Рубрикатор

Шумбрачинь центрась - эйкакштнень лезэс

Ютазь иень ноябрянь 30-це чистэ РФ-нь Президентэнть Д.А.Медведевень Федеральной Собраниянтень эрьва иень Кучомасо покш мель явовсь эйкакштнень шумбрачист ванстомантень, превеекс ды ламонь содыцякс кастомантень, ламо эйкакшонь триця семиятненень лезксэнь максомантень. РФ-нь Президентэсь эйкакштнень шумбрачидест кортамсто кармавтсь лезэвстэ тевс нолдамс здравоохранениянть туртов явозь ярмактнень. Сонзэ валонзо коряс, те ведомствасонть тевтнень одкстомтомантень явозь ярмактнестэ 100 миллиардт целковойтне максовить эйкакшонь медицинанть паролгавтомс. Кода невтизь ванкшноматне, течи сеть эйкакштнень ютксто, конат сыргить васенце классов, ламотнень уш шумбрачист лавшот.

Истя жо эйкакштнень шумбрачист ванстомадо темантень покш мель явсь Мордовия Республикань Прявтось Н.И.Меркушкин МР-нь Госсобраниянтень ды республикань весе эрицятненень Кучомасонть.

Тешкстасынек, здравоохранениясо одонть эрямос совавтомасо минек республикась икельди Россиянь лия регионтнэнь. Ютазь иень сексня тиринь «Эрзянь правда» газетань лопатнесэ пачтякшнынек Саранскойсэ Шумбрачинь кавто центрань панжомадо. Ледстясынек, вейкесь эйстэст, покштнень туртов, ушодызе важодеманзо Республикань диагностикань центрасо, омбоцесь – од ломантненень – республикань врачебно-физкультурной диспансерсэ. Ютазь иенть прядовомсто эште вейке истямо Шумбрачинь центра панжовсь республикань эйкакшонь омбоце номер больницянть юрсо.

Подробнее...
 
Кемемань кизэ эрьванть эсензэ

Исяк, январень 19 чистэ, тешкставсь православиянь покшчитнестэ вейкесь – Крещениясь. Те кенярксчистэнть Иоанн Креститель (Предтеча) лемдизе Иисусонь Иордан лейсэнть. Мордовиянь весе храмтнесэ ютавтовсть покшчинтень алтазь службатне. Течи ловныцянок туртов евтнетяно Феодор Санаксарскоень храмдонть, косо вень службась истя жо прядовсь светязь лисьмапрясо экшелямосо.

…Эрьва ломаненть эсензэ кизэ Пазонтень кемеме ушодомастонть. Кинь-бути оймес те валдо тештесь кирвази эрямосонзо зыянонть лисемстэ, кажос понгомсто, малавиксэнзэ емавтомсто. Храмс ламот юткстонок совить сестэ, зярдо тенек пек стака, ознотано, энялдтано Пазонть икеле, тевенек лисемадо мейле таго сондензэ стувтано…

Но улить ютксонок ломанть, конат уш чачить мастор лангс кемема марто. Истятнэнь ютксо Саран ошонь Феодор Санаксарскоень лемсэ храмонь настоятелесь, протоиереесь отец Георгий. Сон чачсь-кассь Торбеевань енксонь Салазгорь велесэ, Пазнэнь кемиця семиясо. Кавонест покштятнень тетяст, Борис ды Павел, ульнесть протоиерейть. Сынст малавиксэст Иоанн Сельманов репрессиянь иетнестэ маштозель Антоний попонтень штатолонь теемань кисэ. Пазнэнь кемеманть ды чумовтомо маштоманзо кис сон совавтозель святойтнень юткс. Ликензэ марто Пазавась ванстови отец Георгиень семиясо ды Ушаковонь лемсэ соборсонть.

Подробнее...
 
Мордовия республикань прявтонть Мр-нь госсобраниянтень кучомазо

Кемема эсь вийтнес

Декабрянь 17-це чистэ Мордовия Республикань Прявтось Н.И.Меркушкин пшкадсь эрьва иень Кучома марто Мордовия Республикань Государственной Собраниянтень ды Мордовиянь весе эрицятненень. Те чистэнть республикань Культурань кудонтень пуромсть: РФ-нь Госдумань, эсенек законодательной органонь депутатт, предприятиянь, министерствань, ведомствань ды школань прявтт, вузонь ректорт, предпринимательть, больницянь главной врачт ды ламот лият.

Подробнее...
 
Шумбрачиде питней мезеяк арась

Неть читнестэ Мордовия Республикань Госсобраниянь Социальной политикань комитетэсь ютавтсь заседания, кона алтавсь «Эрямонь паролгавтомань (Шумбрачинь)» «Единой Россиянь» партиянь проектэнть тевс нолдамонтень. Сонзэ коряс Комиссиянтень совицятнеде башка, тов тердезельть МР-нь Госсобраниянть юрсо теезь Од ломанень общественной палатань члентнэ. Вастовоманть панжизе ды ветясь Мордовия Республикань Госсобраниянь Председателень полавтыцясь, «Эрямонь паролгавтомань (Шумбрачинь)» проектэнь региононь координаторось Т.В.Тюрина.

Подробнее...
 
Важодить весень кисэ, мелявтыть эрьвадонть

Неть читнестэ Россиянь Пенсиянь фондось тешкстызе 20 иень топодеманзо. Мордовиясо те датантень алтазь торжественной промксось ютавтовсь Яушев лемсэ государственной муздрамтеатрасо, ков те ведомствасонть важодицятнеде башка пуромкшность ламо инжеть. Ютксост ульнесть: Мордовия Республикань Прявтось Н.И.Меркушкин, РФ-нь Пенсиянь фондонь тевтнень коряс департаментэнь управлениянь прявтось А.А.Макушев, МР-нь Госсобраниянь Председателень полавтыцясь Р.З.Аширов, МР-нь Правительствань Председателень полавтыцясь М.С.Сезганов, МР-со Федеральной инспекторось В.В.Бурмистров, министерствань, ведомствань, предприятиянь прявтт, войнань ды трудонь ветерант.

Подробнее...
 
<< Первая < Предыдущая 231 232 233 234 Следующая > Последняя >>

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...