Рубрикатор

Взлётноесь вансты эсензэ коензэ

Лия ёнксов паро эрямонь ды ламо ярмаконь вешнеме Мордовиясто од ломантне сыргить аволь ансяк меельце шкатнестэ. Истямо жо мелявкс республикась печтясь ютазь пингень 60-70-це иетнестэяк. Мокшотне седе сеедьстэ ардсть Москов ёнов, эрзятне – Саратовав сюпав колхозтнэнь-совхозтнэнь малав. Ламот эрзятнестэ мусть эстест таркат тосонь Энгельсэнь районсонть. Туильть васняяк вейкень-вейкень, мейле тердилизь родняст-раськест, ялгаст-ояст. Отяжелень райононь Сабанцелестэ зярыя од семият мусть робота Саратовань ёнксонь Энгельсэнь райононь «Октябрь» совхозсонть, конась кастыль умарть ды лия эмежть-мезть. Сынст туртов совхозонть малас 1979 иень сентябрянь 27-це чистэ ушодсть стявтомо од поселка. Лемдизь Взлётноекс. Эрзятнеде башка, эйзэнзэ эрямо ды важодеме састь рузт, казахт, татарт ды ламо лия раськень ломанть. Велинесь лиссь интернациональноекс ды эрясь ялгаксчисэ. Раськетне тапавсть вейкест-вейкест юткова: эрзянь тейтертне лиснесть мирденень казахтнень экшес, татартнэ сайнесть рузават…Те шкастонть ютасть 35 иеть ды вана ютазь субутасто те велинесь тешкстызе эсь кенярксчинзэ – чачома чинзэ.

Подробнее...
 
Бажить улемс инженерэкс

Н.П.Огарёв лемсэ МГУ-со ванкшнызь примамонь кампаниянь итогтнень. Кода пачтясть вузонь пресс-службастонть, тедеде седе ламо абитуриентт мель явсть инженерно-технической специальностнес тонавтнемантень, седе ламолгадсть питнеде тонавтницятне. Истя жо икеле иетнень коряс седе ламо Мордовияв содамочи мельга састь лия регионтнэстэ.
Ректорось Сергей Вдовин мерсь МГУ-нь сотрудниктненень уш нейке анокстамс сыця примамонь кампаниянтень ды виевгавтомс профориентациянь важодеманть.


 
Курок панжови од сезонось

Июлень 25-це чистэ Алтайсэ келейстэ тешкставсть содавикс актёронть, режиссёронть, писателенть ды сценаристэнть Василий Макарович Шукшинэнь чачома чистэнзэ саезь 85 иетне. Тенень алтавсть кавто покш общественно-культурной мероприятият – «Алтайсэ Шукшинэнь чить» ды «Шукшинэнь лемсэ весероссиянь XVI-це кинофестиваль».
Василий Макаровичень тетянзо ды аванзо ёндо покштянзо – мокшот. Тень кувалма минь, Мордовиясо эрицятне, аштетяно покш каштанчисэ.
Эрзянь ды мокшонь Национальной театрасо В.Шукшинэнь ёвтнеманзо коряс 2004 иестэ путозель «Латось сыргась» спектаклясь. Режиссёрось – И.Кузьмин. Ниле иень перть спектаклясь парсте невтевсь сцена лангсо. Юбилеенть кувалма Нацтеатрань труппась вельмевтизе «шукшинэнь тамашань ломантнеде» спектаклянть.

Подробнее...
 
«СМИротворец» конкурсось Калмыкиясоль

Те иень сентябрянь 21- 23-це читнестэ Калмыкия Республикасо ютавтовсь «СМИротворец – Юг» журналистэнь конкурсось. Тей, Элиста прявт ошонтень, пурнавкшность Южной федеральной округонь конкурссо изниця журналисттнэ, эксперттнэ, жюринь члентнэ, Калмыкиянь журфаконь студенттнэ, преподавательтне ды общественной деятельтне.

Ламочинь коряс Калмыкиясь аволь покштнестэ. Весемезэ республикасонть эрить 282021 тёжа ломанть. Калмыкиясь ашти Россиянь европань юго-востоконь пелькссэнть. Республиканть территориязо шляви Каспиянь иневедьсэнть, северо-востоконть ёнга чуди Равось. Тия чудить Маныч ды Кума лейтне. Республикасонть ламодояк ламо степт ды чаво таркат. Сехте покш эрькекс ловови Маныч-Гудилось. Кизна Калмыкиясонть пек пси – температурась кузни 50о градусос. Тесэ эрить малав 60 видэнь ракшат ды 130 видэнь нармунть.

Подробнее...
 
«Ош Пандо – тиринь ёнксонь ёвтнема»

Сентябрянь 20-це чистэ Дубенка ёнкссо ютавтовсь покш кенярксчи. Инжеть вастсь Сайнеле велесь. Тесэ ютавтовсь «Ош Пандо – тиринь ёнксонь ёвтнема» проектэнть марто содавтомась, сонзэ лувсо истя жо ютавтовсь «Чипаз Озкс» фольклоронь фестивалесь. Эряви ёвтамс, те кенярксчинтень ушодксось путозель тедедень тунда, зярдо РФ-нь Культурань министерстванть ды Культурань менеджерэнь ассоциациянь оперативной управлениянть лезксэст вельде Геннадий ды Елена Тимченконь благотворительной фондось вишка оштнень ды велетнень ютксо яволявтсь «Культурная мозаика» пелькстамо. Сайнеле велень библиотекань важодицясь Галина Валентиновна Аристова сайсь мель примамс участия те пелькстамосонть. Анокстась «Ош Пандо – тиринь ёнксонь ёвтнема» проект. Сонзэ прявт смустекс ашти: тиринь раськень койтнень-кирдатнень ванстомась, седе ламо ломанть содаст кезэрень Ош Пандонть кувалма, явост тензэ мель науканть, культуранть ды туризманть ендо. Ламо легендат ды мельстуиця тевть Ош Пандонть кувалма ёвтнесть Сайнеле велень эрицятне, секскак Галина Валентиновна апак кавтолдо кундась проектэнть анокстамонтень. Ды лиссь изницякс «Культурная мозаика» пелькстамосонть.

Подробнее...
 
<< Первая < Предыдущая 151 152 153 154 155 156 157 158 159 160 Следующая > Последняя >>

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...