Рубрикатор

Спорт ЭРЯМО ТАРКАТ ЧЕМПИОНАТОНЬ ИНЖЕТНЕНЕНЬ
ЭРЯМО ТАРКАТ ЧЕМПИОНАТОНЬ ИНЖЕТНЕНЕНЬ

Кадовсь аволь пек ламо шка 2018 иень Футболонь коряс масторлангонь чемпионатонтень. Саранскойсэ весемезэ ютыть ниле матчт ды налксеме сыть омбо масторонь кавксо командат. Нама, кармить пек ламо инжетькак. Ков сынст кельгстямс? Те кевкстемась а шожда минек вишка ошонть туртов. Инжень кудотнесэ таркатне весе уш рамазь, кемемась минек ошонь эрицятнень лангс, конатне бажить нолдамс вейке ковс омбо масторонь ды минек Россиянь оштнень инжетнень. Ансяк кода тень видестэ теемс, кабу эсь прянть а манямс ды а кадовомс ярмактомояк, кудовтомояк? Ловнодо лезэв превспутомат минек материалсонть.

 

Васняяк, тешкстасынек, эрямо тарканть лия ломаннень арендас мереви максомс ансяк кудазоронтень. Бути эрямо тарканть зярыя азоронзо, сестэ эряви кевкстемс весень. Ней лия кевкстема сы прянтень – косто муемс эрямо таркань вешницятнень, косто сынст саемс? Сехте паро совамс airbnb.ru эли booking.com интернет-сайттнэс, конатне сехте содавикст омбо масторонь ды минек масторонь туристтнэнень. Тынк эрямо таркадонть информациясь улезэ алкуксонь. Сайтэнтень путодо зярыя фотографият, сестэ арендатортнэ седе кармить чарькодеме, мезе саить арендас.

Квартирась эли кудось улезэ ванькс. Улезэ бытовой техника, удома таркат, сантехника, шлямо тарка. Оборудованиясь улезэ апак яжа, квартирасонть улезэ валдо, ведь, газ.

Илядо стувто эсь мельденть-тевденть ёвтамс эсь участкань полицейскоентень, саинк сонзэ телефононзо. Седе тов сон карми эрявомо, бути инженк кармить ветямо пряст аволь парсте.

Кодамо питне саемс эсь квартиранк эли кудонк кисэ? Меельце шкастонть, нама, тедедень июньс, питнетне Саранскойсэ пек кассть. Невтемакс, инжень кудотне те шкастонть кастызь питнетнень 70 процентс. «Тештевтеме» инжень кудотнесэ номерэнть питнезэ вейке чис ды вес карми 2610 целковойть. «Вете тештес» отельтнесэ питнетне кассть 26 тёжас.

Кодамо путомс питне тыненк – мелесь эсенк. Ансяк илядо стувтне, пек покш питнетне тандавтыть арендань вешницятнень ды колсить ошонть ды азоронть репутациянзо.

Инжетнень, нама, эряви регистрировамс: омбо масторонсетненьгак, минсенектненьгак. Азоронтень молема МВД-нь миграциянь коряс отделэв ды сёрмадома яволявтома сынст самодо. Яволявтоманть каямсто мартот саема омбо масторонь гражданинэнть паспортонь копия (фотография марто лопанть), мигрантонь картань копия, визань эли болельщикень паспортонь копия ды эсеть паспорт прописка марто. Яволявтомадонть башка сёрмадома регистрациядо яволявтома. Тень кисэ миграциянь отделэв эряви самс инженть марто вейсэ. Саранскойсэ отделтнэ аштить: Ленинской районсо – Ленинэнь лемсэ ульцянь 43 кудосо, Октябрьской районсо – Гожувскоень ульцянь 40 кудосо ды Пролетарской районсо – Войновонь лемсэ ульцянь 27 кудосо.

Квартиранть эли кудонть арендас максомадо мейле эряви эште пандомс налог. Азорось аноксты 3-НДФЛ-нь справка, козонь сёрмадсынзе доходонзо, ды кандсы сонзэ налогонь отделенияв. Те тевенть теема сыця иень апрелень 30-це чис. НДФЛ-нть теде мейле эряви пандомс июлень 15-це чис. Содадо, налогтнень а пандомань кисэ тынк, кода азоронть, учи штраф, лиясто жо – уголовной ответственность.

Минь варштынек зярыя сайтт Интернетстэ, косо неинек яволявтомат Саранскойсэ квартиратнень арендас максомадо июнь ковсто. Улить истяткак, косо питнесь вейке чис кузтезь 100 тёжат целковойс. Те кевкстемась аволь умок ванкшнозель Саранскоень Администрациянь промкссо. Тешкстазель, мэриясь ютавтсь сехте содавикс сайттнэнь мониторинг ды мусь зярыя предложеният. 2018 иень июнень 16-17-це читнес ульнесть кото яволявтомат. Вейке комнатань квартиранть кис питнесь кепедезель 41 тёжасто саезь 61 тёжас чизэнзэ, кавто комнатансенть кисэ вешсть 61 тёжасто саезь 92 тёжат целковойть. Кавксо инжес кудонть максыть 72 тёжат целковойде, истя жо вейке чис. Эште вейке сайтсэнть муезельть 12 мельть-арсемат, ансяк питнетне тосо седеяк покшольть – 100 тёжат целковойстэ саезь 225 тёжат целковойс чизэнзэ.

