Рубрикатор

Седейризкс

Августонь 6-це чистэ тусь эрямосто Нина Андреевна Кипайкина, тонавтыця, эрзянь келенть содыця ды вечкиця, тонавтома книгань теиця-сёрмадыця, превей эрзянь ава.

Нина Андреевна чачсь 1939-це иень ноябрянь 5-це чистэ, а вана вельсоветэнь прявтось сёрмадызе чачома чинзэ ноябрянь 21-це чис. Паряк, те тувталоськак макссь тензэ обуця пингензэ перть, иетнень лангс апак вано, улемс обуцянь коряс одокс, свал бажамс содамочитнес, а пекстнемс ойменть-седеенть ломантнеде, кенярдомс эрьва чинтень, конань казиль тензэ Инешкипазось.



Одсто сон пек бажась улемс артисткакс. Тонавтнесь рольтнень, арсевтиль ды стыль эстензэ артисткань оршамопельть, налксиль чавачамо икеле ды малавикстнэнь туртов… Мейле ульнесь мелезэ молемс тонавтнеме медучилищав… Ансяк вана мольсь филфаков – ды лиссь эйстэнзэ пек паро тонавтыця. Васняяк ушодсь тонавтомо эйкакшт Кочкур буень Од Мурзасо ды Сурвелесэ, мейле комсь иеть тонавтсь студенттнэнень тиринь эрзянь келенть М.Е.Евсевьев лемсэ государственной педагогической институтсо, седе тов сон важодсь тонавтыцятнень содамочист кастомань институтсо, Ичалка буень Ламбаське велень школасо, Кочкур буень Семилей велень школасо. Эрьва косо сеске редявиль, кода парсте Нина Андреевна содасы тевензэ ды кода сон вечксынзе тонавтницятнень. Весемезэ сон важодсь тонавтыцякс колоньгемень колмо иеть ды теке шкастонть сёрмадсь-анокстась зярыя тонавтома книгат школасо тонавтницятнень туртов, практикумт – вузсо тонавтницятнень туртов, методической литература – тонавтыцятнень туртов. Н.А.Кипайкина казезь «За доблестный труд» медальсэ, сон Мордовиянь государственной премиянь лауреат. Эрзянь раськесэнть Нина Андреевнань ловить эрзянь келенть пек парсте содыцякс, пародояк паро тонавтыцякс. Ды кадык тень а стувтнить сы шкатнестэяк од пингень ломантне, савиндеряй оштё тенст кортамс эрзякс ды тонавтнемс эрзянь келенть. Кадык мельсэст-превсэст ванстови те лемесь, те ломанесь, кинь тонавтома книгатнень коряс тонавтнесть тиринь келенть эрзятне.

«Эрзянь правда» газетань коллективесь печти седейризкс Нина Андреевнань куломанзо кувалма ды ёвты седеймарямо сонзэ малавикстнэнень.

 14.08.2019

 

 
Строицятне тешкстызь кенярксчист

 Аволь умок МР-нь Прявтось В.Д.Волков ульнесь промкссонть, кона алтазель Строителень чинтень. Сон ютавтозель Саранск ошонь Рузонь драмань театрасо.

В.Д.Волков тешкстызе, Мордовиянь строительной отраслянь неень шкань историясь – те историясь сетнень, кить певтеме вечксызь эсь тевест. Неть – специалисттнэ, учёнойтне ды архитектортнэ, инженертнэ, проектировщиктне, каменщиктне ды штукатуртнэ, монтажниктне ды бетонщиктне, электриктне ды маляртнэ.

– Строительной отраслясь теевсь республикань комплексной виевгавтомань ловомань точкакс, – корты В.Д.Волков. – Мордовиянть туртов меельце иетне кармасть строителень алкуксонь келей кикс. Васня минь виевстэ строинек тёжа иень объекттнэнь. Мейле тевтне седеяк ламолгадсть Футболонь коряс масторлангонь чемпионатонтень анокстамсто. Ламо ломантне, кить кавто-колмо иеть арасельть Саранскойсэ, монень видькстасть, келя, Саранскоесь допрок полавтовсь вадря ёнов. Те весемесь теевсь тынк «сырнень» кедтнесэ.

