Рубрикатор

Писателень Союзось тешкстынзе 80 иензэ

Неть читнестэ Печатень кудосо ютась торжественной промкс. Сон алтавсь Мордовия Республикань Писателень союзонь 80 иень юбилеентень. Вастовомантень сакшность покш инжеть, поэтт ды писательть. Промксонть ветясь Союзонь председателесь Александр Макарович Доронин.

МР-нь Печатень ды информациянь министрась В.В.Маресьев ловнынзе МР-нь Прявтонть В.Д.Волковонь ды Правительствань Председателенть В.Ф.Сушковонь пельде поздоровтнень. Истя жо лембе валт ёвтась МР-нь Национальной политикань коряс министрась А.М. Чушкин. Паро валсо сон тешкстызе Союзонь прявтонть А.М.Доронинэнь важодеманзо.

Подробнее...
 
Кочкурбуесэ стявтови од Церькова

Ломантнесэ духовностень, нравственностень кемекстамось свал ульнесь талновтыця кевкстемакс. Кода содатано, масторсонок ульнесь шка, зярдо яжазельть ламодояк ламо церьковат. Ды ансяк ломантне, конатне алкукс кемить Пазонтень, ванстызь кемемаст ды ней кандыть сонзэ лиятнень туртовгак.

Од церьковань стявтомась Кочкурбуень эрицятнень туртов – те покш события. Учость эйсэнзэ аволь вейке кементь иеть. Нама, секс 2014 иень сентябрянь 6-це чись ламонь туртов кадови астувтовиксэкс. Эдь самай те чистэнть Саранскоень ды Мордовиянь митрополитэсь Зиновий сакшнось Кочкурбуев Рождества Христова лемсэ церькованть ушодксонтень ледстнемань капсулань путомо.

Подробнее...
 
Гриппень орманть анолдамга

Экшендемань ормасо ломантне седе сеедьстэ сэредить сёксня. Кой-кить уш ушодсть кешнеме ды козомо, лиятне а максыть пряст ормантень… Республикань Роспотребнадзорсо ледстить инфекциятнень марто организационной, профилактической ды противоэпидемической бороцямонь коряс мероприятиятнень ютавтомадонть.

Подробнее...
 
Владимир Волков – вадрятнень ютксо


Мордовиянь Прявтось Владимир Волков совась Равчирень федеральной округонь субъекттнэнь колмо сехте вадрясто важодиця прявттнэнь юткс. Истят невтевкстнэ «Губернаторонь комплексной рейтингенть», конань анокстызе «ФедералПресс» информагентствань рейтингово-аналитикань отделэсь.
Рейтингенть молема шкастонть кевкстнезельть 40 ламо экспертт, ютксост – Россиянь социологиянь ды политологиянь агентствань прявтт, покш уровнянь икелень чиновникть ды региональной ведущей политологт. Региононь эрьва прявтонтень ниле параметрань коряс респонденттнэ путсть оценкат кемень баллонь шкаланть коряс – вертикальсэнть важодеме маштомачинтень, таркава элитанть марто строязь отношениятненень, бизнесэнтень парсте лездамонтень ды социальной сферасонть важодемантень. Эксперттнэнь башка мелест явозель экономиканть виевгавтоманзо коряс губернатортнэнь важодемантень.
Итогтнень теемадо мейле кармась содавомо – Мордовиянь Прявтось Владимир Волков совась ПФО-нь сехте вадрясто важодиця колмо губернатортнэнь юткс. Икелень исследованиятнень коряс Мордовиянь Прявтось кузсь колмо позициядо.
Рейтингень васенце таркас лиссь Татарстанонь президентэсь Рустам Минниханов, омбоце таркас – Нижегородской областень губернаторось Валерий Шанцев. Мордовиянь Прявтось Владимир Волков – колмоцесэнть.
Мордовиянь экс-прявтось, ней Самарань областень губернаторось Николай Меркушкин зани рейтингень кавксоце строчканть. Меельцесэнть, 14-це таркасонть, Кировской областень руководителесь Никита Белых.

 
Ютазь пингень сёрмадейтнень произведенияст нолдама одов

Тедедень октябрянь 25-27-це читнестэ Саранскойсэ ютавтови эрзя-мокшонь раськень VI Инекужось. Сонзэ эрявиксчидензэ, Инекужонть лувсо кепедевиця кевкстематнеде мелензэ-арсеманзо ёвтынзе А.С.Пушкин лемсэ библиотекань краеведениянь, эрзя-мокшонь раськень ды финнэнь-угрань литературатнень отделэнь прявтось, Инекужонь делегатось Надежда Владимировна Бочканова:
– Эрзя-мокшонь раськень VI Инекужосонть эряви ванкшномс пек ламо пшти кевкстемат, кемекстамс сынст коряс решеният, ды, нама, совавтомс сынст эрямос. Ансяк сестэ тевенек кармить молеме вадрясто.
Монь, кода библиотекань важодицянть, васняяк талновты истямо кевкстемась: эряви одс нолдамс ютазь пингень 20-40-це иетнень эрзянь ды мокшонь писательтнень ды поэттнэнь сёрмадовксост: Е.Пятаевень, И.Прончатовонь, С.Вечкановонь, К.Петровань, Ф.Беззубовань ды лиятнень. Те кевкстемась пек талновты библиотекань весе важодицятнень.

Подробнее...
 
<< Первая < Предыдущая 151 152 153 154 155 156 157 158 159 160 Следующая > Последняя >>

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...