Рубрикатор

Ялгадо вал...

Неть читнестэ Московсто сась апаро куля: кулось «Эрзянь правда» республикань газетань  аволь штатной корреспондентэсь, дипломатось, журналистэсь-международникесь Алексей Лукьянович Лежиков. Сон ульнесь алкуксонь эрзякс, раськень алкуксонь патриотокс. Минек масторонь томбале эрямстояк Алексей Лукьянович кеме сюлмот кирдсь тиринь газетанть марто. Сермалесь мизолкст, омбо масторсо эрямсто а стувтовикс тевтнеде. Кучнесь ламо фотографият. Вейкесэнть А.Л.Лежиков укшны иневедьсэ ды ловны «Эрзянь правда» газетанть.



А стувтови вана мезесь. «Эрзянь правда» ды «Мокшень правда» республикань газетатненень эрявсь конев. Тень коряс козонь ансяк эзинек пшкале. Мордовиясо косояк арасель. Пшкадинек А.Л.Лежиковнень. Зярыя чинь ютазь сон «Москва – Саранск» поездэнь проводницатнень вельде кучсь тенек эрявикс конев.

А.Л.Лежиков ламоксть вастневсь «Эрзянь правда» газетань теицятнень марто. Нейгак мельсэнек ашти се чись, зярдо Алексей Лукьянович сакшнось минек редакцияв. Ульнесь кизэ. Пек псиль. Кавксоце этажос совась Алексей Лукьянович. Шортасоль. Ансяк сась Московонь поездстэ. Сестэ мартонзо кувать кортнинек. Эрьва мезде: тиринь келентень мелень явомадо, пертьпельксэнь мазычитнеде, эрзятнень кезэрень койтнеде-кирдатнеде... Ды, нама, кадсь ламо материалт.

«Эрзянь правда» газетань редакциясто А.Л.Лежиковонь кизэ прась эйкакшпорань ёнксов. Сон чачсь 1941 иень чадыковонь 14-це чистэ Московонь областень Люберцы ошсо робочеень семиясо. Эйкакш поразо ютась Пенза ёнксонь Шемышейка буень Ермеев велесэ.

1958-1960 иетнестэ важодсь слесарекс Люберцы ошонь заводсо. Служась Советской армиясо (1960-1963). Прядызе СССР-нь МИД-нь международной отношениянь Московонь государственной институтонь (МГИМО-нь) восточной отделениянть (1969 ие). Важодсь дипломатокс Турциясо, Ливиясо, Болгариясо.

А.Л.Лежиков ламо сермадсь евтнемат, евкст, пеедькшнемат. Сынь печатавсть аволь ансяк «Эрзянь правда» газетасо, истя жо «Сятко», «Чилисема» журналтнэсэ. 1991 иестэ Мордовиянь книгань издательствасо нолдазель «Каргонь ки» эйкакштненень алтазь евтнемань пусмозо.

А.Л.Лежиковдо валдо ледстнематне минек седейсэ кармить эрямо пингеде-пингес.

«Эрзянь правда» газетань теицятне

 

 

Новости

Интеллектуалонь кубокось – Саранскойсэ

Тедеде «Раськетнень ояксчи» интеллектуалонь налксематнень коряс нациятнень од ломанень кубокось ютавтови Саранскойсэ. Эйсэнзэ ёрокчист ды содамочист невтеме кармить СНГ-нь ды маласо зарубежьянь мастортнэстэ командатне.

Подробнее ...
 
Анокстыть кором

Мордовия Республикась полады велень хозяйствань продукциянь ламолгавтоманть. Оперативной информациянть коряс 2017 иень васенце пель иестэнть велень хозяйствань предприятиятне ды крестьянонь-фермерэнь хозяйстватне мисть 180 тежат тоннат ловсо, эрьва скалсто потявтозь 3000 килограммат ловсо. Ули кором – карми ловсояк.

Подробнее ...
 
ВГИК-ень Киношколась - Саранскойсэ

Июлень 3-це чистэ Саранскойсэ панжовсь Весероссиянь кинематографиянь государственной институтонь Раськеютконь кизэнь IX-це школась. Сон карми ютамо июлень 21-це чинть самс. Мордовияв састь эсенек ды омбо масторонь ушодыця кинематографисттнэ. Те – од  режиссёрт, кинооператорт, сценаристт, звукорежиссёрт, продюсерт. Колмо недлянь перть сынь содавтовить минек культуранть, койтнень-кирдатнень марто ды, нама, теить фильмат. Теде башка, участниктнень туртов ютыть семинарт ды практической занятият: кода снимамс документальной ды анимационной фильматнень. Сынст марто кармить важодеме содавикс педагогтне, режиссёртнэ, продюсертнэ.

Подробнее ...
 
Садо тонавтнеме!

Неень шкантень Мордовиянь университетэнь примамонь комиссияс тонавтнемань весе форматнес каязь 2000 ламо яволявтомат. Ламотнень ули мелест тонавтнемс бакалавриатонь ды специалитетэнь программатнесэ; магистратурав сыцятнень примамонь комиссиясь учи дипломтнень получамодо мейле.

Подробнее ...
 
Экшелямо таркат

Республикань эйкакшонь 17 лагертнесэ идицятне анокстыть таркат экшелямонть туртов. Кода пачтясть Мордовия Республикава РФ-нь МЧС-нь ГУ-со, профилактикань мероприятият ютавтовить весе неть учреждениятнесэ, сень лангс апак вано, што экшелямонь шкась экше кизэнть кувалма кирдеви.

Подробнее ...