МР-нь Прявтонть В.Д.Волковонь валонзо коряс, стадионось, аэропортось, гостиницатне, китне, инженерной сеттне, эрямо кудотне ды студентэнь общежитиятне, школатне ды больницятне, театратне, торгово-развлекательной куншкакуротне, од сквертнэ ды мазый лей чиртне – весе кармить служамо оштё ламо кементь иетнень перть Мордовиянь эрицятненень.

– Тесэ кода а ледстямс РФ-нь Президентэнть В.В.Путинэнь, кона покш мель яви Мордовиянть виевгавтомантень, – мерсь В.Д.Волков.

А мерят седе, течи Мордовиянь строительтне важодемстэ а вастнить стакачить. Сынь улить, ансяк неть стакачитне – нурька шкань. Икелепеле – виевгавтомань од эскелькс, кона сюлмавозь Мордовиясо национальной проекттнэнь эрямос совавтоманть марто.

– Конкурсонь процедуратнень парсте ютамонть пингстэ кото иень перть Мордовияв сыть федеральной бюджетстэ малав 55 миллиардт целковойть. Истянь зняро ярмакт Мордовияв оштё эзть сакшно, – тешкстызе МР-нь Прявтось В.Д.Волков.

Уш тедеде национальной проекттнэнь эрямос совавтомантень арсеви явомс 11 миллиард целковойть, топавтомс тевть капитальной витнемань коряс 208 объекттнэсэ. Те кемень эйдень кужот, кавто школат, Химмашсо эйдень поликлиникась ды онкодиспансерэнь поликлиникась, кавто ФАП-т, кеменде ламо культурань ды спортонь объектт, конатнень ютксо Республиканской някань театрась, спортивной площадкатне ды школань спортзалтнэ, культурно-досуговой куншкакурось ды кинотеатрась. Сави витнемс-петнемс малав 130 вайгельпеть кить ды мазылгавтомс малав 100 кудонь перька таркат.

МР-нь Прявтонть валонзо коряс, республикасонть виевстэ важодить истят подрядной организациятне, кода «СМУ 27», «СУ 13», «Фобос», «Магма-Строй», «Саранский ДСК», «Саранскстройзаказчик» холдингесь, «Анелиясь», «Ремстроесь» ды истя седе тов.

Течи Саранскойсэ поладовить строямонь тевтне «Юбилейный» эрямо комплексэнь колмоце ды нилеце микрорайонтнэсэ. Тосо арсеви строямс оштё 31 кудо, кавто эйдень кужот, 1500 таркас школа.

Теде башка, од эрямо микрорайонт теевить Васенко ды Лесная куротнесэ, Фурмановонь, Гагаринэнь ды Коммунистической куротнень маласо.

МР-нь Прявтось В.Д.Волков башка сюкпря ёвтась отраслянь ветерантнэнень, конатненень Прявтонть пельде максозь цецят.

Строительтненень истя жо поздоровт ёвтасть ды арсесть кеме шумбрачи, уцяска, важодемасо од изнявкст МР-нь Госсобраниянь Председателень полавтыцясь Иван Москаев, МР-нь Правительствань Председателесь Владимир Сушков, Правительствань Председателень полавтыцясь – Строительствань, транспортонь ды кинь хозяйствань министрась Виктор Цыганов.

Строительной отраслясо сехте вадрятненень максозь покш казнеть. Вана П.И.Автаевнень максозь «Почетный гражданин РМ» лемесь. Пётр Ивановичень покш таликазо республикань велетнес «сэнь уштомапеленть» ветямосо.

Кодамо кенярксчи моровтомо ды киштемавтомо! Мордовиянь филармониянь артисттнэ невтсть концерт.

 

Пётр Зиновьев

 
Ицялбуесь тешкстызе чачома чинзэ!

 Кенярксов мероприятия ютась августонь 10-це чистэ Ицялонь районсо. Тесэ тешкставсь сонзэ чачома чись – 90 иетне! Тешкстама, райононтень зняро иеть топодсть уш тедедень июнень 12-це чистэ. 1929 иестэ ВЦИК-нь постановлениянть коряс Ицялбуесь лемдезель районокс ды совавтозель Нижней Новгородонь губерниянь Арзамасонь округонтень.

