Рубрикатор

Спорт Чемпионатось - Саранскойсэ
Чемпионатось - Саранскойсэ



Владимир Волков: «Весе арсезенть топавтынек»

Июнень 15-це чистэ Саранск ошонь Пресс-центрасо ютавтовсь пресс-конференция. Республикань ды масторонь журналисттнэнь марто вастовсь Мордовиянь Прявтось Владимир Волков. СМИ-нь представительтнень пельде васень кевкстемакс ульнесь, кода регионось анокстась Футболонь коряс масторлангонь чемпионатонтень. Республикань Прявтось тешкстызе, инжетнень вастомантень анокт Саранскоень ошонь ды спортивной инфраструктурань весе объекттнэ, конатнень ютксо стадионось, аэропортось, гостиницатне ды инжень вастомань лия зонатне.

«Весе задачатне, конатнень икеленек аравтокшнынзе FIFA-сь, топавтынек. Мон кеман, минек эрицятне анокт вастомс эсь инжетнень сехте паро ладсо», – кемекстызе Владимир Волков.

Кода содатано Саранскойсэ Чемпионатонтень теевсь аэропортонь раськеютконь терминал, 45 тыщат ваныцяс стадион, гостиницат. Ды кода мерсь Мордовиянь Прявтось, те весе кадови минек эрицятнень туртов.

 

«Мордовия Арена» стадиононть сы шказо решавсь эштё сонзэ строямсто, – мерсь Владимир Волков. – Мундиальденть мейле стадионось карми «Мордовия» ФК-нть базакс. Тесэ истя жо эсь тренировкаст кармить ютавтнеме эйкакшонь командатне. Минь тейсынек весементь, штобу вельмевтемс эйкакшонь футболонть: стадионсонть ютавтовить «Кожаный мяч» пелькстамотне, эйкакшонь лигась. Мутано вадря тренерт. Тейсынек весементь футболонть виевгавтомга!»

Истя жо республикань Прявтось мерсь, стадионсонть мереви ютавтнемс культурно-массовой мероприятият, панжомс тесэ тренажёронь залт.

«Чемпионатонтень анокстамонть лувсо васняяк арсинек сонзэ наследиядонть, штобу ярмаконь стяконь ютавтомат авольть уле. Минь теинек весементь, штобу мундиалентень теезь объекттнэ авольть ёма, а седе тов роботавольть ломантнень лезэс», – тешкстызе Владимир Волков.

Пурнавозтненень региононь Прявтось ёвтнесь седеяк, што Чемпионатонтень анокстамонть юрсо вадрялгавтовсь ошонь весе инфраструктураськак: теезь ванськавтомань од сооруженият, од кить, конат лездыть сталмонь усксиця транспортонтень ардомс Саранск ошс апак совсе. Те васняяк реши экологиянь мелявкстнэнь.

Аэропортонть сы шкадонзо кортамсто Владимир Волков мерсь, ветявить кортамот сонензэ раськеютконь статусонть кадомга, ильтямс тестэ ардыцят Турцияв ды Египетэв ды истя жо теемс сонзэ сталмотнень ильтямонь портокс.

Пётр Тултаев: «Мероприятиянтень анокстамонть лувсо изнявсть ламо мелявкстнэ»

Ошонь Пресс-центрасо журналисттнэнь марто вастовомасонть Саранскоень мэрэсь ёвтнесь, што Футболонь коряс масторлангонь чемпионатонтень анокстамось лездась изнямс ошонь хозяйствань ламо мелявкстнэнь. Истя, меельце колмо иетнень перть теезь ды витнезь ошонь 90 кить (180 вайгельпеть), рамазь 80 единицат общественной транспорт, кавто иетнень перть полавтозь 18 вайгельпеть магистралень трубопроводт ды 7,5 вайгельпеть – канализациянь, теезь колмо парковой од зонат, озавтозь малав 500 тыщат цецят ды 13 тыщат чувтт.

«Зярдо Саранскоесь кармась 2018 иень Футболонь коряс масторлангонь чемпионатонь ошокс-организаторокс, минь пшкадинек ошонь эрицятненень, эдь истямо мероприятиянтень анокстамось – те тевесь весень. Ды сынь покш мельсэ лездасть миненек», – тешкстызе мэрэсь.

Пётр Тултаев тешкстызе, ошонть прявт тевезэ – теемс кенярксчи ды ояксчисэ вастомс мундиалень инжетнень. Теке марто ошонь прявтось мерсь, Саранскоев ды республикав икелепелевгак учить ламо туристт.

Вастовоманть прядовомсто Саранскоень мэрэсь кенярдовтынзе журналисттнэнь: сайсь кедьс гармония ды морась морот мокшонь, эрзянь ды рузонь кельтнесэ.

Немов ды Гордеева аштить покш мельспаросо Саранскоенть кувалма

Саранскойсэ Футболонь коряс масторлангонь чемпионатонь посолтнэ, олимпийской чемпионось Алексей Немов ды «Авторадионь» ветицясь Татьяна Гордеева тешкстызь ошонь эрицятнень ды инжетнень кенярксов ёжомарямост ды истя жо сеть полавтоматнень, конатне лиссть Мордовиянь прявт ошсонть Чемпионатонтень анокстамонть лувсо.

«Кенярксчись Саранскойсэ маряви ды редяви седеяк пек Московонть коряс», – мерсь Татьяна Гордеева. Алексей Немов жо тешкстызе, кодат полавтомат ошсонть: теезь од кить, эрямо кудот ды цела микрорайонт, инфраструктурась пек вадрялгавтовсь.

«Мон пек кенярдан, ошсонть улить истят полавтомат. Теезь вадря стадион, эдь спортонть виевгавтомась ды эйкакштнень шумбрачись пек эрявикс ды прявт тев», – кемекстызе олимпийской чемпионось.

Чемпионатось малавгавтызе Саранскоенть лия регионтнэнь марто

Мордовия Республикань Государственной Собраниянь Председателесь Владимир Чибиркин журналисттнэнь марто кортась Чемпионатонтень анокстамосо государственной структуратнень вейсэнь важодемадонть. Сон тешкстызе, те лезды туризманть касомантень-кепетемантень ды лия регионтнэнь ды мастортнэнь марто сюлмотнень кемекстамонтень.

«Сехте прявтось весемесэнть – минек ошонть ды республиканть несызь  инжетне весе мастортнэстэ, теевить содавиксэкс промышленностьсэ, велень хозяйствасо, культурасо изнявкстнэнь марто», – мерсь Владимир Чибиркин.

Госсобраниянь Председателесь кортамонть лувсо мерсь, аэропортонь од терминалонь теемадо кевкстемась ульнесь видекс. Те лездась вадрялгавтомс республикасонть транспортонь мелявксонть: ней Московов ливтнить колмо рейст, кавксть недлязонзо мереви ливтямс Санкт-Петербургов, арсеви Симферополев ды Сочив рейстнэнь панжомадо кевкстемась. Седе тов кортави раськеютконь рейстнэнь нолдамодо.

Истя жо Владимир Чибиркин ваннызе Пресс-центранть ды тешкстызе, журналисттнэнь важодеманть туртов тесэ ули весемесь.

Ю.Еремина

 

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...