Рубрикатор

Спорт Спортось - "Газпромонь" важодемань покш пелькс
Спортось - "Газпромонь" важодемань покш пелькс

Ютазь недлянь перть Саранскойсэ мольсь спортонь алкуксонь кенярксчи. Августонь 15-22-це читнестэ тесэ ютась «Газпром» ОАО-нь кизэнь IX-це Спартакиадась. Мордовиянь прявтошонтень састь Россиянь весе енкстнэстэ 30 командань представительть. Весемезэ Спартакиадань участниктнеде ды инжетнеде ульнесть 2300 ломанде ламо. Командатне пелькстасть спортонь истят видтнэсэ: баскетбол, тейтерь-авань ды церань волейбол, футбол, гирянь спорт, шожда атлетика, укшнома. Пелькстамотне ютасть ошонь кото спортивной площадкатнесэ: «Старт» ды «Саранск» стадионтнэсэ, «Мордовия» спорткомплекссэнть, «Баскетболонь ды волейболонь коряс СДЮШС», «Боксонь коряс О.Маскаев лемсэ СДЮШОР», «Волейболонь ды баскетболонь коряс СДЮШС» ФОК-тнэсэ, Эень дворецсэ.

«Газпром» ОАО-нь Спартакиадатне пурнавкшныть иезэнзэ весть кизна ды тельня, явовить эйкакшонь ды покшонсетнень лангс ды ютавтовкшныть сеть оштнесэ, косо улить «Газпром» ОАО-нь дочерней предприятиянзо. Иеде иес касы неть пелькстамотнесэ участниктнень ламочись, мезесь корты «Газпромсо» спортонтень покш мелень явомадонть. Корпоративной Спартакиадатнень ютавтомадо башка «Газпромось» максы покш лезкс спортонь эрьва кодат видтнэнь коряс Россиянь ламот пелькстамотнень ютавтомасо, лезды масторсонок спортонь инфраструктурань теемасо. Истя, минек республикасо «Газпромонть» лезксэнзэ вельде стявтовить спортонь ведень видтнэнь стадионось, Мордовиянь районтнэсэ спортивной зярыя объекттнэ. Теде башка, компаниясь лезды Мордовиясо ламот пелькстамотнень ютавтомасо, ломантнень ютксо спортонтень вечкеманть кастомасо.

Тедеде Спартакиадань пурнамонь ды ютавтомань тевтнесэ ветясь «Газпром трансгаз Нижний Новгород» ООО-сь. Ютавтома таркакс жо кочказель Саранск ошось. Ды, кода мейле а весть тешкставкшнось, те теезель а стяко. Спартакиадань весе участниктне, лембе вастомадонть башка, кортасть седе, кодат вадрят тесэнь спортонь объекттнэ. Весе площадкатнесэ, косо ютасть пелькстамотне, ули эрявикс оснащения.

Теде ледстязель Спартакиадань панжомантень алтазь пресс-конференциясонтькак, кона августонь 16-це чистэ ютась Эень дворецсэ. Журналисттнэнь кевкстемаст лангс каршо валт макссть «Газпром» ОАО-нь Правлениянь Председателень полавтыцясь — Правлениянь Аппаратонь прявтось Михаил Середа, Мордовия Республикань Прявтось Николай Меркушкин, «Газпром трансгаз Нижний Новгород» ООО-нь генеральной директорось Игорь Щеголев, Спартакиадань прявт судьясь Владимир Тортышев.

Пресс-конференциянть ушодовомсто Михаил Середа тешкстызе: спортось — «Газпромонь» важодемань покш пелькс. Истя жо Михаил Леонидович евтась покш сюкпря республикантень лембе вастоманть кисэ ды мерсь, што кизэнь IX-це Спартакиадась карми физической культурантень ды спортонтень алтазь кенярксчикс, спортонтень вечкеманть кастомасо эрявикс пельксэкс.

Эште теде икеле самстон республикась пек тусь мелезэнь, – тешкстызе сон. – Спортонь инфраструктурань касомань-кепетемань коряс Мордовиясь васенцетнень ютксо Россиясо. Ды сон седе товгак касы-келейгады. Спортонь ведень видтнэнь истят дворецтнэде, конань вейсэ стявтыть республикась ды «Газпромось», Россиясо сурсо лововить.

Мордовиянь Прявтонть Николай Меркушкинэнь валонзо коряс, «Газпромонь» Саранскойсэ ютавтовиця Спартакиадась кармась общественно-политической покш событиякс республиканть эрямосо. «Пелькстамотнень организациянть, Спартакиадань торжественной панжоманть коряс минь эсенек туртов саинек ламо од ды эрявикс, – мерсь МР-нь Прявтось. – Неть содамочитне пек лездыть тенек «Россия — спортивная держава» спортонь раськеютконь форумонь ютавтомсто».

«Газпром трансгаз Нижний Новгород» ООО-нь генеральной директорось Игорь Щеголев ледстизе, «Газпромонь» те дочерней предприятиясь уш ютавтнесь истят пелькстамот. 2006 иестэ «Газпромонь» Спартакиадась ютась Нижней Новгородсо. «Мордовиянь прявтошонь спортонь объекттнэде евтан ансяк вейке — сынь пек вадрят, весемесь эйсэст неень шкань вешематнень коряс», – мерсь Игорь Щеголев.

Теке жо чокшнестэнть Саранскойсэ, «Старт» стадионсонть, кирвазтезель «Газпром» ОАО-нь кизэнь IX-це Спартакиадань толось. Покш факелэнть ве шкасто кирвазтизь весе колоньгемень командатне-участницатне.

