Рубрикатор

Од Программась виевгавтсы раськень ояксчинть

Мордовия Республикань Правительствась кемекстызе «Гармонизация межнациональных и межконфессиональных отношений в Республике Мордовия» Программанть, конань анокстызе МР-нь Национальной политикань коряс министерствась. Весе проектэнть аравтлувозо – республикасо эриця эрьва кодамо раськень ломантнень ютксо ялгаксчинь кастомась. Неень шкане Мордовиясо межнациональной ды межконфессиональной тевтнесэ покш стакачить арасть. Ды тень эряви ванстомс седе товгак. Од Программась арсезь 2014-2020-це иетнес. Мезе ули Программасонть, ды кодат покш тевть ютавтовить тень коряс, минь кортнинек МР-нь Национальной политикань коряс министрань васенце полавтыцянть А.И.Карьгин марто.

Подробнее...
 
Николай Буянкин: «Касттано велесэ важодицятнень ёрокчист»

Сеедьстэ эрсян республикань промкстнэсэ, конатне ютавтневить МР-нь Велень хозяйствань ды продовольствиянь министерстванть ушодксонзо коряс. Эйсэст покш кортамо эрси республикань агропромышленной комплексэнть виевгавтомадо, велень хозяйствань специалисттнэнь ёрокчист кастомадо, велень хозяйствань предприятиятнес агрономтнень, зоотехниктнень, ветеринарной врачтнень, механиктнень анокстамодо. Арасель истямо промкс, косо бу аволизь шна «Мордовия Республикасо велень хозяйствань специалисттнэнь практической тонавтомань куншкакуро» аволь коммерческой партнерствасо важодицятнень, конатнень прявтсо Н.Ф.Буянкин.

Течи Н.Ф.Буянкин – минек инженек.

Николай Фёдорович, зярдо теезель МР-нь велень хозяйствань специалисттнэнь практической тонавтомань куншкакурось?

«МР-нь велень хозяйствань специалисттнэнь практической тонавтомань куншкакуро» аволь коммерческой партнерствась теезель 2004 иень маень 7-це чистэ. Теньсэ покш таликаст МР-нь Правительстванть ды МР-нь Велень хозяйствань ды продовольствиянь министерстванть.

Подробнее...
 
Культурань автопоездэсь - Мордовиясо

Мезе те истямось? 2014 иесь – Культурань ие, секскак МР-нь Культурань ды туризмань министерствась арсесь ламо кенярксчить, проектт, вастовомат. Республикань весе районтнэва кармить ютамо писательтнень марто творческой вастовомат, «кругловой стольть», музеень ды библиотекань важодицятнень семинарт, морамонь коллективтнень концертт, театратнеяк невтьсызь путовксост. «Культурань автопоезд» программасонть истя жо С.Эрьзя лемсэ изобразительной искусствань музеень 3-D форматонь выставка.

Саемга, Эрзянь ды мокшонь национальной драмтеатрась карми невтеме районтнэва вете спектаклят. Чаунзасо уш невтизь В.Распутинэнь «Живи и помни» спектаклянть, маень 31-це чистэ кармить Отяжбуесэ – К.Петровань «Ташто койсэ», июнень 20-це чистэ Атюрьевасо невтьсызь В.Мишанинань «Толмар» путовксонть, июнень 26-це чистэ – Ицялбуесэ «Живи и помни» спектаклянть, июнень 27-це чистэ – Ташто Шайговасо «Толмаронть».

Рузонь драмтеатрась – «Ночь ошибок» комедиянть. Някань театраськак эзь кадово ве ено. Сынь невтьсызь Е.Шварцонь «Два клёна», Л.Жадановонь «Жадный шах» путовкстнэнь.

Районтнэва сыргить государственной филармониянь морыцятнеяк. Истя жо «Росичи», «Торама», «Умарина» морамонь ды киштемань ансамблятне, государственной камерной хорось, «Биг-Бенд Саранск» джазонь оркестрась, Саранскоень музыкальной училищань духовой оркестрась. Панжовить декоративно-прикладной творчествань выставкат-ярмункат. Велень ды райононь эрицятненень – те алкуксонь кенярксчи. Ансяк бу савольть ваныцят, илязт уле чаво таркат, илязо стяко ёма шкаст артисттнэнь-инжетнень. Косто ломантне несызь неть спектаклятнень, кунсолосызь морыцятнень? «Культурань автопоездэсь» малавгавтсынзе ломантнень.