Валске рана Ицялонь весе храмтнесэ ютасть служамот кенярксчинть кувалма. Кемлянть куншкакуросо жо те шкастонть пурнавсть райононь весе велетнень делегациятне, конатне анокстасть эсь тиринь ёнкстост выставкат, усксть эрьва кодат каванямкат, бажасть дивавтомс декоративно-прикладной творчествань теевкстнэсэ-артовкстнэсэ, ютавтсть мастер-класст. Парконть-скверэнть чиресэ стявтозельть райононь историянтень, Ицялонь комсомольской организациянть 100 иетненень, Ине Отечественной войнантень алтазь стендт. Советской площадьсэ ютасть спортивной пелькстамот покш ды вишка инжетнень туртов. Од робототехниктне невтнизь весень туртов, кодат роботт сынь тейнесть эсест кедьсэ. «Смольный» раськень парконь сотрудниктне анокстасть экологиянь турт. Ицялонь культурань роботниктне пурнасть весень хороводс, од ломантнень туртов роботасть зярыя мельстуиця площадкат. Мордовиянь содавикс предприятиятне ютавтсть выставкат-дегустацият, ликшань кашань ды чаень вечкицятненень сравтозель паксянь кухня.



Подробнее...
 
Эрьзя Бакусо

Минек эрямось мельстуиця ды питней, сонзэ эйсэ эрсить апак учонь вастовомат, конат мейле поладовить кеме ялгаксчисэ. Истямо тев монь марто лиссь 2015 иень кизна «Саранский» санаториясо. Оймсицятнень ютксто сельмс каявсь Азербайджанонь инжесь Хагани Джафаров. Сон явсь мель весе мероприятиятненень, анокстась чилисема ёнксонь ярсамопельть, эрьва мезе ёвтнесь…шумбрачинь витема ламо лия таркатнень ютксто сон кочкизе минек санаториянть, тенень лездась Интернетэсь, валонзо коряс, эзь янксе. Кортамсто, экскурсиятнестэ сон сеедьстэ мериль: «Минек седе паро! Садо, варштадо!». Чарькодеви, мезесь-бути седе вадря. Азербайджанось сонзэ туртов тиринь мастор. Минь прынек ве мельс: пандо марто Азербайджанонть ды Мордовиянть мезе-бути сюлми…Мордовиясо, кода весе Россиясояк, пек вечксызь Муслим Магомаевень, неень шкань морыцянть Эминэнь, конань низэ Саранскойстэ…



Мон зярыяксть каштансто ёвтнинь: 1923 иень октябрясто саезь 1925 иень июльс «рузонь Роденэсь» – минек С.Эрьзя – ульнесь Бакунь высшей художественной школасо скульптурань профессорокс.

Улемс Бакусо, неемс сеть таркатнень, косоль С.Эрьзя – марявсь монень а топавтовиця бажамокс. Зярдо цёрам, футболонь вечкицясь, мерсь, Бакусо вастовить «Челси» ды «Арсенал» англань футболонь командатне, минь сыргинек килангов!

…Минек лембестэ вастымизь Джафаровтнень покш семиятне, сайнимизь инжекс, андымизь тантейдеяк тантей ярсамопельде, казинек вейкенек-вейкенек туртов сувенирт, эйкакштне мельспаросо ловность казезь пусмотнестэ монь стихень, ютавтсть тенек экскурсия Баку ошка ды велетнева…Те масторонь эрицятне мельспаросо ледстнесть СССР-дэ, рузкс кортасть Россиянь оштнеде, ояксчиде…

Неть вастовоматнесэ мон свал ёвтнинь минек скульптордонть Степан Эрьзядо, кода сон Бакусо тонавтсь. Мейле минь оймсинек турбазасо лейчиресэ, якинек футболонь ваномо. Косо бу аволинь уле, прястон эзь тукшно арсемась варштамс сеть таркатнень, конат сюлмазь Эрьзя марто.

Ды вана, аволь шождасто, ошонь эрицятнень лездамост вельде муинек Хагани куростонть зданиянть (мерить тензэ Дом горняков), конань С.Эрьзя мазылгавтызе 20-це иетнестэ. Сонзэ фасадсо железобетонсто ды кшнистэ теевкст: вере – «Рабочие со знаменем», ало – «Рабочие, навинчивающие трубы». Ташто зданиясь ашти аволь паро ёжосо, ванстовсть чувтотне, конат ней тия-тува тапарязь кшнисэ ды уськесэ… сестэ тесэ ульнесь Горняконь союзось, ней – Азербайджанонь Композиторонь союзось. Кудонть стявтызь ХХ пингень ушодкссто.

