Рубрикатор

Кулят «Надежда» приютсто



Неть читнестэ республикань эйкакшонь ды од ломанень «Надежда» приютсонть ульнесть ламо инжеть. Сыненст сакшность: Мордовия Республикань Прявтонть пельде лездыцязо М.Г.Лушенкова, МР-со УФНС-стэ – В.Н.Крайнов, Саранск ошонь Октябрьской судсто – Т.В.Щеголькова, Орданьбуень светотехнической заводсто – А.Е.Куршев, «Капитал-МС» ООО-сто – О.Н. Солдатова, «Европак» ООО-сто – О.Ю.Швецов, «Технострой М» – В.В.Большаков, «Эверест» лавкатнестэ – О.С.Ягдина ды лият.

Инжетне эйкакштненень сакшность аволь чавонь кедть. Невтемакс, республикасо Седеймарямонь ды шумбрачинь фондонь прявтось Л.В.Никонова те учреждениясонть эриця эйкакштненень тейсь покш казне, макссь кемень путёвкат «Сырнень суркс» маршрутонть коряс. Тов сыргить сехте кунсолыцятне ды парсте тонавтницятне.


Подробнее...
 
ПОКШ ИГНАТОВА ВЕЛЕСЭ ПАНЖОВСЬ КУЛЬТУРАНЬ ОД КУДО


…Ютазь недлясто Покш Игнатова велесэ ульнесь покш кенярксчи. Тесэнь «Аврора» кинотеатрань зданиясь парсте витнемадо мейле райононь эрицятнень туртов панжинзе эсь кенкшензэ. Культурань кудонть икелев пурнавкшость Покш Игнатова велень эрицятне, инжетне, райононь «Рябинушка», «Истоки», «Звонница», «Эрзянь авинеть», «Вастома» фольклорной ансамблянь ды художественной самодеятельностень артисттнэ. Сынь эрзянь кельсэ морасть морот. Тесэ жо, Культурань кудонть икеле, панжозель декоративно-прикладной ды художественной творчествань изделиянь «АРТ-Продвижение» выставка. Важодсть мастер-класст. Тешкстама, Культурань кудось витнезель-петнезель «Культура» Нацпроектэнть лувсо.

Тешкстасынек, Покш Игнатова велесэ «Аврора» кинотеатрась строязель 1987 иестэ ды теезель кинофильмань ванома таркакс. 1993 иестэ саезь райононь Культурань кудонь зданиянть церьковантень максоманть кувалма примазель решения, райононь Культурань кудонть важодеманзо ладямс кинотеатранть юрсо.






Шкась мольсь. Культурань кудонть важодемазо кинотеатрасонть мель эзь вите. А мезть сёпомс, кинотеатрасо арасель се, мезе эряви культпросветроботниктненень: сцена, художественной самодеятельностень артисттнэнь туртов кабинетт-мезть. Ды стясь кевкстема, кода седе куроксто зданиянтень теемс вадря витнема.
Покш Игнатова велесэ райононь Культурань кудось ловови Покш Игнатовань райононь 27 велетнень туртов культурань-досугонь виев учреждениякс. Тосо максыть методической ды консультационной лезкс велень филиалтнэнень.

– Культурань кудонть юрсо важодить 38 клубонь формированият, косо лововить 775 ломанть, 18 творческой коллективть, – ёвтни Культурань кудонь прявтось И.Н.
Галанова. – Важоди Андрейвелень народной театрась, кона путни спектаклят эрзянь кельсэ. Культурань кудосонть ней кармить ютавтневеме торжественной мероприятият, промкст, вастовомат, концертт, од ломантнень туртов дискотекат, кенярксчинь мероприятият, невтневеме кинофильмат, ды истя седе тов. Районсонок ютавтневить «Раськень озкс» ды «Велень озкс» республиканской ды велень раськень кенярксчитне, – полады Ирина Николаевна. – Тень кувалма, Культурань кудонть юрсо карми важодеме Эрзянь культурань куншкакуро.

