Рубрикатор

Домашнее хозяйство Экзотикань фруктатнень лезэв ды зыянов ёнкстост
Экзотикань фруктатнень лезэв ды зыянов ёнкстост

Экзотической фруктатне аламо кинь кадыть мельтеме. Эряви содамс, кода примасы те тантей фруктанть организмась? Эдь эрьванть улить эсензэ лезэв ды зыянов енксонзо.

Мода лангсо эрямонть Пазось уш икелев весе ладсизе, кода ломантнень, истя эриенть ютксо. Бути ломанесь эри пси енкссо, сонзэ туртов тосо касыть истят касовкст, конат экшелгавтыть веренть, теить сонзэ седе вецанакс. Истят касовкстнэ кастыть ярсамонь меленть, мезесь пси шкане сеедьстэ а моли. Бути ломанесь эри якшамо енкссо, тосонь касовкстнэ максыть седе ламо вий ды виевгавтыть верень якамонть организманть эждемга. Секс кедрань пешттне седе оевть фундуконть ды грецкойтнень коряс. Ков седе пелеве ено касы кедрась, тов сонзэ пештень оесь ловови седе лезэвекс.

Минек енкссо чуросто вастневиця эрьва кодат мазый фруктатне кенярдовтыть сельменть, а вана организмась кенярды-арась сынст эйс?

Эйкакшонь ярсамопельс экзотической фруктатне совавтовить аламонь-аламонь, колмо иестэ саезь. Колмо иес эйкакшонть андома ансяк теске кастозь эмежде ды фруктадо. А мереви эйкакшонть андомс сеске папайянь, маракуйянь ды карамболань салатто, эряви максомс мезеяк вейке ды аламошка. Аламонь-аламонь порциянть ламолгавтомс. Вейке фруктантень тонадовомадо мейле максома лия.

Авокадосонть кирдевить истят веществат, конат ванстыть курго потмонть, авань мештенть онкологической орматнеде, истя жо седеень ды сельмень орматнеде. Авокадось валгсты холестеринэнть, сон лезды максонть ормалгадомадо. Тевс нолдави эйкакштнень анемиядо лецямсто. Авокадосонть кирдевить ламо белок ды жирт, секс сон пек содавикс вегетарианецтнэнь ютксо. Авокадось энергетической питнейчинь коряс икельди сывеленть ды алтнэнь, сон совавтозь Гиннессэнь рекордонь Книгантень, кода масторлангсонть сехте лезэв фрукта.

А мереви ярсамс авокадодо сеть ломантненень, конатнень аллергия латексэнть лангс. Авокадонть потсо ловажинесь пек зыянов, сонзэ эйстэ мик морявкшныть, секс плодонть кавтов керямодо мейле сонзэ сеске ертома.

Ананасось лезэв артритсэ, бронхитсэ, пневмониясо, педиця (инфекционной) орматнесэ сэредемстэ. Вансты организманть инфарктто, атеросклероздо, сантнэнь пекставомадо, инсультто. Теде башка, ананасось лезды неврозонь ды депрессиянь шкасто. Ананасто эряви ярсамс максонть сэредемстэ, зярдо ломаненть эйсэ анемия ды стака ормасо сэредемадо мейле организманть кемекстамга.

А мереви ярсамс ананасто язвасо, гастритсэ сэредемстэ ды зярдо покш кислотностесь. Аволь кенерезь ананассонть ули вещества, кона пице курго потмонть. Бути плодонть сускомадо мейле турватне кармить ризнэме, сестэ истямодонть ярсамс а эряви. А мереви ярсамс ананасто пешксесэтненень.

Бананось валгсты давлениянть. Гипертониктненень чизэнзэ эряви сэвемс кавто банант. Медь марто човорязь бананось оймавты седеень сэредьксэнть. Банансонть кирдеви ламо фосфор, кона пек эряви пряудементь туртов. Сон вансты инсультто. Истя жо бананось лезэв андыця аватнененьгак, сон вадрялгавты потеловцонть. Кинень эряви пурнамс сталмо, сетненень зярыя ковонь перть эрьва чистэ сэвема кавто банант.

А мереви ярсамс банандо диабетсэ сэредицятненень ды конат пелить эчкелгадомадо. Истя жо покш кислотность мартотненень. Банандо пек ламо ярсамось пачти сюлотнень тороземас.

Грейпфрутось виевстэ роботавты максонть ды ули сэпень ливтемань енксозо. Вадрясто пулты а эрявикс куянть (пултыця веществась кирдеви долькатнень ютксо пленкасонть). Грейпфрутонь костязь кедень порошокось, ярсамопельс каязь, кемексты верень сантнэнь. Соконть симить вензэ лангс удомань аразде.

Теке шкастонть грейпфруттонть эрси аллергия, седе сеедьстэ эйкакштнень. А мереви эйстэнзэ ярсамс желудканть ды сюлотнень сэредемстэ, зярдо покш кислотностесь. Истя жо грейпфрутто а эряви ярсамс кой-кона надобиятнень симемстэ, беряньстэ лездыть. Зыянов сон гипертониктнень туртов – ве шкасто грейпфрутто ярсамсто ды верень давлениянть валгстыця надобиядо симемстэ карми велямо прясь, чавомо седеесь ды якстерьгады чачось.

