Рубрикатор

Домашнее хозяйство Шумбрачинь кемекстыця ярсамопельть
Шумбрачинь кемекстыця ярсамопельть

Россиянь Журналистэнь вейсэндявксос совицясь, республикань содавикс сёрмадеесь Тамара Геннадьевна Волкова 35 иеть важодсь васня Саранскоень медицинской препаратонь, мейле «Биохимик» панжадо акционерной обществань предприятиянь покш тиражонь газетасо. Тамара Геннадьевна – кавто тейтерень ава, кавксо нуцькань сырькай. Текенень поладсынек, сон покштояк покш мель яви 91 иесэ аванстэнь, Павлычева Надежда Ивановнанень, кие кодгемень иеть важодсь «Ардатовский» совхозсо ды пингень перть эри Орданьбуень Редкодубье велесэ. Аволь умок, пенсияс лисемадо мейле, Тамара Геннадьевна тусь эрямо тиринь велев, тетянзо-аванзо кудонтень. Павлычевтнень раськенть свал ульнесь покш садпирест, конань мельга икеле якась весе сынст покш семиясь.




Виде, ней эйстэст велесэ аволь ламо кадовсть, ламот юткстост тусть ошов ды срадсть масторонь келес. Тамара Геннадьевна жо весе неть иетнень перть эзизе кадно тиринь веленть, эдь пек вечки садпиресэ эрьва мезень кастомо, мейле раськетненень явшеме. Юткошкасто сон сеедьстэ якси маласо вирентень, косо касыть ламо ягодат ды пангот. Сонзэ валонзо коряс, васенцекс лисить морчкатне. Виде, икеле минь паро пангокс эзинек лово, ансяк шкань ютазь тонадынек сындест ярсамо ды видестэ пидемест. Кода мерсь тенек ялганок, васняяк сынст ванськавтомат салмукстнэде-мезтнеде, мейле вейке часос нолдамат кельме ведьс. Ведьстэ таргамодо мейле керсемат  ды 15 минутань перть лакавтомат салов ведьсэ, седе тов каямат дуршлаг лангс, шлямат ды чудевтема лангстост веденть. Тень эряви свал теемс, штобу эйстэст туевельть зыянонь кандыця веществатне, конат эйсэст улить.

Морчкатнестэ ямось

 

Истямо ямось пидеви шужонь ямкс марто, истя жо фасоль мартояк пидекшнить эйсэнзэ.

Мезе каяма:0,5 кг морчкат, 3 модамарть, 1 чурькапря,200 г фасоль, копёрт-мезть, салось – танстень коряс.

Кода пидема: васняяк лопавтема 8 часос фасоленть, мейле пидема (седе паро саемс ашо фасоленть).

 1,5 лведенть лакавтома, тов каямат анокстазь панготнень (вере теде ёвтнинек, кода тень теемс), вете минутань ютазь каяма керсезь чурька, салтома, човоряма. Оштё 15 минутань ютазь каинк икелепелев пидезь фасоленть.

Модамаренть керсема палнэсэ ды каяма кастрюляс пиеме. Столь лангс путомадо икеле почодынк копёрсо, пиже чурькасо, петрушкасо. Истя жо мереви каямс вейке пенчке велькс.

 

Салведесь пек паро

пси читнестэ

 

Пси шкане ямонть таркас Т.Г.Волкова сеедьстэ тейни салведь эли рассольник. Салведенть анокстыть садпиресэ касыця пиже тикшетнестэ: чурькалопат, од редискат, куярт, бути кенерсть. Оштё пидема алт ды керсезь каямат тов.

Весе тень эряви парсте керсемс, – пачти Тамара Геннадьевна. – А вана пидезь колбасанть таркас свал кайсян саразонь эли куркань сывель. Пек седе тантей лиси! Сывеленть истя жо керсинк палнэсэ. Бути сывеленк арась, каядо кал, икелепелев сонзэ ванськавтозь. Оштё монь мельс пек тукшны, бути тов каян умбравонь керсезь лопат. Сынь кизэнь ямонтень ризаня тансть максыть.

Седе тов сонзэ вецакавтынк позасо, брагасо эли режнезь ловсосо. Кие мезе марто вечки. Бути каятадо поза, велькскак кавтошка пенчть каядо, сестэ седеяк пек тантей карми!