– «Аврора» кинотеатранть кеместэ витнеме ушодсть 2018 иень августонь 27-це чистэ, – ёвтни Покш Игнатовань райононь администрациянь прявтонь полавтыцясь А.М.Левщанов. – Те тевенть топавтомо кундасть «Вектор» строительной организациянь важодицятне, косо исполнительной директорокс важоди Александр Васильевич Тулаев, прорабокс – Сергей Анатольевич Раскин.

– Вейке иес зданиясонть полавтозельть вальматне, кенкштне; потсо полавтозельть инженерной коммуникациятне, путозь неень шкань технологической оборудования. Теезь уштома тарка, конанень лади сэнь уштомапелесь ды а эряви оператор. Весемезэ ютавтозь 64 миллионт целковойть, – полады Алексей Михайлович. – Тень ютксо оборудованияськак.

…Саранскойстэ инжетнень, МР-нь Прявтонть В.Д.Волковонь, МР-нь Правительствань Председателень васенце полавтыцянть В.Н.Сидоровонь, МР-нь Правительствань Председателень полавтыцянть Г.А.
Лотвановань ды лиятнень вастызь кши-сал марто. Покш Игнатовань райононь прявтось Т.Н.Полозова тердинзе весень од, мазый Культурань кудонть ванкшномо.

Васняяк валось максозель МР-нь Прявтонтень В.Д.Волковнень. Сон тешкстызе, районось иеде иес виевгады, ламолгадыть эйкакштне ды, лисни, райононть ули вандынь чизэ. Культурань од кудось велень эрицятнень эрямост тейсы валдокс, кенярксовокс, эйкакштненень ды покштненень ули косо невтемс эсь ёрокчист. Истя седе ванстовить раськень культурась, койтне-кирдатне. В.Д.Волков тешкстызе, национальной проекттнэ, конатне теезь РФ-нь Президентэнть В.В.Путинэнь ушодксонзо коряс, лездыть виевгавтомс велетнесэ культуранть ды теить культурань сюпавчитнень малавиксэкс весенень.
Строительтненень, предпринимательтненень МР-нь Прявтось В.Д.Волков макссь Благодарностть. Ютксост – индивидуальной предпринимателесь А.Н.Костенков.

МР-нь Прявтонтень В.Д.Волковнень республикань культуранть виевгавтоманзо кисэ сюкпря ёвтась ды казсь футболка «Волонтёры культуры» сёрмадовкс марто волонтёронь отрядонь прявтось Юлия Горина.


Подробнее...
 
Орданьбуе ёнксось тешкстызе чачома чинзэ


1928 иень медьковсто Весероссиянь Центральной исполнительной комитетэнь президиумось явизе средневолжской ёнксонть вейксэ округс. Ютксост ульнесь Мордовиянь округось, конась истя жо явозель 16 муниципальной ёнксос. Истя, географиянь картанть лангс лиссть Орданьбуень, Отяжелень, Дубёнкань, Ельникень, Зубова-Полянань, Инсаронь, Ковылкинань, Кочкуровань, Краснослободскоень, Ромодановань, Рузаевкань, Сыре Шайговань, Темниковань, Теньгушевань, Торбеевань ды Чаунзань районтнэ. Тедеде весе сынь тешкстыть 91 иень топодеманть. Веенст районтнэ чачома чинь кенярксчитнень уш тешкстызь, лиятне мероприятиятнес эштё анокстыть. Ютазь оймсема читнестэ эсь кенярксчинзэ, 91 иень топодеманть, тешкстызе Орданьбуень районось. Теке жо чистэнть истя жо тешкставсть Орданьбуе ошонть чачома чистэ 239 иетне.

Кенярксчись пурназель Орданьбуе ошонть куншкакуросо, Культурань кудонь од зданиянть икеле. Мероприятиясонть ульнесть аволь ансяк ошонь ды райононь эрицятне, ламо инжеть сакшность томбальде.



Подробнее...
 
