Рубрикатор

Литературная страница
Моронь 105 иетненень

Ютасть 69 иеть се шкастонть саезь, кода чатьмонезевсть пушкатне, Берлинэнь менелентень венстявсь Изнямонь якстере флагось.  Солдаттнэ, конат ютасть тежа вайгельпеть стака ды сэпей кияванть, лоткавтызь войнанть.

Мордовиянь малав 50 писательть ды журналистт войнань васенце читнестэ саезь тусть фронтов. Сынст ютксо ульнесь Артур Матвеевич Морояк. Маень 11-це чистэ топодсть 105 иеть сонзэ чачома чистэнзэ саезь. Алкуксонь лемезэ – Афанасий Матвеевич Осипов. Чачсь сон 1909 иень маень    11-це чистэ Самара енксонь Красные Ключи велесэ. Гражданской войнадо мейлень вачо иетнестэ трявсь-кастовсь Зауральянь эйкакшонь кудотнесэ. 1927-28-це иетнестэ тонавтнесь рабфаксо, 1930-32-це иетнестэ – Московонь государственной кинематографиянь институтсо, 1940-це иетнестэ – КПСС-нь ЦК-нть юрсо общественной наукань академиясо. Мейле парсте идизе кандидатонь диссертациянть ды теевсь искусствоведениянь кандидатокс. 1935 иестэ совась СССР-нь Писателень союзс. 1969 иестэ максозель тензэ «Мордовиянь Заслуженной поэт» лемесь.

Подробнее...
 
Семиясь - масторонть юрозо

Маень 15-це чистэ тешкстави Весе раськень семиянь чись. Те кенярксчись кемекстазь 1993 иень сентябрянь 20-це чистэ ООН-нь Генеральной Ассамблеясонть. Мордовиясо покш мель явови семиянь кевкстематненень. Весемеендонь лезкс явови ламо эйкакшонь триця семиятненень, кемекстазь ламо эйкакшонь кастыця авань Почетонь диплом.

И.Д.Воронин лемсэ республикань краеведениянь музейсэнть пурназь сюпав материал ламо эйкакшонь триця семиятнеде, династиятнеде, аватнеде-героинятнеде. Весе сынь невтезь «Семиясь – масторонть юрозо» выставкасонть. Выставкасонть евтневи Саранскоень сехте покш семиядонть – Нарваткинтнэде. Ней тосо трявить-кастовить 10 эйкакшт. 2010 иень июлень 8-це чистэ, Семиянь, вечкемань ды кемемань Весероссиянь чистэнть, Нарваткинтнэ казезь «За любовь и верность» медальсэ. Весемезэ Мордовиясо 3600 ламо эйкакшонь семият.

Подробнее...
 
Залпы орудий давно отгремели

Давно отгремели последние залпы Великой Отечественной войны, истлел прах павших в боях, но нетленными остались фронтовые солдатские письма. В годы войны они были единственной ниточкой, соединяющей разлученные людские сердца. Их зачитывали до дыр.

Часто письмо, написанное рукой бойца, приходило, когда солдата уже не было в живых.

В фондах музея бережно хранятся пожелтевшие от времени листки – более 1000 писем, пришедших с войны. В этих письмах солдаты писали о любви к Родине, ненависти к врагу. Они были уверены в победе над врагом, строили планы на будущее.

В 2005 и в 2010 годах вышли книги «Солдатские письма» и «Письма из войны», в которых были размещены письма, хранящиеся в музеях нашей республики, в Центральном Государственном Архиве Республики Мордовия, школьных музеях и личных архивах, а также 198 писем 97 уроженцев Республики Мордовия, хранящихся в фондах нашего музея.

Больше половины солдат, чьи письма вошли в книги, не вернулись с фронта домой. Эти книги будут незыблемой памятью их жизни, подвигов и не сбывшихся мечтаний…

В наших фондах хранится более 60 писем Ивана Федотовича Мартюшина, уроженца села Константиновка Ромодановского района.

Подробнее...
 
Эскелькс менелев

«Шагнувшие в небо» истямо лем ало 1986 иестэ Саранскойсэ лиссь книга, конань сермыдыцякс ульнесь Мордовиянь заслуженной журналистэсь, содавикс краеведэсь В.А. Пронин.

Ютазь пингень 30-це иетнестэ Федосеенконь, Усыскинэнь, Васенконь лемтне секе тев печатавсть газетатнесэ, марявсть радио вельде, сындест кортасть масторонь келес.