Т.Маторкина

 
«Техномирсэнть» мезе ансяк а микшневи...

Те иень тунда масторонь келес тешкставсь содавикс васенце космонавтонть Юрий Алексеевич Гагаринэнь 80 иетнень топодемась. Космонавтикань кенярксчиденть икеле истя жо юбилеензэ тешкстызе Орданьбуень предпринимателесь Юрий Алексеевич Зорькин. Кодгеменце иетнестэ ламот эсь цераст лемдсть Юракс, тейтерест – Валентинакс, тейтерьава-космонавтонть Терешковань лемсэ.

Се шкастонть республикань, кода весе масторонь эрицятненьгак покш каштанчикс ульнесь космосов Гагаринэнь ливтямозо.Секскак Юра лемесь сестэ ульнесь содавикстэяк содавиксэкс.

Шкась невтизе, Орданьбуе ёнксонь Кельвядне велень эрицятне Алексей Семёнович ды Нина Михайловна Зорькинтнэ тень теизь астяко. Юра цёрынест, кинень те лементь максызь 1964 иень апрелень 11-це чистэ, идинзе кемемаст, кассь содамочис бажицякс ды алкуксонь ломанекс. Виде, истямокс Зорькинтнэ тризь-кастызь ветенест эйкакшост. Астяко сынст семиясь Кельвяднесэ ловови трудонь вечкицякс, стакачиде апелицякс. Эсь шкастонзо мирдесь ды нись путсть эстест паро кудо, эйкакштнень марто озавтсть покш садпире. Цёратнеде семиясост – колмо, тейтертнеде – кавто. Ули мезень кисэ аштемс каштанчисэ Алексей Семёновичнень ды Нина Михайловнанень!

Подробнее...
 
Сёрмадстодо "Эрзянь правда"!

Эсенек ГАЗЕТАНЬ ловныцят!

Моли "ЭРЗЯНЬ ПРАВДАНТЬ" лангс 2014 иень омбоце 6 ковтнес сермадстомась.

Уледе эсь тиринь газетанть марто вейсэ!

Моледе почтав ды сермадстынк "ЭРЗЯНЬ ПРАВДАНТЬ!

Питнезэ пельиес 260 целковойть.

ИНДЕКСЭЗЭ - 52783

 
<< Первая < Предыдущая 151 152 153 154 155 156 157 158 159 160 Следующая > Последняя >>

Новости

Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...
 
Апандыцятнень лангс – судс

Саранскойсэ поладовить важодематне жилищно-коммунальной услугатнень кис апандыцятнень марто. Сынст лангс каявить яволявтомат судс. Истя, ошонь Ленинской районсонть судс максозь 1160 искт 56 миллиондо ламо целковойс. Течинь чине эйстэст пандозь малав 2 миллионт целковойть. Кемекстазь 52 договорт долконь реструктуризациянть лангс. Теке марто 116 квартиратнесэ керязь электроэнергиясь.

Подробнее ...
 
Кода уштовить кудотне?

Саранскоень мэрэнть кедьсэ промкссонть кудотнень уштоманть коряс кевкстемась кармась сехте пштикс. Администрациянь прявтонь васень полавтыцянть, Ошонь хозяйствань департаментэнь директоронть Алексей Егорычевень валонзо коряс, Саранскойсэ ламо квартирас весе кудотнесэ ули лембесь. Ансяк улить мелявкст зярыя стояктнень коряс, кевкстемась решави.

Подробнее ...
 
Вадрятнень ютксо

Политикань ды экономикань коммуникациятнень агентствась нолдась РФ-нь субъекттнэнь прявттнэнь рейтинг. Сентябрянь цётамотнень коряс Мордовиянь Прявтось Владимир Волков совась вадря губернатортнэнь юткс ды саизе 19-це тарканть. Меельце ковонть перть сон кемекстызе те тарканть кавто пунктс.

Подробнее ...