Рубрикатор

Домашнее хозяйство
РАКШАНЬ ОРМАТНЕНЬ ЭРЯВИ РЕДЯМС ШКАСТОНЗО

Прядовома лангсо 2014 иесь. Республикань промышленной ды  перерабатывающей предприятиянь, строительной организациянь, велень хозяйствань предприятиянь ды лия трудовой коллективтне ванкшныть эсь важодемаст: весе-аволь топавтозь аравтлувсонть тешкстазесь, мезе лангс покш мель явомс сы иестэнть. Видькстатано, республикань ламо предприятиятне иенть прядыть вадрясто. Арсезенть топавтызь. Кецявтыть агропромышленной комплекссэ важодицятнеяк. Велень трудий ломантне 1 миллиондо ламо тоннат сайсть сюро, таргасть малав 1 миллион тоннат ламбамо якстерькай. Парсте тевтне молить животноводствасояк. Меленде ламо скалсто потявтозь ловсо, миезь ракшань ды саразонь сывель. Теньсэ, нама, покш таликаст Мордовия Республикань ветеринаронь службань  специалисттнэньгак.

Подробнее...
 
Одксчинь ванстомань салавачить

Ламот эйстэнек арсить: кода ванстомс одксчинть? Улемс мазыекс ды одокс ламо иень перть? Кой-кить кемить питней косметикань процедуратненень, лиятне кекшить иест артоманть алов, парсте оршнить… Ансяк улить истят ават, конатнеде апак кавтолдо мерят, эйсэст шкась а токши! Истятнэнь ютксто вейкесь Саранскоень эрицясь Ирина Яковлевна Ларина. Мейсэ салавачизэ? Нама, аволь ризкстэме эрямосонть. Весе стакачитне ды мелявкстнэ, зяро пурнавсть эрямосонзо – сатовольть ламо ломаннень…

Подробнее...
 
Экзотикань фруктатнень лезэв ды зыянов ёнкстост

Экзотической фруктатне аламо кинь кадыть мельтеме. Эряви содамс, кода примасы те тантей фруктанть организмась? Эдь эрьванть улить эсензэ лезэв ды зыянов енксонзо.

Мода лангсо эрямонть Пазось уш икелев весе ладсизе, кода ломантнень, истя эриенть ютксо. Бути ломанесь эри пси енкссо, сонзэ туртов тосо касыть истят касовкст, конат экшелгавтыть веренть, теить сонзэ седе вецанакс. Истят касовкстнэ кастыть ярсамонь меленть, мезесь пси шкане сеедьстэ а моли. Бути ломанесь эри якшамо енкссо, тосонь касовкстнэ максыть седе ламо вий ды виевгавтыть верень якамонть организманть эждемга. Секс кедрань пешттне седе оевть фундуконть ды грецкойтнень коряс. Ков седе пелеве ено касы кедрась, тов сонзэ пештень оесь ловови седе лезэвекс.

Минек енкссо чуросто вастневиця эрьва кодат мазый фруктатне кенярдовтыть сельменть, а вана организмась кенярды-арась сынст эйс?

Эйкакшонь ярсамопельс экзотической фруктатне совавтовить аламонь-аламонь, колмо иестэ саезь. Колмо иес эйкакшонть андома ансяк теске кастозь эмежде ды фруктадо. А мереви эйкакшонть андомс сеске папайянь, маракуйянь ды карамболань салатто, эряви максомс мезеяк вейке ды аламошка. Аламонь-аламонь порциянть ламолгавтомс. Вейке фруктантень тонадовомадо мейле максома лия.

Авокадосонть кирдевить истят веществат, конат ванстыть курго потмонть, авань мештенть онкологической орматнеде, истя жо седеень ды сельмень орматнеде. Авокадось валгсты холестеринэнть, сон лезды максонть ормалгадомадо. Тевс нолдави эйкакштнень анемиядо лецямсто. Авокадосонть кирдевить ламо белок ды жирт, секс сон пек содавикс вегетарианецтнэнь ютксо. Авокадось энергетической питнейчинь коряс икельди сывеленть ды алтнэнь, сон совавтозь Гиннессэнь рекордонь Книгантень, кода масторлангсонть сехте лезэв фрукта.

А мереви ярсамс авокадодо сеть ломантненень, конатнень аллергия латексэнть лангс. Авокадонть потсо ловажинесь пек зыянов, сонзэ эйстэ мик морявкшныть, секс плодонть кавтов керямодо мейле сонзэ сеске ертома.

Подробнее...
 
