Рубрикатор

Домашнее хозяйство Бондарень тевесь – алкуксонь искусства
Бондарень тевесь – алкуксонь искусства

XXI пингень инновациянь технологиятнень шкасто малав овсе стувтовсть истямо кедьёнкстнэ, кода, саемга, чувтонь парнетне. Ды, эряви меремс, сынст тейницятнедеяк – бондартнеде, течинь чине кадовсть пек аламо. Бути саемс минек Мордовиянть, весе республиканть келес бондарень ремесланть марто сюлмавозь ниле-вете ломанть. Вейкесь эйстэст – Олег Владимирович Буров – эри Покш Березник велесэ. Чувтонь парнетнень тейнеме тетянзо Владимир Михайлович марто сынь ушодсть кемгавтово иеде икеле.

– Маряви, чувтонь парненть теемасо кодаткак стакачить арасть. Анокстыть чувтонь лазнэтнень, ладсить малацек вейке-вейкенень, ды вана теть мазыйдеяк мазый парне. Ансяк аволь весемесь истя шожда, – корты Олег Буров. – Неень шкань бондаресь – те плотник, станок экшсэ важодиця ды эште ламо лия ёнксонь мастер. Сонензэ парсте содамат чувтотнень: те тевенть туртов маштови аволь эрьвась. Столяронь содамочитне тесэ истя жо аштить васенце таркасо, эдь эряви эрьва лазнэнть ладямс вейке-вейкенень. Теке шкастонть мельсэ кирдема сеньгак, штобу неть лазнэтнень коряс улевель потмаксось. Вадря бондарекс улемга мельсэ кирдема колмо прявт ёнкстнэнь – улемс аккуратнойкс, видекс ды эрязакс.

Буровтненьгак аволь весемесь мольсь шождасто ды ладс. Ремеслантень тонавтнесть зярыя иень перть. Ушодовсь весемесь чувтонь вальматнень ды кенкштнень тейнемастонть. Владимир Михайловичень строителень образованиязо, вадрясто содасы столяронь тевентькак. Аламонь-аламонь тонавтсь эсь содамочитнес цёранзояк. Олег Владимирович тонавтнесь институтсо, получась экономистэнь образования ды столяронь тевенть марто эсь эрямонзо сюлмамс, паряк, эзь арсекшнеяк. Нама, вишкинестэ озясь тетянзо марто, мезе-бути лаксиль-теиль. Теньсэ весе. Эзь арсеяк – те карми эрямонь тевезэ.

Кенкштнень-вальматнень теемась, паряк, тевесь а берянь. Ансяк неень шкань эрицятне мекс-бути седе сеедьстэ кочкить пластикстэ теевкстнэнь. Истя Буровтне ютасть щитовой кудонь тейнемантень. Сестэ республикасонок истямо мастерт ламо арасельть. Тевест мольсь а беряньстэ. Мейле жо неть кудотнень кармасть ускомо Московсто ды Пензасто. Буровтнень аламонь-аламонь таго лепштизь. Сынь кармасть чувтосто тееме мебель: эйкакшонь кроваткинеть, озамо таркат, туворт ды ламо лия мезе. Васень шкастонть заказтнэде ульнесть пек ламо. Шкань ютазь жо питнесь рамицятненень кармась марявомо пек покш. Лавкасо, бульчом, микшнить седе дёшовасто. Ансяк аволь эрьвась чарькодсь: лавкань мебелесь Буровтнень теевкстнэнь эйстэ пек явови. Кедьчелькев семиясь весементь тейсь чувтосто, вадрясто. Лавкасо жо микшнить, кода содатано, чувтонь строгавкссто ды пилявкссто теезь мебель.

Истя, весементь варчазь, весементь теезь, Олег Владимирович арсесь ушодомс чувтонь парнень тееме. Сон содась, республикасонть те ремеслась аволь пек содавикс, мастертнэде малав овсе арасть. Кортызь-арсизь ды снартнесть варчамс. Зярыя шкань перть Олег Буров те тевентень тонавтнесь Ульяновской ёнксонь вейке бондаренть кедьсэ. Тосо тевесь тензэ марявсь аволь уш пек стакакс. Велявтсь кудов. Тесэ вана весемесь ушодовськак: лазнэтне вейкеть а теевить, потмаксось сыненст а лади, парненть пурнасы – сон жо чуди. Ламо савсь озямс, ламо чувто каштомс уштомс. Зярдо жо теевсь алкуксонь парнесь, кенярксось аёвтавишкаль.

