Рубрикатор

Шумбрачинть кисэ мелявтозь

Аволь умок Общероссийской Народной фронтонь (ОНФ) Мордовской региононь отделениясь ютавтсь пресс-конференция, косо мольсь кортамось минек республикань здравоохранениясо тевтнеде. Те чистэнть Печатень кудонь Пресс-центрас сакшность: МР-нь Здравоохранениянь министрань васенце полавтыцясь Е.А.Степанова ды полавтыцясь М.И.Киселева, Торбеевань райбольницянь главной врачонь полавтыцясь Е.П.Крылов (кие канды ответственность Атюрьева ёнксонь эрицятнень шумбрачист кисэ лецямонь кавто учреждениятнень вейсэндямодост мейле) ды сеть, кить тердезельть те кевкстеманть коряс толковамо. Неть, васняяк, ОНФ-нь эксперттнэ.

Подробнее...
 
«Аволь чаво паксяс валги мором…»

 

Апрелень 27-це чистэ 80 иень юбилеензэ тешкстызе эрзянь содавикс поэтэсь Числав Журавлёв. Сон чачсь се ёнкссонть, косо эрзянь литературась сюпалгадсь истямо лемсэ, кода: Т.А.Раптанов, В.К.Радаев, А.М.Моро, С.М.Люлякина, М.А. Втулкин. Ч.Г.Журавлёв чачсь 1935 иень апрелень 27-це чистэ Самарань областень Похвистнева буень Покш Толкан велесэ.  Числавонь эйкакшпингезэ ютась покштянзо ды сырькаензэ кедьсэ. Тетязо, Григорий Алексеевич, ды авазо, Наталья Григорьевна, кастсть кото эйкакшт. Тетязо пингензэ перть важодсь шоферэкс, авазо топавтсь паксянь ды кудоютконь эрьва кодат тевть. Сынь ульнесть моронь вечкицят, вайгелест пек мазыельть.

1943 иестэ Числав Журавлёв мольсь васенце классос. Ветеце классо тонавтнемстэ ушодсь стихень сёрмадомо. Васенце тонавтыцязо ульнесь эрзянь поэтэсь В.К.Радаев. Василий Кузьмич ламо вий ды ойме путсь Числавонь сёрмадомань ёрокчинзэ кастомасо.

1950 иестэ Числав кармась тонавтнеме Вишка Толканонь педучилищасо, косо таго вастовсь В.К.Радаев марто. Сон тосо ветясь литературань куро. Училищань прядомадо мейле Числав сонсь тонавтсь эйкакшт. 1954-57 иетнестэ служась армиясо. Мейле 12 иень перть важодсь Магадан ёнкссо стака атлетикань коряс тренерэкс, бортрадистэкс. 1967 иестэ велявтсь Самарав. Важодсь физкультурань тонавтыцякс, тренерэкс, спортонь судьякс. 1975 иестэ прядызе Волгоградонь физической культурань институтонть. 

Подробнее...
 
Книгань акциясь Орданьбуесэль

 

«Мордовиянь писателень 100 книгат» акциясь полады важодеманзо. Неть читнестэ сон ютась Орданьбуесэ. Ды алтазель Святителенть Лукань ледстнемга. Тесэ сынь ютыть колмоцеде. Лиякс меремс, мольсь Регионъютконь научно-практической конференция. Мекс минек республикасо ледстнить те ломанденть? 1905 иень февральстэ саезь ноябряс сон важодсь Орданьбуень больницясо. Вастовоманть ушодкссто Орданьбуень Культурань кудосо невтезель Святителенть Лукадо фильма.

Ловноматнень панжинзе Орданьбуень ды Отяжбуень епископось Вениамин. Лембе валт ёвтась Орданьбуень прявтось А.Н.Антипов. Истя жо Саранскоень инжетнеяк: МР-нь Культурань ды туризмань министрань полавтыцясь Н.Л.Храмов, Национальной политикань коряс министрань васенце полавтыцясь А.И.Карьгин.

Подробнее...
 
Пурнавкшность сехте ёроковтне

 

Неть читнестэ М.Е.Евсевьев лемсэ МГПИ-сэ ютавтовсь «Юный исследователь» вишка классо тонавтницятнень проектно-исследовательской роботатнень региональной пелькстамось. Сонзэ участникекс кармасть Саранск ошонь общеобразовательной школатнень 1-4-це класстнэнь тонавтницятне. Весемезэ те иестэнть конкурссонть ванновсть 160 проектт. Тедеде пелькстамось алтавсь Ине Изнямонь 70 иень юбилеентень.

Вастовоманть панжизе М.Е.Евсевьев лемсэ МГПИ-нь научной тевень коряс проректорось Т.И.Шукшина. Сон тешкстызе, сынст вузсонть сеедьстэ эрсить вастовомат, ансяк вишкинетне тесэ чуростонь инжеть. Секскак весе институтонь важодицятне ды студенттнэ кемить, паряк, те вастовомась карми аволь меельцекс, ды школадо мейле ламот кочкасызь МГПИ-нть тонавтнема таркакс.

Подробнее...
 
