Рубрикатор

Литературная страница Оймамонь а содыця
Оймамонь а содыця

… 1983 иесь. «Эрзянь правда» газетань теицятне – партийной отделэнь прявтось Н.М.Симдянов, корреспонденттнэ Н.В.Кулавский, П.Н.Калигин, Т.С.Баргова ды мон, важодтяно аволь штатной корреспонденттнэнь сермадовксост лангсо. Апак учне кабинетс эрязасто совась елганя, сэрей од цера. «Теевтяно содавиксэкс, – мерсь сон, – монь лемем Иван Степанович Бурнайкин. Важодян автосамосвалонь заводсо. Кандынь тенк эсь сермадовксон». Теде мейле И.С.Бурнайкин теевсь минек газетантень алкуксонь ялгакс.

И.С.Бурнайкин чачсь 1936 иень апрелень 19-це чистэ Кочкурова енксонь Вирь ало Тавласо. Церантень топодекшнесь ансяк ие, зярдо кулось тетязо Степан Васильевич. Сонзэ, келя, велесэнть содылизь кода паро ломаненть, лездась весенень. Сеедьстэ Ванянь тетянстэнь сакшность инжеть Саранскойстэ, ютксост ульнесть виев спортсменткак, кода Корнилов. Сон велень эйкакштнень тонавтсь бороцямо.

30-це иетнестэ Степан Васильевичень саизь кудонзо, кардазсто – ракшатнень. Семиянть, кода кортыть, панизь ульцяв. Кува ансяк сон эзь яка видечинь вешнеме. Ансяк кияк тензэ эзь лезда. Церанзо, Иван Степановичень, валонзо коряс, тетязо неть стакачитнень эзинзе цидярдо ды кулось. Сонзэ, келя, меельце килангов ильтизе весе велесь. Анастасия Степановна кадовсь колмо эйкакш марто, Ваня сехте вишкинель. Авазо чинь-чоп важодсь колхозонь паксясо, эйкакштнень кадылинзе чаво кудос.

Аламодо касозь Ваня аванзо марто кармась якамо паксяв, лездась паксянь тевтнесэ. Тень кисэ сонензэ кармасть макснеме кши.

Ансяк эрямось кармась вадрялгадомо, тесэ ушодовсь войнась. Таго сельведть, таго ильтямот. Бурнайкинтнэ фронтов ильтизь лелянзо Федянь. Сестэ Ванянень топодекшнесть кото иеть. Сон уш кармась семиянтень лездыцякс. Ялатеке сиземанть лангс апак вано, ялганзо марто чийнесь велень ульцятнева. Налксесть лаптасо, футболсо. Учость, зярдо Вася леляст Кочкуровасто уски кино. Кинотне ульнесть войнадо. Ванянь ульнесь мелезэ неемс лелянзо, кода сон тюри немецко-фашистской захватчиктнень каршо. Ансяк вана церыненть мелезэ эзь топавтово. «Паряк, лелям лия таркасо воеви», – арсесь церынесь.

Вана прядовсть сисем класстнэ. Седе тов тонавтнемадо арсесть сетне, кинь ульнесть лездыцяст. Иван Бурнайкин мольсь важодеме тиринь колхозов. Хозяйствань прявтось варштась Ванянь лангс, кувакасто укстась ды мерсь:

– Миненек эрявить паксясо важодицят. Тосо пек стака…

– Мон а пелян стакачитнеде, – мерсь Иван. – Ков кучсамизь, тов молян.

– Сестэ, ванды лиссть велень цератнень марто олгонь, мушконь усксеме, – мерсь предэсь ды кеместэ лепштизе Ванянь кедензэ.

Сюронь урядамонь шкасто Ваня чинек-венек паксясоль. Сон эсь тевензэ топавтсь вадрясто. Тень шнась хозяйствань прявтоськак. «Вантака, сонсь берякшке, виесь эйсэнзэ овтонь. Тетякс тусь».