Свал БАЖАСЬ лездамс ломантненень…

Владимир Ромашкинэнь ледстнемга

 


Умарьковонь 29-це чистэ топодсть 17 иеть, кода тусь эрямосто содавикс музыкантось, «Торама» фольклорной ансамблянь пурныцясь Владимир Ромашкин. Сонзэ содыцянзо ды ялганзо, ансамблясо морыцятне те чистэнть кундызь лемензэ. Васняяк якасть калмонзо лангс, путсть цецят, ледстизь паро валсо. Мейле сыргасть Кочкурбуень Вирь ало Тавлав сонзэ лемсэ этно-кудонтень. Эрьва ие музыкантонть чачома ды кулома чистэнзэ тесэ пурнавкшныть сонзэ ледстнеме.

Вана нейгак этно-кудонь прявтось, чувтосто керсицясь П.В.Рябов вастынзе инжетнень. Журналистэсь Татьяна Ларина васенцеде сась истямо вастовомас, секскак сеске ушодсь ледстнеме:

Володя марто эринек ояксчисэ. Миненек свал ульнесь мезде кортамс. Радиосо ульнесь проектэнек, конасонть ёвтнинек финнэнь-угрань республикатнеде ды мастортнэде. Кода сынь якасть тов, кинь марто вастневкшнесть, кодат кортамот ульнесть, кодат морот морасть. Се шкане радиосо гайгсть ансяк фольклоронь морот, эстрадань арасельть. Ней шкатне полавтовсть, арсетяно кода ванстомс фольклоронть. Радиов сеедьстэ ветнесь ломанть. Сон свал арсесь, кодалездамс ёроков, кедьчелькев ломантненень, конат, мезе-бути маштыть. Весть ветизе Бакич Видяень, кона теевсь содавикс морыцякс. Анна Панишеванень сон пек лездась. Свал арсинек, кода бу одкстомтомс, совавтомс эрямос мезеяк од. Васенцеде жо сонзэ неия васенце курссо тонавтнемстэ, 1981 иестэ, сон сась общежитияв ды морась морот. Мон яксинь морамо Н.Бояркинэнь хоров, сонгак тов сакшнось, репетицият мартонзо ютавтнинек.

Ромашкин якась экспедицияв ды сёрмалесь морот каратайтнень пельде. Якась велетнева, сестэ сырькайтнень пельде сёрмадынзе кезэрень моротнень. Тейсь научной покш важодема. Мейле радиопередачасо ёвтнесь моротнеде, тейсь тенст анализ, макснесь кунсоломс моротнень.

Ломань лангс кеж овсе эзь кирде. Теке лисьмапрясто чавсть пельдензэ эрьва кодат мельтне-арсематне, тевтне. Мон каштанчисэ аштян, минь вейке райононь – Ицялбуень. Ульнинь Ташкина велесэяк, косто сон рамакшнось кудо. Ледстнян валонзо: «Монь тосо вишка Швейцария». Алкукскак, истямо мазычи! Велесь ашти Раторонть чиресэ ды перьканзо пандот-пандот. Кудонзо эйстэ аволь васоло чави лисьмапря. Велентень арась асфальтонь ки. Эрить зяро-бути ломанть.

Вана кода ледстнесь тетядонзо цёразо Андрей Ромашкин:

Тетянь бажамозо ульнесь истямо – ломантнень марто свал эряви улемс ломанькс. Мартонзо шождаль кортамс весенень. Сон эзь ёвтне эсь стакачитнеде. Мекевланк, бажась кунсоломс ды лездамс.

Эряви меремс, Ицялбуесэяк бажить кодаяк кепедемс Владимир Ромашкинэнь лемензэ. Кода а кода, те сонзэ тиринь ёнксозо.

Татьяна Маторкина

 
Кизэнь чись ие анды

                                         

«Элеком»

АПО-нь

алкуксонь

профессионалтнэ

 

