Рубрикатор

Домашнее хозяйство Капстань салтомань салавачитне
Капстань салтомань салавачитне

Те чис а содави, кить васенцекс ушодсть капстанть салтомо-чапавтомо. Историктне кемекстыть, те – китаецтнэ. Эдь эштё минек эрадо икелень III пингестэнть важодицятнень, конат стявтсть Китаень Ине стенанть, андсть рисэнь винас чапавтозь капстадо. Течи велетнесэ капстанть чапавтыть парьс, штобу теленть  перть сатоволь. Ошонь эрицятне истя а теевить, ванстомс а косо. Балконсо телень якшамотнестэ капстась кельми, холодильниксэ таркаськак аволь ламо, температураськак аволь истямо.

 

Нама, капстанть чапавтомась – те телентень сонзэ анокстамонь вейке ёнксось. Салтоманть ды мариновамонть коряс, чапавтомась саи ков седе ламо шка. Ансяк вана, зярдо весемесь удалы, минек карми тантей ды лезэв продукта. Капстасонть кирдеви пек ламо С витаминдэнть.

Чапавтоманть туртов ладить сёксень сорттнэ, конатнень прятне калгодот ды эйсэст малав овсе арасть пиже лопат. Зярдо капстань лопатне ашот, сестэ эйсэст ламо сахар, конась истя эрявикс чапавтоманть туртов. Кизэнь сорттнэ салтомс а маштовить. Васняяк, коцёност лавшо ды пиже, ды сахаргак эйсэст пек аламо, чапавтовить беряньстэ.
Капстанть керсемадо икеле шлямс а эряви, ансяк сезинк пиже лопатнень ды керинк раужкадозь таркатнень. Эмеженть 10 килограммас саеви 200-250 граммат сал (аволь йодированной, сон капстанть чевтемгавты). Седе ламо салось а эряви каямс, сон лоткавты чапавтоманть. Теке марто салось ливти витаминтнэнь ды минералтнэнь.
Чакшонть потмаксос, козо тынь пурныде салтомс капстанть, путодо зярыя капстань лопат ды почодынк сынст салсо, штобу чевтемгавтомс. Лангаст – керсезь капстанть. Матрадо сонзэ семс, зярс а лиси сокось. Капстанть ланга ацадо коцт, а уш мейле чувтонь решётка эли фарфоронь чакш. Сынст лангс уш путови сталмо. Зярдояк илядо путо памориця (кирьпець) эли чеменьсэ вельтявиця (кшни) сталмо, сон коласы ярсамопеленть.
Зярыя часонь ютазь капстанть ланга лиси чов: чапавтомань тевесь ушодовсь. Човонть сеедьстэ эряви сайнемс. Васняяк сондензэ карми ламо, аламонь-аламонь овсе лотки лисеме. Зярдо човось лотки лисемадо – капстась салтовсь. Ды илядо стувтне капстанть човорямс, штобу ливтемс эйсэнзэ пурнавозь сероводородонть ды углекислой газонть (бути тень а теемс, капстась карми сэпев).
Весе шканть перть, зярс моли чапавтомась (те малав кемень-кеветее чить), эмежтне улест вельтязь салведьсэнть. Бути ведтенть аламо, каядо салов ведь.
Лия эмежтне, умартне ды ягодатне, конат каявить капстанть юткс, парсте чапавтовить, ванстовить ды топавтыть сонзэ лезэв ёнкстнэнь: пурькась топавты чапавтозь капстанть каротинсэ; умартне сюпалгавтыть С ды Р витаминтнэсэ; пизёлось ды ламбамо порцькась – С витаминсэнть ды каротинсэ; чейумаресь ды пичеумаресь – бензойной кислотасо.
Эряви меремс, покшсто керсезь (кавтов, нилев) салтозь капстасонть ванстовить кавксть седе ламо витаминт. Чапавтозь ды видестэ ванстовиця капстась эсь лезэвчитнень кирди кото-кавксо ковонь перть.

