемень иень ютазь (2002 иестэ) идезель докторской диссертациясь, кона алтазель эрзянь, мокшонь раськетнень койтнень-кирдатнень ванкшномантень.
«Эрзянь правдасо» важодицятне ды газетань ловныцятне Галина Альбертовна Корнишинанень ёвтыть пси поздоровт. Арсить седе тов поладомс кочказь тевенть, кона пек эряви минек раськенть эрямопингензэ седе келейстэ ды домкасто содамонть туртов. Кеме шумбрачи тенк, Галина Альбертовна, ламо вийть ды цидярдома эрямо кинть лангсо вастневиця стакачитнень каршо тюремасо. Мезеяк лангс апак вано, моледе икелев, од изнявкстнэс. Валдо уцяска тенк ды шожда ки!
«Эрзянь правдань» коллективесь
ды газетань ловныцятне