Рубрикатор

Эряк, эряк, тиринь кель!

Краснослободской райононь «Сивинь» оймсема таркасонть тедеде таго панжинзе кенкшензэ «Эряк, тиринь кель!» лементь ало этнолагересь. Сон важоди 2003-це иестэнть саезь эрьва кизна. Этнолагеренть пурны МР-нь Образованиянь министерствась. Тей тердевить эрзянь, мокшонь ды татаронь раськень эйкакшт. Ансяк аволь весе. Сетне, кить пелькстасть ды изнясть тиринь келень регионъютконь ды республикань олимпиадатнесэ, кить морсить фольклоронь коллективсэ. Истя жо тесэ паро мельсэ вастызь республикань томбальде сазь эйкакштнень.

Подробнее...
 
ЮБИЛЕЕНЬ ВАСТОЗЬ

Тедедень июлень 27-це чистэ Мордовиянь Писателень союзонтень топодить 80 иеть. Мейсэ эри сон, кодат кевкстемат аштить икелензэ – теде ды лиядо ёвтни сонзэ прявтось, Россиянь Писателень союзонь Секретаресь, Мордовиянь Народной писателесь Александр Доронин.
– Александр Макарович, 1934-це иень тундостонть Московсто Саранскоев сакшнось рузонь содавикс писателесь Алексей Яковлевич Дорогойченко. Инжекс тердтнизь?
– Дорогойченко (алкуксонь фамилиязо – Дорогойченков, чачомань коряс сон Оренбург ёнксонь эрзяль) ульнесь Россиянь Крестьянонь писателень вейсэндявксонь прявтокс. Сеть иетнестэ большевикень партиясь ломантнень эрьва ков кучниль: колхозонь прявтокс, заводонь директорокс, обкомонь секретарекс... Алексей Яковлевичень, кода покш писателенть, ильтизь «сёрмадома» тевень аравтомо. Ды вана 1934-це иень июлень 27-це чистэ Саранскойсэ ютавтозель Мордовиянь писателень васенце съездэсь, косо А.Я. Дорогойченконь вемельсэ кочкизь правлениянь председателекс. Саранскойсэ, виде, сон а кувать эрясь – ансяк ве ие, ялатеке кенерсь кавксть покшолгавтомс Союзонть, ков, Ф.М. Чесноковдо, А.Д. Куторкиндэ ды Т.А. Раптановдо башка, пельиень ютазь, совавтозельть Н.Л. Иркаев (Никул Эркай), М.И. Безбородов, И.П. Кривошеев, Ф.И. Беззубова, Я.П. Григошин, К.С. Петрова.

Подробнее...
 
«Паксянь цёрась» Саизе 3-це тарканть

Тедедень июньстэ Татарстанонь Казань ошсо сисемецеде ютавтовсь «Многоликая Россия» Весероссиянь журналистэнь панжадо конкурсось. Сон совавтозель регионтнэнь ды раськетнень массовой информациянь средстватнень V-це Форумонть программантень, конась ютась Татарстанонь прявт ошсо июнень 19-21-це читнестэ. Весемезэ тедеде те конкурсонтень кучозельть малав 700 роботат минек масторонь 52 регионсто. Коень коряс сынсь Татарстанонь журналисттнэ те пелькстамонтень заявкат а кучнить.

Подробнее...
 
Никон Патриархось

Саранск ошонь Ушаков лемсэ Кафедральной Соборонть каршо путозь весе Русень Патриархонтень Никоннэнь памятникесь. Те ине ломанесь чачсь 1605 иень майстэ Нижегородской губерниянь Вильдеманово велесэ. Лемдемстэ макссть тензэ лем Никита. Церынесь ульнесь пек вишкине, зярдо кулось тиринь авазо. Сестэ тетязо сайсь од ни, конась пек ризнэсь ававтомо кадовозь церыненть кисэ ды ламо вийть путсь сонзэ кастомантень. Зярыя иень ютазь, Никитань максызь тонавтнеме, церынесь куроксто тонадсь ловномо ды сермадомо славяно-рузонь кельсэ. Сонзэ ульнесь покш мелезэ седе тов сюлмамс эрямонзо Пазнэнь служамонть марто, секскак сон тусь Макарьевской Желтоводской монастырев. Церьковань книгатнень ловномась, тосонь эрямось пек мельс тусть Никитанень. Ананий наставникезэ мерсь тензэ, келя, сон карми улеме Патриархокс.
Зярдо тетязо кармась пек сэредеме, Никита велявтсь кудов. Тесэ малавиксэнзэ кармавтызь сонзэ урьвакстомо. Семиясо эрямось ульнесь аволь уцяскав. Мельга-мельцек кулость колмо ансяк чачозь эйкакшост. Куроксто Никита мусь эстензэ тарка вейке приходсто, тесэ сонензэ максызь иереень чинэнть. Зярыя шкань ютазь, сон тусь эрямо Московов.
Урьвакстозь Никита ульнесь кемень иеть, эйкакшост арасельть.

Подробнее...
 
«Надеждась» православной лагерьсэ

Неть читнестэ «Надежда» республикань эйкакшонь социальной приютонть бажамонзо вельде Саранск ошонь стакасто сэредиця эйкакштне витить шумбрачист Иоанн-Богословонь лемсэ Макаровка велесэ цёрань монастырьсэнть грантонь ярмак лангс. Тешкстасынек, 2014 иестэ эйкакшонь те учреждениясь лиссь изницякс «Семья от кризиса к успеху» проектэнь стакачис понгозь эйкакштненень лезксэнь максомань Грантонь Фондонть коряс. Сонзэ тевс нолдамонь шкась – те иень апрельстэнть саезь 2015 иень сентябрянь 30-це чинть самс. Те проектэнть васень тевезэ – семиятнестэ шкастонзо асатыкстнэнь редямось, сынст седе тов анолдамось, стака тевс понгозь эйкакштненень лезксэнь максомась.

Подробнее...
 
<< Первая < Предыдущая 261 262 263 264 265 266 267 268 269 270 Следующая > Последняя >>

Новости

Изнямонь чинь диктант


«Единая Россия» политической партиянь Генеральной Советэсь сайсь мель ютавтомс маень 7-це чистэ Изнямонь чинь диктант. Теде пачтясь журналисттнэнень апрелень 22-це чистэ Мордовиянь «Единая Россия» партиянь региональной отделениянь председателесь В.В.Чибиркин.

Диктантось юты «Историческая память» проектэнть топавтомга масторонок зярыя регионсо ды 22 омбо масторсо. Участниктненень сави отвечамс 20 кевкстематнень лангс Ине Отечественной войнань историянть коряс. Неть кевкстематнень ней аноксты Россиянь исторической вейсэндявксось.

Подробнее ...
 
Турчак подвел итоги первого экологического форума «Единой России»
Секретарь Генерального совета «Единой России» Андрей Турчак подвел итоги Всероссийского
экологического форума «Единой России» «Чистая страна». В частности, он предложил органам власти
провести проверку того, как регионы соблюдают законодательство в части установления тарифов за
обращение с отходами.
Подробнее ...
 
«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...