Рубрикатор

Спорт «Челленджер» турнирэсь
«Челленджер» турнирэсь


Саранск ошонь Эень дворецсэнть ютась «Mordovian Ornament» фигурной кирякстнемань коряс «Челленджер» сериянь раськеютконь турнир. Мероприятиянть панжомсто ваныцятненень, спортсментнэнень ды тренертнэнень поздоровт ёвтасть МР-нь Прявтось Владимир Волков ды Россиянь фигурной кирякстнемань Федерациянь президентэсь Александр Горшков.
Соревнованиятне васенцеде ютавтовить Россиясо, ды Мордовиянть туртов те покш кенярксчи, покш честь ютавтомс сынст, тешкстызе Владимир Волков.
– Минь тень ловтано покш тевекс. Ды кемтяно, фигурной кирякстнемань Федерациясь тешкстасынзе минек путовкстнэнь истямо вадря спортонь видэнть касомасо-кемекстамосо, – мерсь Мордовиянь Прявтось.
Региононь Прявтось ёвтнесь, течи республикасонть важоди вадря школа, роботыть тевень содыця тренерт, фигурной кирякстнеманть туртов улить базат — сисем Эень дворецт уш важодить ды маласо шкастонть панжовить эштё колмо. Владимир Волков кемевтинзе Фигурной кирякстнемань федерациянь прявттнэнь, те спортонтень республикасонть свал кармить явомо эрявикс мель, фигуристтнэнень жо арсесь, штобу сынст спортонь карьерасо Саранскоень этапось кармаволь лезэвекс ды Мордовиянть ледстневельть ансяк вадрясто.
Пурнавозтненень поздоровт истя жо ёвтась Россиянь фигурной кирякстнемань Федерациянь президентэсь Александр Горшков.
– Республикань прявттнэ ды Правительствась явить покш мель минек спортонть касомантень-кепетемантень. Ды вадрясто анокстазь неень турнирэсь тенень невтема, – тешкстызе сон.
Пелькстамотнень лувсо Мордовиянь эенть лангсо эсь ёрокчист невтизь 14 масторсто 58 фигуристт. Сынст ютксо ульнесть олимпийской чемпионт, Европань ды масторонь чемпионаттнэнь изницят ды призёрт. Турнирэнть мельга вансть 13 масторсто 26 судьят.
Колмо чинь перть Саранск ошонь эрицятнень ды инжетнень эсь ёрокчисэст кенярдовтсть фигуристтнэ. Программась пек сюпаволь. Цёратне ды аватне невтизь эсь ёрокчист нурька ды эсь мелень коряс кочкавт программатнесэ. Паратненень эрявсь невтемс нурька киштема ды эсь мелень коряс номер. Теке марто, тренертнэ эрьва программасонть кармавтсть спортсментнэнь невтемс стакалгавтозь технической элементт. Веенстнэнь неть элементтнэ удаласть, лиятне жо сынст теизь аволь кода эряви. Судьятнень туртов жо те ульнесь васенце ёнкс спортсментнэнь баллтнэнь ловомсто.
Ды, кода содатано, кие пурны ламо баллт, се изнияк. «Мордовский орнамент» пелькстамонь изницятне пек кенярдовтызь эсь ваныцяст, эдь весе васень таркатнень саизь Россиянь спортсментнэ. Цёратнень ютксо васенцекс кармась Максим Ковтун, тейтертнень ютксо — Анна Погорилая. Паратнестэ изнясть Юко Кавагути ды Александр Смирнов.
Ю.Еремина

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...