Рубрикатор

Юбилей марто, Николай Владимирович!

Октябрянь 15-це чистэ РФ-нь Федеральной Собраниянь Федерациянь Советэнь членэсь, сенаторось Николай Владимирович Петрушкин тешкстызе юбилеензэ. Николай Владимирович кеветее иеде ламо ульнесь Мордовиянь Финансонь министракс, кото иеть важодсь Мордовия Республикань Правительствань Председателень васенце полавтыцякс. Пек ламо тейсь Мордовиянть туртов ды нейгак полады лездамс тиринь республикантень, сеедьстэ вастневи кода сыре ломантнень, истя одтнэнь марто. Николай Владимирович – МР-нь Кадетэнь движениянь попечителень советэнь председатель, ламо тевензэ лангс апак вано, свал муи шка евтамс од ломантненень превспутомат тиринь ёнксонть вечкемга, патриотизмань лувсо прянь ветямга, шумбракс ды виевекс улемга.

Подробнее...
 
Кудонь кенкшензэ свал ульнесть панжадот

2014 иень июлень 31-це чистэ эрзянь содавикс критикентень, литературоведэнтень Василий Владимирович Горбуновнень чачома чистэнзэ саезь топодсть 100 иеть. Те покшчинть кувалма МР-нь Правительстванть юрсо Гуманитарной наукань научно-исследовательской институтсо ютась Учёной советэнь промкс. Тесэ ледстнесть филологиянь наукань докторонть, профессоронть, СССР-нь Писателень союзонь членэнть В.В.Горбуновонь валдо лемензэ. Институтсонть учёноесь ламо иень перть важодсь ды ульнесь тесэ прявтокс.
Вастовоманть ушодызе НИИ-нь прявтось, профессорось В.А.Юрчёнков. Сон тешкстызе, келя, теевсь паро коекс эрьва кемень иень ютазь вана истя пурнавомс ды ледстнемс В.В.Горбуновонь. Сонзэ валонзо поладынзе литературоведэсь, критикесь, педагогось Генрих Иванович Горбунов, учёноенть малавиксэзэ. Лелядонзо ёвтнесь ламо ды домкасто.

Подробнее...
 
ПАНЖАДО КОРТАМО журналисттнэнь марто

МР-нь Культурань ды туризмань министрась В.И.Шарапов вастневсь СМИ-сэ важодицятнень марто. Кортамось мольсь кувать, ванновсть эрьва кодат кевкстемат.
Министрась домкасто ёвтнесь сеть тевтнеде, конат молить республикань культурань эрямосонть. Саемга, вадрясто ютась «Культурань автопоезд» проектэсь. Сонзэ вельде творческой коллективтне, библиотекасо важодицятне ардтнизь малав весе районтнэнь. Невтнесть спектаклят, концертт, ютавтнесть тонавтомань семинарт.
Те пресс-конференциянтень Владимир Иванович сась Покш Березникбуестэ. Ды пачтясь, тосо кармить стявтомо «Сурский рубеж» военно-исторической комплекс. Сонзэ теемась алтави Ине Отечественной войнасо Изнямонь 70 иетненень. Сурской рубеженть кувалмозо – 80 вайгельбеть. Сонзэ стявтызь кавто ковс. Кинть лангсо важодсть тёжат ломанть: атят ды, нама, седе ламо ават, конат путызь тозонь весе шумбрачист.

Подробнее...
 
Алкуксонь цёра

Кезэрень шкань эрзятнень ульнесь пек мазый, смустень кандыця кой – макснемс кудолемть азоронть обуцянзо коряс. Кежей азорось кандтнесь Кежай лем, чопода оймесь – Чопай, манчигаесь – Манчай. Тюштянь пингень шкасто саезь неень шкас кандтнить эрзятне кудонь лемест, невтить пингеде-пингень обуцяст.
Маряви, валдо ойметь, пазонь ломанть ульнесть Чиньгай Ёндолонь покштянзо-покштяванзо, бути неень шкас ванстовсь апак кола те валдо, мазый кудолемесь. Кандыть сонзэ пингеде-пингес эрямо чувтонь тарадкетне, те юртонь цёра ломантне. А колы кезэрень лементь сонськак ве тарадкесь – Чиньгай Ёндол неень шкань кандтницязо, мекевлангт, тёкшос кепедизе сонзэ, мейсэяк эзизе пацька, путсь седеяк домка смусть ды питне кудоюртонь лементень. Кортнемась моли алкуксонь эрзянь цёрадо, тетядо, покштядо, эрзянь раськень Озатядо, Октябрьской райононь Горяйновка велень школань прявтонть Чингаев Леонид Анатольевичте.

Подробнее...
 
А.Данильчев: «Кепедема тиринь ёжонть»

VI Инекужонть кувалма мелензэ-арсеманзо евтынзе Данильчев Александр (Зинёронь Сантяй) – Равчирень финнэнь-угрань раськень культурань центрань кельтнень икелев молемаст коряс отделэнь прявтось, Саранск ошонь 26-це № лицеень эрзянь келень тонавтыцясь:
– Сыця Инекужонть эйстэ мон учан, васняяк, эрзятнень ды мокшотнень пельде потмоёжонь кепетема. Эдь минек раськенек ашти ёмамо лангсо. Тень а эряви кекшемс. Теде эряви кортамс. Ней аламот, кить кортыть эсь тиринь кельсэ, виздить. Овсе а кортыть МР-нь Правительствасо аштиця эрзятне ды мокшотне, сынст лездыцяст. А кортыть республикань эрьва буетнесэ (районтнэсэ) прявттнэ, велень прявттнэ. Эдь ансяк сынст пельде эряви саемс невтевкс миненек – од ломантненень. Секскак МР-нь Прявтонтень ды МР-нь Правительствантень лисян истямо энялдома-вешема марто: нолдадо эсенк яволявтомасо, кармавтомасо, поздоровонь ёвтамосо ды эрьва косо шумбракстнемань ды сюконямонь валт, рузонь кельденть башка, эрзякс ды мокшокс.

Подробнее...
 
<< Первая < Предыдущая 151 152 153 154 155 156 157 158 159 160 Следующая > Последняя >>

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...