Рубрикатор

Домашнее хозяйство Инечинь алтнэнь мазылгавтомась – кезэрень кой
Инечинь алтнэнь мазылгавтомась – кезэрень кой

Овсе курок карми православной христиантнэнь сехте валдо кенярксчись – Инечись. Ламот кудазораватне ней уш вешнить рецептт куличтнень, эрьва кодамо прякинетнень, топонь пасханть пидемань-панемань коряс ды, нама, алтнэнь мазылгавтомань коряс.

Инечинтень алтнэнь мазылгавтомань коряс лувтнеде ламо. Тенень алтавияк минек течинь статьянок. Бути тынь бажатадо мазыйстэ ды лия ёнов амолиця ладсо артомс алтнэнь, те сёрмадовксось тынк туртов.

Алонь артомань тевесь мельстуиця ды сон пек вечкеви эйкакштненень. Ледстнян, кода вишкинестэ, зярдо авам Инечинень ушодыль алонь артомо, минь лелянь марто покш мельсэ кундылинек тензэ лездамо. Нама, сестэ артомапельтнеде ульнесть аволь истя ламо, ансяк ялатеке мазый алтнэ пек кепедильть меленть. Течи жо артомкатнеде эрьва кодат пек ламо. Ансяк алкуксонсетнень а эрявить стувтнемс ды истя жо нолдамат тевс. Ды бути роботавтомс пряудементь, можна получамс пек мазый алт, конатне кармить кенярксчинть мазылгавтомакс.




Лезэв превспутомат

Артоманть туртов седе паро саемс ашо алтнэнь. Сынст лангс артомапельтне педить седе вадрясто. Пидемадонть икеле алтнэнь паро бу кирдемс комнатань температурань ведьсэ зярыя част. Теде мейле, пидемань перть лукшось седе а лазнови. Текень туртов ведентень каяма 1-2 пенчть сал. Бути навамодонть икеле алтнэнь ёзамс спиртсэ эли сапонень ведьсэ, сынь артовить седе вейкетьстэ.

Теке марто, штобу алтнэ цитневельть, артомадонть мейле сынст вадрясто костямат ды ёзамат чиньжарамонь ойсэ.

Мазылгавтано

салфеткатнень вельде

Истямо лувсо навамонть вельде лиси мазый, мраморной, пиземечирькень тешкс марто артовкс. Тееви весемесь пек шождасто.

Эряви саемс пидезь алт, артомапельть (ожо, якстере ды сэнь тюсонь), конёвонь салфеткат, медицинань шприцт (весемезэ 3).

Артомапельтнень човорятано пси ведьсэ (зяро саема веденть, ловнодо артомкатнень лангсо максозь инструкциястонть). Пидезь алонть тапардынк салфетканть потс.

Лезэв кармавтома! Тонгодо резинань перчаткат, штобу а ваднемс кедтнень.

Шприценть вельде мельга-мельцек алонть лангс ваднетяно артомкатнень. Бути шприценк арась, саеде вишка пенчке. Артомканть каямодо мейле салфетканть парсте лепштяма алонтень ды истя кадсынек 10 минутас. Мейле сайсынек салфетканть ды несынек мазычинть.

 

Пиземечирькень тюссо алт

Истямо лувсо артозь алтнэсэ редяви пиземечирькесь. Сон а саи ламо шка ды кенярдовтсы сельменк эрьва кодамо тюссо.

Сайтяно пидезь алт ды артомапельть (пищевойть). Башка чакшка човорясынек колмо тюсонь артомкатнень: сэненть, якстеренть ды ожонть.

Васняяк алонть пензэ нолдасынек якстере ведентень ды кирдтяно 2-3 минутат. Учотано коськеманзо. Текень жо тейтяно ожо артомканть марто. Меельце эскельксэкс карми сэнь тюсось.

 

Тевс нолдатано

рисэнть

Мазый алтнэнь теемасо лезды рисэсь. Те лувонть тевс нолдазь, лиси эрьва кодамо тюсонь цела палитра.

Сайтяно ведень артомапельть (куш кодамо тюсонь), алт, рис марто пластикень банкинеть.

Банкинева пештясынек рисэнть, каятано аламошка артомапель ды човорясынек. Пидезь алонть путома рис марто чакшонтень, пекстама вельтявкссо ды сорновтнема.

Штобу алонть лангсо улевельть зярыя тюсонь петнынеть, теке алонть марто текень жо тейтяно лия артомкатнесэяк.

 

Декупажонь техникасо

Декупажонь техниканть юрсо кирдеви се ёнксось, што анокстазь алтнэнь минь карматано педявтнеме конёвнесэ.

Тень туртов сайтяно эрьва кодамо тюсонь салфеткат, пидезь алт, алонь ашонть.

Салфеткастонть сайсынек алце слоенть, керясынек мельстуиця артовксонть. Кисточканть вельде алонть ваднесынек алонь ашосонть, ладясынек керязь артовксонть ды таго ланганзо ваднесынек.

Теемс пек шожда. Лиси жо пек мазый.

 

Мраморонь алтнэнь тейтяно чурька лукшонть вельде

Бажатадо теемс мраморонь тюсонь алт. Те лувось тынк туртов.

Сайтяно чурькань лукш, апак пиде алт, зелёнка (10 алс 1 суликине), капрон (марля, бинт).

Чурька лукшонть човинестэ керсесынек васонькасо. Апак пиде алтнэнь начтомат ды кеверькшнемат лукшсонть. Мейле путомат капрононть потс ды кеместэ сюлмамат. Алтнэнь путтано ведь марто кастрюляс. Каятано 1-1,5 пенч сал ды зелёнканть (човорямс а эряви). Алтнэнь пидетяно 20 минутат. Мейле ёрвалдсынек кельме ведьсэ ды таргасынек капрононть потсто. Меельцекс цивтердоманть туртов алтнэнь ваднесынек ойсэ.

 

Кенярдовтано

эйкакштнень

Инечись – семиянь кенярксчи. Ды пек паро, бути сонензэ анокстамосонть эсь ёрокчист невтить весе. Ули мелем ёвтнемс ловныцятненень желестэ теезь алтнэде, конатнень анокстамсто ули весёла эйкакштнененьгак.

Истят алтнэнь анокстамга эрявить куш кодат сокт (эрьвадонть 200 гр.), желатин, алт.

Васняяк анокстатано алтнэнь. Эрьва алонть пензэ пельсынек пеельсэ ды потмонть каясынек чакшос. Мейле сынь тыненк эрявить паневкстнэнь анокстамсто. Секскак илядо мелявто, стяко а ёмить.

Чаво алонть потмонзо парсте ёрвалдсынек ведьсэ. Теде мейле алтнэнь пуштасынек 200 градусос эждезь духовкасо 10 минутат.

Соконтень каятано 10 гр. желатин ды човорясынек. Вишкине воронкиненть вельде соконть каясынек алонтень ды кадсынек вейке вес кельмеме.

Мейле ванськавтсынек лукшонть ды алтнэ анокт.

Истямо алтнэс эйкакштне пек кецить. Седе пек, бути те тевенть кармить тееме мартонк сынськак.

Бути меленк желестэ истят алтнэнь теемс зярыя тюсонь, соктнеде саеде вишнянь, апельсинэнь, мандаринэнь. Истя жо мереви саемс кока-кола ды тархун.

Юлия ЕРЕМИНА

25.04.2019

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.