Рубрикатор

Улить велетнесэ эрзянь ават…

Ломантне а вечкить вачочи ды пек вечкить кенярдовтыця мероприятият. Велень эрицятне меельце енксонть коряс а пек кольневтезь. Чуросто велетнес сакшныть морыця тештеть, невтевить спектаклят, концертт. Чаунзань райононь Отрадное велень эрицятне те тевсэнть пек уцяскавт. Арась, сыненст а сакшныть Басков эли Натали. Ды неть кургонь автниця тештетне телевизоронть пачкак налкставсть. Отрадноесь седе пек кенярды, зярдо сынст велень клубсо яволявтови оймсема чокшне. «Клубокс» те ташто коень коряс лемдить эйсэнзэ, ней жо сонзэ лемезэ – Культурно-досуговой центра. Уш 23 иеть те таркасонть азоравакс Наталья Васильевна Серегина. Сонзэ чачома-касома енксозо истя жо Отрадное велесь. Сон прядсь культпросветучилищань курсат ды 1991 иестэ саезь роботы велень Культурань кудонь прявтокс.
– Отрадноень эрицятне маштыть важодеме ды оймсемеяк вечкить. Секскак Культурно-досуговой центранок зярдояк а эрси чаво, – евтни Н.В.Серегина. – Минь тесэ важодтяно колмоненек: Ольга Васильевна Макулина культорганизаторось ды Елена Николаевна Назимкина библиотекаресь. Велень эрицятне уш тонадсть: бути кодамояк покш кенярксчи – клубсонть невтить концерт. Минь а менстятано вейкеяк религиозной эли государственной кенярксчи – анокстатано тематической чокшнеть.

Подробнее...
 
Цифрань телевидениясь совавтови эрьва кудонтень

Маень 7-це чистэ тешкставсь Радионь чись. Тень коряс Мордовия Республикань радиотелевизионной передающей центрасонть ютавтовсь мероприятия, кона алтавсь республикань территориясонть питневтеме государственной цифрань телерадиовещаниянть нолдамонтень. Те проектэсь нолдавсь «Развитие телерадиовещания в Российской Федерации» федеральной целень программанть вельде. Программанть васень целезэ — теемс доступнойкс эрицятненень обязательной телеканалтнэнь ды радиоканалтнэнь, кастомс телерадиовещаниянть лезэвчинзэ.

«Об общероссийских обязательных общедоступных телеканалах и радиоканалах» Россиянь Федерациянь Президентэнть Указонть коряс кемекстазь прявт телевизионной каналтнэ, конатнень ютксо «Культура» Весероссиянь государственной телевизионной каналось, «Карусель» эйкакшонь каналось, «Спорт» Весероссиянь телевизионной каналось, Васенце каналось, 5-каналось, Российской информационной каналось (РИК), Российской телевидениясь ды НТВ телекомпаниясь. Теке марто кемекстазь весенень доступной радиоканалтнэ: «Вести ФМ», «Маяк», «Радио России».

Подробнее...
 
Ине Изнямонь чинть марто!

Ванды минек масторонь эрицятне кармить тешкстамо сехте кенярксов чинть, зярдо советской ломантне изнясть Ине Отечественной войнасонть – маень 9-це чинть! Масторось кирди покш каштанчи те ине тевенть кисэ ды зярдояк а стувстынзе се шкань геройтнень. Свалшкане карматано кирдеме мельсэнек, кодамо питнесэ сатотсь минек тетятненень ды покштятненень Изнямонь чись ды эрьва иестэ карматано тешкстамо те чинть ветерантнэнь марто вейсэ.

1941 иестэнть ушодовсь сехте зыянов, сехте виев – Ине Отечественной войнась. Тиринь масторонть олячинзэ ды уцясканзо кисэ тюрсть 34 миллионт солдатт. Емавкстнэ, конатнень кандынзе Советской Союзось, ульнесть покштояк покшт.

Куватьс молиця ды верень валовтыця тюрематнеде мейле 1945 иень маень 9-це чистэ 00.43 минутасто тешкстазель Германиянь капитуляциядо актось. Советской Союзось изнясь те войнасонть. Ды уш июнень 24-це чистэ Московсо ютавтозель Изнямонь васенце Парадось, конань примизе Жуков маршалось, парадонть ветясь Константин Рокоссовский. Якстере площадьганть ютасть Белоруссиянь, Ленинградонь, Карелэнь, Украинань фронтонь полктне, истя жо Военно-Морской Флотонь полктне. Весемеде икеле мольсть полконь прявтнэ, Советской Союзонь геройтне, конатне кандсть флагт ды знамят. Парадонть прядовомсто кандозельть изнязь Германиянь 200 знамятне, конатне ертозельть Ленинэнь Мавзолеенть икелев.