Весть Ванянь ваксс мольсь колхозонь комсомолонь комитетэнь секретаресь Яша Рябов ды мерсь, келя, велень комсомолецтнэ молить целинань кепедеме. Тов кучить сехте вадрятнень, важодемань вечкицятнень.

– Бути тонь ули мелеть тов молемс, кучтадызь, – мерсь Яша.

Ваня сеске сермадсь заявления.

– Тосо важодемась а шож датнестэль, – ледстни И.С. Бурнайкин. – Эринек бараксо. Ульнинек малав весе од ломанть. Важодинек Киров лемсэ зерносовхозсонть. Мон ульнинь конюхокс.

Сась тундось. Паксясо ушодовсь видемась. Ваня Бурнайкин ялганзо марто кармась важодеме видицякс. Сон тевензэ топавтсь вадрясто, седейшкава. Тень редизь мартонзо важодицятне, хозяйствань прявтось. Та-кода весть сон тердизе Иван Степановичень ды корты: – Ули мелем тонь кучомс тонавтнеме механизациянь курсав. Кото ковонь перть тонавтнесак велень хозяйствань техниканть. Тонавтнемадо мейле сеске макстано теть од трактор.

Иван Степанович чинек-венек сокась совхозонь паксятнень, велькска топавтсь норматнень. Ульнесть сонзэ пельде тонавтницяткак.

Паро важодемань кисэ И.С.Бурнайкинэнь фотографиянзо понгавтызь Почетонь лаз лангс. Ванядо сермадсть газетасо.

Сексня Ваня Бурнайкинэнь тердизь военкоматов. Комиссиянть ютамодо мейле военкомось мерсь повесткань учомадо. Тракторонь бригадань прявтось энялдсь Иваннэнь кадовомс важодеме совхозсо. Ялатеке эзь кирдеве од церась бригадирэнтень.

– Молян армияв служамо, – мерсь Иван Бурнайкин. – Эряви топавтомс долгонть.

Се чистэнть Кокчетав ошонь ульцятне пешксельть од ломанде. Марявсть морамот, авардемат. Тестэ сынст ильтясть служамо воинской частев. Тетятне-аватне, вечкевикс тейтерест од цератненень арсесть парсте велявтомс кудов.

1958 иестэ И.С.Бурнайкин велявтсь армиясто.

– Ванта, ванта, – дивсесть Тавлань ломантне, – целинав тукшнось карьсэ, ней пильгсэнзэ вадря кемть, мештьсэн зэ цитнить эрьва кодат значокт. Вана те цера!

Эрзянь велесэ эри кой: армиясто служамодо мейле солдатонть раськензэ тердтнить инжекс. Ялганзо марто велень ульцяванть яксесь моразь, вадря ежосо, мельспаросо. Церась армиясто сась шумбрасто. Столь экшсэ Иван Бурнайкин раськензэ, ялганзо-оянзо туртов евтнесь целинасо важодемадонзо, армиясо служамодо. Сонзэ весе кунсолость чатьмонезь. Мельс сайсть эрьва валонть, эрьва евтавксонть.

– Иван, учотано эйсэть, – кортась тензэ колхозонь прявтось. – Од трактор макстано. Ансяк кадовт эрямо велес.

Бурнайкин тусь важодеме ошов, автосамосвалонь заводов. Сон нейгак ледстни се чинть, зярдо кедь вийсэ пурназель автосамосвалось. Те ульнесь 1960 иестэ.

Заводсонть эзть сатно сварщиктне. Сынст кармасть тонавтомо теске заводсо. Неть курсатнес кармась якамо Иван Бурнайкингак. Эзь кенере экзаменэнь максомояк, кода сонзэ аравтызь автосамосвалтнэнень сваркасо пельксэнь тейнеме. Васенце шкастонть сельмензэ истя сэредсть те ендолонь кондямо толонть эйстэ, мик ветькак эзь удсе.

– Церам, паряк, кадсак те роботанть, – кортась авазо. – Вешнек лия тев.

– Сварщиктне, авай, ламо ярмакт получить, – толковась Иван.