Бондарень тевесь – те наукаяк, искусстваяк. Те аволь кенкш эли вальма строгамс-теемс. Тесэ эряви цидярдома. Вейке парненть лангс пек ламо шка юты. Материалонть эряви анокстамс, чувтонь плашкинетнень теема весе вейкеть, паренть пурнамодо мейле ковонь перть кирдема ведьсэ, штобу сон вадрясто лоподевель ды мейле уш ведесь эйстэнзэ зярдояк аволь чуде. Мейле сонзэ парсте костяма. Ды ансяк весемеденть теде мейле парнесь карми анок. Теке марто тесэ ламо салавачитькак. Мертяно, чувтонть анокстама ансяк сёксня, зярдо сонзэ эзга лотки соконь ютамось. Эряви содамс сеньгак, кодамо чувтонть нолдама тевс. Мертяно, пекшень парнетне вадрят медень кирдемс, умарень – чапавтомс. Капстань ды лия эмежтнень салтомс седе ладить тумонсетне ды поенсетне, а вана винань ды коньяконь кирдемс парт ансяк тумонь парнетне.

Тешкстама сеньгак, минек ёнкстнэсэ а касыть истямо чувтот, конат маштовить парнетнень анокстамонть туртов. Минек виртнесэ касыця тумотне, пекшетне ды пойтне аволь пек кеметь. Истямо чувтось овсе а маштови, парнесь куроксто лавшомгады ды калады. Материалонть минь раматано Ульяновскоень ёндо. Тосо чувтотне пек вадрят, – ёвтни Олег Владимирович.

Васняяк Покш Березникень бондартнеде марясть республикасонть. Кармасть само ломанть. Кие симемапельтнень алов кармавты парне, кие эмежень салтоманть ды лия мезень ванстоманть туртов. Тевесь сыргась. Буровтнень кармасть тердтнеме выставкатнес ды лия мероприятиятнес. Сынст продукциядост кармасть содамо аволь ансяк Мордовиясо. Парнетнень мельга рамицят ардсть Нижегородской, Ульяновской областтнестэ, Краснодар ды Волгоград ёнкстнэстэ. Ульнесть натой Германиястояк. Буровтнень парнетне вечкевсть весенень.

Эрьвась соды, бондарень тевсэнть прявт ёнксось – экологичностесь. Парнетнень теемасо тевс нолдави ансяк чувтось, кодаткак эскеть, шурупт эли клей те технологиясонть арасть.

Буровтнень, эряви меремс, технологияст эсест. Васняяк, сынст парнетнесэ лазонь плашкинетне вейкест-вейкест марто сюлмавить полушаровой замыканиянть вельде. Лиякс меремс, лазнэнть вейке ёнксось кругловойгавтови, лиясонть жо, мекевлангт, тееви латкине. Потмаксонтькак теемасо ули салавачи. Истямо технологиянть вельде теезь парнетне пек нардевть ды сынь а каладыть сядо иень перть. Истя жо Буровтнень парнетне (конат алтавить симемапельтнень туртов) теевить салазкине марто. Истя, парнесь, мерят, ашти озавтозь салазкес. Теяк ашти явовтыця ёнксокс. Олег Буров неть эсест технологиятнень лангс арси теемс патент.

– Неть технологиятне аштить явовтыця ёнксокс минек парнетнень теемасонть. Секскак ней минь пурнатано весе эрявикс конёвтнень ды арсетяно пшкадемс Московов патентэнь получамонть коряс. Нама, покш кемема республикань Правительстванть лангс. Арсетяно, прявттнэ лездыть, – корты Олег Буров.

Теке марто Олег Владимирович вана уш зярыя иеть сови «Вальма» творческой вейсэндявксонтень, конань прявтсо ашти  Светлана Борисова артыцясь-керамистэсь. Неень шкане сынь теить покш робота 2018 иень Футболонь коряс масторлангонь чемпионатонь шкантень сувенирной продукциянь анокстамонть коряс. Арсевить теемс эрьва кодамо кедьёнкст, конат кармить невтеме минек республикань койтнень-кирдатнень, минек раськетнень культуранть. Те продукциянть ютксо кармить Олег Буровонь парнетнеяк ды чувтонь лия теевкстнэ. Неень шкане Олег Владимирович уш ушодсь анокстамо Чемпионатонтень. Сон арси, мезесь седе вечкеви республикань инжетненень, омбо масторсто ды лия оштнестэ сыця туристтнэнень.

