Рубрикатор

Литературная страница Творчестванзо алтызе раськензэ туртов
Творчестванзо алтызе раськензэ туртов

Ефимия Петровна Кривошеева – содавикс народной ёвксонь ёвтниця – тейсь покш путовкс эрзя-мокшонь раськень устно-поэтической шкинеманть виевгавтомантень. Сон аволь ансяк вадрясто содылизе революциядо икелень фольклоронть, истя жо сонсь ладсесь фольклоронь од произведеният.

Е.П.Кривошеева (тейтерькс Адамова) чачсь 1867 иень июнень 1-це чистэ Саратовань губерниянь Петровской уездэнь Пылковской волостень Тарасовка велесэ (ней Пензань областень Камешкирской район) сокицянь-видицянь семиясо. Одсто лововсь моронь мазыйстэ морыцякс, седе покшосто – фольклоронь вадрясто содыцякс ды ёвтницякс. Те аванть уцясказо аволь шождатнестэль. Савсь ламо важодемс.

Октябрянь революциядонть икеле Ефимия Петровна колоньгемень иень перть морась аволь обрядонь морот, свадьбань ды калмамонь лайшемат. Ламотнень мельганзо сёрмадынзе цёразо Илья Петрович Кривошеев. Е.П.Кривошеева маштсь вейсэндямс фольклоронь койтнень художественной од лувтнень марто. Сонзэ сехте вадря произведениянзо совасть «Лайшемат ды морот» (1937), «Голос матери» (1940), «Авань вайгель» (1950), «Тынь кунсолодо, тиринь тякан монь» (1968) пусмотнес. Сынь истя жо максовсть «Правда», «Известия» газетатнень, ламот журналтнэнь лопатнесэ, рузонь фольклоронь пусмотнесэ.

Е.П.Кривошеева фольклоронь лайшематнень лангс нежедезь арсесь од смусть, художественной образ марто урнемат. Вейкесь эйстэст – «Плач о Кирове», сон эштё содавикс «Как мне горе мое выплакать?» лементь ало, сонзэ содасызь омбо мастортнэсэяк. Ефимия Петровна пек вадрясто содылинзе свадьбань койтнень, маштсь урнеме кода одирьванть, истя жо аванзо пельде.

Кривошеевань шкинемань эштё вейке ёнксокс кармасть гражданской ёвтнематне («Вайх, а удован», «Эсь эрямодон» ды лият).

Е.П.Кривошеевань репертуаронтень совасть народной ламо морот. Эйсэст ёвтневи кода од церась вешни одирьва, веёндонь вечкемадо, икелепелев содыця лишмеденть, конась кулы ломанень кежденть ды лиядо. Башка таркасо ашти «Грешной Ульяна» свадьбань эрзянь кезэрень морось.

Ефимия Петровна Кривошеевань поэтической наследиязо пек домка ды алкуксокс невтсь се шкань эрямонть. Сонзэ шкинемазо сюлмавозь тиринь раськенть эрямонзо марто.

Е.П.Кривошеева кулось 1936 иень июнень 24-це чистэ. Калмазь Саранскойсэ.

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...