Рубрикатор

Сталинградонть идемстэ чавовсть кавто тёжадо ламо Мордовиянь солдатт

 

Аволь умок тешкстынек покштояк покш кенярксчи – Ине Отечественной войнасо Изнямонь 70 иетнень. Те Изнямось – минек раськень подвиг, конась а стувтови зярдояк ды карми эрямо седейсэнек пингеде-пингес. Фашисттнэнь каршо тюремасонть покш таликазо Сталинградонть кисэ тюреманть, конась мольсь 200 чить ды веть. Ошонть идесть 2 миллиондо ламо ломанть, 2 тёжат танкт ды 25 тёжат эрьва кодамо орудият. Те тюремась ловови войнасонть сехте стакакс ды астувтовицякс. Сон ушодовсь 1942 иень июлень 17-це чистэ, ды 1943 иень февралень 2-це чистэ советской войскатне изнизь фашисттнэнь. Зяро те тюремасонть чавовсть солдатт, те шкас а ёвтави виде цифрась, эдь неень Волгоградонь моданть потсто нейгак вешниця отрядтнэ мукшныть чавовозь солдаттнэнь. Кода кортыть, войнась ловови апак прядово, зярс моданть потс лияды куш вейке апак калма солдат.

Подробнее...
 
«Евсевьевень ловномат» – пединститутсо

 

Маень 14-15-це читнестэ М.Е.Евсевьев лемсэ государственной педагогической институтсо ютась од учёнойтнень туртов Раськеютконь научно-практической конференция. Лиякс те промксонть лемдить «Евсевьевень ловномат». Тедеде сынь мольсть 51-де. Конференциянть панжизе пединститутонь ректорось В.В.Кадакин. Сон тешкстызе, те промкссонть яволявтозельть тёжадо ламо докладт! Важодемась поладовсь 32 эрьва кодамо секциява. Истя жо панжовсть од ломанень научной кото школат. Сынст эйсэ ванновсть региональной этнокультурной процесстнэ, образованиясо «диалог культур» ёнксось, музыкально-педагогической тевтнесэ инновациятне, «УМНИК» программанть юрсо инновациянь проекттнэнь эрямос совавтомась.

Подробнее...
 
Сезононть пекстызь од спектаклясо

 

Эрзя-мокшонь национальной драмань театрасо неть читнестэ пекставсь сезонось. Ваныцятнень туртов невтезель од путовкс. Сон алтазель Ине Отечественной войнасо Изнямонь 70 иетненень. «Не забывай незабываемое» – те фронтовиктнень сёрмаст коряс героической романтика. Спектаклянть анокстызе Екатерина Исайчева актрисась. Те тевсэнть сонензэ лездась содавикс режиссёрось, МР-нь искусствань заслуженной деятелесь Игорь Кузьмин.

Од путовкссонть налксить театрань малав весе од актёртнэ. Тесэ невтеви, кода школасо выпускнойде мейле сы войнанть ушодовомадо зыянов кулясь. Исень тонавтницятне туить фронтов. Спектаклясонть гайгить К.Симоновонь, А.Твардовскоень, Н.Майоровонь, Ю.Друнинань, В.Высоцкоень, Р.Рождественскоень ды ламо лия автортнэнь стихест, гайгить войнань шкань морот. Улить таркат, косо а кирдевить сельведтне. Саемга, те зярдо сы аванть (налкси Г.Самаркина) цёранзо (А.Якомаскин) чавовомадо куля. Актрисась лайшесь эрзякс. Войнасонть эрьвась эри кемема марто – ятось ули изнязь.

Подробнее...
 
Максылизе се информациянть, конань бажась марямс Сталин

 

Советской Союзонь военачальникесь, Советской Союзонь Маршалось Филипп Иванович Голиков чачсь 1900 иень июлень 29-це чистэ Пермень губерниянь Камышловань уездэнь Зырянонь волостень Борисово велесэ сокицянь-видицянь семиясо. Тетязо, Иван Николаевич, велень фельдшерэль, авазо, Раиса Васильевна, крестьянкаль. Филипп эсензэ велесэ прядсь колмо класст, 1918 иестэнть прядынзе Камышлов ошонь уездэнь гимназиянь 7 класстнэнь.

1918 иестэнть совась РКП(б)-с ды Якстере Армиянтень. Участвовась Гражданской войнасонть, косо воёвась «Якстере тумоатякшт» Крестьянонь коммунистэнь ледниця полксонть. Голиков ульнесь пулемётонь командань агитаторокс. Петроградсо прядынзе военной агитаторонь курсатнень. 1919 иестэнть саезь – 51-це ледниця дивизиянь политотделэнь инструктор-организатор. Гражданской войнанть прядовомадонзо мейле 11 иень перть топавтсь политважодеманть. 1929 иестэнть прядынзе РККА-нь усовершенствованиянь курсатнень. 1920 иень майстэнть саезь – агитатор, теде мейле дивизиянь информациянь прявт. 1921 иень мартстонть саезь – губерниянь военной комиссариатонь политсекретариатонь прявт. 1921 иень майстэнть саезь – ледниця бригадань политотделэнь прявт. 1922 иень майстэнть саезь – инструктор, седе тов Приволжско-Уральской военной округонь политотделэнь отделениянь прявт. 1929 иень апрельстэнть саезь – Приволжской военной округонь политуправлениянь агитациянь-пропагандань отделэнь прявт. 1931 иестэнть аравтызь военкомокс ды ледниця дивизиянь политотделэнь прявтокс.

Подробнее...
 
Ютась аволь вейке войнань пачк

 

Монь тетянень, Живаев Михаил Ивановичнень, савсь ютамс колмо войнань пачк. Васенцесэнть, Германиянть марто тюремстэ, понгокшнось истямо тевс. Эсензэ частензэ марто совась вирьс. Вейке чувтонть прясто неизе немецень снайперэнть. Сонгак тетянь редизе. Кавонест ладизь ружияст вейкест-вейкест лангс. Тетям седе икеле кенерсь ледемс. Немецесь пултокс прась масторов. Тетям ледстнесь:

Кулозенть лангс ванозь, мон таймазкадынь. Эзинь фатяяк, кода тусть сельведень. Ялган кармасть оймавтомон:

Тон мезть, Миша. Бути а тон, сон тонь ледевлинзить.

Нама, ледевлимим, ялатеке жаль маряви. Ломань эдь. Паряк, семиязояк кадовсь.

Зяроксть эзь савкшно ёвтнемс тетянень теде, сельмесэнзэ свал ульнесть сельведть. А эдь цёрась виевель, кеме обуця мартоль. Лисни, эсь прянть идемстэяк ломанень маштомась кеняркс а канды, ансяк ойметь колы.

Зярыя чинь ютазь тетям ранязель. А стяко кортыть, войнасо парт иля учне.

Подробнее...
 
<< Первая < Предыдущая 171 172 173 174 175 176 177 178 179 180 Следующая > Последняя >>

Новости

Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...
 
Плотников: Фермеры смогут жить на своей земле, а не ездить каждый день туда как на работу

 Госдума приняла в первом чтении законопроект, который разрешает фермерам строить дом для себя на своей земле сельскохозяйственного назначения. Законопроект меняет порядок строительства жилых домов в КФХ. Такое заявление сделал координатор партпроекта «Единой России» «Российское село», депутат Государственной Думы Владимир Плотников.

Подробнее ...
 
Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...