«Те спекуляция ды ошонть-организаторонть дискредитация. Кинь ули мелезэ саемс покш ярмакт Чемпионатонть шкасто, инескеть, ансяк а эряви спекулировамс. Питнетне истямо мероприятиятнень шкасто яла а пек явовить инжень кудотнень питнетнень эйстэ. Вейке комнатань квартиратнень питнесь истямо жо, кода «2-3 тештень» отелень номерэнть, ды истя седе тов», – мерсь Саранск

ошонь прявтось Пётр Тултаев. «Бути кияк арси истямо питнесэ квартиранзо максомс, сестэ тензэ эряви инженть кедь лангсо кандтнемс! Ансяк а эряви весенень стувтнемс: зыяндо ванстомась улезэ васенце арсемакс!» – ёвтызе эсь мелензэ мэрэсь.

Эште вейке тешкс – Саранскойсэ пурнави «данноень банк», козонь сёрмадовить весе кудотне ды квартиратне, конатнес азортнэ бажить совавтомс июнень 11-це чистэ саезь июлень 20-це чис Футболонь коряс чемпионатонь болельщиктнень. Теде информациясь ней ули натой коммуналканть кисэ квитанциятнень удалояк. Неть читнес те «банконтень» каязь 300 ламо яволявтомат. Эйстэст вейке комнатань квартиратнеде сехте ламо – 225, кавто комнатансетнеде – 60, колмо комнатань – 18, ниле комнатань – кавто квартират, 17 башка комнатат ды кото коттеджт. Весемезэ зярс лововить 1 тёжадо ламо таркат. Нама, сынь мелявксонть а витьсызь. Болельщиктнеде жо сыть, кортамотнень коряс, пек ламо – зярыя тёжат. Ансяк аволь весе арсить аштемс ошсонть цела ков, ламот сыть вейке-кавто матчс. Кой-конатне сыть мекев-васов, самолётсто самолётс, ды бажить ютавтомс шканть ошканть стявтневиця болельщикень лагертнесэ ды ресторантнэсэ. Кода ды мезде сынст кармить андомо – те уш лия историясь.

 

Новости

В «Единой России» проверят состояние детских площадок по всей России
До конца июня 2019 года активисты партпроекта «Единой
России» «Народный контроль» проведут проверку состояния детских
площадок в 85 регионах - насколько они соответствуют нормативам и
безопасны для жизни и здоровья детей. Информация о выявленных
нарушениях будет передана в администрации муниципалитетов,
управляющим
компаниям,
товариществам
собственников
недвижимости с требованием устранить выявленные недостатки. Об
этом заявила координатор партпроекта «Народный контроль»,
депутат Госдумы Анна Кувычко.
Подробнее ...
 
Аршинова направила в Правительство РФ пакет предложений для включения в программу «Земский учитель»
В целях реализации Послания Президента Владимира Путина
Федеральному Собранию в регионах активисты партпроекта «Новая школа»
организовали широкое обсуждение проекта программы «Земский учитель» с
привлечением представителей профильных ведомств и институтов развития
образования, ведущих экспертов, педагогического и родительских
сообществ. По их итогам был выработан комплекс важных предложений для
включения в программу «Земский учитель», которые были отправлены на
имя вице-премьера Правительства РФ Татьяны Голиковой. Об этом заявила
координатор партпроекта «Новая школа», член комитета Госдумы по
образованию и науке Алена Аршинова.
Подробнее ...
 
Жители Мордовии обратились к главному федеральному инспектору за содействием в решении проблем

В соответствии с поручением полномочного представителя Президента России в Приволжском федеральном округе Игоря Комарова 22 мая 2019 года в приемной Президента Российской Федерации в Республике Мордовия состоялся прием граждан. Провел его главный федеральный инспектор Михаил Сезганов.


Подробнее ...
 
Госдума приняла во втором чтении поправки «Единой России», разрешающие продажу театральных билетов без кассовых аппаратов
Депутаты Государственной Думы поддержали во втором чтении
поправки, разработанные депутатами от «Единой России», в закон «О
применении контрольно-кассовой техники», которые в том числе
предусматривают освобождение распространителей театральных билетов от
обязанности использовать кассовые аппараты с 1 июля 2019 года.
Подробнее ...
 
Медведев поддержал предложения участников Форума сельских депутатов «Единой России»
Председатель «Единой России», премьер-министр Дмитрий Медведев
поддержал предложения участников Форума сельских депутатов, который
прошел 21 мая в Воронеже.
Подробнее ...