Рубрикатор

Од кинось – Мордовиясо

Октябрянь 10-20-це читнестэ карми молеме И.Арепина лемсэ «Новое кино России на земле Мордовии» республикань XVI кинофестивалесь, конань ютавты МР-нь Кинофондось. Фестивалень программантень совить зярыя эрьва кодат мероприятият.

Октябрянь 14-це чистэнть 18.30 чассто Национальной драмань театрасонть ютавтови вастовома театрань ды кинонь актёронть, морыцянть Михаил Полицеймако марто. Актёрось ёвтни театрасо, киносо ды телевидениясо важодемадонзо, эйкакш шкадонзо, тетядонзо-авадонзо, моры морот ды романст, макссы каршо валт ваныцятнень кевкстемаст лангс. Эште  вейке мероприятиясь алтави Н.П. Огарёв лемсэ университетэнь студенттнэнь туртов. Сыненст невтеви «Ещё один год» художественной фильмань премьерась, конась Роттердамсо Раськеютконь кинофестивальсэнть изнясь казне.

Подробнее...
 
В.М.Макушкин: «Тиринь РАСЬКЕНЬ вечкемантень тонавтнема Куманёвонь пельде»

Октябрянь 23-25-це читнестэ Саранскойсэ ютавтови Мокшэрзянь раськень VI инекужось. Неень шкане ветявить виев анокстамот, делегаттнэ ды весе инжетне ютавтыть пелькстамот инекужонть лувсо сехте пшти кевкстематнень ванкшномадост. Инекужонть эрявиксчидензэ ды сонзэ лувсо прявт кевкстематнеде мелензэ-арсеманзо ёвтынзе «Эрзянь правда» газетань инжесь – республикасонок содавикс литературоведэсь, критикесь, политикесь, МР-нь наукань заслуженной деятелесь В.М.Макушкин. Виктор Миронович сёрмадсь 70 ламо научной ды методической роботат, монографият, нолдась учебникть кода школасо, истя вузсо тонавтницятнень туртов. Виктор Миронович анокстась наукань малав комсь кандидатт, докторт, а лововияк, зяро студентт тонавтсь кода Н.П.Огарёв лемсэ МГУ-со, истя жо М.Е.Евсевьев лемсэ пединститутсо. Тешкстасынек, меельцесэнть сон ламо иень перть ульнесь ректорокс. Сонзэ аволь весть кочкакшнызь МР-нь Госсобраниянь депутатокс, косо ульнесь культурань, образованиянь, наукань, гласностень, межнациональной отношениятнень ды од ломантнень тевест коряс комитетэнь прявтокс. Виктор Миронович – филологиянь наукань доктор, профессор, РФ-нь Образованиянь министерстванть юрсо педагогикань университетэнь ды институтонь Ассоциациянь Президиумонь член.

Подробнее...
 
Ю.Сушкова «Толстой лездась Канадав туезь духобортнэнень»

Масторлангонь келес содавикс сермадыцянть, «Война и мир», «Анна Каренина», «Воскресение» ды лия произведениянь авторонть Л.Н.Толстоень эрямонь аволь весе лопанзо содавикст. Аволь ламот содыть, Лев Николаевич тусь православной церькованть эйстэ, сон седе покш мель явсь еретиктненень ды раскольниктненень – духобортнэнень, молокантнэнень, баптистнэнень. Седе домкасто теде евтнесь тенек Н.П.Огарев лемсэ МГУ-нь юридической факультетэнь деканось Юлия Николаевна Сушкова.
– 1899 иестэнть Л.Н.Толстой нолдызе «Воскресение» романонзо. Весе гонораронзо максызе духобортнэнень, конат тусть эрямо Канадав, сынст мельга пансесь инязоронь правительствась. Теде башка, Россиясто Канадав сынст ильтинзе Толстоень церазо – Сергей Львович. Те ульнесь омбоце пароход, конась пачтинзе духобортнэнь Од Масторов. Тосо ульнесть 1989 од таркав туицят. Россиянь духобортнэнь ды молокантнэнь тиринь масторсо пансесть сень кисэ, мекс эзть моле служамо инязоронь армияс.

Подробнее...
 
Кедензэ алдо лисить алкуксонь произведеният

Нижней ёнксонь Лукоянова ошонь эйкакшонь искусствань школасо панжовсь «Чудо-дерево» выставка. Тесэ невтевить Николай Иванович Аношкинэнь 15 картинанзо ды сонзэ цёранзо, Николаень, 16 важодевксэнзэ. Выставкань панжомо сакшность А.М.Горький лемсэ Лукояновань педколледжень студенттнэ, ялгаст-ояст, малавиксэст. Минек ули меленек содавтомс тынк од скульпторонть марто. Те – сонзэ васенце персональной выставказо. Ваныцятненень невтевсть вишка пластика ды покш скульптуратнень фотографияст (сынсь теевкстнэ аштить стявтозь Лукояновань райононь Од веленть вакссо этнопарксонть). Эрьва ие Од веленть вакссо ютавтовкшны «Эрзянь лисьмапря» эрзянь-мокшонь культурань фестивалесь.

Подробнее...
 
«Коесь» Самарасоль

Самара ошонь 100-це номер школасо малав ие важоди недлячинь школа. Недлязонзо колмоксть тесэ вастневить сеть, кинь ули мелест содамс эрзянь ды мокшонь кельтнень, койтнень-кирдатнень, культуранть. Истямо школанть пурныцясь – Елена Григорьевна Первушкина. Сон важоди Самара ошонь «Эрзя-мокшонь национально-культурной местной автономия» общественной вейсэндявксонь прявтокс. Уроктнень вети «Валдо ойме» газетань редакторось С.Д.Николаев. Занятиятнес сакшныть эйкакшт, студентт ды важодиця ломанть. Эрьвась муи эстензэ мельстуиця темат. Весемезэ Самарасо панжозь недлячинь эрзя-мокшонь колмо школат.

Подробнее...
 
<< Первая < Предыдущая 181 182 183 184 185 186 187 188 189 190 Следующая > Последняя >>

Новости

20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...
 
Эрзянь моротне гайгсть омбо масторсо

Швейцариянь Тоггенбургс пурнавкшность Европасто ды масторлангонь эрьва кодамо масторсто исполнительть. Тосо ютась «Природный голос» раськеютконь вокальной фестиваль. Россиянь вейкине представителекс тосо ульнесь Мордовиянь «Мерема» фольклорной группась, конась эсь морамосонзо токакшнынзе седеест ваныцятнень Финляндиясо ютавтозь теке фестивальсэнть. Ды швейцарецтнэ тердизь Екатерина Модинань прявтсо «Мерема» группанть эстест. Эдь сынст творчестваст пек лади музыкальной форумонь форматонтень. Фестиваленть лиятнень ёнов амолемачись сеньсэ, весе вокалисттнэ – хортнэяк, солисттнэяк, невтить национальной фольклор седямопелень тевс апак нолда.

Подробнее ...