Саранскойсэ ютась «БиблиоВЕ»

 

Апрелень 24-це чистэ Россиянь ламо библиотекатнесэ ютась «Библионочь» акциясь. А.С.Пушкин лемсэ республикань Национальной библиотекась, кода меляткак, анокстась покш программа. Тесэ эрьва отделэсь арсесь мезе-бути эсензэ. Косо панжсть выставкат, косо ютавтсть някань теемань, сёвоньстэ налкшкень ичемань мастер-класст. Лия таркатнесэ гайгсть морот. Васенце этажсо питневтеме сёрмадсть эстест од ловныцят. Н.П.Огарёв лемсэ МГУ-нь национальной культурань институтонь актёронь отделениянь студенттнэ невтсть рузонь народной ёвксонь коряс инсценировкат. Чарькодеви, сынст ваномо пурнавсть вишка ваныцятнеяк. 18:00 чассто саезь 22:00 часос эрьва инжесь мусь эстензэ мельстуиця тарка.

Саемга, актовой залсонть ютась Николай Карповонь книганзо презентация. Те вастовоманть пурнызе краеведениянь отделэсь. Николай – эрзянь од цёра, морыця. Чачсь сон 1986 иестэ Саранскойсэ. Чувашиянь Алатырской райононь Алтышева посёлкасо прядынзе средней школань 9 класстнэнь. Тонавтнесь Чебоксары ошонь музыкальной училищасо. Теде мейле сась Саранскоев. Важодсь республикань камерной хорсо, «Торама» фольклорной ансамблясо. Нолдась эрзянь моронь кавто альбомт. 2012 иестэ саезь тонавтни минек университетэнь филологиянь факультетсэ. Ней жо лиссь «Полминуты знакомства» васенце книгазо. Кода корты авторось, аволь покш ёвтнемат сон сёрмадсь школасто тонавтнемстэ саезь, студентэкс улемстэ кармасть чачомо стихтькак. Николай ней эри Московсо. Важоди музыкальной школасо тонавтыцякс. Книгазо лиссь Омск ошсо.

Покш мельспаросо сон вастызе тердеманть ютавтомс книгань презентациянть минек библиотекасо. Тей пурнавсть Николаень ялганзо-оянзо, малавиксэнзэ ды содавиксэнзэ, истя жо весе сеть, кить састь Библиовес. Сцена лангсто авторось весень туртов ловнось стихензэ. Теде башка, «Small Band Saransk» морамонь группастонть Р.Рахманов ды А.Кузнецов ялганзо седясть. Музыка марто стихтне гайгсть седеяк виевстэ.

Николаень творчестванзо коряс эсь мелензэ ёвтынзе критикесь В.И. Дёмин. Василий Иванович тешкстызе, Коля – сонзэ тонавтницязо. Поэзиясонть варчни виензэ неень шкань стильсэнть. Мукшны виев образт, невти минек алкуксонь эрямонть. «Те книгась мусы эсь ловныцянзо», – мерсь В.И.Дёмин.

Ламо лембе валт ёвтась содавикс музыковедэсь Н.М.Ситникова.

– Николаень стихтнесэ эрьва слогось, эрьва строчкась канды од информация, арсят, мезе жо карми седе тов ды зярдояк теть а содави. Секскак сонзэ стихтнень ули мель ловномс эштё ды эштё весть. Мон ризнан, мекс те цёрась тусь литературань киява. Минь сонзэ лангс кеминек, кода музыкантонь лангс. Ёвтан тенк, сонзэ эйстэ лисевель пародояк паро композитор. Сюкпря тетянзо-аванзо туртов истямо таланов цёраст кисэ! – кортась Н.М.Ситникова.

Седе тов инжетнень пельде ульнесть кевкстемат, конатнень лангс Николай паро мельсэ макссь каршо валт. Меельце пелев эрьва ловныцянть кедьс понгсь «Полминуты знакомства» стихень пусмось. Арсетяно Николайнень поладомс сёрмадома тевенть, творчествасо саемс од изнявкст!

 

Т.Маторкина

 
<< Первая < Предыдущая 211 212 213 214 215 216 217 218 219 220 Следующая > Последняя >>

Новости

43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...
 
Ёвтасть поздоровт Геройтнень аватненень

Мартонь 8-це чистэ од ломантне содавтызь ды ёвтасть поздоровт Мордовия Республикань чавовозь Геройтнень сядо аватненень. Те паро тевенть кармасть топавтомо «Россия – страна возможностей» панжадо платформантень совиця Росмолодежень од ломанень инициативань Грантонь конкурссонть «Не бывает чужих матерей» проектэнть изнямонзо вельде.
Активисттнэ ульнесть республикань 22 районсо ды казсть Героень аватненень цецят ды казнеть. Мероприятиянть прявт тевезэ – од ломантнесэ нравственно-патриотической воспитаниянть кемекстамось ды Геройтнень аватненень лаздамось, конат ёмавтызь эсь цёраст Афганистанонь, Чечнянь ды лия локальной конфликттнэсэ воинской долгонь топавтомсто.
Проектэсь тевс нолдави 2016 иестэ саезь Мордовия Республикань Ковылкинань районсо, а 2018 иень ноябрясто саезь – республиканть келес. Од ломантне ютавтнить вастовомат чавовозь геройтнень аваст марто. Ёвтыть тенст поздоровт Мартонь 8-це чинть, Авань чинть кувалма. Лездыть тенст энялдомаст коряс.