Рубрикатор

Сюпавчинек – раськетнень ламочисэ!

 

Февралень 28-це чистэнть «Россиясь СМИротворецэнь сельмсэ» курсонь участниктне якасть Саранскоень украинецэнь национально-культурной автономиянь общественной организациянь отчётно-выборной конференциянтень. А.С.Пушкин лемсэ библиотекасонть ульнесь вадря, лембе обстановка, вастсть весень кецязь ды паро мельсэ. Украинецтнэде башка, актонь залонтень пурнавкшность эрзятне, мокшотне, татартнэ, азербайджанецтнэ, армянтнэ, узбектне ды лиятне. Неть раськень ломантне пек кеместэ сюлмавозь вейкест-вейкест марто, эдь сынь эрить Мордовиясо, сынь лездыть гармонизировамс межнациональной отношениятнень. Конференциясь ушодовсь теезь тевтнень итогтнестэ. Украинецэнь автономиянь прявтось Нина Григорьевна Дудко лиссь сценанть лангс мазыйдеяк мазый украинавань оршамопельсэ. Нина Григорьевна ёвтнесь, кода важоди течинь чине автономиясь, кодамо покш робота савсь ветямс Мордовиянь украинецтнэнь вейсэндямосо ды пурнамосо. Аволь аламо тевть савсь теемс тенст Украинань Юго-Востоксонть гражданской войнанть ушодовома ды молема шкастонть. Украинецтнэде Мордовияв састь 1000 ламо ломанть, конатнень марто эрявсь ютавтомс вастовомат, кортамот ды толковамот. Мордовиянь украинецтнэ кемить, те ялакс ялаксонь маштыцянь войнась курок прядови, ды Украинань моданть лангс сы мирэсь ды валдо эрямось. Аволь аламо эскелькст тенень тейсь Мордовиянь украинецэнь автономияськак.

– Нина Григорьевна Дудко, – корты Мордовиянь национальной политикань коряс министрась Анатолий Михайлович Чушкин, – эсь культурань, раськень алкуксонь патриот. Чушкин тешкстызе, келя, мирэнь ванстомачись ашти автономиянь эрьва членэнть эйстэ, эдь национальной политикась  прок эйде, конань мельга эряви пек парсте ды кайтянь-кайтянь якамс, штобу тонась касоволь вадрякс, чарькодицякс ды кунсолыцякс. Нина Григорьевна – те се ломанесь, конась пек парсте соды, мезе эряви эрьвантень башка ды целанек весе раськентень.  Астяко Н.Г.Дудко лезэв ды эрявикс важодеманзо кисэ казезель «Раськеютконь сэтьмечинь» медальсэ.

Мокшэрзянь раськень межрегиональной общественной организациянь исполкомонь председателесь Александр Степанович Лузгин тешкстызе, келя, минь течи тынк марто нетяно пародояк паро невтевкс, кода эряви важодемс те эли тона автономиянтень. Те алкукскак истя. Украинецэнь автономиясь важоди пек виевстэ, лезэвстэ ды эрявиксстэ. Автономиянть тевензэ пек парсте неявсть актонь залонь сценанть икеле аравтозь выставкасонть, конась пек домкасто ды келейстэ ёвтнесь Мордовиянь украинецтнэде. Выставкантень совасть фотот, книгат ды фильмат Лямбирень райононь Лопатино хутордонть, тесэнь эрицятнеде, «Крыныця» ансамблядонть ды ламодо, ламодо лиядонть.

Ламо лембе, седейстэ молиця валт Мордовиянь украинецтнэнь лемс ёвтась Россиянь Раськень ассамблеянь Мордовиянь региональной отделениянь прявтось Л.И.Никонова.

Ледстясынек, Мордовиянь украинецэнь национально-культурной автономиясь теезель 2005 иень декабрянь      28-це чистэ. Сонзэ прявт тевезэ – Мордовия Республикасо украинань келень, коень-кирдань, культурань ванстомась. Статистикань меельце ловоматнень коряс, Мордовиясо эрить косо-бути 5000 украинецт. Сехте ламотне эйстэст эрить Лямбирень райононь Лопатино хуторсонть, козонь сынь састь 1914 иестэнть Украинань Слобожанщинастонть – Сумань областьстэнть.

Мерьсынек, украинань раськень творчествась умок уш теевсь Мордовиянь культурань эрямонь аявовиця пельксэкс. Ютазь пингень 70-це иетнестэ республикасонть содавикстэяк содавиксэкс ульнесь «Хуторянка» украинань моронь морыця самодеятельной ансамблясь, конань прявтсоль Н.Г.Дюндик.

