Рубрикатор

Владимир Волков:«Мордовиясь свал лововсь россиянь финнэнь-угрань юрокс»

Июнень 4-це чистэ Мордовия Республикань Прявтось В.Д.Волков ютавтсь покш пресс-конференция республикань журналисттнэнь марто. Кортамось мольсь малав ниле част, те шканть перть 100 ламо журналисттнэ кенерсть максомс 57 кевкстемат. Васняяк Владимир Дмитриевич нурькинестэ ёвтнесь 2013 иестэнть ды тедедень вете ковтнень перть топавтозь тевтнеде.
– Тенек удалась топавтомс весементь, мезе аравтозель 2013 иентень. Декабрясто ютавтозь Россиянь Президентэнть В.В.Путинэнь марто вастовомасонть максозь покш питне республикань социально-экономической невтевкстнэнень. Масторонь Прявтось явсь покш мель республикасонок улиця стакачитненень ды макссь кармавтомат Россиянь министерстватненень ды ведомстватненень лездамс тенек. Президентэнть лезксэнзэ вельде поладови республикань прявт объекттнэнь стявтомась.

Подробнее...
 
Аграрийтнень пурнакшнынзе «Паксянь чись»

Июнень 6-7-це читнестэ Лямбирень муниципальной райононь «Александровский» ПЗ ОАО-нть юрсо ютавтовсь «Паксянь чи» агропромышленной выставкась. Республиканть туртов те мероприятиясь теевсь уш паро коекс. Выставканть содавтызь республикань прявттнэ, велень хозяйствань предприятиянь важодицятне, главной инженертнэ, агрономтне, зоотехниктне, райононь администрациянь велень хозяйствань управлениянь прявттнэ, крестьянонь-фермерэнь хозяйствань азортнэ, велень хозяйствань вузонь ды техникумонь преподавательтне ды студенттнэ. Истя жо выставкантень сакшность инжеть шабра регионтнэстэ ды масторонть томбальде.

Подробнее...
 
Эрзянь моротне гайгсть позда чокшнес

…Школанть эйстэ аволь васоло таркась. Тесэ гайгить эрзянь ды рузонь морот. Сынь тердить Козловка велень эрицятнень покш кенярксчинтень. Эдь течи Троиця!
Вантано, ломантне сыть ды сыть Козловка велень покшчинтень. Тесэ эсь ули-парост ладсизь райононь микшниця лавкатне.
– Минь эрьва праздникстэ сакшнотано, – ёвтни Вера Фадейкина котоце разрядонь поварось. – Течияк микшнетяно ламбамо ярсамопель. Мезесь кецявты: Козловка велень эрицятне минек вакска а ютнить. Рамсить сень, мезе тенст эряви.
Тесэ жо вастовинек Марина Волотнова поваронть марто. Сон эрзянь ава. Умок важоди пищевой промышленностьсэ. Сюкорот, прякинеть пани...
– Течи ускинек тантей прякат, – ёвтни Марина Волотнова. – Вень перть эзинь удо. Арсинь Козловка велень эрицятненень теемс покш кенярксчи.
…Шкань ютазь, эсь ёрокчист невтизь Отяжелень, Козловка велень художественной самодеятельностень артисттнэ. Сынь морасть эрзянь, рузонь раськень морот. Зярдо серьгедизь «Умарина» моронть, пурнавозтне эзть кирдеве: вейсэ морызь вечкевикс моронть.
– Содатано, минек велесэ Троицянь чись тешкставкшны свал ды келейстэ, – ёвтни Козловка велень школань директорось Сергей Евдокимов. – Те кенярксчись эри минек койтнесэ-кирдатнесэ. Ды сонзэ зярдояк а стувтсынек. Мон весементь теян – школасонок аволизь стувтне тиринь койтнень-кирдатнень.
…Позда чокшнес гайгсть Козловка велесэ эрзянь моротне. Весень мельс тусть «Я назову тебя зоренькой», «Веле, велине» ды лиятне.

Пётр Зиновьев.
Отяжеле ёнкс

 
«Ламзурентень» – 20 иеть

«Ламзурь». Истямо мазый лем кандтни эрзянь фольклорно-этнографической ансамблясь. Неть читнестэ сонензэ топодсть комсь иеть. Тенень алтазель «Эрямованть моро марто» творческой чокшнесь, кона ютась Эрзянь-мокшонь национальной драмань театрасо. Те ансамблясь ушодызе эсь кинзэ 1994-це иестэ. Сонзэ пурныцякс ульнесь эрзянь содавикс поэтессась Маризь Кемаль. Васенце иестэнть саезь сынь ушодсть ютавтнеме ламо вастовомат, чокшнеть: тешкстызь эрзянь васенце профессоронть А.П.Рябовонь 100 иень юбилеенть, Д.Т.Надькинэнь 60 иетнень. Ушодсть ютавтомо Озкстнэнь.
Ней коллективень ветицясь – Раиса Щанкина.

Подробнее...
 
«Ташто койсэсь» пачкодсь велев

Маень 16-це чистэ саезь Мордовиясо ушодовсь «Культурань автопоезд» проектэсь. Республикань весе районтнэва ютыть писательтнень марто творческой вастовомат, «кругловой стольть», музеень ды библиотекань важодицятнень семинарт, морамонь коллективтнень концертт, театратнеяк невтьсызь путовксост.
Эрзя-мокшонь национальной драмтеатрась невти районтнэва вете спектаклят. Чаунзасо уш невтизь В.Распутинэнь «Живи и помни» спектаклянть, маень 31-це чистэ Отяжбуень Сабанцелесэ – К.Петровань «Ташто койсэ» путовксонть.
Инжетнень лембестэ вастызь Отяжбуень культурань управлениясо (прявтось О.И.Антипова). Мейле сынст учость Сабанцелень Культурань кудосо.

Подробнее...
 
<< Первая < Предыдущая 261 262 263 264 265 266 267 268 269 270 Следующая > Последняя >>

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...