Рубрикатор

Спорт
Спортонь форумось юты саранскойсэ

Аволь умок Россиянь Президентэсь Д.А.Медведев нолдась Указ. Сонзэ коряс сы иестэ, сентября ковонь 8-11 читнестэ, Мордовиянь прявтошсо, Саранскойсэ, карми ютамо спортонь раськеютконь форум. Лемезэ – «Россия – спортивная держава». Форумонть роботасо участвовамо кармить масторонок прявттнэ ды 50 масторсто представительтне, раськеютконь спортонь организациянь ветицятне, Олимпийской комитетэнь ды ФИФА-нь члентнэ. Саранскоесь карми учнеме малав 3 тежат инжеть.

Эряви меремс, истямо покш мероприятиясь Мордовиясо ютавтови васенцеде. Сон карми алтазь Россиясо олимпийской движениянтень 100 иетнень топодемантень. Сави теемс покш робота тенень алтазь культурной ме роприятиятнень анокстамга. Кармить ютавтовомо эрьва кодат презентацият, научно-практической конференцият, конгресст ды «кругловой стольть».

Минек республикась Россиянь лия регионтнэнь ютксо ловови сехте спортивной республикакс. Тесэ аволь ансяк анокстыть чемпионт, истя жо виевгавтыть массовой спортонть. Республиканть уш ули сюпав опытэзэ покш мероприятиятнень ютавтомга. «Шумбрат, Финно-Угрия!», «Финно-угрань культурань фестиваль». Сынст ютавтомаст кис республикась шназель, секскак арасть кавтолдомат сень кувалма, што сы иень форумоськак юты кода эряви. Истят тевтне кепедьсызь Мордовиянть авторитетэнзэ кода Россиясо, истя жо омбо мастортнэсэяк.

 
Содавикс хоккеистэнтень - 87 иеть

Декабря ковонь 15-це чистэ СССР-нь спортонь заслуженной мастерэнтень, раськеютконь чемпиононтень хоккеистэнтень, минек земляконтень Виктор Григорьевич Шуваловнень топодсть 87 иеть.

Хоккеистэсь Виктор Шувалов сеть ломантнестэ, кить минек масторсо эсь изнявкстнэсэ виевгавтсть ды славасть хоккеенть. Сон налксесь се командасонть, конась 1956 иестэ Италиясо изнякшнынзе Канадань хоккеисттнэнь ды лиснесть олимпийской чемпионокс.

Подробнее...
 
2018 иень футболонь раськеютконь чемпионатось ютавтови россиясо

Окойники учовсь! Россиясь 2018 иестэ васенцеде историянзо перть карми ютавтомо Раськеютконь футболонь чемпионат. Декабрянь 2-це чистэ Швейцариянь Цюрих ошсо ютась вайгелень максома чемпионатонть ютавтомань тарканть кисэ. Раськеютконь футболонь федерациянь (FIFA) исполкомонь прявтось Зепп Блаттер яволявтынзе итогтнень. Ледстясынек, вайгелень максомась мольсь 2022 иень чемпионатонть кисэяк. Итогтнень коряс пачтязель, Раськеютконь футболонь чемпионатось 2018 иестэ ютавтови Россиясо, 2022 иестэ – Катарсо. Евтасынек, 2018 иень чемпионатонть кисэ заявкат макснесть Испаниясь Португалиянть марто вейсэ, Бельгиясь Голландиянть марто, Англиясь ды Россиясь.

Презентациянть шкасто Россиянть ендо сценанть лангс лиснесть васенце вице-премьерэсь Игорь Шувалов, спортонь министрась Виталий Мутко, «Россия-2018» проектэнь генеральной директорось Алексей Сорокин, олимпийской чемпионкась Елена Исинбаева. Цюрихев истя жо сакшность футболонь Академиянь президентэсь Роман Абрамович, FIFA-нь почетной членэсь Вячеслав Колосков ды дирижерось Валерий Гергиев.

Подробнее...
 
Саранскоесь анок мирэнь чемпионатонтень

Минек республикав спортонь эрьва кодат делегациятне сакшныть сеедьстэ. Сакшность неть читнестэяк. Ютксост Россиянь профессиональной футболонь лигань президентэсь Николай Толстых. Саранскойсэ сон сеедьстэнь инже. Профессиональной футболонь лигань президентэнть валонзо коряс, Мордовиясо футболось чиде чис, иеде иес виевгады. Тень невтизе ютазь кизэнь сезонось, косо минек «Мордовиясь» занясь котоце тарка. Курок команданть икеле путовить од тешкст ды сыньгак кармить топавтозь.

Спортонь делегациянь участниктнень ютксо, конат сакшность Саранскоев, ульнесть раськеютконь категориянь судьясь Алексей Спирингак. Сон – Мордовиясто ды судясь раськеютконь 50 налксемасо. Алексей Спирин тешкстызе, сы ковсто карми евтазь 2018 иень футболонь раськеютконь чемпионатонть ютавтома тарказо. Кемтяно, те карми Россиясь. Бути карми истя, Саранскоесь понги се оштнень юткс, косо кармить ютавтовомо чемпионатонь налксематне.

 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 10 из 10

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...