Рубрикатор

Спорт Спортонть марто эрямованть
Спортонть марто эрямованть

Аволь умок кедезэнь понгонесь пек чуросто вастневиця книга. Сон нолдазель Московсо 1980 иестэ. Лемезэ – «Марафон». Авторонзо – Англиянь спортивной журналисттнэ Н.Уилсон, Э.Этчела ды Б.Талло. Эйсэнзэ ёвтневи спортсментнэде-марафонецтнэде, кить а весть участвовасть марафононь дистанциянь чийнематнесэ. Весемесь бу мезеяк, ды, паряк, ванномадо мейле книганть путовлия бу ве ёнов, ансяк талакавтымим книганть лангсо фотографиясь. Тосо невтезель, кода чиить зярыя спортсмент. Чамаст марявсть тень уш пек содавиксэкс. Кувать ванномадо мейле сынь мельс, фотографиясонть Отяжелестэ Ишуткинтнэнь спортонь вечкиця семиясь. Самай те тувталонть кувалма командировкасо улемстэ эзинь кирдеве ды совинь Отяжеле велень спортонь школас, конасонть тренерэкс роботыть ялакстнэ Валентин Дмитриевич ды Александр Дмитриевич Ишуткинтнэ. Вастымим Валентин Дмитриевич. Сон ёвтнизе, кода 1980 иестэ сынь семиянек якасть Московов марафононь дистанциянть ютамо «Урожай» спортонь вейсэндявксонть кис. Фотографиясь теезель тосо ды пек туекшнесь Англиянь сёрмадейтнень мельс.

 

Эряви меремс, Ишуткинтнэнь спортивной семиянть содасызь аволь ансяк Мордовиясо, сонзэ томбалеяк. Сынст парсте содылинзе олимпийской чемпионось Пётр Болотников. Отяжелесэ те шкас ютавтнить чийнемат ялаксост Евгений Ишуткинэнь лемензэ ледстнемга. Сон роботась физкультурань тонавтыцякс тесэнь школасо. Пек сюпав спортивной биографиязо эсензэ Валентин Дмитриевиченьгак. Чачсь 1953 иестэ Отяжеле эрзянь велесэнть, покш семиясо. Тонавтнесь кавксо иеть тескень школасо, мейле эште кавто иеть – посёлкансесэнть. Школасо тонавтнемстэ участвовась спортонь весе мероприятиятнесэ. Тонавтнемадо мейле саизь армияв. Служась Чехословакиясо. Тосояк спортонть эзизе стувтне. Кода паро спортсменэнть, Валентин Ишуткинэнь кучнизь участвовамо ояксчинь армиятнень чемпионатов. Сон ютась Украинасо. Савсь чиемс 5 ды 10 вайгельпеть. Ламо участниктнень ютксо финишентень сакшнось ветецекс ды сисемецекс. Истямо покш турнирсэ те покш изнявксокс ловови. Армиясо служамодо мейле велявтсь тиринь ёнксов. Самодо мейле сеске ваясь спортонь эрямонь отьмантень. Снартнесь а менстямс вейкеяк покш турнир. Се шкане кодаткак спонсорт арасельть, савсь якамс турниртнэс эсеть ярмак лангс. Результаттнэяк а берянельть. Валентин Ишуткин а весть лиснесь Мордовиянь чемпионокс олимпийской чемпиононть Пётр Болотниковонь призэнзэ кис чийнематнесэ 20 вайгельпень дистанциясонть, лиснесь призёртнэнь юткс Рузаевка – Саранск чиематнесэ.

