Рубрикатор

Домашнее хозяйство
Псинть цидярдомань вете правилатне

Васенцекс. Седе ламо ведь

Пси шкастонть минек организмась емавты ламо летьке. Секс эряви шкастонзо топавтомс сонзэ запасонть. Теньсэ миненек лездыть симемапельтне. Сехте вадрясто явавты симеманть ванькс кельме ведесь эли аволь ламбамо пиже чаесь. Пек пси шкане эряви симемс 100-200 граммат кельме симемапель эрьва 40-50 минутань ютазь.

Теде башка, илядо отказа вецана ярсамопельдентькак – кельме окрошкась, гаспачось аволь ансяк экшелгавтыть, истя жо организманть топавтсызь эрявикс летькесэнть.

Диетологтнень мелест коряс, пси шкастонть минек столенть лангсо улест седе ламо вецана ярсамопельть.

А мереви ламо ведь симемс ломантненень, конатне сэредить седеень-санонь ормасо, гипертониясо, куялгадомасо ды кинь сэредить пичест.

Омбоцекс. Киртясынек калориятнень

Ученойтнень ловомаст коряс, пси шкастонть энергиядонть эряви 5% седе аламо, лисни кизна минек организмантень эряви седе аволь калорийной ярсамопель.

Стувтсынек куяв сывеленть, пачалксетнень ды оливьенть, седе покш мель явома эмежтненень, фруктатненень ды ловцонь продуктатненень. Те овсе а корты седе, што эряви допрок отказамс жиртнэде.

Подробнее...
 
Явавтынк симеманк позасо

Позанть, конась анокстазь розень ды шужонь солодсто, аволь ансяк тантей, истя жо вити организмасонть полавтневиця процесстнэнь. Организмантень кандовиця лезэсь малав истямо жо, кода кефирстэнть, режнезь ловцостонть, кумысстэнть ды ацидофилинстэнть. Позась, кода лия чапаськадыця симемапельтнеяк, лезды желудочно-кишечной трактонь роботантень, пири кинть зыянонь кандыця микробатненень, кепеди организмань тонусонть, паролгавты веществатнень полавтневеманть, истя жо кемексты седеень-санонь системанть. Истямо лезэвчизэ сень кувалма, эдь эйсэнзэ улить ловцонь кислота, витаминт, аминокислотат, эрьва кодат сахарт ды микроэлементт. Позась виевгавты ярсамонтень меленть, сонзэ покш энергетической питнейчизэ. А стяко позань теемань рецепттнэнень кармасть явомо мель Западной Европань ламот мастортнэсэ. Раськеютконь пелькстамосонть, конась умок ютакшнось Югославиясо, рузонь позантень максокшность 18 баллт, весенень содавикс кока-кола симемапелентень жо – ансяк 9,8 баллт.

Подробнее...
 
Позанть лезэвчизэ

Позанть, конась анокстазь розень ды шужонь солодсто, аволь ансяк тантей, истя жо вити организмасонть полавтневиця процесстнэнь. Организмантень кандовиця лезэсь малав истямо жо, кода кефирстэнть, режнезь ловцостонть, кумысстэнть ды ацидофилинстэнть. Позась, кода лия  чапаськадыця симемапельтнеяк, лезды желудочно-кишечной  трактонь роботантень, пири кинть зыянонь кандыця микробатненень,  кепеди организмань тонусонть, паролгавты веществатнень полавтневеманть, истя жо кемексты седеень-санонь системанть. Истямо лезэвчизэ сень кувалма, эдь эйсэнзэ улить ловцонь кислота, витаминт, аминокислотат, эрьва кодат сахарт ды микроэлементт. Позась виевгавты ярсамонтень меленть, сонзэ покш энергетической питнейчизэ. А стяко позань теемань рецепттнэнень кармасть явомо мель Западной Европань ламот мастортнэсэ. Раськеютконь  пелькстамосонть, конась умок ютакшнось Югославиясо, рузонь позантень максокшность 18 баллт, весенень содавикс кока-кола симемапелентень жо – ансяк 9,8 баллт.