Тейтяно цятордыця капстанть

Лиясто теят весементь рецептэнь коряс, капстась жо лиси чевте ды аволь тантей. Арсят, мекс жо сон эзь удала? Специалисттнэ тешкстыть, чапавтомс маштови аволь эрьва капстась. Ды тевесь тесэ аволь ансяк капстапрясонть. Керинк капстанть кавтов, ванынк капстанть потмо лопатнень эчкест. Бути коцёнось калгодо, а чова лопинетне аштить вейке-вейкес педязь, эмежесь маштови ансяк свежасто ванстомс. Эйсэнзэ соктонть пек аламо, чапавтомась карми молеме беряньстэ. Бути жо капстапрясь эчке, ашо лопа марто, апак кавтолдо керседе сонзэ. Технологиясь истя жо саи башка тарка.
Мекс жо капстась чевте? Тувталтнэде тесэ зярыя. Чапавтоманть ушодынк лембе шкасто. Саиде кизэнь сорт. Паряк, аламо салось эли салтома шканть перть коштось лиссь беряньстэ. Чевте капстась мейсэяк а явови: танстесь, тюсось, чинесь некеть. Ды сонзэ мереви ярсамс.
Зярдо капстась наволо. Наволо капстась лиси эйсэнзэ кирдевиця коштонь ламочиденть, конась касты мицелиальной оргатнень. Неть оргатне зыян а кандыть, эрявить сынь чапавтомань васень шкастонть ды аволь ламо. Бути жо сындест пек ламо, капстась коли. Секскак свал ванодо, чапавтовиця капстась свал улезэ вельтязь салведьсэнть.
Сэпев капстась лиси чапавтомань температуранть аламочиденть (+18 градусто аламо). Истя жо зярдо прятне ульнесть аламодо кельмезь, эли пек салтынк. Капстанть танстезэ ашти кастомань условиятнень эйстэяк.
Капстась чапамо. Штобу капстась вадрясто чапавтоволь, эрявить маслянокислой бактерият. Сынь появить, зярдо температурась 18-20 градуст лембе. Бути жо чапавтомань температурась седе покш, неть бактериятне ламолгадыть пек эрязасто. Сынь колытькак капстанть ды чапаськавтыть.


 Капстань салтомань рецептт

«Северной»

Керсезь капстанть каить лакиця салов (50 г сал капстань 1 кг) ведьс ды пидить 3-10 минутат (штобу саемс сэпенть), мейле кельмевтить. Чакшонть (чувтонь эли эмалированной) потмаксос каить духовкасо тюжалгавтозь розень кши, молоткасо чевтемгавтозь шукшторовонь тарадкеть ды копёр, сынст лангс слойсэ капстанть (специясо почодозь). Теде мейле капстанть лангс каить веденть, конасонть сон пидевсь. Вельтить марлясо ды чувтонь велькссэ, лангозост путови сталмо. Кавто-колмо чинь ютазь, зярдо капстась якави, сонзэ путыть кельме таркас.

«Чешской»
Керсезь капстанть човорямс сал марто (20 г капстань 1 кг), юткозонзо каямс керсезь пурька ды чурька (малав 30 г ды 20 г эрьва килонтень), почодомс раужо порцькань кснавнеть, лаврань лопинеть, пештямс чакшс, матрамс ды путомс сталмо. Колмо чинь ютазь капстанть човордамс, штобу нолдамс пурнавозь газтнэнь, эштё чинь ютазь пештнемс суликань банкава. Салведенть лакавтомс ды каямс мекев капстанть ланга. Банкатнень лангс путомс вельтявкст, лакавтомс (литрансетнень – 10 минутат, колмо литрансетнень – 45) ды пекстамс кшнинь вельтямосо.

«Куроконь»
Куроксто капстась салтови, бути чапавтомадонть икеле нолдамс сонзэ пси ведьс ды лакавтомс. Лакиведьстэнть прянть таргамс ды сеске нолдамс кельме ведьс. Теде мейле капстанть путомс дуршлагс ды чудевтемс эйстэнзэ веденть. Теде мейле салтомс кода свал.

«Иредьстэ капста»
Капстань эрьва слоенть матрамс ды валомс аламошка ламбамо ашо винасо. Мейле весементь теема свалшкань коень коряс. Нама, истямо капстанть эйстэ а иредят, танстесь жо мельс туи.


24.10.2018

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.