Рубрикатор

Литературная страница Сонзэ лемесь а стувтови
Сонзэ лемесь а стувтови

2018 иень ноябрянь 21-це чистэ СССР-нь Журналистэнь союзонь членэнтень, «Эрзянь правда» республикань газетань партийной эрямонь отделэнь икелень прявтонтень Н.М.Симдяновнень топодевельть 100 иеть.
Николай Михайлович чачсь Чаунзань райононь Чаунза велесэ. Сонзэ эрямо кизэ а шождатнестэль. 1936 иестэ Н.М.Симдяновонь тердизь Саранскоев «Пионерэнь вайгель» журналов. Тетязо-авазо рамасть тензэ сукнань котат, ды сон чугункань кияванть ялго сыргась Саранскоев. Котатнень а калавтомга сон мольсь кепе.

– «Пионерэнь вайгель» журналсонть кеме ялгакс теевинек Павел Любаев (мейле карми Мордовиянь заслуженной поэтэкс) марто, – эсь шкасто ледстнесь Николай Михайлович. – Павел Любаев марто якинек Саранск ошонь ульцятнева, ловнынек эсь стихотворениянок, лия сёрмадовксонок. Те ояксчинть ванстынек эрямонь перть.
Н.М.Симдянов марто теевинек содавиксэкс 1978 иестэ. Мордовской университетсэ тонавтнемстэ производственной практикань ютамо сакшнынь «Эрзянь правда» газетав. Тесэ теинь национальной журналистикантень васенце эскелькстнэнь. Сестэ газетасонть важодсть республикань келес содавикс журналисттнэ Н.М.Симдянов, В.И.Демин, Н.И.Ишуткин, В.Д.Ганчин, Т.М.Ковалева, Н.Ф.Майоров, Е.Н. Госткин, А.Т.Фадейкин ды лиятне. Сынь аволь ансяк тонавтсть тиринь кельсэ сёрмадомо, истя жо домкасто ванкшность эрзянь писательтнень Кузьма Абрамовонь, Пётр Кирилловонь, Александр Мартыновонь, Тимофей Раптановонь, Александр Щегловонь, Василий Коломасовонь ды лиятнень произведенияст.
1982 иестэ, зярдо сынь Уральской университетэнь журналистикань факультетэнть прядомадо мейле, карминь содамо: Н.М.Симдянов 1937-1941 иетнестэ тонавтнесь Ленинградонь В.В.Воровский лемсэ журналистикань коммунистической институтсо. 1949 иестэ прядызе марксизмань-ленинизмань чокшнень университетэнть, 1945 иестэ саезь 1961 иес важодсь специальной корреспондентэкс Военно-воздушной армиянь газетасо. Служась военной корреспондентэкс Германиясо, Забайкальясо, Дальней Востоксо, зярдо тосо армиянь командующеекс ульнесь минек ёнкссо чачозесь генералось А.М.Пуркаев.
– Содылить-арась, што Пуркаев – эрзя? – кода-бути кевкстия Николай Михайловичень.
– Арась, – нурькинестэ отвечась сон.
Н.М.Симдянов запасос лиссь майоронь званиясо, ушодсь важодеме «Эрзянь правда» газетасо партийной эрямонь отделэнь прявтокс. Сон сёрмадсь эрьва киде, эрьва мезде ды, нама, седе, кода эрямос совавтовить КПСС-нь решениятне, постановлениятне. Статьянзо ловновицяльть. Сынь сёрмадозельть оймень путозь, нолдазь седеень пачк. Николай Михайлович кортыль: «Материалось сестэ удалы, зярдо сон юты седеенть пачк».
Ледстневи Н.М.Симдяновонь материалось, кона сёрмадозель Пуркаев генералонть чачома чинзэ тешкстамонь мероприятиястонть. Сон ютавтозель республикань военной комиссариатонть ушодксонзо коряс. Вастовомантень, келя, пурнавкшность Пуркаева (Налитова) велень весе эрицятне. Мероприятиянтень сакшнось партиянь Дубёнкань райкомонь васенце секретареськак, кона домкасто ёвтнизе генералонть эрямонь кинзэ.
Материалсонть шназельть Пуркаева велень аволь ансяк библиотекасо-косо важодицятне, истя жо райвоенкоматонь важодицятнеяк, сетне, кить пек участвовасть мероприятиянть анокстамосо.
Н.М.Симдянов покш мель явсь патриотической темантень. Арасель газетань истямо номер, косо бу аволь уле Ине Отечественной войнань участникте материал. Панжозель-теезель башка рубрика.
Н.М.Симдянов нучк-пачк ютынзе аволь ансяк минек республикань велетнень, истя жо вастневсь сеть эрзятнень ды мокшотнень марто, конат эрить республикань томбале. Сон ломантнень марто свал мукшнось кель-вал.