Кадык пертьпельксэсь неть читнестэ а кенярдовты лембесэ, ялатеке велень хозяйстватнесэ августонь меельце читне ды сентябрянь ушодксось – сехте пси шка. Кие бажи прядомс сюронь урядамонть, кие уш сыргась паксятнень соксеме ды озимойтнень видеме. Тевтне лаказь лакить Ромодановань райононь «Агропромышленное объединение «Элеком» ОАО-нь «Трофимовщинское» отделениясонтькак. Тов минь пачколинек кизэнь меельце читнестэ. Вастымизь «Элеком» АПО-нь велень хозяйствань производствань коряс прявтось Иван Александрович Базакин. Те таркасонть Иван Александрович аволь умок, ялатеке агропромышленной отраслянть марто сон сюлмавозь малав комсь иеть. 2000 иестэ, Н.П.Огарёв лемсэ МГУ-нь Агроинститутонть прядомадо мейле, зярыя шка важодсь тиринь Орданьбуень райононь Куцян велесэ, мейле тукшнось аламошкас Москов ёнксов ды курок велявтсь. «Тиринь модась тердимим мекев», – корты Базакин. Од зоотехникесь поладызе роботанзо «Октябрьская» Агрофирмасонть, кассь отделениянь управляющеекс. Тедедень тунда Иван Александровичнень сась энялдома «Элеком» АПО-стонть, куватьс апак арсе, согласясь. Тевесь содавикс, вечкевикс, ансяк ней Базакинэнь лавтов лангсонзо ниле покш отделеният: Ромодановань райононь Трофимовщинасо, Алтары, Курмачкасы ды Ицялбуень Береговые Сыреси велетнесэ.

Ромодановасо «Элекомонь» офисстэ Иван Александровичень а мусак, сон свал чары лангсо, чинь-чоп ардтни отделениятнень паксятнева ды ферматнева. Кадык а пек васолот отделениятне, ялатеке вайгельпетнеде чизэнзэ ламо пурнавить. Вастовозь мартонзо, сон сеске сыргавтымизь килангов. Чись псиль, кода корты валмеревксэсь, самай кизэнь истят читне ие андыть. Паксятнева тия-тува неявсть комбайнат ды тракторт. Пачкодинек вейкенть малас. Валерий Валентинович Борисов механизаторось ансяк улкоть прядызе неть таркатнева комбайнасо товзюронь пивсэманть, ней уш аноксты моданть озимоень видемс, курок уш ушодыть чиньжарамонь пивсэмеяк. Валерий Валентинович – Ицялбуень Селища эрзянь велень цёра, механизаторокс важоди 1988 иестэ саезь. Истят ломантнеде мерить: «алкуксонь профессионалт» ды рузкс – «трудоголикть». Роботы В.В.Борисов сменасо, ве чи сон, омбоце чистэнть – напарникезэ. Сменазонзо эряви сокамс 60-80 гектарт. Весемезэ жо хозяйствасонть озимойтнень алов арсить кадомс 3 тёжат гектарт.

Кодашка кемечи, вий эряви неть ломантненень, минь неинек эсенек сельмесэ. 30 градусто ламо пси, пуль, тракторонь гайть… Кеменьшка минутань перть тосо улезь, сы мель напустямс тосто сэтьме ды экше таркав. Валерий Валентиновичень рунгованзо ливезесь чудезь чуди, раужо пуль марто чисэнть калязь чамасонзо ансяк пейтне ашолдыть. Ялатеке мизолды ды каштансто ёвтни аволь эсензэ – кавто цёранзо ланга, конатне тусть тетяст киява: «Кавонест цёран прядызь Саранскойсэ Агроинститутонть, тонавтнесть агрономокс ды технологокс. Уш вишкапингстэ саезь бажинь сынст а кирдемс тевтеме. Эрьва кизэнь каникулатнестэ сайнинь паксяв, роботасть комбайнеронь лездыцякс, ильтинь армияв, кадык тосояк тонадыть цёрань алкуксонь тевентень – тиринь масторонь ванстомо ды идеме. Ней васенценть, Андрей марто, важодтяно вейке предприятиясо, сон комбайнер. Авасоло тесэ пивсы «ДОН-1500» комбайнасонть сюро. Омбоцесь, Олег, роботы Саранскойсэ «МАПО-Транс» ООО-сонть, МАЗ-нь ветницякс. Строи кить, ускси машинасонзо чувар, кевть ды сень, мезе эряви».

Кенярдтано, улить оштё минек велетнесэ алкуксонь цёрат, конатне сынськак роботадо а пелить ды тонавтыть тенень эйкакшосткак.

