Рубрикатор

Пурнавкшность сехте ёроковтне

 

Неть читнестэ М.Е.Евсевьев лемсэ МГПИ-сэ ютавтовсь «Юный исследователь» вишка классо тонавтницятнень проектно-исследовательской роботатнень региональной пелькстамось. Сонзэ участникекс кармасть Саранск ошонь общеобразовательной школатнень 1-4-це класстнэнь тонавтницятне. Весемезэ те иестэнть конкурссонть ванновсть 160 проектт. Тедеде пелькстамось алтавсь Ине Изнямонь 70 иень юбилеентень.

Вастовоманть панжизе М.Е.Евсевьев лемсэ МГПИ-нь научной тевень коряс проректорось Т.И.Шукшина. Сон тешкстызе, сынст вузсонть сеедьстэ эрсить вастовомат, ансяк вишкинетне тесэ чуростонь инжеть. Секскак весе институтонь важодицятне ды студенттнэ кемить, паряк, те вастовомась карми аволь меельцекс, ды школадо мейле ламот кочкасызь МГПИ-нть тонавтнема таркакс.

Подробнее...
 
Саранскойсэ ютась «БиблиоВЕ»

 

Апрелень 24-це чистэ Россиянь ламо библиотекатнесэ ютась «Библионочь» акциясь. А.С.Пушкин лемсэ республикань Национальной библиотекась, кода меляткак, анокстась покш программа. Тесэ эрьва отделэсь арсесь мезе-бути эсензэ. Косо панжсть выставкат, косо ютавтсть някань теемань, сёвоньстэ налкшкень ичемань мастер-класст. Лия таркатнесэ гайгсть морот. Васенце этажсо питневтеме сёрмадсть эстест од ловныцят. Н.П.Огарёв лемсэ МГУ-нь национальной культурань институтонь актёронь отделениянь студенттнэ невтсть рузонь народной ёвксонь коряс инсценировкат. Чарькодеви, сынст ваномо пурнавсть вишка ваныцятнеяк. 18:00 чассто саезь 22:00 часос эрьва инжесь мусь эстензэ мельстуиця тарка.

Саемга, актовой залсонть ютась Николай Карповонь книганзо презентация. Те вастовоманть пурнызе краеведениянь отделэсь. Николай – эрзянь од цёра, морыця. Чачсь сон 1986 иестэ Саранскойсэ. Чувашиянь Алатырской райононь Алтышева посёлкасо прядынзе средней школань 9 класстнэнь. Тонавтнесь Чебоксары ошонь музыкальной училищасо. Теде мейле сась Саранскоев. Важодсь республикань камерной хорсо, «Торама» фольклорной ансамблясо. Нолдась эрзянь моронь кавто альбомт. 2012 иестэ саезь тонавтни минек университетэнь филологиянь факультетсэ. Ней жо лиссь «Полминуты знакомства» васенце книгазо. Кода корты авторось, аволь покш ёвтнемат сон сёрмадсь школасто тонавтнемстэ саезь, студентэкс улемстэ кармасть чачомо стихтькак. Николай ней эри Московсо. Важоди музыкальной школасо тонавтыцякс. Книгазо лиссь Омск ошсо.

Покш мельспаросо сон вастызе тердеманть ютавтомс книгань презентациянть минек библиотекасо. Тей пурнавсть Николаень ялганзо-оянзо, малавиксэнзэ ды содавиксэнзэ, истя жо весе сеть, кить састь Библиовес. Сцена лангсто авторось весень туртов ловнось стихензэ. Теде башка, «Small Band Saransk» морамонь группастонть Р.Рахманов ды А.Кузнецов ялганзо седясть. Музыка марто стихтне гайгсть седеяк виевстэ.

Николаень творчестванзо коряс эсь мелензэ ёвтынзе критикесь В.И. Дёмин. Василий Иванович тешкстызе, Коля – сонзэ тонавтницязо. Поэзиясонть варчни виензэ неень шкань стильсэнть. Мукшны виев образт, невти минек алкуксонь эрямонть. «Те книгась мусы эсь ловныцянзо», – мерсь В.И.Дёмин.

Ламо лембе валт ёвтась содавикс музыковедэсь Н.М.Ситникова.

– Николаень стихтнесэ эрьва слогось, эрьва строчкась канды од информация, арсят, мезе жо карми седе тов ды зярдояк теть а содави. Секскак сонзэ стихтнень ули мель ловномс эштё ды эштё весть. Мон ризнан, мекс те цёрась тусь литературань киява. Минь сонзэ лангс кеминек, кода музыкантонь лангс. Ёвтан тенк, сонзэ эйстэ лисевель пародояк паро композитор. Сюкпря тетянзо-аванзо туртов истямо таланов цёраст кисэ! – кортась Н.М.Ситникова.

Седе тов инжетнень пельде ульнесть кевкстемат, конатнень лангс Николай паро мельсэ макссь каршо валт. Меельце пелев эрьва ловныцянть кедьс понгсь «Полминуты знакомства» стихень пусмось. Арсетяно Николайнень поладомс сёрмадома тевенть, творчествасо саемс од изнявкст!