 

Лециця тикшетнеде

 

Весе содасынек пиципалаксонть. Тундонь пиципалаксстонть пидеви аволь ансяк шумбрачинтень лезэнь кандыця, истя жо тантей ям. Учёнойтне кемевтить: пиципалаксось кепетевти иммунитетэнть.

– Эряви содамс, ярсамопелекс саемс пиципалаксонь од лопинетнень, – ёвтни Т.Г.Волкова. – Седе паро сынст пурнамс китнень эйстэ ве ёно, велестэ-косто.

Пицевксэнть урядамга, ансяк пурназь ды шлязь пиципалаксонть нолдынк лакиведьс ды кирдинк 3 минутань перть. Седе тов кадык чуди ведесь, лопатнень костинк нардамосо. Теде мейле сонзэ апак пеле керседе, сон а карми пицеме.

 

Пиципалакссто

ярсамопель

 

Саема: 400 г пиципалаксонь лопат, вейкетьстэ пиже чурька, петрушка, копёр, редиска, велькс эли чиньжарамонь ой.

Кода анокстамс: пиципалаксонть ды пиже тикшенть керсинк, редискастонть чова кругт тееде. Пештинк весе кедьгес, аламодо салтынк, каядо тов велькс эли чиньжарамонь ой. Истя жо, бути ули меленк, оштё тов путодо пидезь ды керсезь алт, сыра, од куярнэть ды мезе меленк.

Маень

пиципалакссто ям

 

Истямо мазый ямось пек тукшны эйкакштнень мельс. Сон анокстави пек курок ды шождасто.

Саема:200 г пиципалаксонь лопинеть, пиже чурькалопат, копёр, пейне чурькань кавто палнэть, 3 модамарть, 3 алт.

Лакавтома1,5 лведь. Пиципалаксось керсема ды нолдама лакиведентень, салтома ды вишкалгавтома толонть.

Керседе оштё пиже тикшеть ды пиже чурька ды каинк кастрюляс. Ванськавтозь модамаренть аволь покшсто керсинк ды нолдынк те бульононтень. Меельцекс каямат алтнэнь. Каинк сынст кедьгес ды човоринк парсте, зярдо модамаресь пии, човинестэ каинк тов алтнэнь, свал вилкасо сонзэ човорязь. Пидинк оштё вейке минутань перть ды ямось анок.

Истямо ямонтень мереви каямс велькс ды мазылгавтомс пиже тикшесэ. Содадо, те ямось тантей кода псистэ, истя кельместэяк.

 

Салат тюжа цецинестэ (одуванчик)

 

Те салатонть туртов ладить куш кодамо пиже тикшеть, конат муевить садпиресэ, тюжа цецянь лопат – 5-6 шт., 2-3 тарадкеть пиципалакс, 3 редискат, пиже кснавонь 3 нетькст, пиже чурькат, пейне чурькань 3 лопат, шукшторовонь 3 лопат, копёр ды петрушка.

Заправканть теема истя: 2 покш пенчть чиньжарамонь ой, 2 покш пенчть лимононь сок, 1 покш пенч бальзамической уксус, 1 вишка  пенч сал.

Тюжа цецятне сэпейть, секс ярсамопельс седе молить оштё ацветицятне, эли конат ансяк ушодсть. Лопатнень лопавтемат пельчасос салтозь ведьс сэпенть туемга. Овсе од лопинетнень илинк лопавте. Танстень коряс рукколанть ёнов молить. Пиципалаксонь лопатнень ёрвалдынк лакиведьсэ, мейле нолдынк кельме ведьс, веденть эйстэст пурдынк. Кадовикс пиже тикшенть парсте шлинк, веденть эйстэ сорновтынк ды вишкинестэ керсинк. Редискань, тюжа цецянь, кснавонь вишка лопинетнень кадынк целасто. Весе анокстазентень каинк заправканть, конадонть вере ёвтынек. Танстень коряс каядо порцька ды сахар. Заправканть каямодо мейле стамбарнэ сонзэ човоринк, мазылгавтынк метань цецясо, лимононь палнэсэ ды истя седе тов. Ды сеске путынк сонзэ столь лангс. Тантей ярсамо!

 

Лезэв превспутоматнень сёрмадынзе Валентина Юдина

 

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...