Шка видемс баклажант

Эмеж-пирень шкась ушодови баклажанонь видьмекстнэнь росадас видемасто. Тень туртов сехте паро шкась – февралень 10-20-це читне. Видемадо икеле видьмекстнэнь эряви лопавтемс «Сахалинский» натриень гуматсо (седе вадрясто лисить видьмекстнэ ды лезды кемекстамс ундокстнэнь). Видемс сынст эряви аволь вейке ящикс, а башка кедьгева, невтемакс, 200 граммань пластикень стопкинева, мейле озавтомат седе покшос – 300-500 граммань. Кедьгенть пештема вадря, кавшаня модасо, видемань сэресь – 0,5 сантиметрат. Баклажанонь видьмекстнэ, лия эмежтнень коряс, вечкить лембе, лисемань шкасто температурась улезэ +22-+26 градуст. Валдо тенст васня овсе а эряви. Секс видемадо мейле сеске стопкинетнень путнемат вейке кедьгес ды вельтямат пленкасо. Путовить аволь вальма лангс, кудосо сехте лембе таркантень. Васенце лисевкстэнть мейле весе ящикесь путови валдо вальма лангс. Бути вальма лангось кельме, ящикенть алов путови лаз эли пенопласт.

Меельце иетнестэ те культурась седе содавиксэкс теевсь лецямонь ды танстень енксонзо коряс. Минек организманть сынь ванстыть верень-санонь склероздонть, максонь орматнеде, ливтить организмастонть а эрявикс холестеринэнть, теке шкастонть топавтыть эрьва кодамо витаминсэ ды минеральной веществасо организманть вешеманзо. Эсь пиресэ кастозь баклажантнэ паро азоравань кедьсэ теевить алкуксонь деликатесэкс. Сынь пек вадрят рестазьгак, тушазьгак ды консервировазьгак. Танстесткак теке аволь эмежень – паро пангонь, ды видьмекстнэдеяк потсост пек аламо. Содазь, Россиянь средней полосасо, седеяк пек пелеве ено, нурька кизэнть кувалма, аволь весе сорттнэ кенерить, ансяк рана кенерицятне, конатнень кувака вегетационной шкаст. Меельце шкастонть ливтезь пек ламо курок кенериця сортонь баклажант. Паро кизэстэнть истят сорттнэ кенерить аволь ансяк теплицасо ды парниксэ, истя жо пандя лангсояк, конань ансяк майстэ – июнень васенце пельксстэнть вельтяма пленкасо эли апак кода коцтсо.

 
Чувттнэнь ашолгавтыть тунда

Кода невти сад-пиретнень обследованиясь, умарень, грушань, вишнянь, черешнянь ды сливань чувттнэ сеедьстэ пиштить аволь истя якшамотнеде, кода чипаень пицевемадонть, мезенть сад-пирень азортнэ эли а редить, эли а явить тенень мель. Те берянь, эдь лавшо пицевкстнэдеяк пек лазнови кересь. Мейле ушоды чувтось наксадомо ды аламонь-аламонь истожави.

Вана мекс эряви белямс од, колмо-кавксо иесэ чувттнэнь. Ды тень теема аволь мазынзэ кис маень кенярксчитнестэ, зярдо белямось кодамояк лезэ а канды, а теленть прядовомсто, штобу чувтынетнень идемс чипаенть эйстэ. Самай те, сад-пиренть туртов зыянов шканть, сеедьстэ азортнэ менстякшныть. Мезе мейле тееви? Мартсто-апрельстэ обед шкане чись пек эждьсынзе од чувттнэнь (сыретнень седе эчке керест, истя а пелить), температурась пачколи мик +15 градусос, чинть валгомадо мейле жо температурась валги -10, -15 градусос. Рана тунда те эрси сеедьстэ, секс чувттнэнь кересь лазновкшны. Седе пек обед енов ваныця тарадтнэсэ. Те истя жо кода суликась ды фарфорось лазнови температуранть полавтнемадо. Ды бути те зыяндонть сынст шкастонзо а идесыть – чувттнэ коськить. Секс февральстэ чувттнэнь белямось канды покш лезэ. Кода жо тень теемс, зярдо якшамотнеяк эште виевть ды ловоськак карксамга? Нама тень туртов кочкама седе лембе чи. Васняяк эряви ванськавтомс ловонть аволь ансяк чувттнэнень молема кинть лангсто, истя жо штавтомат чувто алкстнэньгак, штобу белямс чувтонть модасто саезь эчке тарадтнэнь видьс. Ков седе сэрейстэ, тов седе вадря. Белямодо мейле чувттнэнь алксост таго эрявить вадрясто вельтямс «ловонь шубасо». Икеле побелканть тейнильть истямо: известь, севонь ды навоз. Ансяк сонзэ теемазо ламо шка саи. Седе паро рамамс анок, сон а питнейгак. Сехте вадрясь – «Специальная побелка ФАС», сон вадрясто педи чувтонтень ды кувать а певери.

 
<< Первая < Предыдущая 1 2 3 4 5 6 Следующая > Последняя >>

Страница 2 из 6

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...