Подробнее...
 
"Сырнень сёксь" выставкасто велявтсть медаль марто

Мордовиянь Прявтось В.Д.Волков содавтызе Московсо ютыця «Сырнень сексь-2012» агропромышленной выставканть. Масторонь велень хозяйствань министранть Н.В.Федоровонь ды кой-кона губернатортнэнь марто Мордовиянь Прявтось ульнесь выставканть торжественнасто панжомасонть, истя жо «Государственная программа развития сельского хозяйства на 2013-2020 годы: эффективные механизмы реализации» Агрофорумонть важодемасо.

Теде мейле РФ-нь велень хозяйствань министрась Н.В.Федоров ванкшнынзе павильонтнэнь, конатнень невтнесть регионтнэ. Васенцекс ванкшнозтнень ютксоль Мордовиянь аграрной выставкась. В.Д.Волков Н.В.Федоровнень невтизе республикань велень хозяйстванть виевгавтомань стратегиянть, тень пингстэ башка мель явсь инвестициянь покш проекттнэнь тевс совавтомантень. Ютксост сырань теемань коряс кластерэнть виевгавтомантень.

Мордовиянь экспозициянть ванкшномсто РФ-нь велень хозяйствань министрась путсь покш питне минек невтневиця продукциянтень. Покш питне сон истя жо путсь республикань весе агропромышленной комплексэнь уровнянтень.

Велень хозяйстванть кастоманзо-кепетеманзо коряс Мордовиясь лиссь икеле молицятнень юткс. 2005 иестэнть саезь, зярдо нолдазель АПК-нть виевгавтоманзо коряс проектэсь, республикась колмоксть кастызе вельхозпродукциянь нолдамонть. Весемева полавтозель-одкстомтозель переработкань системась.

Московов, масторонь аграрной прявт выставкав, пуромкшность Мордовиянь сехте вадря 15 вельхозпредприятиянь представительтне. Кода, «Мордовский беконось», конась сокси-видни малав 90 тежат гектарт мода ды тувонь неень шкань комплекстнэсэ три-касты 110 тежадо ламо ракшат; «Октябрьская» агрофирмась, конась ашти Россиянь весе вельхозпредприятиятнень рейтингсэнть 18 таркасонть.

Европань уровнясонть неень шкасто важодить «Саранский» консервань заводось, «Ламзурь» кондитерской фабрикась, республикань сырань теемань заводтнэ, «Атяшевский» оень теемань заводось, «Мордовспиртэсь», «Оброченский» сывелень комбинатось ды переработкань лия предприятиятне. Од оборудованиясь ды экологически ванькс сырьясь лездыть сыненст нолдамс пек паро качествань продукция.

Подробнее...
 
Голикова содавтызе перинатальной центранть

Россиянь Здравоохранениянь ды социальной развитиянь министрась Татьяна Голикова вастовкшнось Мордовиянь медиктнень марто ды ульнесь республикань перинатальной центрасонть. Мордовияв самонь тувталось – РФ-нь Госсоветэнь президиумонь заседаниясо улемась.

Татьяна Голикова тешкстызе, масторонь здравоохранениянь одкстомтомась поладови, ды те сферасонть уш неявить паро полавтоматне – вадрялгавтови медицинань учреждениятнень материальной базась, рамави неень шкань оборудования, кастови врачтнень зарплатаст. 2012 иень январьстэ саезь совась вийс ломантнень шумбрачист ванстомадо од законось, кона лади сонзэ правовой, организационной ды экономической ушодкстнэнь ды Россиянь эрицятнень башка группатнень праваст ды обязанностест, властень органтнэнь те сферасонть отвественностест ды полномочияст.

Татьяна Голиковань валонзо коряс, масторсонть здравоохранениянь системанть паро енов полавтомань невтемакс ашти Мордовиясо 2011 иестэ панжозь перинатальной центрась. Лецямонь те учреждениясь кочказель а стяко – меельце иетнестэ республикасонть пек аламолгадсть кулыця эйкакштне, ансяк ютазь иестэ аламолгадсть 17 %. Те теевсь ансяк чачозь эйкакштнень ды сынст аватнень мельга тевень содазь ды вадрясто якамонть вельде. Мордовиянь перинатальной центрантень сакшныть чачтомо аволь ансяк республикань районтнэстэ, истя жо лия регионтнэстэяк, те корты пациенттнэнь мельга парсте якамодонть.

 
<< Первая < Предыдущая 301 302 303 304 305 306 307 308 309 310 Следующая > Последняя >>

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...