«Неть ломантнень лангсо, кода Борисов, кирдевитькак велень хозяйстватне. Сыненст меремс кавксть а эряви, весементь, мезес кундыть, тейсызь куроксто ды тевень содазь. Ломанесь а симиця, чарькодиця, ответственной. Ярмактнеяк сынст туртов урожаень пурнамо шкастонть пандовить а берянть», – ёвтни И.А.Базакин. Весе техникась хозяйствасонть сюлмавозь ГЛОНАСС системанть марто, ансяк сон трактортнэсэ ды комбайнатнесэ ашти аволь механизатортнэнь мельга пштистэ ванноманть туртов. «Трофимовщинское» отделениясонть нузялгалицят арасть, мекевлангт, тесэ весе важодицятне бажить теемс сюронь урядамонь сезонстонть седе ламо. «Эдь эрьванть зарплатазо ашти сеньстэ, зяро сон важоди ковозонзо», – тешксты Иван Александрович.

Борисов механизаторонть марто кортамодо мейле сыргинек авасоло важодиця «Джон Дир» тракторонть малас, конань песэ поводезель теке содавикс фирманть видемкась. Трактористэнтень Алексей Викторович Гогулиннэнь ды видицянтень Владимир Валерьевич Селивёрстовнень самай ускокшность Агрофирманть столовойстэ обед. Минь арсинек сынст а токшемс оймсема шкастост ды И.А.Базакин марто саинек курс се таркантень, косо эрьва чистэ колмоксть велень тружениктненень пидевить-паневить ды усковить паксяв ярсамо- ды симемапельть.

 

Важодемась – важодема, обедэсь жо – аравтозь шкань коряс

 

«Элеком» АПО-нь столовоесь ашти Трофимовщина велесэнть ды тосонь азораватне – кавто ават: прявтось – Надежда Ивановна Сальникова ды пидицясь – Вера Николаевна Винокурова. Сынь кавонест эрьва чистэ андыть-симдить малав сядо ломанть. Столовоесь роботы ансяк се шкастонть, зярдо ушодовить тевтне паксятнесэ. Тов ярсамо сыцятнеде а пек ламо, бути машинань ды тракторонь парконь важодицятне, весе пидевкстнэ-паневкстнэ жо ильтявить паксяв специальной фляжкасо, конась кирди ямонть-кашанть псинзэ. Обедэнть ды ужинэнть аватне усксить эрьва чинь 12 ды 17 чассто.

«Течи, саемга, каванясынек цёратнень сывель марто капста ямдо, кснавонь кашадо, голубцадо, умарень компотто. Кияк зярдояк оштё эзь музгорде, весенень вечкеви», – ёвтни Надежда Ивановна. А оштё столовоенть менюсо эрсить котлетат, эрьва кодат кашат, рисэнь плов, рестазь алт, куяронь ды помидоронь салатт. Минеккак эзимизь кадо обедтэме неть чевте седей, панжадо ойме аватне. Тантейть пидевксэст-паневксэст! Неяви сеске, роботыть оймень путозь! Весе эмежтнень канды эсензэ пирестэ сонсь Н.И.Сальникова, нама, а стяко, договоронь коряс. Секскак эрьва тунда сон путы эмежтнеде кавксть седе ламо. Сывеленть ды ловсонть жо комбайнертнэнь, трактористтнэнь андомс максы АПО-сь, кшиськак паневи «Элекомонь» паникудосо.

Столовоесь велесэнть ней теевсь аволь ансяк важодицятнень андома таркакс, меельце иетнестэ Трофимовщинань эрицятне ютавтнить тесэ эрьва кодат мероприятият: свадьбат, юбилейть, ледстнемань чить. Райцентрав оштё ардомс эряви, тесэ жо весементь анокстамс лезды столовоень прявтось: цётасы, зяро продуктат эрявить, кодат ярсамопельть васняяк эрявить пидемс-панемс, бути чачома чи – тонавты, мейсэ мазылгавтомс залонть… Ансяк кенярксчитнеде Трофимовщинасо ютавтнить кавксть седе аламо меельце килангов ильтямотнень коряс. Чами велесь, школавгак тедеде ансяк 11 эйкакш тусь, ризны седеесь тесэнь эрицятнень мазый, икеле пек сюпав велест кувалма. Вадря, ули косо важодемс, Агрофирмань отделениясь мельспаросо васты весень, кинь ули мелезэ роботамс.