 

Т.Маторкина

 
Тензэ мерильть "Штурма"

 

 

Советской Союзонь Маршалось, содавикс военачальникесь, кавксть Советской Союзонь Героесь Василий Иванович Чуйков чачсь 1900 иень февралень 12-це чистэнть Москов алксонь Серебряные Пруды посёлкасонть сокицянь-видицянь семиясо . Семиясост ульнесть 8 ялакст ды 4 сазорт. Вася прядынзе церьковань приходонь школань ниле класстнэнь ды 12 иесэ тусь важодеме Петроградов, теевсь шпорань мастерскоень ученикекс. 1917 иестэнть служась Кронштадтсо минёронь отрядонь юнгакс.

Якстере Армиянтень совась 1918 иестэнть, теевсь военной инструкторонь курсань курсантокс. Теке иень июльстэнть Московсо лепштясь керш эсерэнь мятеженть. Гражданской войнанть пингстэ ульнесь ледниця ротань командирнэнь лездыцякс, седе тов теевсь ледниця полконь командирнэнь лездыцякс. 1919 иестэнть Чуйков тюремстэ полавтызе ранязь командирэнть, ды те чистэнть саезь 1921 иенть прядовомс сон ульнесь полконь ветиекс. Воёвась Югонь, Востоконь ды Западонь фронттнэсэ, казезель Якстере Знамянь кавто орденсэ, сырнень чассо ды Сырнень оружиясо.

Подробнее...
 
Тиринь келень чись Таллиннсэль

 

Кода уш сёрмадсь минек газетась, тедеде Тиринь келень чись тешкставсь Россиянь келес. Эрьва чи миненек гайневтить ды сёрмадыть республикань томбале эриця эрзятне, ёвтнить, кода ютавтызь те покшчинть. Вана мезе пачтясь тенек Эстониянь Эрзянь-мокшонь вейсэндявксонь прявтось Наталия Константинова:

Тедеде Эрзянь келень чинтень минек вейсэндявксось алтызе «Эрзянь ды мокшонь каркстнэсэ, сюлгамотнесэ неень шкань койтне» невтеманть. Чокшнесь ютась мазый таркасо, Ташто Таллиннэнть куншкасо, косо гайнесть эрзянь морот, чоледсть эйкакшонь вайгельть, ловновсть стихотвореният, каванясть эрзянь тантейдеяк тантей пачалкседе ды прякадо. Теде башка, теинек мазый невтема, конань лангсо вейсэндявксонь аватне важодсть пельие. Чокшненть панжия мон Серафима Люлякинань эрзянь кельде стихотворениясо. Поладызе кортамом тиринь кельденть ды лувдонть эрзянь келень содыцясь, Пауль Аристэ академикенть аспирантось Николай Баюшкин. 

Подробнее...
 
Од ломантне – минек вандынь чинек

 

Аволь умок Республикань Кудосо ютавтовсь кенярксов вастовома. Тесэ явшевсть Россиянь Президентэнь ды Мордовия Республикань Прявтонь грантт сеть од ломантненень, конат невтизь содамочист-ёрокчист весероссиянь ды республикань олимпиадатнесэ, пелькстамотнесэ. Лембе вал марто пуромозтненень пшкадсь Мордовия Республикань Прявтось В.Д.Волков:

Теевсь вадря коекс эрьва иестэ ютавтнемс истят мелень кепедиця вастовомат республикань сехте вадря тонавтницятнень, студенттнэнь, спортсментнэнь марто. Неень шкане масторонь политикань прявт тевтнестэ вейкесь – вадря образованиянь максомась. Самай тынь – минек вандынь чинек, тынь карматадо покш виекс, конась кемекстасынзе масторонь ды республикань экономиканть, науканть, культуранть.

Подробнее...
 
<< Первая < Предыдущая 151 152 153 154 155 156 157 158 159 160 Следующая > Последняя >>

Новости

20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...
 
Эрзянь моротне гайгсть омбо масторсо

Швейцариянь Тоггенбургс пурнавкшность Европасто ды масторлангонь эрьва кодамо масторсто исполнительть. Тосо ютась «Природный голос» раськеютконь вокальной фестиваль. Россиянь вейкине представителекс тосо ульнесь Мордовиянь «Мерема» фольклорной группась, конась эсь морамосонзо токакшнынзе седеест ваныцятнень Финляндиясо ютавтозь теке фестивальсэнть. Ды швейцарецтнэ тердизь Екатерина Модинань прявтсо «Мерема» группанть эстест. Эдь сынст творчестваст пек лади музыкальной форумонь форматонтень. Фестиваленть лиятнень ёнов амолемачись сеньсэ, весе вокалисттнэ – хортнэяк, солисттнэяк, невтить национальной фольклор седямопелень тевс апак нолда.

Подробнее ...