Рубрикатор

МИХАИЛ СЕЗГАНОВ ВАСТОВКШНОСЬ ГРАНТОНЬ САИЦЯТНЕНЬ МАРТО


Главной инспекторось Михаил Сезганов ютавтсь вастовома Мордовия Республиканть пельде «iВолга 2.0» Равчирень федеральной округонь Од ломанень форумсонть изницятнень Екатерина Тощевань, Ксения Канаевань ды Юлия Демяшкинань марто. Предпринимателень, наукань, социальной ды культурной сфератнесэ сынст проекттнэ ловозь сехте вадрякс ды тешкстазь грантсо.

Истя, «Стратегическая сессия: перспективы развития студенческих отрядов ПФО» проектэнть тевс совавтомс Ксения Канаеванень явозь 200 тёжань покшолмасо ярмаконь лезкс. «Школа-студия дизайна и компьютерной графики «ART Fоx 13» проектэнть кис зняро жо получи Екатерина Тощева. «Наука и образование» ёнкссонть покш питне путозь «Teach Case Challenge» Юлия Демяшкинань проектэнтень. Сонзэ тевс совавтомс явозь 150 тёжат целковойть. «iВолга 2.0» форумонть призэнь фондозо 17 миллиондо ламо целковойть.

Подробнее...
 
КНИГАНЬ ЛОПАТНЕСЭ – ЛОМАНЕНЬ УЦЯСКАТ



МР-нь Пресс-центрасо пурназель вастовома, конанть юрсо ульнесь спортсменэнть, журналистэнть ды сёрмадыцянть Николай Храмовонь книгань презентациясь. Пусмось кандтни «Чайник для Президента» лементь, эйзэнзэ пурназь 11 очерк сеть ломантнеде, кинь марто авторонтень савкшнось вастовомс эрямосонть. Эрьва очерксэнть невтеви геройтнень а шожда уцяскаст, эрьвантень савсь печтямс эрямонь стакачитнень ды мезеяк лангс апак вано, ютамс ансяк икелев.
Кода тешкстызь пурнавозтне, книгась вадря, мельстуиця, эряви ловномс. Мон ловныя ды мерян, мелезэнь тусь. Сюжетэсь а моли лиятнень ёнов, эрьва очерксэнть невтеви ломаненть уцясказо, эрьванть ловномсто весементь кис мелявтат геройтнень марто.



Подробнее...
 
«Тиринь велес кадовинек мельспаросо»

                           

Истят семиятнень, кода Михаил ды Альбина Дорофеевтнень, ловить велень кирдицякс. Вейксэ иеде теде икеле васенце церынькаст марто сынь састь Саранскойстэ эрямо тиринь ёнксов. Кадык эрястькак се шкастонть уш эсест квартирасо, ялатеке арсесть велявтомс Покш Игнатбуень Ташто Чамза велев. Михаилэнь саизь роботамо «8 Марта» СХПК-нь юристэкс, Альбина декретэнь отпусктонть мейле лиссь важодеме хозяйствасонть экономистэкс. Тесэ сынст чачсть эште кавто церынькаст – Саша ды Максимка. Дима уш покш, тетянстэнь-аванстэнь лездыця, яки школав.



 

Дорофеевтне стявтсть авань капиталонь ярмактнень лангс покш ды мазый кудо овсе веленть куншкакурос. Таркась пек вадря: кудонть икеле школа, керш ёно – велень клуб, авасоло – кавто лавкат. Михаилнэнь роботамо таркав ялго молемась 10 минутат. Аволь умок школанть ваксс тейсть налксемань ды волейболонь площадкат, ниле иесэ Сашка лови прянзо сынст азорокс, эдь сынь аштить овсе кудост икеле. Максимка ялаксонзо марто тесэ налксить эрьва чистэ. Альбина Дорофеева видьксты, велесэ эрямось аволь шождатнестэ, ормалгадыть эйкакштне, савкшны сынст усксемс врачнень Покш Игнатовав эли Ицялбуев. Ялатеке Ташто Чамзасо сынст туртов коштось пек паро, сэредитькак чуросто. Дорофеевтне кирдить Михаилэнь аванзо кардазсо эсест ракшаст, сыця иестэ арсить стявтомс кардо эсь кудост ваксс. Эйкакштнень туртов свал ули ловсост, паро сывелест, пиресэ кастовить экологиянь коряс ванькс эмежть, умарть ды ягудат. Михаил корты, бути велесэнть школанть а пекстасызь, велень хозяйствань предприятиясь карми роботамо, сестэ ошов туемс а мезекс. Ташто Чамзасо эрить сынст родняст-раськест, ялгаст-ояст, тесэ весе моли стамбарнэ, апак капша. Кода бу а велявтоволь эрямось, Дорофеевтнень свал ули таркаст, косо тенст мельспаро!

