Рубрикатор

ТИРИНЬ КОЙТНЕНЬ ВАНСТОМГА

Мокшэрзянь раськень    VI-це инекужонть лувсо И.М. Яушев лемсэ Оперань ды балетэнь государственной театрасонть важодсь раськень литературань ды художественной промыслань ды ремеслань выставка. Экспозициянть панжизе национальной политикань коряс министрась Анатолий Чушкин.

Выставканть темась – «Мокшэрзянь раськесь гражданской вейкетьксчинть пурнамосо-теемасо».

Подробнее...
 
СМИ-тнень вельде - тиринь культурантень

Омбоце чистэнть тиринь раськень VI инекужось поладовсь секциятнева важодемасонть. «Раськень культуранть ды СМИ-нть стакачитне» секциясь ютавтовсь Сыре Теризморга велесэнть. Тесэ инжетнень вастызь мазый мокшонь моросо, каванизь тантей пачадо ды позадо. Васняяк пуромозтнень содавтызь Сыре Теризморгань Раськень культурань центранть марто. Н.М.Кадерова прявтозо ёвтнесь инжетненень, кода тей сакшность колмо масторонь президенттнэ, кода В.В.Путин тонавтнесь тесэ мокшонь пачань панеме. Культурань центранть юрсо панжозь этнографиянь музей, конасонть невтезь велень ломантнень эрямост, кудоюткост. Истя жо тесэ невтезь раськень викшневкстнэ, оршамопельтне. Нина Михайловна евтнесь, Центранть юрсо важодить «Лаймоня» эйкакшонь ансамблясь, викшнемань ды човалясто кодамонь кружокт. Неезденть инжетне кадовсть покш мельспаросо.

Подробнее...
 
КУНДЫЗЬ ИНЕ СЁРМАДЕЕНТЬ ЛЕМЕНЗЭ

Ютазь недлясто Отяжелень райононь Ламбаське велесэ ютась покш мероприятия, конась алтазель эрзянь сёрмадыцянть, те велесэнть чачозенть Яков Яковлевич Кулдыркаевень  120 иетнень топодемантень. Астяко минь лемдинек сонзэ покшокс, эдь истят вастовоматне ды лемень ледстямотне кандыть покш смусть: эрзянь раськень культурань, литературань ине ломантнень лемест вельмевтемась, сынст эрямост ды творчестваст лангс ливтемась, тонавтнемась ды тонавтомась саить покш тарка эсь раськень ванстомань ёнкссонть. Яков Яковлевич Кулдыркаевнень октябрянь 22-це чистэ топодсть 120 иеть, малав 50 иеть уш те ломанесь арась ютксонок, ялатеке сонзэ лемезэ ды произведениянзо ванстовить минек республикасо. Ламонь эрзятнень мельс-превс сон кадовсь кода «Эрьмезь» эрзянь раськеде ёвксонть (эпосонть) сёрмадыцякс. Паро, те шкас сонзэ ледстнить ды Ламбаськесэ ловить эсест велень содавикс ине ломанекс.

Подробнее...
 
ТИРИНЬ КЕЛЬТНЕНЬ ТОНАВТНЕМГА

Саранск ошонь Администрациянь прявтось Пётр Тултаев ёвтась мель теемс Образованиянь управлениясо отдел, кона бу топавтоволь эрзянь ды мокшонь кельтнень тонавтнеманть марто сюлмавозь тевтнень.

Ошонь Администрациянь промкссонть сон тешкстызе, покш полавтомат эряви теемс ошонь школатнесэ эрзянь ды мокшонь кельтнень тонавтомань лувсонть.

Подробнее...
 
Эрямованть моро марто

Морось – народонть оймезэ. Неть валтнэ уш умок содавикст ламонень. Ансяк бути арсезевемс седе домкасто… Народной моронть авторозо арась. Лиякс меремс, сынст арси-сёрмады сонсь народось. А вана ойме эйзэнзэ максы ломанесь – морыцязо. Алкуксонь оймень путоманть, морамосо икелень койтнень-кирдатнень ванстоманть кисэ пек вечкеви ваныцятненень Од Пурнянь «Гайгев вайгель» ансамблясь.

Течи коллективесь содавикс аволь ансяк Кочкурбуень, Мордовиянь томбалеяк. Пурнянь аватне свал морсить эрьва кодат фестивальтнесэ. Апокш концертт марто ардтнесть кементь ошт. Ды эрьва косо эйсэст вастсть мельспаросо. 2013 иестэ ансамблясь тешкстынзе 60 иензэ. Эрьва морыцясь – те покш историянь пелькс, конань ланга можна сёрмадомс аволь вейке лопа.

Подробнее...
 
<< Первая < Предыдущая 151 152 153 154 155 156 157 158 159 160 Следующая > Последняя >>

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...