Рубрикатор

Литературная страница
Механической заводонтень - 70 иеть

Республикасонть Саранскоень механической заводось, паряк, умонсетнестэ – вейкесь. Сон теезель минек масторонть стакадояк стака шкастонть – 1941 иестэ. Те шканть перть те предприятиясь печтясь эрьва мезть.

1951 иестэ заводось тешкстась васенце юбилей – 10 иетнень. Бригадань ды участкань коллективтне тенень эсь икелест аравтнесть покш тевть ды тень сынь топавтызь. Эсь нормаст велькска топавтсть токартне, фрезеровщиктне, наладчиктне. Заводсо важодицятне бажасть кепедемс эсь профессиональной ерокчист: тонавтнесть чокшнень школатнесэ, техникумтнесэ, вузсо. Заводонь весе подразделениятне покш мель явсть производственно-технической тонавтнемантень, конатнень сеедьстэ ютавтнесть минек масторонь покш ошонь специалисттнэ-ученойтне.

1958 иестэ механической заводсонть ушодсть автосамосвалонь пурнамо. Тесэ нолдазельть-теезельть 500 автосамосвалт, колмо иень ютазь автосамосвалонь нолдамось максозель башка заводонтень – Саранскоень автосамосвалонь заводонтень. Истя, механической заводось кармась улеме Мордовиясо автомобильной промышленностень теицякс.

Подробнее...
 
Кенярксозо моротнесэль

Серафима Марковна чачсь сокицянь-видицянь семиясо 1922 иень июлень 29-це чистэ Самарань областень Похвистневань райононь Подбельск велесэ. Тейтерьканть чачомазо эзь кандо кеняркс, эдь семиясь ульнесь покш, а вана мода явильть ансяк церынькатненень.

Касозь, Сима пек мольсь Анисья бабанзо енов, кона пек вечксь нуцьканть ды ламос тонавтызе. Сон кортыль: «Тонавтнек, нуцькинем, тонавтнек, тон ламос чарькодиця, вайгелеть мазый, ловномо маштат, а моронь ладсеме тонавтнек ломантнень кенярксос». Бабазо вечкиль морот, конатнень сонсь ладсесь. Сон ульнесь сказительницакс.

Стихень сермадомо Сима ушодсь нилеце классто мейле. Сон ламо ловнось Толстоень, Горькоень, Блоконь. Ветеце классонть прядызе ансяк ветес, ансяк седе тов тонавтнеме эзь карма, кармась роботамо, семиянть эрявсь андомс.

Войнанть ушодовомсто Сима ниле ковонь перть чувсь окопт, тосо кармась сэредеме тифсэ. Якшамо, вачочи, эрясть буржуйка марто бараксо, максыльть ансяк 200 граммат кши ды сахартомо чай. Кияк эзь пеняця, весенень стакаль. Ялгазо сэредиця Серефимань пачтизе кудов. Тесэ жо авазо-тетязо овсе вачольть. Эрявсь мезеяк арсемс. Ды сынст кармавтомаст коряс лиссь мирденень счетоводонть Максим Тимофеевич Щербаковонь экшс, кона икеле урьвакстозель ды ульнесть кавто эйкакшонзо.

Подробнее...
 
Писателесь Иван Панькин - эрзяль

 

1998 иень октябрянь 18-це чистэ тусь эрямосто рузонь писателесь, РФ-нь культурань заслуженной роботникесь, Тулань почетной гражданинэсь Иван Федорович Панькин. Паряк, аволь весе содыть, национальностень коряс сон эрзяль. Атюрьева енкссо те фамилиясь вастневи Пичеполонга велесэ. Мон арсезевинь: аволь ли минек ломанесь И.Ф.Панькин? Карминь содамо, чачсь сон 1921 иень декабрянь 1-це чистэ Пенза енксонь Лопатинской райононь Пылкова эрзянь велесэ.

Московсо, Высшей литературной курсасо сонзэ марто тонавтнесь содавикс писателесь Виктор Астафьев. Вана мезе сон ледстни: «Монь марто тонавтнесь Иван Панькин. Сон – «История одной жизни» повестенть ды эйкакштненень алтазь тульской евкстнэнь автор. Талантозо кемель, сон ульнесь пек паро арсицякс ды евтницякс».

1961 иестэ, литинститутонть ды литературной высшей курсатнень прядомадо мейле, Сибирьде, Средней Азиядо, Кавказдо, Московдо мейле Иван Федорович понгсь Тулав. Важодсь «Коммунар» областной газетасо литсотрудникекс, Приокской книжной издательствасо художественной ды эйкакшонь литературань радакторокс.

И.Ф.Панькинэнь васенце произведениятнень ютксто вейкесь – «Начало одной жизни» автобиографиянь повестесь. Сон нолдазель аволь весть. Паро питне максозель «Серебряный голос», «Голубые паруса» евтнемань сборниктненень. 1961 иестэ «На рубеже» журналсонть печатазель Панькинэнь ды П.Борисовонь «Андрей Балашов» пьесаст. 1962-це иестэ Туласо лиссь «Волшебный мастер» легендань сборникесь, 1965-це иестэ – «Легенды о матерях», 1966-це иестэ Московсо — «Внук зеленой молнии».