Цехень од ломантне Иван Бурнайкинэнь кочкизь эсест ветицякс. Тесэ комсомолецтнэде ульнесть ниленьгеменде ламо. Важодсть заводсонть колмо сменасо. Кияк эзь пеняця стакачитнень лангс. Эрьвась эсь тевензэ топавтсь вадрясто. Нама, сехте васенцекс ульнесь Иван Бурнайкин. Сон весементь мельга вансь. Неи костояк асатыкс, теде сеске евты заводонь прявттнэнень, сермады газетас-ко зонь материалт. «Эрзянь правда» газетасояк сонзэ лиснесть ламо сермадовксонзо, косо сялдсь заводсо вастневиця асатыкстнэнь. Теке шкастонть И.С.Бурнайкин важодсь рационализаторонь тевсэнть. Сонзэ рецпредложениятне кеместэ совасть заводонь важодемантень.

Течи И.С.Бурнайкин важоди 1941-1945 иетнень Войнань ды трудонь подвигень мемориальной музейсэ. Сон – научной сотрудник. И.С.Бурнайкин кеместэ топавты патриотической тевенть. Эсь ярмак лангс ардтни масторонь келес, вешни сеть солдаттнэнь калмост, кить маштовсть Ине войнасонть.

– Советской Союзонь Геройденть Михаил Девятаевде сермадозь ламо. 2007 иестэ лиссь «Михаил Девятаев» книга. Сон алтавсь Героенть чачома чистэнзэ 90 иетненень. МР-нь Центральной Государственной архивсэ ульнесь книгадонть покш кортамо, теезель выставка, конань экспонаттнэ косояк икеле эзть невтневе. Невтезель «Догнать и уничтожить» фильмась. Сонзэ эйсэ героесь евтни, ськамонзо, келя, самолетось тензэ а салаволь, коштс аволь кепедеве, сонензэ лездасть вейксэ ялганзо. Ды мон карминь неть ломантнеде материалонь пурнамо, – евтни И.С.Бурнайкин. – «Михаил Девятаев» книгань 108-це лопасонть улить секретной документтнэ: 311-це стрелковой дивизиянть аштема таркас немецень «Хейнкель-111» самолетонть валгомадо ды 10 ломаньстэ экипаждонть справкат. Те лопань копиянть кучия Гомелень ды Волгоградонь областень военкоматов энялдома марто: муемс Немченконь ды Соколовонь родняст-раськест. Весе стяко. Весемезэ Белоруссияв сермалинь комсешкаксть. Меельце пелев сермат кучинь Беларусь Республикань Президентэнтень А.Г.Лукашенконь лемс.

– Шкань ютазь сась тень куля Волгоградсто тосонь поисковой группань прявтонть Иван Дьяковонь пельде, – полады Иван Степанович. – Сон пачтясь: «Соколов Владимир Константинович чачсь 1921 иестэ Вологдань областьсэ, 397-це стрелковой дивизиянь рядовой, чавовсь 1945 иень апрелень 16-це чистэ. Уловозо ваясь Одер лейс».

Эсь мельтнеде-арсематнеде И.С.Бурнайкин пачтясь Мемориалонь музеень директоронтень Н.А.Кручинкиннэнь. Масторонь Оборонань министерствань Центральной архивень даннойтнень ютксо, Интернетэнть вельде Николай Андреевич муинзе М.П.Девятаевень лия кото ялгатнень уцяскаст. Весе сынь служасть 447-це стрелковой полксо, ды котонест чавовсть. И.С.Бурнайкин тейсь весементь, штобу геройтнень чачома таркасо панжомс мемориальной лаз.