1934 иень январень 30-це чистэ валске рана Кунцевань аэродромсто сыргась кепедевеме менелев «Осоавиахим-1» стратостатось. Сонзэ эйсэ озадо колмо ломантнень течи ловить космосонь исследованиятнень васенце ушодыцякс. Стратонавттнэнь задачакс аштесь седе домкасто тонавтнемс модань атмосферань верце слоенть – стратосферанть.

Старттонть икеле Павел Федорович Федосеенко – кораблянь командирэсь мерсь: «Минек стратостатось теезь Осоавиахимень ярмакто. Минь путсынек весе виенек ды партиянь ХVII съездэнтень пачтятано менельс истямо куземадо, конадо те шкас а соды масторось».

Якстереармеецтнэ, конатне кирдсть стратостатонть, шаштсть эйстэдензэ ве енов ды сон тусь якшамо январень менелентень. Ливтямонь васень частнэ мольсть вадрясто. Стратонавттнэ ульнесть сюлмавозь мода лангсо аштицятнень марто радио вельде.

«Кунсолодо, кунсолодо! Корты «Сириусось»! Минь 1600 метрань сэрьсэтяно. Ютынек пельтнень пачка. Температурась колмо градуст якшамо».

Подробнее...
 
Россиянь воинской славань чинтень

Октябрянь 24-це годовщинадонть икеле чинть Московонь эрицятне вастызь пелемасо, илязт каяво германиянь войскатне, конат уш маласольть. Октябрянь 16-це чистэ ушодовозь эвакуациясь вельмевтсь ламо кортамот, келя, Сталин ды Политбюронь коряс малавиксэнзэ кадызь Московонть. Неть кортамотнень авидечист невтемга, ломантнень оймень виест кепедемга масторонь прявттнэ састь мельс, стака шканть лангс апак вано, ютавтомс Октябрянь революциянтень алтазь торжественной парад.

1941 иень ноябрянь 7-це чинь военной парадось ушодовсь кавто чассто седе икеле – валскень 8 чассто. Те чистэнть Московсо потмураль, мольсь лов, якшамось стакалгавтызе торжественной мероприятиянь ютавтоманть, лия ендо жо, сон мешась ятонь авиациянь ливтямонтень. Мавзолеень трибунасонть аштесть государствань прявттнэ, советской организациянь ды интеллигенциянь представительтне, вадря важодицятне, военнослужащейтне. Якстере площадьсэ ютавтовиця воинской ритуалось парсте анокстазель. Парадонть примизе СССР-нь Оборонань наркомонь полавтыцясь Советской Союзонь Маршалось С.М.Буденный, парадонть ветясь Московонь военной округонь войскатнень командующеесь генерал-лейтенантось П.Л.Артемьев.

Торжественной маршонть панжизь Верховной Советэнть лемсэ училищань ды минометной училищань курсанттнэ, мельгаст мольсть 322-це Ивановской ды 2-це Московской дивизиятне, Дзержинский лемсэ дивизиясь, башка назначениянь бригадань полкось, мельгаст – кавалериясь, артиллериясь ды танктне.

Московсо 1941 иень ноябрянь 7-це чинь парадсонть ульнесть минек енкссо чачозетнеяк: Подольскоень пехотной училищань курсантось, пехотинецэсь Е.Д.Фролов, политроботникесь И.Ф.Зубенков, Красин лемсэ Московонь 1-це артиллериянь училищань курсанттнэ Н.А.Ивенин, В.И.Филимонов, В.А.Пундиков, Б.Поляков, Ф.Э.Дзержинский лемсэ дивизиянь 2-це мотострелковой полконь усиленной батальононь стрелокось В.А.Пугунков.

Подробнее...
 
<< Первая < Предыдущая 1 2 3 4 5 6 7 8 9 Следующая > Последняя >>

Страница 6 из 9

Новости

«СЯТКО» ДЫ «МОКША» журналтнэнень – 90!

Неть читнестэ МР-нь Пресс-центрасо ютась промкс, кона алтавсь «Сятко» ды «Мокша» журналтнэнь 90 иень топодемантень. Мокшонь кельсэ «Валда ян» журналось лиссь Пензасо, эрзянь «Сяткось» – Самарасо. Самай неть изданиятнесэ лиснесть минек ушодыця поэттнэнь ды писательтнень произведенияст.

Подробнее ...
 
Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...