Рубрикатор

Спорт БАЗАРОВА ДЫ ДЕПУТАТ КУБОКОНЬ ИЗНИЦЯТ
БАЗАРОВА ДЫ ДЕПУТАТ КУБОКОНЬ ИЗНИЦЯТ

 

Февралень 16-20-це читнестэ Саранскойсэ ютавтовсь спортонь покш мероприятия – фигурной кирякстнемань коряс Россиянь Кубоконь финалось. Неть читнень перть республикань эень прявт аренасонть эсь ёрокчист невтизь 130 ламо спортсмент Россиянь 14 регионсто. Ютксост национальной сборноень лидертнэ – олимпийской чемпионкась Юлия Липницкая, масторлангонь первенствань призёртнэ – Алёна Леонова, Сергей Воронов, Артур Дмитриев, Кристина Астахова – Алексей Роганов парась ды лиятне. Медальтнень кис эсь виест ды ёрокчист невтизь минек республикань спортсментнэяк: Вера Базарова – Андрей Депутат парась.

Мероприятиянть панжомсто инжетненень ды спортсментнэнень поздоров марто пшкадсть МР-нь Правительствань Председателесь Владимир Сушков ды Россиянь конькасо фигурной кирякстнемань Федерациянь президентэсь Александр Горшков.

Мордовиянь Правительствань Председателесь тешкстызе, меельце иетнестэ те спортонть виевгавтомантень республикасонть явови покш мель. Панжозь эйкакштнень туртов спортонь школа, конанть отделениянзо улить аволь ансяк Саранскойсэ, истя жо республикань районтнэсэяк. Роботыть сисем Эень дворецт. Эштё кавто арсевить панжомс маласо шкастонть Атюрьевасо ды Ковылкинасо.

– Те Эень дворецсэнть, косо ней юты Россиянь Кубоконь финалось, аволь весть уш ульнесть Россиянь чемпионатт ды лия покш мероприятият. Ниле ковдо икеле тесэ ютавтовсть «Челленджер» сериянь раськеютконь пелькстамотне – «Мордовский орнамент» турнирэсь. Теке марто, ютазь иестэнть ульнесть эштё кавто покш мероприятият: Россиянь тонавтницятнень телень спартакиадась ды «Хрустальный конёк» раськеютконь турнирэсь. Тедедень сентябрясто Саранскоесь вастсынзе фигурной кирякстнемань коряс масторлангонь Гран-принь юниоронь сериянь нилеце этапонь участниктнень, конась истя жо Россиясо ютавтови васенцеде, – тешкстызе Владимир Сушков.

Ламо лембе валт минек республикадонть ёвтась Россиянь конькасо фигурной кирякстнемань Федерациянь президентэсь Александр Горшков. Сон тешкстызе, Саранскоенть ули эрявикс опытэзэ раськеютконь пелькстамотнень ютавтомасонть. Конькасо фигурной кирякстнеманть виевгавтомга Мордовиясь теи пек ламо, секскак спортсментнэ тей сыть покш мельсэ.

Ошонь ды целанек республикань эрицятне уш тонадсть Мордовиясо ютавтовиця истямо пелькстамотненень, секскак фигурной кирякстнемань коряс мероприятиятнень учить покш мельсэ. Секскак Эень дворецэсь ульнесь пешксе ваныцядо ды те пек лездась спортсментнэнень. Эдь зярдо улить ваныцят ды кисэть кие-бути «сэреди», тевесь моли седе парсте.

Пелькстамотне ветявсть зярыя номинациясо. Кочкавсть спортонь сехте вадря паратне ды ськамост кирякстницятне. Истя, спортонь паратнень турнирсэнть спортонь мастертнэнь ютксо сехте вадрякс ёвтазь Мордовия Республикань сборной командань члентнэ Вера Базарова ды Андрей Депутат. Мастерэкс кандидаттнэнь ютксо сехте вадрякс кармасть Амина Атаханова ды Илья Спиридонов. Ськамост кирякстницятнень ютксо спортонь мастерэкс кандидаттнэнь ютксо васенцекс кармась Санкт-Петербургонь кирякстницясь Станислава Константинова. Мастертнэнь ютксо сырненть саизе Алена Леонова.

 

Ю.Еремина

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...