Вейке кивисэнть кирдеви С витаминэнь суткань норма, секс кивись кемексты иммунитетэнть ды вансты инфекциядо, вити нервань системанть. Эйсэнзэ кирдевиця ламо калиенть ды магниенть кувалма, кивись валгсты верень давлениянть. Желудкасонть стакачинь ежодонть ды изжогадонть менемга эряви ярсамодо мейле сэвемс 1-2 кивить. Лезды организмасонть коллагенэнь теевемантень, мезесь теи кеденть валанякс.

Кивинть улить аллергиянь енксонзо. А мереви ярсамс сетненень, кинь сеедьстэ калали пекезэ.

Лаймась, кода лимоноськак, сюпав С витаминсэ ды калийсэ. Лезды валгстомс верень давлениянть, менемс депрессиядонть, алкоголизмадонть ды таргамодонть. (Ков седе пиже лайманть кедезэ, тов сон седе кенерезь.)

Лайманть эйстэ сеедьстэ эрси аллергия. А мереви ярсамс желудканть, сюлотнень, пичетнень ды гепатитсэ сэредемстэ.

Мангось одкстомты кеденть. Улить противовирусной енксонзо, пек паро ливтетемадо. Мангосонть пек ламо А витаминэнть кувалма, сон лезэв «куриная слепота» ормасо сэредицятненень (сундерьгадозь беряньстэ неить). Ламо бета-каротинэнть кувалма (мангосонть сондензэ морковдо ламо), сон вансты раксо ормалгадомадо.

Нама, улить аллергиянь енксонзояк: таргозить турватне, кеденть лангс лиснить пупоркат. Мангодонть ярсама кенерезь, пиженть эйстэ кармить лазнотомо сюлотне. Сонзэ а эряви човорямс алкоголь ды ловцо марто.

Папайясь валгсты холестеринэнть, вансты седеень-санонь, эзнень ды сельмень орматнеде. Улить сезялонь панемань енксонзояк. Валгсты желудкасонть лишной кислотанть, секс папайядонть эряви ярсамс зярдо желудкасонть покш кислотностесь ды тень юрсо эрси изжога ды гастрит. Лезэв сон бронхиальной астмасо сэредемстэяк. Папайянь соконть тевс нолдыть позвоночникень сэредемстэяк: сонзэ эйсэ кирдеви фермент, кона леци позвоночниктнень ютксо дисктнень вейсэндямонь тканенть.

Папайядонть ярсамодо мейле лиясто эрси аллергия. Аволь кенерезь папайясонть кирдевиця ловцось (млечной сокось) пек зыянов. Эсь зыяновчинзэ сон емавтсы, зярдо ашосто тееви тюстомокс, вецанакс.

Маракуйясь пек лезэв пищеварительной ды седеень-санонь систематнень сэредемстэ. Сон оймавты ды вадрялгавты удоманть. Валакавты кеденть. Лезды депрессиянь шкасто, оймавты эрьва кодат сэредькстнэнь.

Маракуйянь кедьсэнть кирдевить цианидт, секс сон зыянов. Истя жо сонзэ эйстэ эрси аллергия.

 

Новости

Путин казизе Волковонь Александр Невскоень орденсэ

Россиянь Президентэсь Владимир Путин тешкстась Указ «О награждении государственными наградами Российской Федерации». Зярыя кементь фамилиятнень ютксо Мордовиянь Прявтось Владимир Волков. Государствань руководителенть Указонзо коряс сонензэ максови Александр Невскоень орденэсь.

Подробнее ...
 
Кулят мэриясто

Ошонь Администрациясо ютась промкс, кона ушодовсь коммунальной техниканть телентень анокстамодо кевкстематнестэ. РФ-нь МЧС-нь ГУ-нь МР-нь представительтне пачтясть, маласо читнестэ Саранскойсэ температурась валги -5 градусос, чить термометрась невти +1, +2 градуст. Карми прамо начко лов. Ошонь прявтось Пётр Тултаев тешкстызе, машинань ветницятне чарыст зярс эзизь полавто. ГИБДД-нь важодицятне мерсть, ветницятненень ютавтыть профилактической кортамот. «Чуваронь-салонь почодыця машинатне телень шкане улест весе зыянов таркатнесэ, сэдтнень вакссо, пандопряв молиця килангтнесэ. Ошонь хозяйствань департаментэнь важодицятне кадык стувтсызь оймсема читнень. Субутась тынк туртов – важодемань чи», – мерсь Пётр Тултаев.

Подробнее ...
 
Литературанть марто вейсэ

А.С.Пушкин лемсэ республикань Национальной библиотекасо ютась «Литература и природа – рука об руку» эрьва иень акциясь. Сон юты колмоцеде ды тедеде алтавсь Экологиянь иентень. Сонзэ ютавтыцятне – Ицялбуень куншкакуронь библиотекась, «Смольный» национальной паркось ды А.С. Пушкин лемсэ библиотекась.

Подробнее ...
 
Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...