Рубрикатор

Спорт Казнеть спортсментнэнень
Казнеть спортсментнэнень

Августонь 22-це чистэ Саранскойсэ, Республикань Кудосо ютась Мордовиянь спортсментнэнь чествовамось. Пурнавкшность спортсментнэ ды тренертнэ, кить иень перть спортсо добовасть пек паро результатт. Спортсментнэнень ды сынст тренертнэнень приветственной валонь ёвтамо сакшнось Мордовиянь Прявтонь тевтнень нурька шкас топавтыцясь В.Д.Волков.

Эсь приветственной валсонзо сон ёвтась поздоровт ды сюкпря спортсментнэнень, тренертнэнень, кить эсь изнявкстнэсэ славизь Мордовиянть. Иень перть Мордовиянь спортсментнэ эрьва кодамо покш турниртнэсэ сайсть 425 казнеть. Меельце иетне мокшэрзянь ёнксонь спортсментнэнь туртов ульнесть а шождат. Допингень чумондоматнень лангс апак вано, Мордовиясо удалась ванстомс спортонь якамонь школанть. В.Д.Волков ёвтась покш сюкпря сеть спортсментнэнень, конат эсь примерсэст ветить од ломантнень эсь мельга.

Истямо чистэ казневтеме а кода. Сыньгак ульнесть ды аволь аламо. «Велоспортонь олимпийской резервань спортонь школань» директорось Виталий Васильевич Бояров казезь Мордовия Республикань Почетонь грамотасо. «Мордовия Республикань физической культурань заслуженной роботник» лем максозь «Старт» спортивно-тренировочной куншкакуронь тренерэнтень Татьяна Алексеевна Видяскинанень, Олег Маскаев лемсэ боксонь спортонь школань тренерэнтень Юрий Васильевич Гераськиннэнь, Шожда атлетикань олимпийской резервань спортивной школань тренерэнтень Ирина Алексеевна Ерохинанень ды ламо лиянень.

Эзть кадово казневтеме спортсментнэяк. Сынст ютксо пауэрлифтингень масторлангонь чемпионатонь бронзань призёрось Артур Машинский, каркс вельде бороцямонь масторлангонь чемпионатонь сиянь призёрось Евгений Строганов ды лият.

Н.Евдокимов

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...