Рубрикатор

Спорт Казнеть спортсментнэнень ды тренертнэнень
Казнеть спортсментнэнень ды тренертнэнень

Физкультурникень чиденть икеле Республикань Кудосо ютась кенярксчинь промкс, косо МР-нь Прявтось В.Д.Волков грантсо ды премиясо казинзе республикань спортсментнэнь ды тренертнэнь паро невтевксэст ды изнявксост кисэ.


Эряви меремс, Мордовиясь кармась минек масторсо васенце регионокс, косо ушодсть пандомо спортсментнэнь туртов государственной стипендият, мейле – республикань грантт.

 

– Бути ваномс 2018 иень васенце пельиень итогтнень, регионъютконь, весероссиянь ды раськеютконь пелькстамотнесэ Мордовиянь сборноентень совицятне сайсть 590 казнеть. Сынст ютксо 40% – сырнень. Эрьва медалентень путозь ламо вийть, цидярдома. Минь аштетяно каштанчисэ сокссо ардтницянть Анастасия Седовань кисэ, кона Пхёнчханонь Олимпиадасо изнясь бронзань медаль. Паро невтевкст улить греко-римской бороцямосо. Течи минек эрьва кодамо иень 26 од ломантне совавтозь Россиянь сборнойс. Те иенть ушодкссто саезь Мирэнь чемпионатсо, Европань ды Раськеютконь турниртнэсэ минек борецтнэ сайсть 12 сырнень, 8 сиянь ды 8 бронзань медальть. Тешкставлия, Мордовиянь спортсментнэ парсте невтизь пряст шожда атлетикасо, ВМХ-велоспортсо, хоккейсэ, биатлонсо, шорт-трексэ, тенниссэ, спортонь ды художественной гимнастикасо, бокссо, дзюдосо, стака атлетикасо, пауэрлифтингсэ. Весе неть изнявкстнэ пек кецявтыть минек, седеяк талновтыть вишка тейтернетнень ды цёрынетнень, конат спортсо теить васенце эскельксэст, – кортась Владимир Дмитриевич.

МР-нь Прявтось тешкстызе, те иень спортонь покш событиякс-кенярксчикс кармась Футболонь коряс мирэнь чемпионатось. Сонзэ ваномо сакшность 44 масторсто 160 тёжат инжеть. Те покш тевенть ютавтомсто ламо лездасть тренертнэ, спортонь учреждениянь важодицятне. Прявтось ёвтась сюкпрянь валт весенень, кие лездась.

Те иень декабрясто Саранскойсэ карми ютамо фигурной кирякстнемань коряс Россиянь чемпионат. Истя жо арсеви ютавтомс футболонь коряс од ломанень, юниоронь, авань сборноень национальной командань матчт.

– Кода карминек содамо, чемпионатонть прядомадо мейле республикасонок кармасть явомо покш мель футболонтень. Теде кортыть «Мордовия» футболонь клубонь теске ютавтозь колмо матчтне. Сынст ваномо сакшность малав 76 тёжат ломанть. Минь тейсынек весементь, те мельявомась илязо ёма. Республикасонок кемекстазь 2030 иенть самс футболонь касомань-кемекстамонь Стратегия. Сонзэ вельде, кемтяно, седеяк ламо эйкакшт кармить налксеме футболсо. Неень шкане важодтяно сень лангсо, панжомс Саранскойсэ эйкакшонь футболонь куншкакуро. Тень туртов минек улить эрявикс условият, – кортась МР-нь Прявтось В.Д.Волков.

Меельце пелев В.Д.Волков ёвтась сюкпрянь валт весенень, кие ашти минек региононть ды масторонть кисэ, изни мирэнь пелькстамотнесэ, косо эрьвась ламо важоди, путы вийть. Лембе валт алтавсть тетятнень-аватнень, тренертнэнь, спортонь школань ды секциянь ветицятнень туртов.

 

Т.Маторкина

 

Новости

В проекте федерального бюджета на следующую трехлетку предусмотрено увеличение финансирования ряда госпрограмм

Финансирование ряда государственных программ увеличено по основным показателям. Об этом стало известно по итогам серии заседаний комитета Государственной Думы по бюджету и налогам, посвященных подготовке проекта федерального бюджета на 2019 год и на плановый период 2020 и 2021 годов к первому чтению. В обсуждении проектов госпрограмм приняли участие представители профильных комитетов Госдумы и ведомств.

Подробнее ...
 
«Единая Россия» добилась расширения перечня причин для возврата полной стоимости авиабилетов

Нижняя палата парламента 397 голосами одобрила в первом чтении законопроект, предлагающий расширение списка причин, на основании которых пассажиру должна быть возвращена полная стоимость сданного авиабилета, купленного по невозвратному тарифу. В настоящее время, отметила автор законопроекта, член комитета Государственной Думы по физической культуре, спорту, туризму и делам молодежи Наталья Кувшинова (фракция «Единой России»), представлявшая документ, получить полную компенсацию можно, в частности, только в случае смерти или болезни родственника.

Подробнее ...
 
Госдума приняла в первом чтении законопроект «Единой России», отменяющий необходимость подтверждать оплату взносов на капремонт

Законопроект, согласно которому уполномоченный орган государственной власти не вправе требовать от граждан документы, подтверждающие оплату ежемесячного взноса на капремонт, упростит использование механизмов адресной помощи. Об этом заявил первый заместитель председателя комитета Госдумы по жилищной политике и жилищно-коммунальному хозяйству, координатор партпроекта «Единой России» «Школа грамотного потребителя» Александр Сидякин. Данный проект закона, внесенный фракцией «Единой России», принят в первом чтении нижней палатой парламента.

Подробнее ...
 
Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...