Валентин Дмитриевич мизолкс марто ледстни, кода сынст колхозонь командась якась Фрунзе ошов пелькстамо. Тосо ютасть «Правда» се шкань газетанть призэнзэ кис чийнемат. Турнирэнтень нолдавсть аволь весе. Ве ёнов кадовкшность мик ламо республикань командат. Отяжелень команданть лангсо мизолдсть, келя, састь кодамо-бути велестэ. Кода илязо уле, Отяжелень цёратне стартонтень лиснесть ды ламонь икельдякшнызь, лиснесть призёртнэнь юткс.
Валентин Дмитриевичень ульнесь покш мелезэ тонавтнемс М.Е.Евсевьев лемсэ МГПИ-нь физической культурань факультетсэ. Документтнэяк уш максозельть. Ве таркантень сестэ тонавтнеме бажицятнеде ламольть, таркатне жо, мекевлангт, аламольть. Истямо тувталонть кувалма мельтне эзть топавтово. Мейле тонавтнесь Краснослободскоень техникумсо, МГУ-нь заочной отделениясо. Важодема таркат эзь кочксе, сась эсест велень хозяйствав. Савсь роботамс эрьва мезекс. Сехте покш мельсэ топавтсь спортонь инструкторонь тевтнень. Спортось свал седейсэнзэль. Паряк, секскак, зярдо, кода паро спортсменэнть, тердизь роботамо райононь спортонь школав тренерэкс, эзь отказа. Теке жо шкане ветясь шожда атлетикань секцият велень школасояк. Мейле кемголмово иеть роботась спортшколань директорокс. Се шкане спортшколась ульнесь чувтонь ташто кудосо. Тень лангс апак вано, эйкакштне покш мельсэ яксильть волейболонь, хоккеень, соксонь, бороцямонь секциятнес. Кода мерсь Отяжелень школань икелень директорось Татьяна Дмитриевна Ермекшова, спортонь эрямось тесэ лаказь лакась. Теньсэ покш таликазо Валентин Дмитриевич Ишуткинэнь. Чарькодеви, эрьва роботась неяви сестэ, зярдо ули мезе невтемс. Тренерэнтень Валентин Дмитриевичнень тень коряс якстерьгалемс а сави. Сонзэ воспитанникесь, Олег Ишуткин цёразо, – Россиянь сисемксть чемпион спортонь якамосо, масторлангонь Кубоконь саиця, Европань Кубоконть кис турнирэнь призёр. Александр Бибаев – Россиянь кавксть чемпион, Алексей Болотин – спортонь мастер. Дмитрий Ишуткин, омбоце цёразо, – спортонь мастерэкс кандидат. Аволь умок Костромань областень Буй ошсо ютась Россиянь шожда атлетикань чемпионат. Ишуткинэнь воспитанниктне – Олег ды Василий Козловтне – лиссть призёртнэнь юткс. Весе ёвтазь изнявкстнэ сынсь эзть са. Васняяк те, нама, тренерэнь виев робота, мелень явома. Валентин Дмитриевичень роботазо апак неяво эзь кадово. Сон – Мордовиянь физической культурань заслуженной роботник, Россиянь физической культурань отличник. 2006-2007 иетнестэ ловозель Россиянь велень эйкакшонь сехте паро тренерэкс. Аволь умок тренерэнтень топодсть 65 иеть. Вийтне эште ламо. Валентин Дмитриевич оймамо а соды. Кода мерсь общеобразовательной школань директорось, тосо ней спортшколась, Геннадий Васильевич Москаев, Валентин Дмитриевич ялаксонзо Александр Дмитриевичень марто тевтеме а аштить. Эйкакштне спортонть вечксызь, изнявксост а берянть. Теньсэ таликаст ялакстнэнь Ишуткинтнэнь. Алкукскак, варштындерят школань коридорсо казнень стендэнть лангс, сельметь кадовить. Мезть ансяк тесэ арасть: кубокт, медальть, грамотат. Сонсь Валентин Дмитриевич тень коряс пря а покшкавтни, сэтьместэ теи эсь тевензэ. Неень шкатнень коряс мелензэяк-арсеманзояк ёвтынзе. Икеле важодемстэ весемесь а сатныль, арасельть помещеният, спортонь инвентарь, мелесь жо роботамс ульнесь покш. Ней улить паро помещеният, строязь спортонь ламо эрьва кодат объектт, мелеськак ули роботамс, ансяк а кинь марто. Эйкакштне иеде иес аламолгадыть. Кода илязо уле, тренертнэ-педагогтне кармить снартнеме паронтень, шумбра эрямо лувонтень ды тенень тонавтомс эйкакштненьгак.

Н.Евдокимов


14.11.2018

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.