Рубрикатор

Спорт Спортонь дворецэсь паролгавты шумбрачи
Спортонь дворецэсь паролгавты шумбрачи

 

Отяжеле посёлканть куншкакуросо улемстэ сельмс каяты мазый сооружениясь. Тесэнь средней школанть вакссо муизе тарканзо райононь Спортонь дворецэсь. Ледстневи, эштё зярыя иеде икеле райцентрань спортонь школась ульнесь а неявиксэкс ды а пек марявиксэкс. Мертяно, райононь эрицятне вечксызь спортонть. Сынь республикань турнирэнь свалшкань участникть. Ульнесть изнявксткак, ансяк ялатеке спортонь школань базась вешсь кодат-бути полавтомат.

Неть полавтоматне теевсть 2006 иестэ, зярдо «Единая Россия» партиянть лезксэнзэ вельде Отяжеле посёлкасо икелень спортонь школанть таркас панжозель целанек Спортонь дворец. Те ульнесь покш казне аволь ансяк посёлкань ды райононь эрицятненень, тесэнь школасо тонавтницятнененьгак, эдь сонзэ панжомадо мейле весе физкультурань уроктне ютавтовить Спортонь дворецэнь залтнэсэ.

Эряви тешкстамс, Саранскойсэ курок панжови Универсальной залось. Отяжелесэ, меремс, истят тевтне уш содавикст. Тесэнь Спортонь дворецсэ вейке залось ламо функциянь, эли, лиякс меремс, универсальной. Тесэ можна налксемс футболсо, волейболсо ды мик гандболсояк.

Эрьва учреждениянть роботазо неяви, бути ули паро прявт. Отяжелень Спортонь дворецэсь тень коряс уцяскав. Директорось Николай Владимирович Кунин тескень. Роботамонь биографиянзояк ушодокшнызе тесэнь спортонь школасо. Чачсь 1989 иестэ Отяжеле посёлкасо. Средней школанть прядомадо мейле тонавтнесь тескень профессиональной училищасо. Мейле служась армиясо. Служамодо мейле кармась тонавтнеме М.Е.Евсевьев лемсэ МГПИ-нь физвоспитаниянь факультетэнь заочной отделениясо.  Роботамо сась тесэнь спортшколав бороцямонь тренерэкс. Эряви меремс, Николай Владимирович – спортонь мастерэкс кандидат. Се шкане спортонь школась печтясь стака шкат. Эзть сатно тренертнэ, зарплатась пек вишкинель. Футболонь тренерт школасонть овсе арасельть. Николай Кунин апак кавтолдо кундась те тевентень. 2013 иестэ саезь топавты директоронь тевенть. Сонзэ марто минь вастневинек командировкасо улемстэ.

– Отяжелень Спортонь дворецэсь республикасонок вадрятнестэ вейкесь, – ёвтни Николай Владимирович. – Кавто площадкатнеде башка, улить кайсемань ды оршнемань таркат, душевойть, тренажёронь зал. Роботыть бороцямонь, футболонь, мини-футболонь, волейболонь, фитнесэнь, аэробикань ды ламо лия секцият. Тей яксить 495 тонавтницят школасо уроктнеде мейле. Эйкакштнень марто роботыть эсь тевень содыця-вечкиця тренерт-педагогт. Ламотне кандтнить «Физической культурань заслуженной роботник» лементь. Неть: Валентин Дмитриевич Ишуткин, Дмитрий Петрович Горбунов, Андрей Петрович Косолапов ды лият. Сынь путыть весе виест сенень, штобу эйкакштне эрявольть спортонть марто ояксчисэ.

Эряви меремс, Отяжелень тренертнэнень-педагогтненень те удалакшны. Икелень воспитанниктнестэ ламот ней уш тесэ сынсь роботыть тренерэкс. Николай Владимировичень икелень воспитанниктнестэ тренерэкс роботы Андрей Фёдорович Картыгин. Сон тонавтни М.Е.Евсевьев лемсэ МГПИ-нь физвоспитаниянь факультетэнь заочной отделениясо. Спортонь вечкемань видьмекстнэнь видекшнизь тескень тренертнэ. Ней вана сонсь од цёрась тренер.

«Агро-Атяшево» футболонь командань налксицятнестэ весе Николай Владимировичень воспитанникть. Те корты ломаненть тевдензэ.

Покш добовавксост лия тренертнэньгак. Арседе тынсь, Отяжелень Спортонь дворецэнь школась иезэнзэ анокстась 11 спортонь мастерэкс кандидат. Призэнь таркат а весть сайнесть бороцицятне Светлана Кирдяшкина, Олег Удалов, Егор Демин. Ютазь иестэ тесэнь хоккеень командась изнясь «Сырнень шайба» турнирсэнть ды якась налксеме финалов, конась ютась Сочи ошсо. 54 командатнень ютксо Отяжелень хоккеисттнэ занясть 17-це тарка.

Спортонь дворецэнь директорось ламо ёвтнесь тесэнь воспитанниктнень изнявкстнэде. Тесэнь холлонь стендтнэсэ ламо кубокт, грамотат, лия эрьва кодат казнеть.

Ульнесь мель кевкстемс Николай Владимировичень седе, эрявить-арасть спортонь истят учреждениятне, эдь ней юткошканть сеедьстэ ёмавтнить компьютерэнь эрьва кодат налксематненень, тевтеме лытамонтень. Директоронть мелезэ ульнесь вейке: минек сехте васенце тевесь – содавтомс седе ламо эйкакштнень спортонть марто, ванстомс сынст шумбрачист. Минек туртов те сехте паро результат.

Н.Евдокимов

 

 

 

Новости

Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...
 
Плотников: Фермеры смогут жить на своей земле, а не ездить каждый день туда как на работу

 Госдума приняла в первом чтении законопроект, который разрешает фермерам строить дом для себя на своей земле сельскохозяйственного назначения. Законопроект меняет порядок строительства жилых домов в КФХ. Такое заявление сделал координатор партпроекта «Единой России» «Российское село», депутат Государственной Думы Владимир Плотников.

Подробнее ...
 
Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...