Рубрикатор

Литературная страница «ЛАВГИНОВОСЬ» МИНЕК ЭРЯМОСО
«ЛАВГИНОВОСЬ» МИНЕК ЭРЯМОСО

 

Те пек эрявикс ды вадря произведениянть сёрмадызе эрзянь содавикс писателесь Василий  Максимович Коломасов. Сон чачсь 1909 иестэ Покш Березникень Эрзянь Найман велесэ. Эйкакш порасто кундась тонавтнеме велень артельсэнть чувтосто строямонь, витемань-петемань тевтнес. Ды сон, весе тень парсте содазь, туекшнесь масторонь од стройкатнес важодеме. Сисем иень перть ютынзе Уралонь, Сибирень ды масторонь якшамо таркатнень. 1933 иестэ велявтсь тиринь велев ды сеске кучозель тонавтнеме партийной школав.

Тонавтнемадо мейле важодсь «Сятко» журналсо, «Эрзянь коммуна» газетасонть ды редакторокс книгань издательствасо. Шкань апак таргсе кундась «Лавгинов» романонть сёрмадомо, конань прядызе 1940 иестэнть. 1941-1943 иетнестэ тюрсь фашисттнэнь каршо. Кода войнань ветеран, Василий Максимович казезь Якстере Знамянь орденсэ ды зярыя медальсэ. Романось книгань издательствасо нолдазель войнадо икелень иестэнть. Омбоцеде лиссь 1956 иестэ. Сон тия-тува витнезель одс ды пштилгавтозель шканть коряс.

Те произведениясь совавтозель республикань школатнесэ тонавтомань программантень. Мон нейгак а стувтса, кода минь ловнылинек сонзэ, аволь ансяк эрзянь литературань уроктнесэ, истя жо кудосояк. Средней школась ульнесь Козловкасо. Тонавтницятнеде ламольть, натой кавто сменасо тонавтсть. Эрзянь келень ды литературань тонавтыцясь П.Г.Прошкин покш мель явиль келенть содамонтень, тонавтомантень. Романось сонзэ уроктнесэ эрсекшнесь, кода кортыть, «столь лангонь книгакс». Эрьванть кармавтылизе ловномо ды мейле ёвтневтилизе сёрмадозенть. Мекс сон пек вечкевкшнесь? Чарькодевиця кельсэ сёрмадозель ды истя, прок арсят, тевтне-валтнэ молить эсеть кудосо. Улема, писателесь пек парсте содылизе эрямонть, видестэ невтинзе эрзянь семиясо-кудосо се  шкань койтнень-кирдатнень. Сехте пек, эряви меремс, мирденть-нинть Яхимень ды Настань  вейсэнь эрямост. Кода сынь сёвныть, мейле  ладить...

Романсонть невтезь, кода Наста потявты сеянть, Яхим кирди сюродо ды пеедькшни: «Ловцов минек сеясь, эряви сонзэ колхозов...» Ютазь пингень 20-це иеть. Найман велесэнть невтеви коллективизациясь. Весе снартыть кепедемс велень хозяйстванть. Яхим Лавгинов а чарькоди, мезе тееви велесэнть. Вешни шожда эрямо, тевть. Колхозонь прявтонть Карцягин марто ушоды лавгамо  лия тевде. Видьстэ меремс, Лавгинов – се шкань «герой», ансяк сон ашти коллективенть эйстэ веёно. Пряпотсонзо кенгелемат, прянь кайсемат, нузяксчи. Наста низэ трудонь вечкиця. Мирдесь алтни лиякстомомс обуцянь коряс, таргси шканть. Те романось пек лади эрьва кодамо шкантень. Невтемань иекс сайсынек неень эрямонть. Зярыя иеть мольсь перестройкась. Велетнесэ ламо яжазь, тапазь. Модась ламонь таркава кадозь. Лангсонзо касыть нартемкст, пиципалакст, куракшт. А зяро тозонь каязель назем хозяйстватнестэ, теезель раужо лемзерокс. Кой-косо максозель фермертнэнень, частниктненень. Чиновниктне лавгасть, келя, илядо пеле, трясамизь-андсамизь сынь, мезеяк эзь лисе. Ней лавкатнесэ эсенек модамарьгак арась. А эдь Фидель Кастро сонсь сакшнось Кубасто те ярсамопеленть кисэ. Ансяк Отяжелень районось андсь ськамонзо Средней Азиянь республикатнень. Кить чумотне? Нама, лавгиця чиновниктне. Сонсь Россиянь Президентэсь В.Путин зярыяксть кортакшнось: «Эряви эстенек кастомс велень хозяйствань  продуктат. А мезекс косто-бути аванькстнэнь ускомс...»

Ды те видеяк. Саемс умартнень. Косто ансяк арасть лавкань лавсятнень лангсо. Минек республикань эрьва велесэнть ульнесть садпиреть! Нейгак  кой-косо ванстовсть. Ялатеке кияк а пурны эйсэст. А кинень ды а козонь. Икеле эрьва районсонть строязельть ванстомань таркат, ламотне эйстэст каладсть. Кие таго чумось? Лисни, Коломасовонь Лавгиновось, конась ансяк лавги, а тев а теи.

Коломасовтне покш тешкс кадсть эрзянь литературантень. Неть – Василий Максимовичень цёразо, Николай Васильевич, содавикс журналистэсь, ды ялаксозо, Леонид Максимович, радиожурналистэсь, режиссёрось. Сынст творчестваст истя жо астувтовикст.

М.Маторкин,

 

писатель.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...