Спартакиадань инжетненень ды участниктненень приветствиянь валонь евтамсто Михаил Леонидович Середа тешкстызе, што истят пелькстамотнень ютавтомась — те «Газпромонь» сехте вадря корпоративной койтне, участниктнень иеде иес касыця ламочись жо невти «Газпромонь» сотрудниктнень пельде спортонтень покш мелень явоманть. Спортонь истят пелькстамотнесэ участиясь лезды коллективентень невтемс изнямонтень бажамонть, од текштнес молеманть. Неть енкстнэнь вельде коллективесь пачкоди вадря результатнэс профессиональной тевтнесэяк. Спартакиадань эрьва участникесь мари прянзо вейкине, ве лувсо важодиця командань пельксэкс.

МР-нь Прявтось Николай Иванович Меркушкин евтась, што Мордовиянть туртов кармась покш честекс примамс тесэ спортонь истямо покш мероприятиянть.

Минь евтатано сюкпря «Газпромонь» руководствантень се кемеманть кисэ, конань сон миненек явизе. Спартакиадань ютавтомась, койсэнек, те Россиясо спортонь касомань-кепетемань стратегиянь эрявикс пелькс, масторонок спортонь индустриянтень покш путовкс, – мерсь МР-нь Прявтось.

Мордовиянь спортонь сюпав койтнеде ледстясь пурнавозетненень И.Л.Щеголев:

Республикась кастась аволь аламо олимпийской, мирэнь ды европань чемпионт. Ды кода карминек содамо, неть читнестэ Китайсэ молиця Универсиадасонть Мордовиянь спортсментнэ таго невтить сехте вадря результатт. Мезень коряс евтатано тенк поздоровт. Эсенек пельде минек ули меленек невтемс республикань эрицятненень, што машттано аволь ансяк вадрясто важодеме, теде башка, содасынек спортонь мастерствань салавачитненьгак.

Покштояк покш кенярксчись куватьс кадови тежат ваныцятнень ледстнематнесэ. Организатортнэ – «Газпром трансгаз Нижний Новгород» ОАО-сь казсь Спартакиадань инжетненень ды республикань эрицятненень а стувтовикс шоу. Спектаклясонть примасть участия зярыя тежат ломанть — артистт, спортсмент, циркачт, каскадерт, Россиянь зярыя регионтнэстэ творческой коллективтне.

Республикань ламот эрицятне тешкстызь, организатортнэ явсть покш мель раськень темантень, эзизь юта ве енга эрзя-мокшонь культуранть ды койтнень. Невтезельть эрзятнень ды мокшотнень мифологиясь, минек раськенть яттнэнь марто тюремась. Каскадертнэнь стака трюктне ды толонь шоусь вечкевсь весе пурнавозетненень. 100 метрань сэрьстэ прыця толонть эйстэ ваныцятнень ойместкак кундатыль.

Покш тарка постановкасонть явозель эрзянь ды мокшонь раськенть Россиянь лия раськетнень марто вейсэндямонь темантень. Сценанть лангсо невтезельть эрзянь, мокшонь, рузонь, чувашонь, татаронь киштемат ды морот. Виев цяпамосо трибунатне вастасть «Умарина» ансамблянть. Токизе ваныцятнень седеест Махачкаласто эйкакшонь коллективесь. Ламот дивсесть, кода эрязасто киштить вишка артисттнэ.

Апак учо казнекс ваныцятнень туртов кармась «Город 312» содавикс группань выступлениясь.

Представлениясь мольсь аволь ансяк сценанть лангсо, велькссэнзэяк. Коштсонть ерокчист невтсть гимнасттнэ ды акробаттнэ. Башка номерт ульнесть баскетболисттнэнь, велосипедисттнэнь ды футболисттнэнь пельде. Спартакиадань панжомантень алтазель виев салютось, сон ламо тюсонь валдосонзо мазылгавтызе чокшнень менеленть.

Сюпавокс Спартакиадань программась ульнесь седе тов читнестэяк. Эрьва чистэ командатне пелькстасть спортонь зярыя видтнэсэ. Мейле соревнованиятнень итогтнень коряс ютавтовиль спортсментнэнь награждениянь церемониясь.

Теде башка, Спартакиадань участниктнень туртов арсезель культурной программаяк. Ютавтозельть экскурсият, чокшне ланга Эень дворецэнть икеле площадьсэнть важодиль Спартакиадань чокшнень клубось. Тей покш мельсэ сакшность аволь ансяк спортсментнэ, Саранскоень эрицятнеяк.

Недлячистэ Спартакиадань пелькстамотне прядовсть. Евтазельть общекомандной итогтне ды казезельть прявт казнетне. Награждениянь ды Спартакиадань пекстамонь торжественной церемониясь ютась «Мордовия» спорткомплекссэ.

Кизэнь IX-це Спартакиадань сырнень призерокс кармась «Газпром трансгаз Нижний Новгород» ООО-нь командась. Сон сайсь сырнень ниле медальть: Нижней Новгородсто спортсментнэ лиссть сехте вадрякс гирянь спортсо, укшномасо, футболсо ды баскетболсо.

Спартакиадань сиянь медаленть саизе «Газпром трансгаз Москва» ООО-нь командась. Те командась саинзе васенце таркатнень церань ды тейтерь-авань волейболсонть.

«Бронзась» сатотсь «Газпром трансгаз Югорск» ООО-нь спортсментнэнень, конатне изнясть шожда атлетикань коряс первенствасонть.

Алкуксонь казнекс «Газпромонь» пельде кармась «Смысловые галлюцинации» ды «Би-2» содавикс группатнень концертэсь, кона ютась Республикань кудонть икеле площадьсэнть. Саранск ошонь эрицятне ды инжетне чопотемс киштсть вечкевикс группаст моротнень мельга. Прядовсь кенярксчись салютсонть, кона валдомтызе вень менеленть тежат ламо тюсонь толсо.

Ю.Камаева

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...