Рубрикатор

Домашнее хозяйство Якстере чевгельть
Якстере чевгельть

Якстере чевгелесь (чевгесь, чевгелинась, чангелесь, кода ансяк а лемдить сонзэ) – куракш, кона касы Россиянь, Украинань, Белоруссиянь ды Европань ламо таркатнева. Те чувтось цвети майстэ саезь июньс, панжовксонзо ашот, пиземенень качадыть тантей чинесэ, велькскаст свал ливтнить мекшть. Чевгелень ягодатне кенерить августсто-сентябрясто, ансяк пурнамс-кочкамс сынст мереви васенце кельметнеде мейле. Зярс сынст эйсэ ламо сэпе, кельменть прамодо мейле ягодатне теевить седе ламбамокс, теке марто ванстови лезэвчист.

 

Чевгеленть лезэв ёнкстонзо минек покштятне-бабатне содасть кезэрень шкасто саезь. Лецямонь кисэ тевс нолдасть чувтонть весе пельксэнзэ – ягодатнень, лопатнень, керенть. Течи ламот кастыть чевгеленть мазычинь кисэ, кода декоративной касовкс. Селекциянть вельде появасть ламбамо ягодат. Ансяк алкукс сехте лезэвекс ловови чевгелень идем куракшось, конань ягоданзо чапамо-сэпейть ды мезеяк лангс а молиця чине марто.

Чевгельчувтосонть ламо эрьва кодат веществат. Ягодатнесэ улить:

 

 пектинт – сынь ванськавтыть веренть ды клеткатнень токсинтнэде, пестицидтнэде ды радиоактивной элементтнэде. Пектинтнэ алкиньгавтыть верьсэнть холестеринэнть, паролгавтыть сюлотнень важодемаст;

 

 дубильной веществат – а нолдыть экшендеманть, бороцить бактериятнень ды вирустнэнь марто, сынст вельде куроксто пичкить ваткавкстнэ, сыявкстнэ;

 

 органической кислотат – умарень, лимононь, аскорбиновой, валериановой, коткудавонь, изовалериановой. Неть чапамотне ванстыть потмонть ормань кандыця бактериятнеде, вирустнэде;

 

 витаминт – чевгельсэнть цитрустнэнь эйстэ кавксть седе ламо С витаминдэнть, улить А, Е, К ды Р витаминт. Витаминэнь асатомась лавшомгавты иммунитетэнть;

 

 минералт – чевгелень ягодатне пурныть кальций, кшни, калий, магний, медь, никель, марганец, фосфор, йод, свинец, стронций, бром ды лия микро- ды макроэлементт.

Чевгельсэнть улить истя жо флавоноидт, липидт ды лия веществат.

 

Ягодатнеде башка, лецямонь кисэ тевс нолдыть керенть, панжовкстнэнь ды чевгелень лопатнень. Сынст эряви пурнамс чевгелень цветямо шкасто – тундонть ушодкссто. Чевгелень лопатнень тевс нолдыть киськень экшендемань орматнестэ, ваткавксонь лецямсто. Чевгелень кересь лоткавты верень чудеманть. Теде башка, лезды аллергиянть эйстэ киське лангсо лисевкстнэде. Сон коштавты киськенть, лоткавты азаргадоманть ды экшендеманть.

 

чевгелень лезэв ёнкстнэде

 

Чевгелесь лезды лецямс ды изнямс истят орматнень:

ОРВИ-нть, гриппенть, ангинанть, бронхитэнть, пищеварениянь, седеень, киськень, нервной системань ды ламо лия орматнень.

 

тикшеведь

 

Чевгелень тикшеведь (настой) – сонзэ симить экшендемстэ, седеень ды нервань орматнестэ. Сонзэ теемга эрявить коське ягодат. Чевгелень кавто покш пенчтнень лангс каяви 1 стопка лакиведь, эмалированной кедьгесэ эждеви ведень банясо 10-15 минутань перть, теде мейле кирдить 30-40 минутат ды педясызь. Настоентень каяви эштё лакавтозь ведь, улезэ 200 мл. Симить тикшеведтенть 1/4 ст. (3-4-ксть чизэнзэ кувать шкань перть).

Чевгелень сок – мезеяк марто апак човоря соконть симемс а мереви, сонзэ эйсэ пек ламо чапамо. Човорязь-вецакавтозь соконть симить гипертонической орманть пингстэ, аллергиядо, экшендемадо, невроздо, иммунитетэнь кемекстамсто. Соконь теемс эрявить вейке-кавто цюцёвонь свежа ягодат, лангозост каяви 1 стопка лакиведь, кирдить 5-10 минутань перть, теде мейле ягодатнень томбить, човорить лакавтозь ведь марто. Сэредицянтень максови сокось симемс чизэнзэ весть-кавксть       1/2 стопкань туро. 

Чевгелень керьстэ пидевксэсь – пек лезэв киськень орматнеде ды аллергиядо. Сонзэ анокстамс эряви10 г чевгелень керь ды 1 стопка лакиведь. Отваронть лакавтыть 30 минутань перть ведень банясо, мейле кельмевтьсызь, педясызь ды каить эште лакиведь, улезэ 200 мл. Симить пидевксэнть ярсамодо мейле 2 покш пенчть, чизэнзэ колмоксть.

Чевгелень чай – сонзэ мереви симемс нервной системань орматнень эйстэ, иммунитетэнь лавшомгадомадонть. Истямо чаенть анокстыть сахар марто томбазь-човорязь чевгельде. Вейке стопканть лангс каяви лакиведень 1 стопка, човоряви ды 5-10 минутань ютазь лезэв ды тантей чаесь анок.

Медь марто чевгелень настойка – сонзэ симить профилактикань кисэ. Настойканть анокстамга саевить0,5 кг товтомо свежа ягодат, конатнень парсте томбамат, ды каяма лангозост0,2 л 40% спирт ды0,5 кг медь. Тикшеченьксэнть путсызь экше таркас 10-14 чис. Симить сонзэ кувать шкань перть, чизэнзэ кавксть-колмоксть 1-2 покш пенчть.

Медь марто чевгелень надобиянть анокстамсто ягодатне томбавить, човорявить медь марто. Зяро чевгельть – зняро жо медь. Кирдеви сон 7-10 чинь перть холодильниксэ. Лецямсто вейке покш пенченть човорить 1 стопка пси ведь марто ды максыть сэредицянтень чизэнзэ 2-3-ксть.

Бути пек сэреди кирьгапаресь, эряви човорямс свежа ягодань сок ды медь, симемс ярсамодо мейле чизэнзэ 4-5-ксть (вейке вишка пенчкень туро).

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...