Рубрикатор

Спорт ДУЖНИКОВ АРТИСТЭСЬ – ПОСОЛ
ДУЖНИКОВ АРТИСТЭСЬ – ПОСОЛ

 

Неть читнестэ И.М.Яушев лемсэ Оперань ды балетэнь театрань конференц-залсонть ёвтазель 2018 иень футболонь коряс масторлангонь чемпионатонь Саранск ошонть-организаторонть колмоце посолось. Те – Россиянь театрань ды кинонь содавикс актёрось, Мордовия Республикань заслуженной артистэсь Станислав Дужников. «Саранск – 2018» дирекциянь прявтось А.В.Плешачков тешкстызе:

 

– Чемпионатонь ошонть-организаторонть посолось – те аволь свал спортсмен эли футболист, те тевенть топавтомо кочкави ёроков, содавикс, ламос бажиця ломань, конась мелявты Саранск ошонть ды минек республиканть кисэ. Те таркантень пек лади содавикс актёрось Станислав Дужников.

Саранскоенть, кода Чемпионатонь ютавтыця ошонть, ули покш возможностезэ ёвтнемс минек ёнкстонть весе  масторлангонть келес. Те тевсэнть кармить лездамо посолтнэ, сынь невтить Саранскоенть весероссиянь ды раськеютконь ламот мероприятиятнесэ. Тешкстасынек, Саранск ошонь посолокс уш кочказь Олимпиадань нилексть чемпионось Алексей Немов ды «Авторадио» радиостанциянь ведущеесь Татьяна Гордеева.

Те чистэнть театрань мазый залонтень пурнавкшность содавикс актёронть малавиксэнзэ, мартонзо тонавтницятне, ялганзо. Весе сынь тешкстызь, Станислав Дужников – те чевте седей, панжадо ойме ломань, сон свал бажи теемс вадря тевть, лездамс эрьвантень. Истямокс сон ульнесь вишкинестэ,  мельспаро, обуцянзо эзизе кола содавиксчиськак. Станислав а покшкавтни, а кандтни верьга прянзо.

Сонсь Станислав Дужников тешкстызе, келя, покш мельспаросо вастызе посолокс сонзэ кочкамодо меленть. Эзь кавтолдо вейке минутаяк, сеске макссь каршо вал. Тешкстызе, посолокс улемась – те пек талновтыця тев. Мельспаро сень эйстэ, посолокс сонзэ кочкизь тиринь ошсо. Пек талновты се, сон мари эсь прянзо истямо покш событиянь пельксэкс. Эдь чемпионатось – те аволь ансяк минек ошонть, масторонть, весе мирэнь пелькстамо.

– Станислав, тынь вечктядо налксемс футболсо?

– Школасо тонавтнемстэ минь ялган марто сеедьстэ налксинек футболсо. Мон свал бажинь улемс нападающеекс, улемс налксеманть куншкасо. Ансяк кияк эзь мере тень теемс, мон свал ульнинь ванстыцякс. Вакскан ортатнес кияк эзь ютаво, покш рунгом ульнесь алкуксонь щитэкс. Мейле вечкевсь тень улемс вратарекс.

Кодамо командань кисэ тынь «сэредтядо»? Кие вечкевикс футболистэнк?

– Вишкинестэ саезь мон ванан «Спартаконть» налксеманзо мельга. Кавксо иестэ саезь ловован спортонь те вейсэндявксонть членэкс. Те шкас ванстан те документэнть. Вечкевикс налксицякс ульнесь ды кадови советэнь шкань содавикс вратаресь Лев Яшин. Ледстяса, покштям пек псистэ вансь футболсо налксематнень мельга, сонзэ пельде те налксемантень вечкемась ютась моненьгак.

–  Посолокс улемстэ, кодамо тевень топавтомо тынь ушодтадо?

– Арсян, ламонь чачи кевкстемаст, мекс монь кочкимизь Саранск ошонть посолокс. Эдь аволь спортсменан, аволь футболистан. Мон – наксематнень мельга ве ёндо ваныця. Ансяк тень покш каштанчи ёвтамс, монь чачома ёнксом – те Мордовиясь. Мезе лангсо карман важодеме? Васняяк, карман тешкстамо, спортось – те шумбрачи, од ломантненень весе ютко шкаст эряви алтамс спортонтень.

– Тынк арсеманк коряс, мейсэ вечкеви ды кадови мельс Саранскоесь Чемпионатонь инжетненень?

– Монь кода-бути кевкстимизь, улить-арась тесэ кезэрень таркат. Улить, ансяк аволь Саранскойсэ, республикань келес. Минек ошось, меельце иетнестэ пек полавтовсь, мазылгадсь. Стявтозь дивавтыця ламо од объектт – Тёжа иень площадесь, университетэнь прявт корпусось, спортонь пек ламо объектт… Икеле, ледстнеса, ошонть куншкакуротнесэ аштесть ташто кудот. Кеман, минек неень ошось кадови мельс инжень вастомань ёрокчисэнзэ ды редявикс налксематнесэ.

 

Минек справканок

Станислав Дужников чачсь 1973 иень маень 17-це чистэ Саранскойсэ. Сиянь медаль марто прядызе Ташто Шайговань средней школанть, косо эрясь сонзэ бабазо Анастасия Фёдоровна, заслуженной тонавтыцясь. Мольсь тонавтнеме Саранскоень культурань училищав, культурно-массовой мероприятиянь режиссурань факультетс. Теде мейле тонавтнесь Московонь Современной искусствань институтсонть. Нилецеде терявтомсто кармась тонавтнеме Щукинэнь лемсэ Театральной училищасонть, конань прядызе 1998 иестэнть ды кармась Гоголень лемсэ Театрань актёрокс. Важодсь М.Горевоень лемсэ «Театрань событиянь фабрикань» актёрокс. 2001 иестэнть саезь важодсь Армен Джигарханянонь прявтсо театрасонть. 2009 иестэнть ютась А.П.Чеховонь лемсэ Художественной театрантень.

Станислав Дужников истя жо снимави киносо ды сериалсо. Содавиксэкс теизе «ДМБ» кинось. Ламот содасызь сонзэ «Воронины» сериалсонть Лёня Воронинэнь рольсэнть. Истя жо снимавсь «Метро», «1812» ды ламот лия фильматнесэ.

 

Т.Аксенова

 

Новости

Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...
 
Плотников: Фермеры смогут жить на своей земле, а не ездить каждый день туда как на работу

 Госдума приняла в первом чтении законопроект, который разрешает фермерам строить дом для себя на своей земле сельскохозяйственного назначения. Законопроект меняет порядок строительства жилых домов в КФХ. Такое заявление сделал координатор партпроекта «Единой России» «Российское село», депутат Государственной Думы Владимир Плотников.

Подробнее ...
 
Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...