Подробнее...
 
"Саранск ошось одтнэнь сельмсэ"

И.Д.Воронин лемсэ музейсэ панжовсь «Саранск ошось одтнэнь сельмсэ» выставка, кона алтави ошонть 370 иетненень ды эрзя-мокшонь раськенть Россиянь лия раськетнень марто вейсэндявомань 1000 иетненень. Выставканть анокстызь музеень важодицятне вейсэ Н.П.Огарев лемсэ МГУ-нь строительной факультетэнь архитектурань ды дизайнэнь отделениянь тонавтыцятнень ды студенттнэнь марто. Теке марто, выставканть пурнамосо покш путовксозо архитектурань ды строительной наукань Российской академиянь советникенть, Н.П.Огарев лемсэ МГУ-нь профессоронть Виктор Борисович Махаевень.

2000-це иетнестэ Мордовиянь прявтошонть архитектуразо эрязасто касы-кепети. Саранскойсэ башка проектэнь коряс стявтовить эрямо кудот, общественной зданият, покш комплекст. Неть проекттнэнь авторост Саранскоень архитектортнэ. Эрьва иестэ архитекторонь отрядось покшолгавтови од ломаньсэ – Мордовиянь университетэнь прядыцятнесэ. 2004 иестэнть строительной факультетсэ панжовсь архитектурно-дизайнерской специальность. Ней те енксонть коряс тонавтнить 175 студентт. Сехте вадря проекттнэ ды зданиянь макеттнэ, конатнень анокстыть студенттнэ, кадовить факультетсэнть.

Вейсэндявомань 1000 иетнень кенярксчиденть икеле Саранскойсэ од архитектортнэнь проектэст коряс стявтовить ламо од, мазый ды неень шкань сооруженият. Студенттнэнь сехте вадря проектэст невтезь «Саранск ошось одтнэнь сельмсэ» выставкасонть. Тесэ невтеви икелень Саранскоесь ды ошось, кодамокс неить сонзэ од ломантне сы шкастонть. Весемезэ тесэ 73 экспонатт.

Весе сыцятнень туртов выставкась карми важодеме кизэнь перть.

Н.Зараева,

И.Д.Воронин лемсэ МРОКМ-нь

секторонь прявт.

 
Панжсть эсест музей

Биологиянь икелень тонавтыцясь Александр Русскин Дубенкасо пажсь виде-паронь музей, конань фондсонзо лововить малав кезэрень сядо экспонатт. Эйстэст кой-конатне мик 17 пингень. Официальна музеесь панжови 2012 иестэ, ды алтави эрзя-мокшонь раськенть Россиянь государствань лия раськетнень марто вейсэндявомань 1000 иетнень тешкстамонтень.

Музеенть Русскинтнэ панжизь чувтонь кудынесэнть. Эйзэнзэ понгавтозь лаз панкске, конасонть сёрмадозь музеень азортнэнь фамилияст. Экспозициянь предметтнэ тешкстазь ды сермадстозь. Ваномо, кода эрясть кезэрень раськетне, сакшныть кода эсь велень эрицятне, истя жо шабрань. Экскурсиядо мейле сыцятне мелест-арсемаст сермадыть столь лангсо аштиця книгас.

Кезэрень пингень курмонь-кармонь пурнамо Александр Русскин ушодсь кото иеде икеле. «Весемесь ушодовсь апак учне, – евтни Александр Николаевич, – Дубенкасо раминь тейтерем туртов кудо. Те кудонь сараесь пешксель эрзя-мокшонь XX пингень художникень картинадо. Икелень азортнэ сыненст эзть путо покш питне, секс, паряк, эзизь саеяк мартост. Весть кода-бути ташто курмотнень-кармотнень ютксто апак учне муинь келей лаз, истямо монень эрявкшнось озамо таркань теемс. Велявтыя омбо енксонзо ды ацирьгадынь: икелем аштесь Христосонь чамазо. Пельксэнь пелькс пурныя крестонть ды понгавтыя козейканть тетянзо кудос, тозонь кандынь картинатненьгак. Покшолмань коряс неявсь, пазавась теезель церьковань туртов. Ламот тей сыцятне ежосост марить, кода крестонть эйстэ моли Пазонь благодать. Вакссонзо аштемстэ сы мель озномс ды авардемс. Мон чарькодия, распятиянтень а тарка музейсэнть, ды максовлия бу сонзэ куш кодамо церьковас. Ансяк саемс сонзэ эште кияк мель эзть евта.

Подробнее...
 
<< Первая < Предыдущая 1 2 3 4 5 6 7 8 9 Следующая > Последняя >>

Страница 8 из 9

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...