Рубрикатор

Энергетик колмонь кирда

Владимир Александрович Норкин – «ТГК-6» ОАО-нть Мордовиянь филиалонь Саранскоень 2-це ТЭЦ-нь станциянь сменань прявт. Сон, кода тенек евтнесь Владимир Александрович, – потомственной энергетик. Энергетиканть марто сюлмакшнызь эрямост Н.П.Норкин покштязо ды А.Н.Норкин тетязо, ды уш 34 иеть те сферасонть сонсь Владимир Александровичкак. Норкин сась ТЭЦ-в роботамо 1980 иестэ ды сеске ладязель сменань прявтокс. Ды мейле вейкеяк чи, вейкеяк чокшне эзь робота лия таркасо. Истят профессионалт ды эсь тевень вечкицят чуросто вастат неень шканеСтанциясь важоди свалшкасто. Сменатне роботыть вейкень-вейкень полавтозь. Весемезэ эйстэст ниле, ды сынь кирдить вахта 12 часонь перть. Вейке сменасонть важодить 30 ломанть. Сынст задачаст – ветямс роботанть икелест путозь режимсэнть. Станциянть парсте роботамонзо мельга пштистэ ваны сменань прявтось В.А.Норкин.
– Саранскоень 2-це ТЭЦ-нть сехте васенце тевесь – те электроэнергиянть ды лембе энергиянть максомась. Станциясь роботы сень кисэ, штобу минек кудотнесэ улевель валдо ды лембе. Тельня тестэ моли пси ведь ды отопления, кизна уштомась лоткавтови, – евтнесь тенек В.А.Норкин. – Сменась роботамо шкастонзо топавты икелест путозь графиктнень, ваны электрической ды лембень нагрузкатнень мельга.

Подробнее...
 
Кочкурбуень весе ветерантнэнень максозь эрямо таркат

таркатЭрицятнень соцзащитань учреждениятнес эрьва кодамо тевень коряс пшкалемс савкшнось, нама, эрьвантень. Эдь те службанть васенце путовксозо – лездамс  льготной категориятнес кандовиця ломантненень. Кочкурбуесэ те службанть важодемадонзо ёвтни «Социальная защита населения по Кочкуровскому муниципальному району» ГКУ-нь

прявтось В.Д. Объедкин.

Виталий Дмитриевич, васняяк, кодамо тувталонь коряс пшкалить тыненк ломантне?

– Миненек пшкалить райононь ламот эрицятне. Эдь службанок лови ды максы весть максовиця пандоматнень, компенсациятнень, пенсиятненень надбавкатнень.  Истя жо топавттано ламо лия услугаткак: лездатано ломантненень, конат понгсть стака ситуацияс, сеедьстэ содавтнетяно сыре ломантнень ды инвалидтнэнь.

Инеськеть, ёвтнеде теде седе домкасто…

– Социальной службанть важодемасо те услугась, алкукскак, саи покш тарка. Населениянь социально-бытовой обслуживаниянь коряс колмо отделениятне эрьва ковсто содавтнить 177 ськамост эриця ломанть, истя жо пенсионертнэнь ды инвалидтнэнь, конат пшкалить тенек лезкс мельга. Те услуганть кисэ эряви пандомс ярмакт, секс кочкасы сон эли арась – тевесь мелень коряс. Тешкстама, сыре ломантнень мельга ваныть паро специалистт, конат свал ютнить анокстамонь курсат.

Подробнее...
 
ЭРЗЯ-МОКШОНЬ ВИКШНЕВКССЭНТЬ УЛИ КОДАМО-БУТИ АЕВТАМО ДЫ МЕЛЕНЬ КЕПЕДЕМА

Лиятнень эйстэ эрзя-мокшонь викшневксэнть яви художественностесь, орнаментэнть стакачись. Сонзэ эйсэ ули кодамо-бути аевтамо ды мелень кепедема. Неень шкане кедьчелькев викшницятне кенярдовтыть ды дивавтыть эрьва-кодамо тюсонь викшневкссэ. Течинь номерсэнть ловныцятненень минь евтнетяно декоративно-прикладной искусствань художникенть Галина Алексеевна Полянскаянь творчествадонзо. Кодамо тарка сонзэ эрямосонть саи эрзянь ды мокшонь викшневксэсь.

