Пятница, марта 29, 2024
Важное

Ацамковонь 17-це чистэ Мордовия Республикань Прявтось Артём Здунов ульнесь «Ассоциация финно-угорских народов Российской Федерации» Весероссиянь общественной движениянь VII инекужонть важодемасо.

Инекужось неть читнестэ ютавтови Саранскойсэ. Мероприятиясь аравтозь масторонь ламот раськетнень гражданской вейкетьксчист кемекстамонтень, койтнень-кирдатнень ванстомантень, раськетнень ютксо вейсэнь тевдеемань сюлмотнень кемекстамонтень. Тей пурнавсть Россиянь Федерациянь 43 субъекттнэнь представительть. Инекужось ютавтови санитарно-эпидемиологической весе вешематнень топавтозь. 

РФ-нь Президентэнь Администрациянь Руководителень полавтыцянть Магомедсалам Магомедововонь пельде пшкадеманть ловнызе РФ-нь Президентэнь внутренней политикань коряс управлениянь раськень политикань департаментэнь прявт советникесь Алексей Яковлев. Эйсэнзэ кортави: "Финнэнь-угрань раськетне саить покш талика Россиянь государственностенть кемекстамосо ды ламот раськетнень вейсэндявомасо. Течи Россиянь Федерациясь саи васенце таркат финнэнь-угрань раськеютконь движениясонть. Финнэнь-угрань культурань лия енов а молиця койтне аштить Россиянь культурань а явовиця пельксэкс". 

Республикань Прявтось Артём Здунов пшкадсь делегаттнэнень эрзянь ды мокшонь кельтнесэ ды евтась сюкпря Россиянь АФУН-нь совицятненень лия енов а молиця культуранть ванстоманзо кисэ."Финнэнь-угрань раськетне зярыя пингетнень перть ванстыть эсест коест-кирдаст. Минек раськетнень малавиксчинь аевтавикс ежост! Тынк инекужось саи покш тарка ламо раськень Россиянь культурань кодсонть. Тынь - государственной вейсэндявомань пек вадря невтевкс, истя жо раськеютконь аренасонть", - тешкстызе региононь руководителесь. 

Мордовиянь Прявтось явсь покш мель аволь коммерческой организациятнень важодемаст виевгавтомань эрявиксчинть лангс."Ней НКО-нь пек ламо возможностест. Фондтнэ явить ламо грантт тынк мельтнень-арсематнень топавтомс. Тедеде ярмаконь лезкс явозь 30 проекттнэнень. Ламот мельтненень-арсематненень максозь покш питне федеральной уровнясонть", - мерсь Артём Здунов. 

Россиянь АФУН-нь председателесь Пётр Тултаев тешкстызе, маласо иетнестэ эряви виевстэ важодемс цифровой пространствантень совамонть коряс. Россиянь раськетнень финнэнь-угрань кельтнень улить онлайн-валкстнэсэ. Эряви седе эрязасто важодемс те енкссонть ды невтемс тиринь кельтнень ды культуранть Интернетсэ. 

Инекужосонть кортасть РФ-нь АФУН-нь региононь отделениятнень представительтне. Ацамковонь 18-це чистэнть делегаттнэ поладсызь важодемаст. 

О ГАЗЕТЕ "ЭРЗЯНЬ ПРАВДА"

Газета Эрзянь правда в настоящее время издается один раз в неделю на 16 страницах, четыре из них в цвете. Газета широко отражает вопросы общественно-политической, социально-экономической, культурной и духовной жизни республики, публикует международную информацию. «Эрзянь правда» распространяется в Оренбургской, Пензенской, Самарской, Ульяновской, Нижегородской областях, в республиках Татарстан, Чувашия, Башкортостан. Вместе с тем, для эрзян России вот уже не один год успешно функционирует электронная версия газеты, которую можно в настоящее время читать в Интернете. В этом большая заслуга всего редакционного коллектива газеты «Эрзянь правда».