Рубрикатор

Спорт Эйкакшонь спортшкола
Эйкакшонь спортшкола

Отяжеле ёнксонь спортонь школанть содасызь райононть келес. Ламот сынсь тонавтнесть тосо велень спортонь вечкемантень, ней жо ветнить эйкакшост. Истя жо спортонтень явить мель ламот покштнестэяк. Райононть келес содасызь ветерантнэнь, ютксост В.Н.Никонов, Н.С.Исайкин, С.Н.Ерин, О.Н.Ишуткин…
Школадонть паро славась гайгсь республиканть келес. Нейгак эрямось тесэ лаказь лаки. Тренажерной залтнэс сакшныть ламо од ломанть. Малав эрьва чистэ ютавтневить спортонь мероприятият. Те иенть ушодовомадо икеле школанть директорокс кармась Н.В.Кунин. Николай Владимирович 2002 иестэ саезь важодсь футболонь тренерэкс-преподавателекс. Команданть марто сон важодсь вете иеть. 2007 иестэнть Отяжелень футболисттнэ лиснесть чемпионокс. Те покш лементь сынь саекшнизь Равчирень федеральной округонь пелькстамотнесэ. Тень кувалма 2008 иестэнть Н.В.Куниннэнь максозель Республикань Прявтонь грант ды ловозель изницякс «Профессиянь коряс сехте вадря» пелькстамосонть. Районсонть Н.В.Кунинэнь ловить футболонь перспективной тренерэкс. Касыця од поколениянть марто важодемасонть сонзэ покш опытэзэ. Спортонь школань прявтокс кармазьгак Николай Владимирович эзизе кадо тренерэнь тевенть.
Ламо тевтнень лангс апак вано, Н.В.Кунин вети команданть изнявкстнэс. Лиякс а кода. Ней школась вети тонавтнеманть спортонь кото дисциплинатнева: волейбол, футбол, шожда атлетика, вольной бороцямо, хоккей ды сокссо ардтнема. Ули фигурной кирякстнемань секцияяк, тесэ тренерэкс важоди Тарас Владимирович Ронякин.
Спортонь школасонть весемезэ тонавтнить 600 ламо эйкакшт. Течинь эрямось преподавателень составонть икелев путы покш вешемат. Отяжелень коллективесь весементь теи ве лувсо, весе тонавтыцятне важодемань покш опыт марто. Содасызь неень шкань эрямонь вешематнень. Нама, эряви меремс, тезэнь пурнавсть сетне, кить вечксызь спортонть ды кинь улить невтевксэст. Виень ды шкань апак вансто содамочист эйкакштненень максыть А.Борискин, А.Леенков, А.Ивашкин, Н.В.Кунин. Сынст бажамост вейке – кастомс эйкакштнень виевекс, шумбракс, стакачиде а пелицякс.
А.Лапаев

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...