Автономиянть теемадонзо мейле теезель  «Крыныця» («Лисьмапря») ансамблясь, конань прявтсо Нина Григорьевна Дудко. Кода икелеяк, конференцияс сыцятнень ансамблясь кецявтынзе пародояк паро, лембедеяк лембе, мазыйдеяк мазый украинань моросо ды киштемасо. Лопатино хуторонь 100 иетнень топодемантень мелят снимазельть  «Диалог поколений» ды «Хуторяне» фильматне, лиссь «Украинань усия» книгась, авторозо  – Л.И.Преснякова содавикс журналистэсь; тезэнь пурнавозтне истя жо теевсть содавиксэкс «Веселка» Л.И.Сикунэнь стихотворениянь книганзо марто, козонь совась «Радына» стихотворениясь, конась ловови Мордовия Республикань украинецэнь автономиянь гимнакс. Тешкстасынек,  украинецэнь автономиянь члентнэ вемельсэ колмо иес председателекс таго кочкизь Нина Григорьевна Дудконь. Арсетяно тензэ кеме шумбрачи, валдо мельть-превть, од изнявкст ды цидярдома те ашожда тевенть топавтомсто!

Пресс-конференция

Отчётно-выборной  конференциянть прядовомадонзо мейле Нина Григорьевна Дудко «Россиясь СМИротворецэнь сельмсэ» курсонь участниктнень туртов макссь пресс-конференция. Студенттнэнень Нина Григорьевна келейстэ ды домкасто ёвтнизе автономиянь теевема историянть. Сынст туртов Украинась ульнесь, ули ды карми улеме историянь эли, меремс, «вишкине» чачома таркакс, косо эрить сынст малавиксэст, ялгаст, косо сынст ундоксост. Дудко эзь юта  Крыменть, Украинань Юго-Востоконь гражданской войнанть вакскаяк. Евромайданось, келя, лоткавтымизь сэтьместэ удомадонть. Минь талнынек ды нейгак талнотано тиринь Украинанть кисэ, ков ды кодамо киява сон сырги икелепелев. Арсетяно ды ознотано, сон сырги мирэнь кияванть! Крыменть кис ней минь ойминек – тесэнь эрицятне ёвтызь эсест мелест – эрямс Россиянть марто. Покш сюкпря тень кис ёвтатано Россиянь Президентэнтень! Минь, Мордовиясо эриця украинецтнэ, кемтяно, курок прядови Украинасо молиця гражданской войнась, содатано, превейчись изнясы чаволачинть, ды лотки те кежейдеяк кежей тюремась. Нина Григорьевна ёвтнесь автономиянь свалшкань тевдензэ-валдонзо. Ледстизе, автономиянь советэнтень ней совить 9 ломанть. Колмо иетнень перть советэсь ютавтсь 10 аштемтаркат ды вейке аволь мельга-мельцек молиця конференция, конась совавтсь полавкст организациянь уставонтень. Автономиянть тевензэ мельга пштистэ ваны МР-нь Юстициянь министерствась. Дудко ледстизе «Крыныця» ансамблянтькак, конась 2009 иестэнть совась Саранскоень Культурань Дворецэнть «сёлмонзо алов». Ней ансамблясонть морыть аволь ансяк украинецт, истя жо рузт, эрзят, мокшот ды натой грузинткак. Весе сынст вейсэнди вечкемась украинань моронтень.

Покш лезкс автономиянтень максыть «Салют Мордовии» фирмань прявтось В.Е.Гнатюк,  «Мордовспецстрой» ОАО-нь прявтось В.С.Флеганов, МР-нь Национальной политикань коряс министерствась, Лямбирень райононь администрациясь ды истя седе тов.  Лопатино хуторонь 100 иетненень автономиясь ютавтсь покш мероприятия, козонь сакшность 500 ламо ломанть. Кенярксчись пек келейстэ невтезель республикань СМИ-тнесэ.

Икелепелев автономиясь седеяк виевгавтсы эсензэ важодеманзо, теевтьсынзе содавиксэкс украинецтнэнь культураст, келест, коест-кирдаст марто аволь ансяк Мордовиянь эрицятнень, истя жо Россиянь лия регионсо эрицятненьгак. Секскак арсетяно тенст, штобу весе арсезесь топавтовозо ды совавтовозо эрямонтень.

И.Астайкина

 
Саранскоень эрицятнень кенярдовтынзе скрипачось Дмитрий Коган

Неть читнестэ Саранскоев концерт марто сакшнось содавикс скрипачось, РФ-нь заслуженной артистэсь Дмитрий Коган. Концертэсь ютась «Время высокой музыки» «Единая Россия» партиянь Федеральной благотворительной акциянть лувсо. Те акциянть рамкатнесэ арсевить концертт масторонь весе регионтнэсэ, вастовомат од музыканттнэнь марто. Теке марто, весе музыкальной школатнес ды училищатнес стякодо максовсть дискт, конатнесэ сёрмадозь Дмитрий Коганонь концертэзэ. Весемезэ дисктнеде нолдазь 30000 экземплярт ды сынь кармить вадря пособиякс од музыканттнэнь туртов.

Подробнее...
 