– Николай Михайлович сёрмадсь пек талновтыця темас ды маштозь, – эсь шкасто кортась «Эрзянь правда» газетань ответственной секретаресь Е.Н.Госткин. – Эрьва материалсо ульнесть снимкат, конатнень тейнесь сонсь. Сеедьстэ сёрмалесь очеркть ды статьят военно-патриотической ды морально-нравственной темас.
Течияк талновтыцят сонзэ статьянзо. «Кадозь веле», «Афганецтнэнень савкшны воевамс нейгак», «Керамсуркасто – Берлинэв» ды лия материалтнэнь кисэ Н.М.Симдяновнень максозь МАССР-нь Государственной премия.
Н.М.Симдяновдо ёвтнемстэ кода а тешкстамс сонзэ обуцясо оно мезенть: вечкиль пеедькшнеме-згилямо сетнень лангсо, кить а вечкить, а содыть пеедькшнема. Республикань содавикс писательтне, журналисттнэ ёвтнесть истямо тев. Редакциянь кабинетсэ карадо-каршо озадот Николай Симдянов ды Григорий Агейкин. Друк сови писателесь, Московсо эрицясь Артур Моро. Симдянов ды Агейкин апак пейде кортыть: «Кодамо-бути скал сявордызе телебашнянть». Сынсь прянь нолдазь сёрмадыть. Тень марязь, Артур Моро цопадизе картузонзо ды чиезь телебашнянть ваномо. Зярыя шкань ютазь ёртозь ёртовсь Симдяновонь кабинетс ды ёртсь: «Тынь сволочтадо!»
Тешкстасынек, писателенть Артур Моронь «сволочь» валось ульнесь вечкевикс. Секс ялганзо уш а кежиявтыльтькак лангозонзо.
Ды эште вейкеде. Ушосонть кизэ. Симдяновонь кабинетс, косо истя жо озадоль Андрей Брыжинский (мейле сон карми филологиянь наукань докторокс, профессорокс), совась цёраломань. Сон сась Кочкуровасто. Вешни Андрей Брыжинскоень (Андрей се шкастонть арасель). Симдянов мери: «Сайсь койме, тусь лато прясто ловонь ёртомо». Тона сеске тов, лато пряв. Совась мекев кабинетс пуль потсо. Симдянов пейдезевсь.
А мезть сёпомс, Николай Михайловичень манямкатнес монгак эль эзинь понго. Кортамось тусь ракшатнеде, тувотнеде, велень эрямодо.
– Содат мезе, – монень Николай Михайлович корты, – эрян нилеце этажсо, эсь балконсо кирдян тувот! Сынст пижнематнес тонадсть шабрангак.
Мон сеске меревинь – пандя! Ансяк теде мейле Николай Михайлович оймиль. Кой-кить кемильть!
Н.М.Симдянов ламо иеть топавтсь газетань партийной организациянь секретарень тевтнень. Ютавтнесь партийной, отчётонь-кочкамонь собраният, эсь рядтнэс примась зярыя ломанть, конат важодсть ды важодить республикань экономиканть кемекстамосо.
Паро валсо Николай Михайловичень ледстни «Эрзянь правда» газетань прявт редакторонь икелень полавтыцясь П.Н.Калигин: «Газетасо важодеманть ушодыя партийной эрямонь отделсэ, конань прявтсо ульнесь Николай Михайлович Симдянов. Сон тонавтымим дисциплинантень, кода саемс материал те эли тона ломаненть пельде».
– Николай Михайловичень содылия парсте, – ёвтни «Мокшень правда» газетань прявт редакторось И.С.Лушкин. – Икеле монгак топавтынь партийной эрямонь отделэнь прявтонь тевтнень. Вейсэ якинек культурно-массовой мероприятиятнес, партийной собраниятнес, лияс козонь. Сонзэ пельде тонавтнинь ломань марто кортамонтень, республикасо эрямонть келейстэ невтемантень.
– Ломанесь пек вадряль, – полады Иван Степанович. – Сёрмадсь мезеньгак апак сёпо. Лангс ливтсь сетнень, кить важодсть мельде-валдо. Видькстан, течи истятнэде пек аламо.
Нейгак мельсэнь аштить Николай Михайловичень превспутоманзо: «Петя, сыргат тиринь велев, тетять-авать туртов рамак пельлитра, печеният, пряникть. Сы шка, теть ардомс ули а ков».
Истя лисськак. Ней тиринь велев ардтнян иезэнзэ кавксть-колмоксть. Ансяк калмолангов, тетянь-авань лемест кундамо.
Тешкстасынек, 1971 иестэ Н.М.Симдяновнень максозь «МАССР-нь культурань заслуженной роботник» почётонь лемесь. Фронтовой ды трудовой заслугатнень кисэ Николай Михайлович казезь Якстере Тештень кавто орденсэ. Сон кулось 1998 иень августонь 11-це чистэ. Калмазь Саранскойсэ.
… Николай Михайлович Симдянов умок уш арась ютксонок. Ансяк ланганзо валдо ледстнематне нейгак эрить.

Пётр Зиновьев


20.11.2018

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...