Россиясо, кода кезэрень Русьсэнтькак, позантень свал явовсь ды явови покш мель. Икелень шкатнестэ сонзэ пидесть монастыртнесэ ды солдатонь казарматнесэ, госпитальтнесэ ды больницятнесэ, помещикень усадьбатнесэ ды сокицянь-видицянь кудотнесэ. Позань анокстамонь лувонть, кода кшинь панемансентькак, содылизь эрьва кудосо. Ламо пингень опытэсь невтизе, позась лезды ванстомс шумбрачинть ды кепедемс роботантень меленть-бажамонть. Стака важодемань топавтомсто – тикшень-мезень ледемстэ, пенгень керямсто-лазномсто ды лия тевстэ, – ломантне мартост свал сайнесть аволь ловцо, ды аволь фруктань симемапельть, а поза, лововсь, сон ютавтсы сиземанть ды велявтсынзе вийтнень. Истямо лезэвчинзэ кемекстызь ученойтнеяк. Спортсментнэнь ярсамопельтнес солодонь экстрактонть совавтомась макссь положительной эффект, седеяк пек, зярдо путови покш сталмо мышцатнень лангс. Секс солодонь экстрактонь симемапельтнень макснить спортсментнэнень физической роботоспособностест кепедемга, сиземадонть, мышцатнень кастомга. Бактериологтне, инфекционисттнэ ды врачтне-гигиенисттнэ кемевтить, келя, позасонть улить бактерицидной свойстват. Эште 1913 иестэ В.С.Сотников ученоесь кемекстызе панжовксонть – позасонть  кулыть тифозной ды паратифозной микроорганизматне. Сонзэ лезэвчизэ ды эрявиксчизэ седеяк касы эште секскак, што микроэлементтнэде башка позасонть улить 10 аминокислотат. Эйстэст кавксотне мезе лангскак а полавтовицят. Витаминтнэде эйсэнзэ аволь ламо, но бути сынь кармить само организмантень свал, сестэ положительной эффектэсь пек парсте карми марявомо.

   Кезэрень рецептэнь коряс позань анокстамось-пидемась – тевесь пек стака ды куватьшкань. Сюронть лопавтема, нерявтома ды паряма. Мейле костяма, яжавтома ды теема сусла. Истя ютыть 70 чиде ламо. Виень путомась жо ды шканк ютавтомась а емить стяко. Сон мейле аволь ансяк явавтсы симеманк, но эште канды лезэ шумбрачизэнк. Эдь те симемапелесь диетической, профилактической, стувтовты сиземанть ды максы вийть важодемантень. Неень шкасто позанть теемс шожда, микшнить анок сусла.

 

 
Сась шка кекшемс телень оршамопельтнень

Сась тундось. Каинек лембе оршамо-карсемапельтнень, ансяк зярс эште апак кекше ванстома таркас. Васняяк весе телень оршамопельтнень урядамодо икеле эрявить ванськавтомс петнявкстнэнь эйстэ, муськемс ды кудосо костямс. Понань, кедень ды мехстэ изделиятнень а эряви костямс батарея маласо. Аволь ансяк оршамопельтнень, истя жо карсемапельтненьгак. Теле лангс кекшемадо икеле оршамопельтне ды карсемапельтне витневить ды пандтневить. Сы телентень сынь уш улезт анокт.

Мехенть ды замшанть ванськавтомадо

Натуральной мехесь ванськавтови истя: пель литра ведьс саевить 1 вишка пенчке нашатырь ды 3 вишка пенчть сал. Те ведьсэнть начтозь ватынесэ езамс мехенть, мейле ютамс ванькс салфеткасо ды судрямс.

Замшась ванськавтови сода марто ловцосо. Стопка ловцонтень каяви 1 вишка пенч сода. Замшасто оршамопелень сивесь, ожа петне ды зепе крайтне секе тев ванськавтомат резинань щеткасо эли казямо губкасо.

Подробнее...
 
Кудоютконь тевть-валт

Тундось – чакшс цецянь озавтомань шка. Шкась юты, ды кодамо вишкине цецясь аволь уле, зярдо а зярдо сонензэ чакшось тееви вишкинекс ды модантькак эряви полавтомс, эдь модастонть саеви весе лезэвесь ды сон тееви «кулозь» модакс. Седе, кода тень видестэ эряви теемс, минь евтнетяно эсенек ловныцятнень туртов.

1. Таргинк цецянть ташто чакшстонть, бути ундокстнэ модасонть пек понавсть, цецянть эряви озавтомс лия чакшс. Ундокстнэстэ лишной моданть эряви сорновтомс.

2. Од чакшонть потмаксос каядо 3-4 сантиметрань сэрьсэ керамзит, сон кувать кирди летькенть ды корентнэнь вансты наксадомадо.

3. Озавтынк цецянть чакшонть куншкас. Од чакшось улезэ седе келей ды сэрей икельценть коряс 1-2 сантиметрадо.

4. Почододо од мода ды матрынк. Путынк чакшонть кедьге лангс ды валынк цецянть ведьсэ истя, зярс ведесь а лиси кедьгентень. Пель часонь ютазь кедьгестэнть веденть валынк.

Подробнее...
 
<< Первая < Предыдущая 1 2 3 4 5 6 7 8 Следующая > Последняя >>

Страница 5 из 8

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...