Рубрикатор

Вастовома раськень культурань автономиятнень марто

Неть читнестэ Саранскоень ды Мордовиянь митрополитэсь Зиновий вастовкшнось республикасонок улиця ламо раськетнень культурань автономиянь, пазнэнь кемемань организациянь представительтнень марто. Вастовомась ютавтовсь Н.П.Огарев лемсэ ИНК-нь конференциянь залсонть. Васняяк МР-нь Раськень политикань коряс министрась А.М.Чушкин аламонь-аламонь ёвтнесь республикасонок эриця раськетнеде, сынст таликадост Мордовиянть виевгавтомасо-кемекстамосо. Мейле уш тонат ёвтызь эсь вановтост республикасонок ветявиця раськень политикадонть, икелест аштиця прявт кевкстематнеде.

Мон вечкса тиринь мастором, тесэ эриця ломантнень. Миненек эряви весе вийсэнек ванстомс эйкакшонок стакачитнеде-зыянтнэде. Тень туртов эряви вейсэндявомс весе раськетненень, лия пазнэнь кемицятненень. Васняяк, эряви маштомс чарькодемс вейкень-вейкень, муемс ды ванстомс эрямонь прявт питнейчитнень. Эряви седе сеедьстэ ютавтомс истят вастовомат, кортамот – те лезды изнямс эрямонь стакачитнень.

Т.Аксенова

 

 

 
Сергий Радонежскоень лемензэ кундамга

Маень 23-це чистэ Эрзя-мокшонь драмань театрасонть ютавтовсь «Преподобный Сергий Радонежский и укрепление духовного единства российского народа» регионъютконь научно-практической конференциясь. Тесэ доклад марто пуромозтненень пшкадсть Саранскоень ды Мордовиянь митрополитэсь Зиновий, МР-нь раськень политикань коряс министрась А.М.Чушкин, филологиянь факультетэнь деканось Ю.А.Мишанин, «НИИ гуманитарных наук при Правительстве РМ» МР-нь ГКУ-нь прявтось В.А.Юрченков ды лият. Аштемтаркантень сакшность Мордовиянь министерствань ды ведомствань важодицятне, духовенствась ды истя седе тов.

Подробнее...
 
Евсевьевень ловноматне ютавтовсть тесэ 50-де

Маень 21-23-це читнестэ М.Е.Евсевьев лемсэ МГПИ-сэ ютась «50-ые Евсевьевские чтения» раськеютконь научно-практической конференция, кона алтавсь ине просветителенть М.Е.Евсевьевень чачома чистэнзэ саезь 150 иетненень. Сонзэ важодемасо ульнесть МР-нь Государственной Собраниянь Председателень полавтыцясь Р.З.Аширов, М.Е.Евсевьев лемсэ МГПИ-нь ректорось В.В.Кадакин, МР-нь Образованиянь министрань полавтыцясь Г.А.Явкина, Образованиянь Российской академиянь вице-президентэсь, А.И.Герцен лемсэ РГПУ-нь президентэсь, физико-математической наукань докторось, профессорось Г.А.Бордовский, Макар Евсевьевень нуцьказо Ю.А.Евсевьев ды лият.

Подробнее...
 
Весе вийсэст стявтыть церькова

Александр Борисов

Отяжелева ардомсто сельменек икелев сти строявиця церьковась. Ярмактнень сонзэ стявтомс пурнасть весе масторонть келес. Ды ней Андрей Первозванной Апостолонть храмось аламонь-аламонь кепететсь пирявксонть потсто. Зярдо минь ульнинек Отяжелесэ, сонзэ сэрезэ уш кузнекшнесь 9,5 метрас. Церькованть строитькак Отяжелень эрицятнень вийсэ. А пек стака тевтнень тееме (кирьпецень ладсеме, шлямо) сакшныть райононь администрациянь, больницянь, школатнень ды лия организациятнень роботниктне.

Ялатеке прявт роботатнень теи подрядчикесь – «Талина» ООО-сь. Александр Борисов важоди тосо технической надзоронь коряс ведущей инженерэкс. Саша – од специалист, прядызе Н.П.Огарев лемсэ МГУ-нь архитектурно-строительной факультетэнть 2009 иестэ. Теке марто уш 2007 иестэ саезь од цёрась важодсь Саранскоень Проектной институтсо. Кенериль роботамояк, тонавтнемеяк. Университетэнть прядомадо мейле Борисов ютась важодеме «Талинав». Трудонь биографиянзо перть Сашанень зярс савкшнось строямс ансяк велень хозяйстватнень туртов фермат, подсобной помещеният.

Подробнее...
 
Н.Ф.Мокшин: "Сон эриломантнень мельсэ!"

Эрзя-мокшонь содавикс просветителесь, общественной ды государственной деятелесь, поэтэсь, учителесь, этнографось, фольклористэсь, историкесь Захар Фёдорович Дорофеев чачсь 1890 иень мартонь 24-це чистэ Тамбовонь губерниянь (ней те Мордовиянь Торбеева енкс) Салазгорь велень сокицянь-видицянь семиясо. Эрямонзо перть, косо бу аволь важоде, ламо паро тейсь кода эсь масторонтень, истя жо эсь раськензэ туртов.

Сы иестэ топодить 125 иеть сонзэ чачома чистэнзэ саезь. Течинь номерсэ ученоенть коряс евтни историянь наукань докторось, профессорось, Россиянь Писателень союзонь членэсь Н.Ф.Мокшин:

Захар Фёдорович Дорофеев – истямо Личность, кодат чачнить сядо иес весть. Паряк, седеяк чуросто. Кадык лиссь Дорофеев сокицянь-видицянь семиясто, сонзэ ульнесь покш мелезэ тонавтнемс. Монь койсэ, сон марясь эсь потсонзо покш вий. Ды чарькодсь, содамочивтеме мезеяк а тееви. Секскак З.Ф.Дорофеев прядынзе церковно-приходской, земской школатнень ды Виндрейсэ высшей начальной училищанть. 1905 иестэнть саезь тонавтнесь Казанень учителень семинариясо. Самай тосо З.Ф.Дорофеев кармась теевеме личностекс, кодамокс кадовсь историясо.

Подробнее...
 
<< Первая < Предыдущая 171 172 173 174 175 176 177 178 179 180 Следующая > Последняя >>

Новости

Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...
 
Чемпионатонть анокстамга

Мордовиянь Прявтось Владимир Волков декабрянь 16-це чистэ ютавтсь 2018 иень масторлангонь Футболонь чемпионатонтень анокстамга оргкомитетэнь промкс, конасонть важодсть МР-нь Госсобраниянь Председателесь Владимир Чибиркин, Правительствань Председателесь Владимир Сушков, Мордовиясо Главной федеральной инспекторось Михаил Сезганов, Саранск ошонь Администрациянь прявтось Пётр Тултаев, «Оргкомитет Россия – 2018» АНО-нь операционной директорось Дмитрий Годунов.

Подробнее ...
 
Прявтось Московсоль

Мордовиянь Прявтось Владимир Волков декабрянь 18-це чистэ Московсо важодемань коряс вастовкшнось Россиянь Финансонь министрань полавтыцянть Леонид Горнинэнь марто.

Подробнее ...