Героень лемесь максозель тензэ Белоруссиянь операциянть кисэ

Иван Христофорович (Ованес Хачатурович) Баграмян чачсь 1897 иень декабрянь 2-це чистэнть Россиянь империянь Елизаветполень губерниянь Чардахлы велесэ. Баграмян ульнесь советэнь военачальникекс, Советской Союзонь кавксть Героекс, Ленинэнь орденэнь сисемксть кавалерэкс, Советской Союзонь Маршалокс, КПСС-нь ЦК-нь членэкс. Национальностень коряс армянинэль. Тетязо, Хачатур Карапетович, важодсь чугункань ки лангсо, получась образования ды теевсь артелень старостакс. Авазо, Мариам Артёмовна, кузнецень семиястоль, эсь прянзо педе-пев алтызе эйкакшонь трямонтень. Иван тонавтнесь Елизаветпольсэ армянонь церьковань-приходонь школасонть. 1907-1912 иетнестэ тонавтнесь Тифлисэнь чугункань кинь училищасонть, конадонть мейле теевсь техникекс-практикекс.

Подробнее...
 
Ине тевень поладыцят

Н.П.Огарёв лемсэ университетэнь Историянь музейсэ ютавтовсь «Если не я, то кто же?» эрьва кодамо иень поисковиктнень вастовома. Студенттнэ вастовкшность поисковой движениянь ветерантнэнь, вузонь васенце студенческой поисковой походонь участниктнень марто.
Музейсэ вастовомась икелень поисковиктненень ледстинзе толпандя вакссо пурнавоматнень. Инжетне, студенттнэ ды преподавательтне кунсолость гитара мельга моразь войнань шкань морот, ванкшность эрьва кодамо иень походтнэстэ фотографият.

Подробнее...
 
Вастовома Мокшин профессоронть мрато

Неть читнестэ Межэтнической журналистикань гильдиянь Саранскоень отделениясонть ютавтовсь Н.П.Огарев лемсэ МГУ-нь филологиянь факультетэнь журналистикань отделениянь студенттнэнь туртов «Ламо раськень Россиясь СМИротворецтнэнь сельмсэ» курсатнень эште вейке занятиясь. Мельстуиця кортамо сы шкань журналисттнэнь марто ветясь историянь наукань докторось, профессорось, этнографось, Рузонь географической обществань Старейшинань советэнь членэсь Николай Федорович Мокшин. Вастовомас пуромозетне ванкшнызь Россиянь раськень политиканть. Тешкстызь СМИ-нть ды властенть ютксо вейсэнь важодемань эрявиксчинть.

Подробнее...
 
<< Первая < Предыдущая 181 182 183 184 185 186 187 188 189 190 Следующая > Последняя >>

Новости

Национальной театрасо панжови сезонось

Ванды, сентябрянь 27-це чистэ, Эрзянь ды мокшонь раськень драматической театрасо панжови сезонось. Ваныцятнень туртов невтеви К.Петровань «Ташто койсэ» эрзянь кельсэ спектаклясь. Путовкссонть кармить ламо морот, киштемат, невтеви покш свадьба. Парсте невтевить эрзянь фольклорось, койтне-кирдатне. Спектаклясонть ули мезе лангс ваномс. Нама, шкась кезэрень, XIX-XX-це пингесь. Кой-кона тевтне абунгавтыть. Ансяк те – весе ульнесь алкукс, те минек историясь.

Моледе ваномо, ушодксось 18:30 чассто.

 
Пивсэзь 1 миллион тоннат сюро

Кода а кецямс?! Мордовиянь агропромышленной комплекссэ важодицятне, тедедень коське кизэнть лангс апак вано, пивсэсть 1 миллион тоннат сюро. Эрьва гектарсто среднейстэ саезь 25,8 центнерт. Теде пачтясть МР-нь Велень хозяйствань ды продовольствиянь министерствань специалисттнэ.

Подробнее ...
 
На заседании Социальной платформы обсудили принятие региональных льгот

17 сентября в Государственном Собрании РМ состоялось заседание Социальной платформы Партии «ЕДИНАЯ РОССИЯ», в рамках которой депутаты Госсобрания обсудили принятие на предстоящей сессии проекта закона Республики Мордовия «О внесении изменений в статьи 2 и 9 Закона Республики Мордовия «О мерах социальной поддержки отдельных категорий населения, проживающего в Республике Мордовия». 

Подробнее ...
 
Сторонники Партии проанализируют возможности регионов в области переобучения и повышения квалификации людей предпенсионного возраста

  Региональные координационные советы сторонников Партии «Единая Россия» с 21 сентября начинают сбор и систематизацию информации относительно возможностей субъектов Российской Федерации по предоставлению различных курсов и программ, направленных на профессиональную переориентацию людей старшего поколения. Об этом сообщил сопредседатель Центрального координационного совета сторонников Партии Сергей Боярский.

Подробнее ...
 
Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...