Олег Буров истя жо свалшкань инже республикань художественной школатнесэ, музейтнесэ. Кеме сюлмот кирди республикань содавикс художниктнень марто.  Сон ютавтни мастер-класст вишкинетнень туртов. Ёвтни бондарень тевденть. Покш мелезэ – муемс бондарень тевень вечкицятнень, тонавтомс эсь тевентень лиятнень, ванстомс минек покштятнень-бабатнень коест-кирдаст.

Весе неть иетнень перть Буровтне эсь тевест кисэ тешкстазь сядодо ламо эрьва кодамо дипломсо. Казезельть «100 лучших товаров России» конкурсонь дипломсо. Тедеде сынст продукцияст кармась «Лучшие товары Мордовии» пелькстамонь лауреатокс.

Ю.Еремина

 

Новости

Депутат Госдумы РФ Сергей Чиндяскин посетил с рабочим визитом Кочкуровский район
Депутат Госдумы РФ Сергей Чиндяскин в рамках региональной недели в июне посетил Мордовию. Он прибыл в Кочкуровский район. Свой рабочий визит Сергей Чиндяскин начал со встречи с главой Кочкуровского района Светланой Герасимовой. А позже принял участие в работе круглого стола, на котором были рассмотрены вопросы по работе в муниципалитете регионального оператора по обращению с ТКО и действия программы по развитию сельских территорий. Основное внимание было уделено обсуждению проекта госпрограммы по развитию сельских территорий на 2020-2025 гг., благодаря которой у сельских жителей появится возможность решить целый ряд проблем.
В тот же день депутат посетил с.Старые Турдаки, Центр национальной культуры народных промыслов и ремесел села Кочкурово, а также экспериментальную детскую художественную школу в Подлесной Тавле.


 
Жители Мордовии обратились к Сергею Чиндяскину с пенсионными вопросами
14 июня депутат Госдумы Сергей Чиндяскин провел прием граждан в
региональной общественной приемной Председателя Партии «Единая
Россия» Д.А. Медведева.
По поводу назначения льготной пенсии обратилась к нему жительница
Саранска. Она рассказала, что проработала в психиатрии14 лет. Общий
трудовой стаж заявительницы - 32 года. В трудовой книжке имеются все
необходимые записи, но в Пенсионном фонде республики ей отказывают в
назначении досрочной пенсии. Сергей Чиндяскин взял решение этого
вопроса под личный контроль.
Подробнее ...
 
Сергей Чиндяскин обсудил вопросы развития религиозного туризма в Темникове
13 июня Сергей Чиндяскин с рабочим визитом посетил Темниковский
район Мордовии. Вместе с главой района Сергеем Кизимом он принял
участие в работе круглого стола на тему: «Сельский и религиозный туризм –
одно из направлений развития Темниковского муниципального района».
Цель данного мероприятия - привлечь внимание к развитию туризма на
территории района. Темников является старейшим городом Мордовии, имеет
богатую историю. Он связан с именами адмирала Ф. Ф. Ушакова,
основоположника мордовской литературы З.Ф. Дорофеева, первой русской
героини Алены Арзамасской и других. На территории района находится
Рождество-Богородичный Санаксарский мужской монастырь, который уже
является центром паломничества.
Подробнее ...
 
Депутат Госдумы Сергей Чиндяскин посетил Теньгушевский район Мордовии
Июньскую региональную неделю депутат Госдумы Сергей Чиндяскин
начал с посещения Теньгушевского района Мордовии. Парламентарий
провел рабочую встречу с главой района Александром Кузьминым, на
которой были обсуждены вопросы социально-экономического развития
территории. Далее он встретился с руководителем МКП «Коммунальщик»
Александром Макаевым. Тема встречи очень актуальна для всех жителей
районного центра – качество питьевой воды. Чтобы его улучшить, здесь
необходимо реконструировать 18 км водопровода и построить
дополнительный водозаборный узел. В настоящее время готовится проектно-
сметная документация. Сергей Чиндяскин взял на личный контроль решение
данной проблемы.
Подробнее ...
 
При поддержке «Единой России» состоялся Республиканский фестиваль по настольным спортивным играм среди людей с ограниченными возможностями
10 июня при поддержке партийного проекта «Единая страна – доступная среда»
на базе регионального отделения «Всероссийского общества инвалидов»
состоялся Республиканский фестиваль по настольным спортивным играм среди
людей с ограниченными возможностями. Всего на фестивале присутствовало 36
участников.
Подробнее ...