Галина Алексеевна, творчествантень вечкемась Тынк эйкакш порасто?

– Вишкинестэ ульнинь пек эряза эйкакшокс. Покш мель явинь спортонтень, тонавтнинь омбо масторонь кельть. Зярдо Саранскойсэ панжовсь художественной школась, кочкия прикладной отделениянть. Школанть панжицясь Петр Рябов эсь тонавтницятненень ламо евтнесь эрзянь ды мокшонь раськетнень шкинемадост, койдест-кирдадост. Велетнестэ ускокшнось човалясто теезь мазылгавтомат, кодазь варьгат, носкат, викшнезь нардамот. Ледстнян, кода Пётр Фёдорович Теньгушевасто усксь понань суреть, ды минь карминек тонавтнеме «теньгушевань семицветкань» кодамо. Лиякс меремс, сисем тюсонь сурестэ эрьва-мезень кодамо. Ансяк сехте пек мелезэнь свал тукшныльть викшневкстнэ. Зярдо неинь эрзя-мокшонь викшневкстнэнь, весе икелень тевень сеске стувтовсть. Викшнинь чить ды веть.

Подробнее...
 
Моронь 105 иетненень

Ютасть 69 иеть се шкастонть саезь, кода чатьмонезевсть пушкатне, Берлинэнь менелентень венстявсь Изнямонь якстере флагось.  Солдаттнэ, конат ютасть тежа вайгельпеть стака ды сэпей кияванть, лоткавтызь войнанть.

Мордовиянь малав 50 писательть ды журналистт войнань васенце читнестэ саезь тусть фронтов. Сынст ютксо ульнесь Артур Матвеевич Морояк. Маень 11-це чистэ топодсть 105 иеть сонзэ чачома чистэнзэ саезь. Алкуксонь лемезэ – Афанасий Матвеевич Осипов. Чачсь сон 1909 иень маень    11-це чистэ Самара енксонь Красные Ключи велесэ. Гражданской войнадо мейлень вачо иетнестэ трявсь-кастовсь Зауральянь эйкакшонь кудотнесэ. 1927-28-це иетнестэ тонавтнесь рабфаксо, 1930-32-це иетнестэ – Московонь государственной кинематографиянь институтсо, 1940-це иетнестэ – КПСС-нь ЦК-нть юрсо общественной наукань академиясо. Мейле парсте идизе кандидатонь диссертациянть ды теевсь искусствоведениянь кандидатокс. 1935 иестэ совась СССР-нь Писателень союзс. 1969 иестэ максозель тензэ «Мордовиянь Заслуженной поэт» лемесь.

Подробнее...
 
Семиясь - масторонть юрозо

Маень 15-це чистэ тешкстави Весе раськень семиянь чись. Те кенярксчись кемекстазь 1993 иень сентябрянь 20-це чистэ ООН-нь Генеральной Ассамблеясонть. Мордовиясо покш мель явови семиянь кевкстематненень. Весемеендонь лезкс явови ламо эйкакшонь триця семиятненень, кемекстазь ламо эйкакшонь кастыця авань Почетонь диплом.

И.Д.Воронин лемсэ республикань краеведениянь музейсэнть пурназь сюпав материал ламо эйкакшонь триця семиятнеде, династиятнеде, аватнеде-героинятнеде. Весе сынь невтезь «Семиясь – масторонть юрозо» выставкасонть. Выставкасонть евтневи Саранскоень сехте покш семиядонть – Нарваткинтнэде. Ней тосо трявить-кастовить 10 эйкакшт. 2010 иень июлень 8-це чистэ, Семиянь, вечкемань ды кемемань Весероссиянь чистэнть, Нарваткинтнэ казезь «За любовь и верность» медальсэ. Весемезэ Мордовиясо 3600 ламо эйкакшонь семият.

Подробнее...
 
<< Первая < Предыдущая 261 262 263 264 265 266 267 268 269 270 Следующая > Последняя >>

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...