Рубрикатор

Литературная страница А стувтовить те шкас…
А стувтовить те шкас…

 

Монь кондятнэнь од пораст ютась Ине Отечественной войнадонть мейле. Содазь, кодамо ульнесь те шкась: а лангс оршамс, а пекс каямс. Нуласо-валасо, карьсэ яксилинек школавгак. Ярмакт сестэ  эзинек  некшне, аволь кода неень эйкакштнень, свал улить зепесэст мезеньгак рамамс. Сестэяк куш косто эрявсь муемс зярыя чондат, бути клубонь кенкшсэнть тешкстазь: «Течи кинофильма «Чапаев». Сеске кивчкадиль пряпотсот кевкстема: «Косто саемс  ярмашкат?» Паро, бути кизна невтьсызь фильманть. Пизэстэ кавтошка алт каподят ды лавкав… Тосо кисэст максыльть ярмакт. Те фильманть яла колмоксть-нилексть невтилизь ковозонзо. Зярдо клубось арасель, кинофильматнень невтилизь Пилесевань школасонть. Кинь ярмаконзо арасельть, кекшильть каськас. Ансяк ушодовиль – «болдорк» лисить тосто. Вана истямо ульнесь бажамонок фильмань ваномантень. Нама, тедеяк ламо аштесь: сестэ арасельть телевизорт.

Кодамо кинофильма карми невтевеме сыця ковстонть, теде уш икелев пачтильть. Весть 50-це иетнень кизна невтизь «Тарзан» трофеянь фильманть. Аволь ансяк эйкакштне, покштнеяк, атянь пес якасть ваномонзо. Эйкакштнень мельс истя тусь, омбоце чистэнть кармасть главной героенть Тарзанонь ды Читань вирьсэ эрямонь коест невтнеме. Каль прясто обезьганонь вайгельсэ пижнезь-сеерезь кирнявтнесть пикс вельде. Цёрынетнестэ кой-конатне кедест-пильгест томбакшнызь-синдтрекшнизь...

Весть истя жо тельня киномеханикесь Тураев Алексей Козловкасто усксь кинолента «Лисы Аляски». Те фильмась немецень, косо невтневить минек СССР-нь флотонь ведь алга укшныця венчтне ды Американь летчиктне. Фильмасонть –  Аляскань пертьпельксэсь. Истямо мазычи: ашо овтт якить ловонь пандотнева, пингвинт, моржт веденть чирева. Валсо а сермадовить, эряви неемс весе тень. Седе мейле истямо вадря фильма эзинь некшне.

Нама, «Чапаев» фильмась сехте пек тукшнось мелезэнек, совась ойме потмозонок. Се шкастонть а содылинек седе, Чапай – эрзя, сестэ седеяк вечкевель. Фильманть ваномадо мейле свал тейнилинек налксемат. Эйзэст вейсэндявильть тейтерькатнеяк. Кортылинек Василий Ивановичень, Петькань, Анкань ды лиятнень валсо... (Чапаев косто-бути сась ушманонь отрядтнэнь ванкшномсто. Ваны: икелензэ аштить  кутмордазь Петька ды Анка. «Эх, кодат тынь уцяскавт кавоненк! Вана ашотнень пансесынек ды велявттадо кудов – урьваксттадо! Кармить улеме эйкакшонк. Мода сайтядо зяро эряви тенк. Эрядо – моразь!»

– Истя илязо лисе, Василий Иваныч? – стясь икелензэ Петька. – Ашотнень изнясынек, кодаткак  раужот эртятыть! Сетнень марто мезе теемс?

– Петька, Петька, иляк стувто пулеметонть! Сетненьгак нардасынек! – серьгедсь комдивесь ды ёматотсь икельдест.)

Гражданской войнань геройденть В.И.Чапаевде ламо складязь морот, легендат, анекдотт.  Кубань эрицятне сехте пек вечксызь «Чапаев» кинофильманть. Сонзэ образонть ловить эсест героекс. Ды лия мастортнэсэяк нейгак эште невтнить те фильманть.

Пек парсте невтезь кинофильмасонть, кода тюрсь эрзянь цёрась народонь олячинть кисэ Гражданской войнасонть. Ансяк фильманть песь а евтавияк, кодамо кажов, сельведев.

Кода истя лиссь ильведевксэсь, конань нолдызь 25-це дивизиянь штабонь прявттнэ. Абищенск ошонтень усксезельть снарядт, конатнень виест сезевемстэ ульнесь атомной бомбань. Весе те шалтось марявсь зярыя вайгельпеть. Нама, ашотненень те апаро тевенть топавтомс лездась се, кинь мельс эзь тукшно В.И.Чапаев. Теде   Фурманов писателесь ды режиссертнэ Васильевтне таго-мекс чатьмонсть эсь шедеврасост. Филологиянь наукань кандидатось В.Владимиров сёрмадсь: «В.И.Чапаев колоньгемень иесэ ульнесь алкуксонь ушманонь прявтокс. Сон – ниле крестонь Георгиевской кавалер, Фрунзеде ды Тухачевскойде икеле кармась содамо седе, бойтнесэ изни техникась ды васенце классонь». Истя сон тюрськак ашотнень каршо. Но кода тосо илязо уле, эрзянь цёрась В.И.Чапаев раськенть мельс кадовсь истямокс, кодамокс сон невтезь кинофильмасонть ды сермадозь книгасонть.

М.Маторкин

 

Новости

Конституциясь – прявт закон

Исяк, декабрянь 12-це чистэ, тешкставсь Россиянь Федерациянь Конституциянь чись – минек масторонь государственной прявт кенярксчитнестэ вейкесь.

1993 иень те чистэнть минек масторсо кемекстазель РФ-нь Конституциясь. Весе текстэсь максозель «Российская газета» изданиясонть 1993 иень декабрянь 25-це чистэ. 1994 иестэ, Россиянь Президентэнть Указонзо коряс, декабрянь 12-це чись ёвтазель государственной кенярксчикс. Зярыя иень перть те чись ульнесь официальной оймсема чикс. Ансяк 2004 иень декабрясто Госдумась совавтсь полавтомат РФ-нь Трудонь кодексэнтень. Оймсема чись полавтовсь, а сонсь кенярксчись кандозь Россиянь ледстнемань читнень юткс.

Подробнее ...
 
Косто рамамс куз?

Декабрянь 15-це чистэнть республикасонть панжовить кузтнэнь ды пичетнень микшнемань базартнэ. Саранскойсэ тень туртов кемекстасть 22 площадкат (микшнема таркатнеде жо весемезэ 77).

Подробнее ...
 
Краснослободскойсэ – од прявт

Ноябрянь 29-це чистэ Краснослободскоень муниципальной районсо ютась Депутатонь райононь советэнь 13-це  сессиясь. Мордовиянь Прявтонть В.Д.Волковонь кармавтоманзо коряс сессиянть роботасо примась участия Мордовиянь Правительствань Председателесь В.Ф.Сушков. Чинь повесткасонть ульнесь вейке кевкстема: райононь од прявтонть кочкамось.

Подробнее ...
 
Фан-зона

Саранскойсэ Футболонь коряс масторлангонь чемпионатонть ютавтомсто прявт ошонь куншкакуросо карми улеме фан-зона.

Подробнее ...
 
Кочкадо сехте мазый район

Саранскойсэ ютавтови онлайн-вайгелень максома, сонзэ вельде редяви, ошонь кона районось весемеде мазыйстэ наряжазь Од иень кенярксчитнес. Теде пачтясть ошонь Администрациясто.

Подробнее ...