Кавто сазорт – кавто

уцяскат

                                                                          



Надежда Ивановна Сальникова марто кортамсто столовоентень совась оштё вейке ава. Малав сазь, абунгадынек, вай, ды те омбоце Надежда Ивановна?! Карминек содавиксэкс: те сонзэ сазорозо Вера Ивановна, сынь кавтаськеть, кавто эрзянь ават. Вера Ивановна Давыдова важоди «Элеком» АПО-сонть ловсонь фермань прявтокс. Бажинек содамс неть мазый аватнень уцяскаст: костонь сынь, эдь Трофимовщина велесь ванькс рузонь?

Аватнень чачома ёнксост Ицялбуень Кенде велесь, школань прядомадо мейле кавтаськетне овсе эзть арсе явовомс вейкест-вейкест марто ды тонавтнемеяк тусть Кемлянь велень хозяйствань техникумов зоотехникекс. Практикавгак састь вейсэ Трофимовщина велев, мирдененьгак лиссть ве иестэ, Вера умарьковсто, Надежда сеске мельганзо – таштамковсто. Сынст кавтонь-кавтонь эйкакшост: Вера Ивановнань кавто тейтерть, Надежда Ивановнань – тейтерь ды цёра. Трофимовщинань колхозось сестэ покшоль, виевель, гайнесь весе республиканть келес. Саизь Верань ды Надянь важодеме зоотехникекс, васенценть МТФ-в, омбоценть – СТФ-в. Надежда Ивановна зярыя иень ютазь тусь тосто калонь кастома хозяйствав технологокс, мейле таго велявтсь. Ней сон, кода уш содатадо, столовоень прявт, тельня жо роботы утомсо.

Вера Ивановна жо роботамо тарканзо эзизе полавтне, зоотехникстэ ладизь МТФ-нь прявтокс ды ней уш 35 иень перть сон валске рана капши-чии скалонзо-вазонзо ваксс. Ловсонь ферманть зярыя иеде теде икеле ютавтызь Уришка шабра велев ды дояркатнень усксить специальной транспортсо расписаниянь коряс. Фермасонть Вера Ивановнань прявтсо роботыть кавксо дояркат ды вейке сынст полавтниця. Малав весе пенсиясот. Саемга, Н.М.Гурьянова те фермасонть важоди уш колоньгемень иеть. Вера Ивановнань мирдезэ, Михаил Александрович, МТФ-со механик, истя жо малав 40 иеть тосо. Скалтнэ фермасонть а свал кирдевить кардосо, майстэ сынь паневить калдав ды велявтыть кудов ансяк сентябрясто. Истямо лувось, корты Давыдова, седе паролгавты ловсонть танстензэ, эдь «бурёнкатне» якить-пакить пиже луганарга, порнить эрьва кодат тикшеть-люкшот. Самай те ловсонть Вера Ивановнань фермась ильти Саранскоень консервной заводов, косто эйстэнзэ теить «сгущёнка». Ней карматадо содамо ярсамсто, кинень ёвтамс «сюкпря» те ламбамопеленть кисэ!

Вера Ивановна сазоронзо марто оштё эсест хозяйстваткак кирдить. Кода весе велень эрицятне, трить-кастыть вазт, тувот, саразт, путнить эмежть. Ней оштё вейке мелявксост – кода весе помидортнэнь, куяртнэнь банкава пекстнемс, ков теемс умартнень ды сливатнень, ков максомс модамартнень, конатне тедеде пек покшт чачсть-кассть? Кортыть теде кавто сазортнэ ды мизолдыть: «Паро, ули мезе пештямс-таштамс, вейсэ весе мелявкстнэнь изнясынек, эдь а стяко чачинек кавтаськекс!»

 

Марина Девятова

 
<< Первая < Предыдущая 1 2 3 4 5 6 7 8 9 10 Следующая > Последняя >>

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...