Миненек лездась В.Трофимовонь «Эрьзя. Бакинский период творчества» книгась, кона нолдазель 1977 иестэ, ульнесь теке экскурсоводокс. Мекс кувать савсь вешнемс горняконь кудонть? Арась мемориальной лаз, кона бу пачтяволь Эрьзянь скульптурань важодематнеде, кудонь номертнэяк полавтовсть (икеле ульнесь 27-це кудо).

Бакусо Эрьзя марто сюлмавозь лия зданиятне эзть муеве. Арсетяно, сынст калавтызь-яжизь кода ташто зданиятнень, тарказост одс стявтозтнес эзть путне лазт. Кой-кона зданиятнень фасадтнэсэ ульнесть С.Эрьзянь скульптуратне. Косот сынь ней? Кинь эйсэ кевкстнинек, мезеяк эзть сода, паряк, неть кудотне уш умок арасть. Истя, эзть муеве тенек Политтехникумонь кудось, косо ульнесь Высшей художественной школань мастерскоесь, «Ташто Европа» гостиницась, косо С.Д.Эрьзя эрясь нинзэ ды тонавтницянзо Е.И.Мроз марто, художественной студиянь зданиясь…

…1925 иень июльстэ Степан Дмитриевич тусь Бакусто, минек тагояк ули меленек велявтомс нефтяникень те ёвксонь ошонтень, косо важодсь ине Эрьзя. Нурька шкань перть улезь, эзть муеве тенек сеть зданиятне ды скульптуратне, конат сюлмавозь Эрьзя марто. Кемтяно, тагояк понгтано те мазый ды инжень вечкиця масторонтень.

Геннадий Гребенцов

14.08.2019

 
Китаень эрицятненень пек вечкевсть эрзянь киштематне

Мордовиянь од ломантне яволявтыть кизэнь форумонь кампаниянь васенце цётавкстнэнь. «Минек республикань од цёратне ды тейтертне якасть эрьва кодамо форумс, фестивальс ды пелькстамос. Сехте редявикстнэ ютксост – «iВолга 2.0» Равчирень округонь форумось ды «Волга-Янцзы» Россиянь-Китаень од ломанень форумось», – тешкстызе МР-нь Спортонь, од ломанень политикань ды туризмань министрань васенце полавтыцясь Наталья Помелова.



Медьковонь 16-26-це читнестэ Мордовиянь делегациясь ульнесь Китаень Хунань провинциянь Чанша ошсо, самай тосо ютавтовсь «Волга-Янцзы» котоце форумось.

«Минек делегациянтень совасть кемень ломанть. Те сехте парсте тонавтниця студенткак, конат истя жо содасызь китаень келенть, – мерсь «Волга-Янцзы» форумсонть Мордовиянь делегациянь прявтось Юлия Касьян. – Омбо масторсонть минек вастымизь пек лембестэ, анокстазель мельстуиця программа. Форумонтень истя жо сакшность од ломанть Китаень кемень провинциятнестэ. Сы иестэ сынь бажить понгомс «iВолгав». Ламот эйстэст уш ушодсть рузонь келень тонавтнеме. Миненек весемесь пек тусь мельс. Арсетяно, истят раськеютконь вастовоматнеде кармить седеяк ламо».

Кемень читнень перть од ломантне теевсть содавиксэкс Китаень университеттнэнь, покш технологиянь предприятиятнень марто. Китаень учёнойтне ловность тенст лекцият, сынь истя жо тонавтнесть Хунань провинциянь раськень культуранть ды историянть. Форумонть пекстамсто Мордовиянь тейтертне кенярдовтызь Китаень од ломантнень эрзянь раськень киштемасо ды моросо. Ваныцятненень истя пек вечкевсь минек раськень культурась, сынь натой энялдсть ютавтомс киштемань коряс мастер-класст.

Од ломантне истя жо ёвтнесть «iВолга 2.0» форумсонть улемадост. Ламот эйстэст изнясть грантт эсь проектэст топавтомс.