 

Марина Девятова

9.10.2019

 
УГОЛОВНОЙ РОЗЫСКЕНЬ ВАЖОДИЦЯТНЕ ЯВИТЬ ПОКШ МЕЛЬ ЭРИЦЯТНЕНЕНЬ
 ОЖОКОВОНЬ 5-ЦЕ ЧИСТЭ МИНЕК МАСТОРСО ТЕШКСТАВСЬ УГОЛОВНОЙ РОЗЫСКЕНЬ ЧИСЬ. СОНЗЭ ТЕШКСТЫТЬ ОПЕРУПОЛНОМОЧЕННОЙТНЕ, СЛЕДОВАТЕЛЬТНЕ, КРИМИНАЛИСТТНЭ. ЧАРЬКОДЕВИ, СЫНСТ ВАЖОДЕМАСЬ АВОЛЬ ШОЖДА: ЧИНЕК-ВЕНЕК РОБОТАСО, ВЕШНИТЬ ЗЫЯНОВ ТЕВЕНЬ ТЕИЦЯТНЕНЬ ДЫ ЗАКОНОНЬ КОЛЫЦЯ ЛОМАНТНЕНЬ. КОДА ЮТЫ СЫНСТ ЧИСТ ДЫ КОДА ВАЖОДИТЬ МИНЕК СЭТЬМЕ ЭРЯМОНОК ВАНСТЫЦЯТНЕ?

Течинь материалсо ёвтнетяно «Чамзинский» Россиянь МВД-нь ММО-нь Дубёнка ёнксканть 17№ полициянь отделениянть важодемадонзо. Сонзэ прявтокс важоди полициянь подполковникесь Виктор Валентинович КАБАКОВ.
 


– Минек полициянь отделениясо 23 важодицят. Уголовной розысксэ важодить колмо ломанть, вейкесь эйстэст полициянь отделениянь прявтонь полавтыця. Сынь роботыть вете иеть. Весе эсенек райононь, тесэ чачсть ды тонавтнесть школасо, содасызь минек ёнксонть, ломантнень ды те лезды тенст роботасо, – ёвтни В.В.Кабаков.

– Кодат зыянов тевть седе сеедьстэ тейневить районсонк?

– Васенце таркасо неень шкане аштить саламотне. Меельце шкане сеедьстэ кармасть ломантнень манчеме телефонга ды Интернет вельде (мошенничества). Кочкить сыре ломантнень, кинь шожда манямс, ды гайневтнить. Сынь истя кортасызь ломаненть, сон, мездеяк берянде апак арсе, маняви…

Подробнее...
 
СЁКСНЯ МОРДОВИЯСТО АРМИЯВ ТУИТЬ МАЛАВ 700 ОД ЛОМАНТЬ


Печатень кудосо ютавтовсь МР-нь военной комиссаронть Игорь Тихомировонь пресс-конференциязо. Сон ёвтнесь, кода ютась тундонь призывесь, ды «Сёксь – 2019» армияв саемань кампаниядонть.
Мордовиянь военной комиссаронть валонзо коряс, тунда медицинань комиссия ютасть малав 3500 од ломанть, сынст эйстэ 1006-тне саезь армияв, меельцетне олякстомтозь эли сыненст максозь отсрочка.

– Мордовиясь Центральной военной округсонть армияв саевицятнень кеме шумбрачист кувалма васенце. Тундонь призывенть коряс те невтевксэсь кармась 82%, – мерсь Игорь Тихомиров.
Ламолгадсть военнослужащейтне, кить прядсть профессияс тонавтомань учрежденият. 3% киртявсть од ломантне, кить армияв саемадо икеле косояк эзть важоде ды эзть тонавтне.
Республикань военной комиссариатось истя жо ютавтсь пшти кочкамо научной кавто ротатнес (С.М.Штеменко лемсэ Краснодарской высшей военной училищантень ды «ЭРА» военной инновациянь технополисэнтень). Тунда неть научной ротатнес Мордовиясто кучозь ниле ломанть.


Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...