Рубрикатор

Футболонь ваныцянь фестивалесь панжинзе кенкшензэ!

Течи Саранскойсэ покштояк покш кенярксчи – ушодови FIFA-нь футболонь ваныцянь раськеютконь фестивалесь! Тешкстасынек, 2018 иестэ Масторлангонь футболонь чемпионатось, эли, лиякс меремс, Мундиалесь, ютавтови Россиясо. Кемголмово оштнень ютксо, косо кармить молеме налксематне, Мордовиянь прявт ошоськак. Вешематнень коряс, конатнень аравтынзе FIFA-сь, эрьва ошсо, косо кармить налксевеме чемпионатонь матчтне, улест футболонь сатышка вечкицят. Тень мельс саемга, Саранскойсэ июнень 26-це чистэ карми молеме футболонь ваныцянь фестиваль. Сонзэ программазо пек сюпав. Кенярксчись ушодови Тежа иень площадьстэнть 14 чассто покш парадсонть, конасонть участвовить Бразилиянь, Кореянь, Алжирэнь, Бельгиянь ды Россиянь футболонь командань ломантне.
Сонсь фестивалесь панжови Правительствань Кудонть икеле. Тесэ кармить чествовамо футболонь сехте паро командатнень, невтевить мастер-класст ды лия эрьва кодамо мельстуиця представленият.

Подробнее...
 
Сехте партнэнень – сырнень медальть

И.М.Яушев лемсэ театрасо ютась покш кенярксчи. МР-нь Прявтось В.Д.Волков сырнень медальсэ казинзе школань прядыцятнень. Тей сакшность республикань районтнэнь ды Саранскоень школатнень прядыцятне, мартост тонавтыцяст ды тетяст-аваст. Мордовиясо теевсь паро коекс тешкстамс школасо вадрясто тонавтницятнень. Владимир Дмитриевич пачтясь, тедеде медальтне анокстазь республикань тешкс марто.
В.Д.Волков сюкпрянь вал марто пшкадсь тетятненень-аватненень, конат кастсть истят ёроков эйкакшт: «Тынь путынк весе ойменк, кадык эйденк седе товгак кецявтыть эйсэнк». Истя жо тонавтыцятнененьгак Прявтось мерсь, келя, Правительствась лезды ды седе товгак карми лездамо педагогтненень, явомо покш мель образованиянтень.

Подробнее...
 
Андрейвелесь – монь вечкемам!

Пурнан-вешнян валт, кода ушодомс тиринь ёнксто ёвтнеманть. Кодат сеть валтнэ, конат ёвтавлизь весе вечкеманть, талновксонть, седей лембенть сень кис: Андрейвелем ульнесь ды кадовсь эрямосонок, сонзэ китнева-янтнэва яксинек-касынек, ломанензэ марто эшксевинек-вастневинек… Ды вана ледстявсь тень те валось – коренник. Тройкас кильдезь лишметнень ютксо куншкас кильдить весемеде виевенть, рузкс сонензэ мерить коренник. Те се лишмесь, кона уски ды вети нурдотнень-крандазтнэнь. Коренникесь кирдияк, лоткавтыяк сынст. Коренникенть лангс пры сехте ламо сталмось, кадык молить-ардыть мартонзо лия лишметне. Секскак коренникекс саить седе покш ды шумбра лишметнень.

Подробнее...
 
Юрфакось кемексты сюлмот европанть марто

Июнень 11-13-це читнестэ Ригасо ютавтовсь «Развитие сотрудничества «Восточного партнёрства» ЕС от возможностей до совершенства: в Контексте укрепления исследовательской, региональной и инновационной политики «Горизонт 2020» раськеютконь научно-практической конференциясь. Сонзэ анокстыцянзо-ютавтыцянзо – Латвиянь университетэнь Жан Моннень правань исследованиянь куншкакурось, Латвиянь Омбо масторонь тевтнень коряс министерствась ды Европейской комиссиясь.
Тешкстасынек, те конференциясонть ульнесть 20 ламо европань государстватнестэ делегатт. Сон мольсь Европань Союзонь Европань комиссиянь почётной директоронть, профессоронть Александр Берлинэнь прявтсо. Россиянть пельде делегатокс кочказель Н.П. Огарёвонь лемсэ НИ МГУ-нь Юридической факультетэнь деканось Юлия Николаевна Сушкова. Неть читнестэ минь вастовинек Юлия Николаевна марто, кона ёвтнесь тенек конференциядонть.

Подробнее...
 
Велень спортонь IV налксематне Рузаевкасольть

Течинь чине минек республикасо спортонтень явови мель аволь ансяк покш оштнесэ ды райононь центратнесэ, истя жо вишка велетнесэяк. Секскак спортонь мероприятият Мордовиясо ютавтовить сеедьстэ. Истя, республикань муниципальной районтнэсэ эрицятнень туртов ютавтовить Велень спортонь кизэнь налксемат. Меельцетне ульнесть малав вейксэ иеде икеле. Велень спортонь кизэнь III-це налксематне ютавтовсть 2005 иестэнть Темниковасо. Шкадонть, эряви меремс, ютась уш аволь аламо. Секскак кулясь – 2014 иестэ Мордовиясо вельмевтевить неть пелькстамотне – кецявтынзе велень спортсментнэнь.

Подробнее...
 
<< Первая < Предыдущая 161 162 163 164 165 166 167 168 169 170 Следующая > Последняя >>

Новости

Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...
 
Чемпионатонть анокстамга

Мордовиянь Прявтось Владимир Волков декабрянь 16-це чистэ ютавтсь 2018 иень масторлангонь Футболонь чемпионатонтень анокстамга оргкомитетэнь промкс, конасонть важодсть МР-нь Госсобраниянь Председателесь Владимир Чибиркин, Правительствань Председателесь Владимир Сушков, Мордовиясо Главной федеральной инспекторось Михаил Сезганов, Саранск ошонь Администрациянь прявтось Пётр Тултаев, «Оргкомитет Россия – 2018» АНО-нь операционной директорось Дмитрий Годунов.

Подробнее ...
 
Прявтось Московсоль

Мордовиянь Прявтось Владимир Волков декабрянь 18-це чистэ Московсо важодемань коряс вастовкшнось Россиянь Финансонь министрань полавтыцянть Леонид Горнинэнь марто.

Подробнее ...