Важодемань перть И.С. Бурнайкин кинень ансяк эзь лезда эсь малавиксэнь вешнемасо. Та-кода минек ре дакцияс совась Иван Степанович Бурнайкин. Минек корреспондентэсь Николай Евдокимов пшкадсь лездамодо. Покштям, келя, Константин Степанович Евдокимов чачсь 1900 иестэ Отяжелень райононь Андреевка велесэ. Ульнесть тензэ 34 иеть. Армияв саизь. Ды шкань ютазь овсе емась. Меельце сермазо ульнесь Саратовань областень Анисовка станциясто. Тестэ, келя, сайсамизь Сталинградов воевамо. Ды теде мейле сонзэ пельде кодаткак сермат эзть сакшно. Церазо Михаил Константинович аволь весть пшкалесь республикань ды райононь военкоматтнэс.

Шкань ютазь Иван Степанович пачтясь Н.М.Евдокимовнень кенярдовтыця куля:

– Николай Михайлович, мон эдь муия тонь покштянть меельце эрямонь кинзэ. Сон маштовсь Сталинград ошонть идеманзо кисэ. Ды калмазьгак теке ошсонть, Олячинь площадьсэ.

Те кулянть марямодо мейле Николаень тетязо, Михаил Константинович Евдокимов, куш тензэ малав кавксоньгемень иеть, арси молеме тетянзо калмолангов.

…Ванан лиясто И.С.Бурнайкинэнь лангс ды дивсян: зняро эйсэнзэ вий! Алкукс истятнэде кортыть: а соды оймамо. Мерят, тензэ аволь сизьгемень вете иеть, а колоньгемень вете. Оймезэ панжозь весенень. Мизолдозеви каршот ды весе берянь мельтне-арсематне айгить седейстэнть.

Иван Степанович, ульть свал истямокс! «Эрзянь правда» газетань теицятне евтыть Иван Степанович Бурнайкиннэнь седейшкавань поздоровт чачома чинзэ кувалма ды арсить тензэ кеме шумбрачи, кувака эрямо, важодемасонзо од изнявкст.

Петр Зиновьев

 

Новости

В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...
 
В Лямбирском районе поздравили старейшего члена Партии Николая Парамонова
 
Сегодня старейшему члену Партии «Единая Россия», жителю Лямбирского района Николаю
Андреевичу Парамонову исполнилось 88 лет. В Лямбирском местном отделении Партии
собрались гости, чтобы поздравить партийца с праздником.
Первый заместитель руководителя Мордовского регионального исполнительного комитета
Партии «Единая Россия» Евгений Миронов горячо поздравил Николая Андреевича и вручил
партийцу памятный подарок.


В этот день прозвучали поздравления в адрес Николая Парамонова от Секретаря Лямбирского
местного отделения – Александра Сесорова, члена республиканского политического совета –
Татьяны Терентьевой.
Подробнее ...
 
В Саранске проходит акция «Теплые окна»


Акция организована Региональным отделением «Единой
России» и активистами Молодой Гвардии. Она проходит
ежегодно в рамках месячники пожилых людей.
С начала октября представители молодежного крыла Партии
посетили более 10 адресов, утеплили окна, провели уборку. 90
летняя Аза Мельник живет в частном доме, она была очень рада
молодым активистам и общению с ними. Более 50 лет Аза
Кузьминична отдала преподавательской работе в Мордовском
государственном университете. Ребята вымыли окна, убрались в
доме и в саду, получив удовольствие от проделанной работы.


Подробнее ...
 
Единороссы на дискуссионной площадке обсудили реформирование лесного хозяйства
На очередном
заседании Региональной дискуссионной площадки
Всероссийской политической Партии «Единая Россия» 3 октября
единороссы обсудили вопрос «Реформирования лесного хозяйства и
создания эффективной системы борьбы с лесными пожарами».
Первый заместитель Руководителя Регионального исполнительного комитета
Партии Евгений Миронов рассказал собравшимся, что предложение
пересмотреть нормативные правовые акты в сфере тушения пожаров в
регионах, в том числе по зонам контроля, прозвучало от Председателя
Партии, Председателя Правительства Дмитрия Медведева на совещании по
ситуации с лесными пожарами в Сибирском Федеральном округе и Партия
«ЕДИНАЯ РОССИЯ» поддержала данное решение.
Подробнее ...