 

Татьяна Аксенова


14.08.2019

 

 
<< Первая < Предыдущая 1 2 3 4 5 6 7 8 9 10 Следующая > Последняя >>

Новости

Единороссы Мордовии провели родительскую приемку школьных зданий
В рамках проектов «Единой России» «Новая школа» и «Крепкая семья» с 20 по
22 августа в Саранске прошла акция «Родительская приемка». Ее цель – проверка
школ на предмет их готовности к новому учебному году. Участниками акции
стали депутаты Совета депутатов городского округа Саранск, родители, члены
партийного актива.
Партийцы посетили школы, находящиеся в Ленинском, Октябрьском и
Пролетарском районах Саранска. Результаты проверки показали, что школы
полностью готовы к началу нового учебного года.




Подробнее ...
 
Турчак: «Единая Россия» предлагает ввести повышающий коэффициент 1,4 для выплат по программе «Земский доктор»
«Единая Россия» готова в короткие сроки внести в законодательство 
необходимые изменения, направленные на повышение качества первичной 
медицинской помощи. Речь идет о введении повышающего коэффициента 
1,4 для выплат по программе «Земский доктор» для особо сложных и 
труднодоступных территорий и законодательном закреплении института 
наставничества для молодых врачей в течение не менее трех лет. Об этом 
заявил секретарь Генерального совета «Единой России» Андрей Турчак.
Подробнее ...
 
В «Единой России» подготовят предложения по освобождению учителей от излишней административной нагрузки
В «Единой России» перед началом учебного года подготовят
предложения по решению проблемы избыточной отчетности педагогов. Свои
инициативы сможет направить любой желающий через сайты региональных
отделений «Единой России» до 28 августа, а 4 сентября планируется
обсудить их с участием всех профильных ведомств, экспертов,
представителей родительского сообщества на федеральной дискуссионной
площадке «Благополучие человека». Об этом заявила первый заместитель
секретаря Генерального совета Партии, депутат Госдумы Ольга Баталина.
Подробнее ...
 
Турчак просит Президента РФ представить к награде бортпроводницу Ан-24 авиакомпании «Ангара»
Вице-спикер Совета Федерации, секретарь Генерального совета 
«Единой России» Андрей  Турчак выступил с предложением наградить 
бортпроводницу самолета Ан-24 авиакомпании «Ангара» Елену  Лапуцкую, 
которая 27 июня спасла 43 пассажира самолета, потерпевшего крушение в 
аэропорту бурятского поселка Нижнеангарск. Соответствующее обращение 
он направил Президенту РФ Владимиру Путину.
«Героический поступок бортпроводницы самолета Ан-24 
авиакомпании «Ангара» Елены Лапуцкой, которая спасла из горящего 
самолета 43 пассажира, рискуя собственной жизнью и имея серьезные 
травмы, достоин награды. Безусловно, такие случаи необходимо отмечать на 
государственном уровне», - уверен Турчак.
«Желаю Елене Лапуцкой скорейшего выздоровления и возвращения в 
профессию», - заключил вице-спикер Совфеда.
Отметим, 27 июня самолет Ан-24 авиакомпании «Ангара» из-за отказа 
двигателя совершил жесткую посадку в аэропорту бурятского поселка 
Нижнеангарск, и врезавшись в здание очистных сооружений, 
загорелся. Бортпроводница Елена Лапуцкая в одиночку сумела быстро 
открыть аварийные двери и помогла людям выбраться из салона. 
Благодаря этому, никто из 43 пассажиров не погиб. Командир корабля 
и бортмеханик погибли сразу, второй пилот покинул самолет через 
аварийный люк горящей кабины.
 
К лету 2020 года в рамках акции «Единой России» по лесовосстановлению будет высажено более миллиона деревьев
В рамках акции «Единой России» по лесовосстановлению будет
высажено более одного миллиона деревьев до лета 2020 года. Первые
лесовосстановительные мероприятия начнутся уже в сентябре-октябре этого
года в регионах, климат которых наиболее благоприятен, и продолжатся
весной. Первыми участниками акции станут лесные регионы Сибири,
Дальнего Востока и Северо-Западного федерального округа: Хабаровский,
Забайкальский, Приморский, Красноярский и Алтайский края, Республики
Алтай, Бурятия и Карелия, Амурская, Иркутская, Омская, Томская,
Новосибирская, Архангельская и Новгородская области.
Подробнее ...